影片
開飯介紹
豪華咖啡茶餐裝修懷舊，而且很有正宗港式茶餐廳的感覺，食物味道不俗。
繼續閱讀
營業時間
今日營業
05:00 - 19:00
星期一至日
05:00 - 19:00
以上資料只供參考, 請與餐廳確認詳情
相關文章
雖然價錢平，但可唔可以控制下衛生。一打開飯盒，赫然一個死咗嘅蟲子混入醬汁裡。如圖所示，睇起黎嗰蟲混入醬汁有一段時間了。但因為我實在太餓，只好食旁邊睇起黎無污染嘅一點點飯菜。醬汁食起黎莫名發酸，雞翼都發酸，好像變晒質。食完之後開始有少少肚痛。真系懷著嘗試懷舊餐廳嘅心情，以驚嚇結束。以後唔敢再試。點解做餐廳可以咁離譜，連最基本嘅衛生都唔理。open rice都好搞笑，咁正常嘅食品甚至衛生反映，要寫足200字，有無d提醒商戶同食客嘅有效渠道。
繼續閱讀
終於去咗食歷史悠久嘅豪華咖啡茶廳。好多歲月嘅痕跡，入邊全部都係伯伯員工，態度好好，好殷勤，有一個遊客家庭到咗仲識得講埋普通話介紹他們的菜式，有教他們拍照。嚇親我 。😆😆🥯菠蘿油：舊油好食，菠蘿有別於其他茶餐廳，如圖。好食，並不是那麼的空氣及甜膩 ，以我食咁多菠蘿油嘅經驗，我覺得ok 唯一略嫌佢包上的菠蘿唔夠多，哈哈。☕️熱奶茶：好飲，茶味濃奶滑。到店的人很多都叫蛋牛多，而伯伯推介的是他們的豬扒。我睇隔籬枱，豬扒真的很像不錯，下次我應該會試他的豬扒包或者豬扒麵。📍灣仔茂蘿街
繼續閱讀
開業超過半世紀嘅茶餐廳，裝修保留住鐵閘花磚配卡位一入去就聞到濃濃嘅奶茶香同煎蛋聲，仲有阿姐中氣十足嗌單，懷舊感爆燈！📻【 沙爹牛肉通粉🍜】湯底唔係普通罐頭貨色！用牛骨熬出嚟嘅清湯底，加埋秘製沙爹醬，濃香帶微辣，啖啖掛汁勁惹味～🤤牛肉片切得薄身軟嫩唔鞋口，通粉煮到啱啱好，嗦嗦聲吸晒湯汁，暖胃又滿足！💯【 牛蛋治 - 烘底🥪】即叫即煎嘅誠意之作！烘到金黃焦脆嘅方包，夾住半熟太陽蛋同手剁牛肉碎 將蛋漿咬開即刻流心🍳牛肉碎混住洋蔥粒嘅甜，脆卜卜麵包邊蘸住蛋汁，鹹香夾住肉香，熱到燙嘴都要繼續食！😍凍奶茶 ☕茶味濃到喉嚨有回甘，煉奶比例剛剛好，甜而不膩～✨
繼續閱讀
朋友介紹黎左呢間70年歷史既茶餐廳，我地去既係新鋪，但裝修係有點古舊feel出餐速度超快，叫完等左唔夠兩三分鐘就有野食！自選常餐湯麵：沙嗲牛+炒蛋 米粉沙嗲汁份量都多，味道正常，炒蛋唔會炒得太熟，仲有少少蛋汁，不過如果分開上就更好。西多士：已經幫我地切件，好細心！滿滿既牛油同練奶😍入口即溶！仲要唔貴，只係$24！推介👍🏽下次想試埋沙嗲牛治！
繼續閱讀
今次懶惰二人組去左灣仔,本來想去搵間麵食做早餐 （其實係Brunch!) 點知行行下見到間港式茶餐廳，於是即時U turn入左去坐! 我地係去左舊店，後來我地再做資料搜集,我地先知旁邊有間靚裝新店。不過好彩入左舊店，點解?睇到最尾你就知！《五香肉丁麵》 $26 & 《雞扒麵》 $26麵底唔錯，雞扒煎得香口。五香肉丁就正常水平啦!《占醬多》 $10平時好少食咁邪惡既組合，見到有忍唔住叫個食下!多士幾厚身，而且烘得幾脆！《菠蘿油》 $14另一邪惡之選，大大舊牛油攝響個菠蘿包！懶惰虎食得好開心！《熱奶茶》 $18淡左少少，唔夠茶味總結，茶餐廳食既一定係情懷，見到客人都係街坊為主，呢點都係我地覺得好彩入左舊店既原因！職員會同街坊吹下水，講下馬經，各人之間既互動先係最令人回味既地方！食物味道質素算係唔錯！環境整潔明亮，門口細細但入到去都好四正又唔會太迫，懶惰二人組唔知點解有種入左去東南亞咖啡店既感覺？！服務黎講，快！ Rating： 懶惰鼠😻😻😻＋😻比情懷懶惰虎 🤩🤩🤩+0.5 📍豪華咖啡廳灣仔莊士敦道216號💰人均消費：$47⏰營業時間：5am-7pm #灣仔 #灣仔餐廳 #灣仔美食 #hkfoodie #lazifooday #hkfood #hkig #hkrestaurant #hkfoodblogger #hongkongfoodie #香港餐廳 #香港打卡 #食在香港 #茶餐廳 #打卡 #懶惰在香港 #chachaanteng
繼續閱讀