豪庭藝廚

天氣無啦啦又轉返做廿零度，凍凍地見到呢一個餐牌即刻心動，於是就行動叫咗個98蚊羊腩煲，再加埋12蚊轉套餐，有埋一個例湯一碗白飯同埋一杯餐飲，都算抵食。羊腩煲有冬筍同埋冬菇，少少哋一兩舊咁啦，不過有大量支竹，索曬啲羊腩汁係好正嘅，仲有一碟腐乳。羊腩嘅件數都算合理，而且炆得夠淋夠入味，脂肪部分比較少，以呢一個價錢嚟講性價比算高。例湯都ok，咁嘅狀況算有誠意啦。白飯都夠大碗，凍奶茶少甜少冰加三蚊，滿足的一個晚餐。…查看更多

今日放假心思思想食西多士，於是就入咗呢一間茶餐廳食佢嘅下午茶餐，佢個西多士都做得唔錯。我自己覺得一份西多士做得好唔好取決於幾樣嘢，第一：厚度，西多士真係要厚先至好食。第二：夠乾身，西多士都係多士，雖然外層加咗蛋漿去炸，不過都要炸得乾身，唔會油淋淋，外層真係要有啲硬度，而入面亦都要有多士嘅質感，食落去先至好feel。第三：溫度，不過正常嚟講西多士都係熱辣辣嘅，除非你去幫襯啲連鎖快餐店先至會炸定一堆喺度。所以呢一間茶餐廳嘅西多士係真係好食嘅。糖漿就用呢一款韓國嘅，冇太古嗰隻咁甜。杯奶茶都好飲。…查看更多

呢度啲早餐勁大份，而且食物質素都ok。羅宋湯底嘅通心粉竟然真係有雜菜，坊間少見，可以選配雞絲或者牛肉，今次揀咗雞絲，肉質都ok。沙爹牛肉通心粉啲牛肉都幾大片唔會碎濕濕，兩碗粉都係勁大碗，可能係平時食開嗰啲連鎖快餐店嘅double size。連埋煎雙蛋加多士，每人都係四十幾蚊，超抵食。…查看更多

今日行過見到這茶餐廳的下午茶價錢好抵， 有燒味又有多士粉麵等茶餐， 便入去試一下！環境可以， 有卡位. 位置闊落！ 叫咗個星洲炒米， 熱燒檸茶. 等了一陣便送到來， 碟星洲米粉相信和午市的大小一樣， 沒有扣減份量！ 义燒蝦仁洋蔥等份量充足！ 覺得很抵食！ 可能是千就了香港人口味， 咖哩完全唔辣， 香味亦較淡！ 比較一般！ 唔食得辣的應該覺得很好味！杯熱檸茶都很好， 檸檬有4片， 咬落去唔老！ 茶亦濃淡適中！ 不過這餐廰亦和很多餐廳一樣， 用隻保温杯載熱飲！ 這個做法真係覺得好不合適！ 保温杯應用在凍飲上， 而不應用在熱飲中！ 一點覺得是外行人開的餐廳！ 其他都可以！…查看更多

呢一間茶餐廳晚市時間長期排長龍，原因除咗佢哋啲侍應服務好好之外，最重要亦都最實際就係佢啲嘢抵食夾大件，就好似今晚叫咗個四人餐，五個大人都食唔曬，嚴格嚟講個餐係有五個餸，豉汁蒸倉魚再加一個燒味就係緊腳，燒味你可以揀貴妃雞、豉油雞、燒腩仔或者燒鴨，跟住就可以揀多兩個餸，然後佢會送一碟菜，跟餐仲有四個湯同埋四個餐飲仲有四碗白飯。今晚條倉魚我哋揀咗豉汁蒸，燒味就揀咗貴妃雞，另外兩個餸就揀咗野菌紅燒豆腐煲同埋粉絲雜菜海鮮煲，三個中湯一個羅宋湯，三杯熱飲一杯凍飲，合共$345。個個餸都大碟而且味道唔錯，鹹甜適中而且又冇乜味精，抵食好食。…查看更多