豚豚食堂

營業中

休息中

2020年10月8日 星期四今晚好難得約咗幾位舊同事一齊食飯，傾吓大家嘅近況同工作嘅煩惱，特登揀咗北角匯呢個新商場，睇吓有咩餐廳可以試吓最後我哋入咗去呢一間豚豚食堂，貪佢當時唔使等位，入到去地方都空曠，枱與枱之間有足夠嘅距離由於我哋有四個人，所以諗住揀一個二人套餐再加兩個一人套餐，咁就可以每人有一個主菜，仲可以有幾款小食一齊分享，因為小食實在有太多選擇落單之後等咗冇幾耐就有野食，首先有燒魚餅，店員好貼心幫我哋剪開埋，方便分享。魚餅好彈牙，幾有咬口 ，好似食燒魚蛋咁之後有我叫既蟹肉棒拉麵，見到湯底好濃郁，飲落去充滿豬骨味，而且拉麵嘅份量都唔少，感覺係一個成人嘅份量呢個係北海道南瓜炸薯餅，炸得好香脆，而且充滿南瓜味，咬落去每一啖都食到少少南瓜粒，幾特別當然唔少得有炸雞啦，冇諗過會咁大件，仲要無乜骨，所以啖啖肉，雞肉都幾嫩滑，有肉汁流出黎添最後仲有個滑蛋豬扒丼，滑蛋同豬扒鋪滿晒成碗飯，蛋汁慢慢流到去下面既飯，一齊食好夠味。至於豬扒有咬口，炸粉唔算太厚，好鬆脆二人套餐除返開每人都不過係百幾蚊，幾抵食

周五晚路过北角，第一次来北角汇，看到这家在排队，二人餐有拉面🍜有咖喱饭🍛，有三样小食，算量很足了，价钱2人250有找，便来试下。店员很好，主动帮忙调卡位sofa4人台，2人坐的舒服~不觉开始拍照！调料有辣，七味粉，蒜蓉，齐全~上菜很快！拉面点了赤，但辣度刚好，喜欢辣也可以加辣油~~拉面值得一试，汤浓郁不腻口。咖喱也不错，还吃到牛肉！但小食就一般，鸡软骨有些硬，鸡翅好像不是新鲜出炉，朋友觉得虾🦐也不太新鲜。但总体都吃的很开心，人均也可以接受。但可能不会再来啦~

星期三約咗個朋友去北角買嘢，行到北角匯見到有間豚豚食堂，門口到企咗啲人等緊位，於是我哋就行多陣商場，等無咁多人至攞飛，未入去之前都已經睇咗門口個餐牌，所以當一入去座低，就已經可以點餐啦，我哋兩個都係揀咗拉麵套餐。包括每人一大碗白豚拉麵，配嘅小食就揀咗一個鰻魚飯，一個係燒肉飯，$69一份，加一後，2份總共係$152。總結：食店環境乾淨，我哋兩個座係卡位，所以都座得好舒服，點餐後，好快就有得食。職員態度都唔錯，食物水準都唔可以，食慣清淡嘅我，就覺得拉麵湯底略為鹹咗啲，麵質幼滑，而且份量都唔少，至於燒肉就一般，鰻魚比較薄，如果比較細食嘅人，真係可以叫輕量版。

本人從來沒有劣評任何一間餐廳，中午來到諗住食午餐，說了三位要探熱，探完他說未齊人不能入！好！我諒解！我唯有等陣再入去！再入去時已換了一個十分看不到人的女仕！她像錄音機說咩齊人咩攞飛！當時入面入坐只有20%到！我追問清楚一下你要人齊定要攞飛！她再說慢一點「你人齊未？未就去攞飛」！當時在他面前得我們三人！周邊沒有其他人，所以我才肯定她看不到人的女仕！我説我已經齊人！佢問齊咗幾多人！我覺得她像玩嘢多點！我跟她說一個兩個三個人！她竟然同我說等陣！等陣是因為她做自己事而叫我等陣！側邊有員工企係度！但都要我等陣！有客人不招乎，要客人等你做自己事！當我朋友說不如食第二間時！我也説好，我也不想看面色食飯！她已經轉身走入去，走得快過我！這樣餐廳員工態度真的不知所謂！食品當然重要，但顧客也同樣重要。你們企在門口Counter已經是迎接客人！不要黑面迎客人囉！本人朋友及家人也永不幫襯！

疫情底下用外賣app叫外賣! $90鰻魚丼set得半塊薄鰻魚，仲要漏左個前菜! 諗住直接打去食堂解決會快啲，冇道歉不特止，仲拒絕送返個前菜嚟 講多幾句就話要請示上司先，但最後打返嚟都係話只係可以安排俾返coupon，但要親自去攞。我話我可以自取嘅話又冼乜用外賣app叫外賣呢? 佢直頭唔出聲，然後直接cut我線最後只可以打去同外賣平台投訴。今時今日咁嘅服務態度，相信好快消失! 唔想有同樣經驗，去/叫外賣前請三思

從來唔寫食評，但呢間餐廳差到一定要公開比大家知。自稱"經理"既店員面目猙獰，呼喝食客，惡劣態度令人嘩然，完全唔係做生意！！大家千萬不要幫襯！店鋪集團投訴無門，希望負責人見到呢個post亦會跟進！由於店鋪位置係屋企附近，開業以黎食過五六次，食物普普通通，都係普通日式定食/丼物。味道冇特別但價錢算平同商場位置就腳。 疫情後店鋪推出左印花卡，食完幾次見有得換coupon, 於是就諗住買外賣順便用左佢。疫情爆發第三波，餐廳禁晚市堂食只能外賣。去到店鋪門口個counter, 企左成分鐘都冇人出黎，嗌入去"唔該叫外賣", 等左十幾秒終於有個黑口黑面既員工行出黎。我出示張印花卡話想換coupon, 個店員黑住面咁話"換完今日冇得即刻用架喎"! 我係冇睇張卡背面d terms 既，純粹好奇點解咁低能換coupon 個日唔可以即刻用，都唔make sense. ok唔緊要，咁唯有換左先下次再用，但我就講左句"上次儲滿印花個陣問過你個同事點換佢冇講既？" 個店員好似燥狂症發作咁用呼喝tone 讀哂張卡後面d terms 出黎，我呆左。 用唔到咪用唔到囉，諗住快快趣換左張coupon 就走下次先食啦，我話"

喺北角會新開左咁多餐廳之後終於有一間係食日本嘢, 而呢一間豚豚食堂都有唔少選擇㗎飯麵咖喱拉麵都齊晒不過我覺得當中以咖喱嘅味道比較好， 雖然日式咖喱偏向唔辣同埋比較龍尾但係配合珍珠飯一齊食真係口感獨到，至於要豬扒定係炸雞就取決於個人不過試完炸雞之後個感覺都係幾好本身價錢都唔算貴可以接受

武X肺炎疲情開始好返D奶油包一家就決定出去搵下屋企附近有咩好食北角匯入面既豚豚食堂已經開左差唔多半年係6月呢個炎炎夏日既情況底下去呢D蚊型既商場涼下冷氣食下Lunch再hea下都唔錯去到豚豚食堂勁多人等位咁就係必然既一嚟多食物選擇二嚟價錢唔貴等位等左15分鐘之後終於入座豚豚食堂裝修好有日本家庭風而且因為疫情關係有晒隔板感覺安全好多食物方面睇menu就知選擇多而奶油包一家三口就食唔同既Lunch set奶油包就食滑蛋豬扒丼只能用一句好大份去形容豬扒炸得幾香口又大大份加埋好甜既洋蔥同滑蛋係一個唔錯既選擇奶油包爸爸就叫左個燒鯖魚定食個燒鯖魚又係大份到嚇死人以奶油包呢個唔鍾意食魚既人去講燒鯖魚係十分好食唔可以話係啖啖肉但骨唔算多而且份量又係超級多就算男士去食都唔會覺得唔夠飽而奶油包媽媽就係食佢個輕量午餐有拉麵同炒飯2樣份量又係唔少睇唔到佢既輕量係邊拉麵個湯就咸左少少但好過佢隔離個間既湯好多炒飯就一般可能有青椒既關係奶油包就覺得扣左分整體嚟講以咁既價錢食到呢個質素係超值既

投完票同老公去食個飯，夜晚9點幾想坐得舒服＋食日本野，北角選擇唔算太多。諗起呢間就黎試下啦，叫左滑蛋吉列豬扒飯＋豚肉飯，再加多春魚，餃子同雞軟骨串一人餐$98，我個份主食($68)＋小食($35)，其實唔算好抵，如果包埋野飲會更好😜不過坐得都幾舒服，所以整體都ok😎

食物普通, 叫食得飽,  但侍應態度都幾差, lunch時間因為又餓又攰, 好快食左唔夠半個鐘就食完, 想坐多10分鐘抖下, 侍應叫即刻我埋單走, 前後用餐都夠一個鐘, 感覺不佳

蒞咗三幾次，終於可以一口氣比個評分。疫情開頭無咩人，最近呢次等好耐。總括而言，$70可以食到餐日式飯，呢個質素好ok呀。咖喱炸豬扒奄列飯：炸粉唔算多，亦無油淋淋，肉質一般，飯軟硬度算適中，蛋生少少會更開心，咖喱唔太甜，最怕日式咖喱甜到一個點。滑蛋豬扒飯：無咗咖喱汁，擺位唔同咗，其實質素都係噉上下。新子丼飯：雞肉唔韌，蛋夠滑，健康味，重口味的我要加豉油。燒雞扒飯：上枱見佢啲飯白哂哂，原來都有少少味架喎，雞皮薄，無乜肥膏，整體比賣相好食。咖喱燒雞扒飯：之前食雞扒見啲飯白哂哂唔夠開心，咪試咖喱囉，其實食過幾次已經想像到味道。仲食過其他嘢，so far都無留下特別印象，例如我以為佢叫豬豬食堂，食咗個豬肉飯，吖，又唔係話超級勁好食咋喎。不過，性價比我會比中間上少少。仲有得儲印仔。

北角匯愈開愈多食肆見到餐牌 比個日式咖哩飯吸引左價錢合理，唔算太貴一人套餐 有一款飯/拉麵+一款小食揀左咖哩牛肉飯同吉列豬扒奄列咖哩飯小食就要左煎餃子、吉列廣島蠔飲品無叫，飲茶都👌🏻坐既位置，2個人有卡位坐都舒服、闊落晚飯時段野食黎得算快牛肉飯正正路路，反而個吉列豬扒就要讚炸得好鬆脆又唔會太柴皮太乾都算大塊如果豬扒再厚多少少就very good啲炸皮唔會同豬扒炸都甩開哂整體都好！個煎餃子就比較淋個底煎得唔係幾脆無咁香口，還好啦～反而個廣島蠔就炸得好出色話係外脆內軟都不為過新鮮炸起，熱辣辣好食😋唯一係小食遲過主食上菜就希望留意番但整體好可再食員工都好好禮貌good!!

Never again. 間餐廳夜晚 9:00, 得兩枱人。 我哋兩個人叫咗一個拉麵，一個牛肉飯加四隻餃子。 拉麵+牛肉飯食曬啲餃子都未嚟。 我哋食曬要走啦埋單, 煎餃子先至嚟，成25 分鐘 煎四隻餃子, 跟住就話唔好難扣返錢叫我用外賣盒帶走！ 簡直不知所謂， 仲要係用幾個人一齊叫我用盒帶走都，唔肯在單減番出嚟，幾經交涉先至肯，仲要態度非常差。

午飯時間點了咖喱雞旦包飯，從未吃過這麼難吃的炸雞🍗！一咬之下沒有味道亦不像是雞的物體.完全感覺中伏，咖喱汁很普通像是日式咖喱塊加大量水煮成.不知為何咁多人排隊？🤮

經過北角匯，試一間裝修光亮的拉麵店，整體店內整潔，餐牌上亦有較多選擇，有定食、拉麵及小食，同時亦會顧及小食量的食客需要，居然有輕量麵食選擇，不過湯底味不夠，帶有一點味精！在普通飲方面凍飲加$8，覺得有點貴，但係亦睇得出師傳都算用心，在一片片少少檸檬上已經睇到，最後就要留意調味樽的整潔，今日用麻油時，樽外已沾上麻油，作為食客的我，一攞上手就中招，同時麻油開口較細，雖然明白依個開口，亦請採購留意，同埋依隻麻油完全無麻油香味，亦係最敗北的配搭！總結嚟講未達水準，算是不過不失