豪華餅店

酥皮蛋撻$10好味指數：9/10因為將會結束營業，嚟排隊🚶🏽‍♀️🚶🏻🚶🏻‍♂️👩🏽‍🦯👨🏽‍🦼嘅朋友都唔少，蛋撻甜度啱啱好，酥皮鬆化好有口感，一出爐就會聞到好香牛油🧈味。多年歷史結束始終有點可惜，希望大家都要多啲幫襯小店，唔好等佢結束先嚟珍惜。…查看更多

聽聞做到九月尾結業，去開九龍城點都要朝聖一下。下午三點幾去到，好多野都清晒。本想試曲奇皮&酥皮蛋撻，最終只買到半打酥皮。返到屋企食，雖然凍左但個皮都唔會淋晒，酥油香濃郁，唔油膩。蛋漿香滑，甜度適中，好味👍🏻⋯⋯如果蛋漿再多啲就更正。$10/個有點小貴，但支持有歷史舊式小店都ok嘅😋…查看更多

今早去時懷着一個緬懷嘅心情去見豪華餅店最後一面 之後就收到好消息有白武士接手 可以繼續經營落去小時候住九龍城 經常會去豪華餅店買麵包蛋撻 之後就過隔離公和飲豆漿食豆腐花 而家即使搬離咗都會經常搭車返去光顧 所以除咗發哥之外 我都係常客之一🤣本身最鍾意食嘅就係佢哋嘅雞尾包 豆沙包 同蛋撻 今日去到時發覺佢哋已經冇做麵包 只有蛋撻 曲奇餅同南乳花生 其實排隊睇告示時已經覺得可能會有後續 因為佢哋寫係「停止營業」而唔係「結業」當然情意結可以繼續延續落去係好事 始終老餅店冇其他可以代替(強如Bakehouse都唔得😅) 只希望佢哋品質可以保持落去 唔需要有太多花巧嘢就已經足夠…查看更多

呢一個係我同豪華餅店最後嘅回憶屹立左超過半個世紀嘅豪華餅店就快要同我地講再見🤧🤧🤧唔知大家喺佢未公布結束營業之前有冇幫襯過呢我之前就有買過一個叫花卷既蛋糕黎食雖然佢唔算係咩美食只不過係d蛋糕既頭頭尾尾夾雜唔同既美道但就代表到餅店唔浪費既精神亦都係傳統老師父既智慧😆我今次再幫襯黎到都已經接近收工所有蛋糕，蛋撻都賣晒但為左做最後既支持我都買左佢地既花生我好鐘意食有衣既花生粒偷佢有兩層口感😆😆😆仲要咸香十足食粥加佢就更好啊如果可以買到佢地其他產品就好喇🥲…查看更多

很多時候，我們都會以為還有很多時間，於是乎重要的東西就在時間中溜走了。曾經的九龍城是機場，然後飛機離開了，留下間間老店、街坊店。接著交通變得發達了，區外客絡繹不絕，但小店卻在無聲無息中消失，剛剛就知道在區內屹立超過40年的老餅店將於10月1日停止營業。有些事，未來只能藏在回憶中。🔸 班蘭大瑞士蛋卷要做到咁巨型，相信都好有難度。綠色的外表好打卡，瑞士卷食落同時有蛋香和班蘭味，最重要是夠哂軟熟，忌廉有一點點膩，但有時候就是喜歡這種港式口味呀！…查看更多

第一百份食評，獻俾即將逝去嘅童年回憶！😮‍💨細個周不時去九龍城沙浦打頭D，如今沙浦已經冇曬頭D機；有時會去打波，如今已經唔見曬d波友；經過豪華餅店，如果遇到新鮮出爐蛋撻，一定會買番個，如今剩下10多天，餅店就會結業。☹️佢哋嘅酥皮蛋撻，餅底好多層，好脆！唔會腍曬。蛋漿甜度剛好，質感滑溜！🕵🏻‍♂️雖然會有人話呢間店好污糟、店員好串、藍店、用好多豬油等等。🥸但我覺得，回憶嘅味道，係可以超越好多框框。喺食物本身嘅味道以外，可以令你想起到童年嘅畫面，夾雜住快樂回憶去品嘗食物，係一件難能可貴嘅事🥹呢個一定唔係米芝蓮/ 新餐廳俾到你！共勉之～…查看更多

在豪華餅店說結業前一星期, 我和太太在九龍城吃晚飯後經過, 那時它還在營業, 門可羅雀的情況在一星期後完全反轉過來, 要等個多小時才能買到其烘焙品, 一窩蜂悼念的能力真強, 其實我也是. 說到結業的理由, 就是老闆仔女出生有成, 然後退休, 再加上員工的年齡偏大, 這是開心的事, 沒什麼好不捨和傷心的.豪華餅店的評價, 兩極的情況很大情度在於其烘焙品的價錢, 例如是一般花餅要十五元, 蛋撻要十元, 原條蛋卷更要一百五十多元, 有不少食客覺得相當高昂. 如果和動輒要四五十元的西式糕點比較當然OK, 但作為屋村出身的我, 吃過兩元多的蛋撻和三四元一件的花餅, 自然會覺得它不值這個價錢.豪華的蛋撻真心不差, 蛋汁夠甜夠蛋香, 口感偏實, 酥皮層次分明, 個人喜歡牛油餅皮, 牛油香更濃, 口感香脆, 說是成名之作也不為過. 傳統花餅如黃梅蛋糕及花卷也是越來越少見, 味道就是傳統的味道, 重甜重Cream, 作為回憶的味道ok, 但如果年輕的朋友, 未試過七八十年代傳統西餅的味道, 就真的不用試了, 畢竟和現在的品味是有點分別的.Hoover had been establish at Kowloon City for near 50 years. The traditional cake and egg tarts are her trademark that can recall my child memory. When we know the news of her closure, we need to wait for hours for her cake that is amazing as she is not that crowded in weekday and weekend. The egg tart is good in texture of puff and the flavor of egg juice. It is costly but as the way to recall my memory, i still believe it is worthy trying.…查看更多

上星期六晚忽然聽到「豪華餅店」結業，而且只做到9月尾，便立即打算去重溫一下；星期日中午可能因是假期，店門外人山人海，還是決定改平日再來吧。星期一早上9時前到，見門外只有十多人，還以為不用排很久；原來因沒有限制購買數量，有些人甚至買一兩打蛋撻，因此每次出爐都好快售罄；最後等了大半個鐘，才終於排到。買了酥皮蛋撻、牛油皮蛋撻、合桃蛋糕、椰絲卷及奶油包。合桃蛋糕回家用焗爐翻熱，表面微脆，中間鬆軟，又真係幾唔錯；酥皮蛋撻明顯比牛油皮更加香脆可口，中間蛋醬香滑美味，雖然不是最佳狀態，但都幾好食；而其他兩款麵包，口感就普普通通，就是傳統的味道！還記得之前佢嘅芒果糯米糍都好好食，可惜因太忙，相信已經冇時間再做啦！而另一款花圈就未食過，相信都無機會再試了！真可惜，又一間老店要結業了；如還想保留多一點記憶，就要趁最後呢拾幾日去試吓啦！豪華餅店地址: 九龍城衙前圍道136號電話: 23820383…查看更多

行開九龍城，諗起之前bookmark咗豪華餅店，想試吓佢哋嘅蛋撻。原來有酥皮同曲奇皮，一於兩款都試晒啦！-▪️酥皮蛋撻$10▫️曲奇皮蛋撻$10-餅店以酥皮蛋撻聞名，而發哥捧場嘅係合桃蛋糕。當日去到唔見發哥，不過亦無咩人龍，所以買蛋撻都唔使等好耐。-見唔少人話員工態度麻麻，可能因為一早諗定要食蛋撻，直接叫「唔該，酥皮、曲奇各一吖」對應嘅態度又唔覺得有咩問題。本身仲話無晒曲奇皮，店員睇到仲有一隻，嗰吓心入面仲講咗句Lucky🤪只不過呢度嘅蛋撻係貴咗啲。-🥢兩隻蛋撻望落都靚靚仔仔，蛋漿貼邊，無甩皮，拎上手亦暖暖哋。酥皮鬆脆，據聞好似有64層；曲奇皮紮實，蛋漿偏甜，兩三啖就食咗隻。未去到要發哥咁每個星期要捧場，不過試一次都ok。-將於2022年10月1號結業-…查看更多

越嚟越多舊式餅店消失細細個最愛坐爸爸架車晨早去食粥+炒麵仲記得撞過發哥喺度食早餐之後就去買麵包最愛佢嘅班蘭蛋糕勁香勁好味鬆軟度又夠濕潤度啱啱好班蘭味好突出配茶，絕配其次係佢嘅肥卷 — 瑞士卷勁大條勁充實蛋香味濃食一件勁滿足可惜… 又一間舊式餅店消失了… …查看更多

同朋友第一次落九龍城，佢推介咗一間古老餅店，望真啲見到有張告示寫住於十月一日結束營業，餅店婆婆話太辛苦唔再做了🥲 返到屋企見到新聞報道，原來就係今日先作出呢個決定⋯呢個果占蛋糕超級軟熟，而且入口即化！入面夾咗果占酸酸甜甜，非常夾！朋友話試過買佢個淨蛋糕自己返去搽果醬，結果完全唔係個回事🙈估唔到我第一次幫襯就已經係最後一次😭…查看更多

之前灣仔嗰間傳統餅店真係好好味，執咗真係好可惜.上網見到尼間係九龍城都係較舊式餅店一於試試佢結果買咗四件$50 total （都唔平）.花卷真係唔啱我口味食食下仲有啲苦 啲cream冇味 又唔濕潤 勁乾食咗兩啖 我就冇再食好彩買咗一件試吓咋.酥皮蛋撻完全冇特別 失望 完全冇蛋香本身想要一個牛油一個酥皮但係個阿婆執錯咗.朱古力曲奇更加唔好味 偏林 散 朱古力味牛油味欠奉.買嘅過程都冇咩特別阿婆講嘢冇尾音 零笑容快快手 買單 就完了.想幫襯舊式餅店，都要好味先得㗎。…查看更多

又一老店系列去九龍城又點少得老店🤨格局像茶記前頭賣面包咁咁懷舊😯酥皮蛋撻脆口 而做得有點厚個人覺得有咬口蛋偏甜三角朱古力港版朱古力蛋糕🤣外層朱古力醬蛋糕就係合桃蛋糕既質地🤨中間有一點點cream將個邊沾上花卷簡單黎講就係 卷蛋不過入面就有不同味有原味，朱古力，班蘭，合桃蛋糕之間會用cream組合個人覺得呢到既cream份量夠👌🏻食到口乾就有cream潤下😉👍🏻夠funny🥴🤣上一代小童潮食😏結: 蛋撻顯功架👍🏻花卷有特色😉#酥皮蛋撻#三角朱古力#花卷#豪華餅店…查看更多

今日放假 ，特登去九龍城豪華餅店 ，買咗我幾款最鍾意食嘅西餅 其中一款叫雀巢 ， 恰到好處 又不會太多 配埋啲椰絲 真係好好味 係我由細到大 最鍾意食嘅另外仲有 蝴蝶酥同埋卷蛋每次食完之後 乜嘢煩惱都冇曬 ，喺我最好治療…查看更多

🇭🇰 豪華餅店·我哋嗰日難得嚟到九龍城 所以就試咗幾間都出名嘅小食😎😎·酥皮蛋撻$10呢個係我哋係九龍城搵嘢食既時候見到好多人推介 所以黎既 不過唔知係咪我地比較夜黎 佢個蛋撻好似擺左一陣 食落唔算話好熱辣辣🙊而且佢個蛋撻有少少離咗殼 好彩佢個餅皮仲係酥既 不過我自己覺得佢個蛋撻本身唔算話好濃蛋味 係偏甜少少嗰種舊式餅店嘅味道嚟嘅🤣🤣😭·📍豪華餅店 (九龍城衙前圍道136號)·#rbyeat #rby好去處#rby港式#rby土瓜灣…查看更多