豬大王 (多寶大廈)

營業中

休息中

喺屯門景峰嘅豬大王相當出名，而我知道有好多人都會特登嚟食，但係我本身住附近，唔使特登去我可以成日去。坦白講佢已經冇兩年前咁好食，塊豬扒比以前細咗少少，細唔緊要係冇以前咁厚先最緊要。不過都係好食嘅。個奶茶都幾好飲。所以我間唔中都會食下。佢嘅豬扒撈粗我係食得最多。鮮豬肉片都好好食，不過份量就無豬扒咁多中意食肉一定揀豬扒可惜佢無白飯，只係得湯飯其他野食我都有試過，整體上都冇乜嘢唔好食不過豬扒係必食👍🏼

【招牌豬扒大大塊 八寶豬雜超滿足】🔹皇牌豬扒泡飯 $57🔸金牌八寶泡飯 $80豬扒炸得好靚仔，大塊厚肉不突止仲有肉汁架！配埋個勁多菜嘅泡飯，食完飽到痴線，好味又滿足。唔知有冇嗱喳野同好者🤗 我都幾鍾意食豬雜，久唔久見到吸引就會食下，呢碗八寶泡飯有豬潤、豬腰，豬肺、豬脷、豬粉腸、豬肚、豬肉丸同肉片，一次過乜都試到晒～ 內藏洗得乾淨冇乜異味，每款都煮到啱啱好爽爽地咁，全部都不俗😂有野唔食都可以單獨嗌返想食嘅款。豬潤麵都好出名，豬潤夠滑唔會好粉，不過我覺得凈食一餸太多舊反而冇食八寶咁開心🤪豬大王屯門青山公路青翠徑多寶大廈地下38號舖旺角黑布街99號昌明大廈地下C號舖

開咗都好幾年，聽身邊朋友話呢間啲豬扒好正，今日經過入去試下。皇牌豬扒撈粗，um⋯⋯um⋯⋯um⋯⋯塊豬扒似番炸多過似即炸，油淋淋，又有油益味可能以前係好食嘅，或者八寶好食嘅，下次嚟先再試

炸雞翼麵認真麻麻，炸到好脆但完全無味，豬扒好少少麵底好普通，好似清水咁最重點係廚師係廚房入面唔帶口罩口沫橫飛同侍應吹水吹到勁大聲，好騷擾侍應除埋口罩同佢一齊吹我唔知碗野究竟有幾多口水

有位大學同學帶我黎屯門小鋪食豬潤麵真係食過番尋味！鋪頭細細 我真係平時無點留意到🥺好在大學同學帶我黎食！如果唔係就錯過左喇黎到先知原來豬大王好出名 登埋上雜誌 我真係覺得自己孤陋寡聞🤦🏾‍♀️大學同學推薦我食 豬潤麵 而佢就想食 豬潤河粉豬潤厚切 好好食！ 唔會過熟又唔會太生無血水麵條又彈牙 一啖配埋果湯 好好味！鐘意食豬潤既你 一定要黎呢度試下！下次要黎試下個炸豬排 睇見隔離檯叫左份都已經流晒口水好想試 不過今次就食住豬潤麵先 留待下次再黎食過！

最鍾意食呢度嘅豬扒湯飯，個湯超好味，豬扒最出名，啲豬扒真係整到勁好食，鋪面比較細，夜晚黎有可能要等位，外賣嘅話可能都要等差唔多四個字，但係真係幾好食，真心推介佢嘅豬扒湯飯👍🏻🤩

景峰呢間豬大王一直想試好耐 搵日放假就特登過去食個午餐喺輕鐵站過條馬路就到 非常方便當日週日點零去到 都要等一陣先有位舖頭雖然唔大 但又唔會好似傳統麵舖咁逼餐牌其實唔多選擇 因為去得嘅人其實都係想食嗰幾樣嘅啫😆✨金牌八寶撈公仔麵 $75就咁睇個價錢好似好貴咁 但睇埋個量就知道其實價錢 好合理麵底有兩個 一大碗豬雜碗豬雜個湯已經飲得出好足料每款都好好食 最令筆者驚喜嘅竟然係個豬肉丸😆😆😆✨皇牌豬扒雞翼撈公仔麵 $75個麵唔駛講啦 一樣都係好大份豬扒有一大塊厚切嘅 生炸雞翼有三隻必須提一提大家 塊豬扒真係要襯熱食阿啱啱炸好嘅時候食真係好好食唔會有厚厚嘅炸粉 豬扒亦都夠juicy不過個麵煮得比較淋身🙈埋單$160左右 但其實個份量夠4個人食鍾意食豬雜嘅真係真係要試下佢阿😋

2019年9月17日（星期二）慕名而來梗係要食招牌豬扒同雞翼。豬扒芫茜皮蛋湯米線（$55)首先送上厚切豬扒，炸得啱啱好，色香味俱全，好味冇🉐️頂!不過芫茜湯米線未送上枱已經香氣四逸，奶白濃稠皮蛋湯吸收晒芫茜香味香、醇、鮮！令芫茜迷大感滿足，拍案叫絶雞翼撈粗麵 ($52)再試雞翼撈麵，碟面舖上4隻香口脆卜卜雞翼，具體演繹「吹彈得破」、「甘之如飴」的意思。原來仲有湯另上，雖然不及芫茜湯，都係冇欺場靚湯一碗雞翼皮脆肉嫩保留到鮮甜肉汁，首屈一指，比豬扒更出色👍

前幾日食左呢間豬大王。真係值得推介，湯底冇味精，仲要有報紙訪問過，湯底飲起嚟唔會太濃，但有味唔會太淡👍。豬扒應該鮮炸，都好食。我女朋友叫咗個八寶，豬膶爽口👍，其他豬雜都好味。價錢都唔算太貴。

景峰區依頭不嬲都多野食，小店為主，多數人黎都係掃街多，好少會食堂食，今日特登嚟到就試吓依間豬大王啦。餐廳就係輕鐵站隔離。呢間餐廳以麵食為主，有唔同嘅炸嘢食做主菜。朋友住係屯門，推介我食佢既湯粗麵，咁我就叫左生炸雞中翼配湯粗麵。佢既雞翼係即炸既，好辣口，出面好脆入面好鮮。再配埋湯粗麵，入面有好多炸蒜同蒜蓉提味，好惹味。另外，個餐份量十足，加埋大大杯既凍飲，都係$50，晚餐黎計，都合理，如果晚黑唔想食飯，想食麵可以食到飽。

📍豬大王即叫即炸，不過值得等！如果鍾意豬潤豬雜既朋友要去try try，好似幾出名！P.S. 食完出黎個身有陣油益味T.T—————————————————————❣皇牌豬扒湯麵（$42）一試難忘！Juicy豬扒~豬扒應該用薑蔥醃製，一入口好香嘅味道已飄出嚟，而且肥瘦均勻又唔鞋，好好心機去煎架，所以須時要15至20分鐘！真係食過翻唔到轉頭，如果湯底小啲味精仲好！.❣生炸雞翼拼皇牌豬扒撈公仔麵($75)好正！4大隻熱辣辣炸雞翼，一睇就知好食，炸皮好薄，外皮金黃香脆，中間肉汁不斷流出，雞肉又鮮嫩！！麵嘅份量好多....所以係食唔曬既～.❣凍檸茶（跟餐+$8）不得不讃下杯凍檸茶，茶味香濃檸檬新鮮，有好多餐廳都冇佢既質素，茶底好重要！！！—————————————————————不專業評分👅好味指數:4.5/5💰性價比:4/5👍🏻推薦:4.5/5—————————————————————🏡地址:豬大王（屯門）屯門青山公路青翠徑多寶大廈地下38號舖👉🏻旺角都有分店架！—————————————————————

前排朋友講開食豬扒，我就立刻諗起e間豬大王。難得今日Labour day放假，立即同朋友黎一嘗佢美味ga豬扒同生炸雞翼🙈所有豬扒同雞翼都係即叫即整，需要等10-20分鐘，但好ga野係絕對值得你花時間去等🤤登❗️登❗️登❗️登❗️❗️❗️主角出場喇❗️❗️❗️金牌豬扒👆🏻👆🏻👆🏻生炸雞翼👆🏻👆🏻👆🏻豬扒同雞翼都煎炸得岩岩好，豬扒咬落去非常juicy , 生炸雞翼外脆內嫩。最後再加埋e個足料湯飯，成餐飯真係冇得輸🙈🙈🙈

收工一條友路過景峰見到呢間野主打賣豬 就行入去試下，點知有驚喜 呢間鋪雖則唔算大但地方都算企理 坐低第一件事睇睇個餐牌 數得出豬有既野佢大部份都有 不過始終都係比佢個香煎豬扒吸引左 叫左個豬扒湯河 落單十分鐘左右就到左 一上枱塊豬扒出曬煙香噴噴應該就即叫即煎 一啖咬落去勁多肉汁味道很濃郁 非常好食👍👍價錢都好公道 份量之足 食完非常飽肚 估唔到係景峰會有咁既好野食 值得推介 鐘意食豬既朋友唔好錯過 下次一於帶埋屋企人黎試埋招牌豬潤麵

半年無食，過完年今晚自己一個去食叫左以前食開嘅豬排湯麵+皮蛋芫茜湯底上到台豬排同往年一樣美味切好一條條好易入口最大問題係整碗湯底完全品嚐唔到芫茜味成碗裹面我只搵得到2塊花生咁大皮蛋+半湯匙到差唔多一湯匙嘅芫茜如果唔係我真係有食到哩D皮蛋同芫茜，我真係以為佢俾錯碗麵我俾錢時提起，收銀果位女士就話無皮蛋係因為落單時只落左芫茜問起芫茜份量就話會同師傅講究竟係我記錯半年前D份量同湯底?定係宜家改咗D份量?

屯門一個一個的小生活區，我留下最多腳毛的，可以說是景峰花園/井財街的一帶。這一帶，有老字號，也有不斷更新面孔同名字的食店。我在這一區出沒多年，發現到這一個生活小區，在飲食上的確有許多選擇。這一次，一個人來到找東西吃，我決定選一個比較上新面孔的食肆去試，而因為我用餐的時間有限，我只想快快趣地吃好走人，而近在咫尺的，而夠新而我沒有去過的，有這一間《豬大王》。 我選的，叫做金牌豬八寶麵。換言一說，這即是有八種以豬雜為主做配料的大碗麵。配料有豬腰，豬膶，豬肺，豬脷，豬粉腸，豬肚，豬肉丸同豬肉片。咁多料，索價50多元的大碗麵感覺一點也不貴。麵的湯頭是豬雜湯，把麵吃入口時帶有濃濃的豬雜羶香，當然，香軟煙韌的各款豬雜，也令到這一個麵更加之羶香。再加上其麵條十分之爽口，令我可以直接叫好。 很好的一碗豬雜麵，食用時再配上一罐美妙的可口可樂，的確是....可樂也。下一次有機會再來，一定會再試他們的豬扒麵。