豐鍋雞煲 (京瑞廣場1期)

營業中

休息中

石門人氣雞煲火鍋點解長期都咁多人食？就因為佢哋火鍋海鮮材料種類多之外雞煲夠惹味而且仲可以半價再加個湯底等食完雞煲再打邊爐。所以建議大家提早訂座就比較穩陣麻辣招牌雞煲雞煲上枱已聞到好香。員工再即時落少少陳年花雕落去雞煲度即時再炒可以帶出雞件更加入味，佢哋仲落左好多香蔥大蒜芫荽令雞煲更加惹味⋯⋯手工四寶丸墨汁黑松露墨魚丸，墨魚丸，蝦丸，鯪魚球丸粒粒彈牙又鮮味同平時嘅丸嘅質感好唔同。頂級安格斯牛小排牛小排油脂分布均勻，厚度適中，牛味濃郁又唔靭口。生猛九節蝦用竹籤串住灼蝦非常方便而且更容易剝殼，蝦又夠爽口鮮甜。如果想食高價海鮮例如龍蝦鮑魚貴妃蚌就要預早訂啊⋯⋯紫菜響鈴響鈴即叫即炸上碟還是暖暖的。用湯浸三秒即食仲食到好酥脆⋯⋯而且佢哋有分size三條同六條選擇👍食雞煲唔少得係飲品- 有時一杯唔多夠喉，可以叫佢地嘅大杯裝檸茶檸楽就啱啱好非常解渴📍豐鍋雞煲 (沙田)沙田石門安群街3號京瑞廣場1期1樓137號舖

今日去咗石門呢間火鍋小店，雖然鋪面唔大，但勝在乾淨企理，一坐低就聞到陣陣藥膳香，即刻流晒口水！老闆話佢哋主打雞煲火鍋，食材新鮮，選擇又多，啱晒一班朋友圍爐打邊爐！我哋先試咗招牌藥膳雞煲，湯底超濃郁，藥材味夠晒香但唔會苦，雞肉嫩滑唔鞋，飲完碗湯成個人暖笠笠！另外必點嘅係牛舌，切得厚薄適中，淥幾秒就食得，爽口彈牙，牛味好出。手打四寶丸都係驚喜之作，蝦丸、墨魚丸、牛肉丸同鯪魚丸全部真材實料，咬落去仲有粒粒口感，正到爆！整體嚟講，呢間小店性價比高，食材新鮮，湯底用心，絕對係石門打邊爐嘅隱世好選擇！

按摩完畢有啲肚餓，所以喺商場度搵嘢食之前已經食過一次，記得價錢唔算好貴，所以再幫襯去到已經下午2:30好彩仲有午餐，套餐起碼有成7-8個餸揀，選擇都算多。原本想叫個蟲草花蒸雞，點知已經售罄，叫咗椒鹽一字骨凍飲要加$3 ，一個套餐有餐湯•一碟油菜•一個餸配白飯，總共$75，好抵食同場都多人坐滿，好惹味一碟入面起碼有五嚿。食完超飽，超滿足。只係餐湯略嫌有啲鹹感覺好味精。有啲掛住佢夜晚嘅雞煲，要搵日再去食

惹味麻辣雞煲🤤好少踏足石門，謝謝朋友推薦的雞煲小店😍豐鍋招牌麻辣雞煲👍🏻麻香味好足，小辣非常恰到好處，好惹味🥳🥳唔會過鹹👍🏻🥩手切牛頸脊，配合雞煲湯汁底，嫩滑美味👍🏻🥟搞搞震有4款餃，用料新鮮好味，滿足咗喜歡食餃嘅心情🫶🏻🦪欣賞佢個美國桶蠔，超級大隻，蛋白質滿滿，好嫩滑🤭🧀爆芝響鈴係小店新鮮炸，非常酥脆，吸咗汁又好好味，芝士配響鈴好出色🙌🏻👫卡位坐得舒適，有好多火鍋湯料選擇👍🏻

今日去咗石門「豐鍋雞煲」，試咗佢哋嘅招牌椰子雞煲，果然無令人失望！雞肉份量十足，肉質嫩滑得嚟又彈牙，浸透咗椰子湯底嘅清甜，每一啖都充滿驚喜。湯底清潤鮮美，飲完完全唔覺膩，反而越飲越想飲！ 另外叫咗麻辣雲吞，呢款小食出面好少見，雲吞皮薄餡多，麻辣味夠晒惹味，辣度適中，食到停唔到口。桶蠔絕對係亮點之一，蠔身超大隻，肥美飽滿，入口鮮味爆棚，一啲腥味都冇，絕對值得encore！ 最後叫咗個椰青，清甜解膩，完美中和咗濃味食物嘅油膩感。整體而言，食材高質，味道出色，服務亦周到，一定會再嚟幫襯！

豐鍋雞煲｜$288招牌麻辣全雞煲 自家製響鈴脆到犯規！🌶️ 招牌麻辣雞煲（全隻$288）一上枱就聞到濃郁酒香麻香！雞肉厚切大件，熟度啱啱好，入口嫩滑唔柴，我哋太貪心試中辣辣到要加湯先食到，大家記得盡力而為呀！麻香突出但唔會嗆喉，湯底越煮越濃，建議先食完雞再加湯打邊爐。 配料：1️⃣ 自家製響鈴（$59）👉 即炸上枱超脆口！熱辣辣香味十足，吸湯後外軟內脆口感勁吸引2️⃣ 自製韭菜餃（$50）👉 皮薄餡多，韭菜混合豬肉碎，爆汁效果驚喜 3️⃣ 稻庭烏冬（$30）👉 索盡麻辣湯精華，最後煮超邪惡 4️⃣ 蓮藕片（$36）👉 切得薄身，爽脆解膩，吸收雞煲醬汁超惹味💰 性價比分析✔️ 全隻雞夠4人食，人均$200左右 ✔️ 配料份量足，選擇都十分多豐鍋雞煲贏在雞煲味道濃郁惹味同食材新鮮，招牌麻辣雞煲絕對值得再食！特別推薦比鍾意重口味嘅朋友，記得預留肚仔食埋個稻庭烏冬～

豐鍋雞煲沙田石門安群街3號京瑞廣場1期1樓137號舖經開石門，老友推介地道椰子雞煲，環境舒適，食材新鮮，入去 Chill 吓先！😸滋潤椰子雞煲侍應將新鮮椰青汁和椰肉倒入煲中，等待湯滾，再放入新鮮嫩滑的雞肉，配料有紅棗、杞子和椰片，湯底鮮甜，原汁原味，補身一流。😽頂級黑豚豬梅肉黑豚肉肉汁豐富，口感煙韌，肉味香濃，肉和脂肪層次分明，好味道！😋牛舌芯 + 特級牛柳粒牛舌新鮮爽口，牛柳口感鬆軟，厚度適中，脂肪和肉的比例剛剛好，必食！😘白鱔片口感鬆軟，魚油豐富，又香又滑，大滿足！😻豐鍋雞煲 環境舒適氣氛好，食材新鮮高質，火鍋配料正，侍應服務態度好，回頭率高。😎🤘

豐窩嘅雞煲好出名，想食好耐喇～除咗招牌嘅麻辣雞煲外，佢哋仲有滋補螺片花膠雞煲、花雕藥膳雞煲同埋滋潤椰子雞煲。今日約咗朋友，一於去試吓！🤤🩵滋潤椰子雞煲(半隻) $198一打開煲蓋，就聞到濃濃嘅椰子清香，湯底奶白色，睇落好滋潤！湯底真材實料，有新鮮嘅椰子肉，椰青水，紅棗，杞子同竹笙。煲入面有嫩滑雞件、椰子肉同紅棗，成個配搭好養生！襯未放雞件入去，忍唔住飲咗幾啖湯，好清甜！椰子水＋椰肉嘅天然甜味好出！雞肉肉質嫩滑，點上薑蓉柑桔醬汁，酸酸甜甜好特別。竹笙吸晒椰子湯精華同雞油嘅味道，好正！😋🩵手工四寶丸 $89四寶包括有蝦丸、墨魚丸、黑墨丸及鯪魚丸，每粒都圓碌碌、脹卜卜。手工蝦丸鮮甜，咬落去超彈牙，食到一粒粒蝦
肉碎，真材實料。墨魚丸香口濃郁，口感爽脆彈牙，中間仲有少少墨魚粒增加層次。黑墨丸用咗墨魚汁整，味道比普通墨魚丸更濃厚，帶微微海水鹹香。鯪魚丸都唔錯，有陳皮同胡椒粉嘅味道，食落唔腥。🩵極品本地手切牛頸脊 $238牛肉紋理好靚，脂肪同肉嘅分佈平均，色澤鮮紅帶少少油花。輕輕淥8-10秒，粉紅色就食得，鮮嫩到不得了！嫩中帶爽，入口牛油油香，肉味濃郁到爆燈！👍🏻👍🏻👍🏻🩵貴花蚌 $125蚌肉橙紅

✨ Blingbling美食推介 ✨📍沙田石門豐鍋雞煲（京瑞廣場）沙田超人氣高質雞煲😍💠💠💠💠💠💠💠💠今晚男朋友話做完gym要食protein🤣所以我就提議食雞煲🤣雞煲就緊係要食豐鍋啦～🍲 滋潤椰子雞煲（必點❗️）採用新鮮椰青水配上嫩滑雞件，湯底清香甘甜，有淡淡椰香😍入口溫潤不膩，尤其適合夏天或轉季時進補又不上火☺️雞件嫩滑、吸滿湯汁，好滿足✨🧆 十優狀丸自家手打的丸子拼盤包括：墨魚丸、蝦丸、鯪魚丸等，每款都彈牙鮮香，口感豐富，墨魚丸則帶海鮮鹹香，啖啖真材實料，火鍋必配☺️🥩 極品本地手切牛頸脊油花分布均勻，肉質軟腍兼富牛香，略涮幾秒入口，鮮味四溢，肉汁豐盈，絕對係牛魔王福音，推薦半熟口感最啱味🩵🍘 即炸爆芝紫菜響鈴炸得香脆金黃，一咬即「咔滋」作響，內藏香濃芝士夾紫菜，鹹香交融，超適合佐酒小食，亦可作火鍋沾湯吸味😋🌿 蒿筍片清新爽脆，帶微微筍香，食落有口感，用來平衡肉類油膩感非常合適，是火鍋中不可或缺既蔬菜之選🥰🦋 藍蝶雪梨茶顏值爆燈！以藍蝴蝶花天然染色，加上清甜雪梨片，色澤夢幻，飲落潤喉又解膩，打邊爐飲一杯啱晒👍🏼🍋 咸檸七懷舊港味代表，咸檸檬清潤解渴，七喜氣泡感帶來爽快口感，特別配椰子雞

石門餐廳多，選擇多，京瑞廣場1期呢間「豐鍋」都好多年，餐廳選用新鮮食材，打邊爐正呀。今晚揀咗：🥥🐓滋潤椰子雞煲半隻 湯底食材多，椰子取自原隻新鮮椰子，水滾放啲雞肉落去，6，7分鐘後就可以食得。雞好滑，配埋砂礓加青檸調味嘅醬汁，好夾。椰子好清甜，整體好好味呀。🥩頂級雪花肥牛雪花均勻厚薄適中，打邊爐必叫。🍲貴花蚌鮮嫩滑爽，唔錯。🥟自家製鮮蝦木耳雲吞鮮味爽口，我幾鍾意。🍲即炸爆芝紫菜響鈴 $49真心好食，響鈴包住紫菜已經加倍香脆，加埋芝士嘅香味，增添咗香滑嘅口感。🍺德國手工麥啤 $32打邊爐嘅絕配。

週末帶女女去沙田石門行街加上堂，經過京瑞廣場見到都好多餐廳同埋好多夾公仔機，同女女玩完一陣就去咗食雞煲，慢慢坐底食野休息下。女女唔食得辣所以叫咗椰子雞鍋，湯底清甜唔油膩，雞肉嫩滑。另叫咗手打黑墨魚肉，黑色其實唔係間間都有，所以見到就一定會叫嚟試一試，墨肉好彈牙唔似機整個啲咁死實。重點推薦個即炸響鈴，就咁夾起啲食聽到都炸卜卜，即炸真係唔似入所個啲咁有時會食到勁大陣油膱味。餐廳職員主動幫手安排座位，服務貼心。環境整潔，坐得又舒服。價錢合理，兩個人埋單唔使二百蚊，會再嚟光顧。

之前有朋友帶過嚟食過，對呢個即炸紫菜芝士響鈴念念不忘。所以今次有朋友帶我喺沙田附近整車，我就二話不說推介佢過嚟試下呢間雞煲。唔使講嚟到呢度一定要叫返個招牌雞煲先。嗰個辣醬未到啱啱好唔會太鹹，個煲一上到黎，個店員仲會加一啲酒去爆香啲雞👍👍👍雞肉嫩滑啱啱好。我有小小心得分享😎建議較到最細火或者熄咗個火，食曬啲雞先。以免啲雞煮都好嚡😎食完雞就可以叫店員加湯。一定要叫店員唔好加咁多。個水量剛剛好可以覆過曬啲配料就可以。保障返個湯係好濃嘅味道😎

豐鍋雞煲真係好方便，港鐵站一出就到，唔使行遠路，已經加分啦🚶‍♂️🚉。一入到去，環境都幾舒服，坐得幾自在，啱晒同朋友聚餐👫。今次叫咗滋潤椰子雞煲半隻，真係好有驚喜🥥🐔。佢哋用原個椰子倒落去，仲有紅棗、杞子、竹笙同椰子肉一齊熬湯，飲落去超級清甜，啖啖都好滋潤，唔會有油膩感👍。雞肉滑嫩，吸晒湯底精華，食落去好有層次感😋。手工蝦丸都唔錯，彈牙又鮮味，咬落去有蝦肉粒粒，唔係平時嗰啲粉多過蝦嘅丸丸🦐。頂級安格斯牛落湯一灼就熟，肉味濃郁，入口即溶，真係好正🥩。即炸紫菜響鈴都係必食之選，炸得香脆，唔會太油膩，蘸啲湯食一流，口感豐富🦑。雜菜籃都幾新鮮，配埋雞煲一齊食，健康又平衡🥬🥕。飲品方面，烏梅汁酸酸甜甜，解膩一流，飲完好開胃🥤。鹹檸七都做得幾好，鹹檸味夠突出，飲落去好爽口，配雞煲一流🧂🍋價錢合理，食物質素高，服務又唔錯，下次一定會再嚟👍😄

最近去咗石門 豐鍋 食佢哋嘅 滋潤椰子雞煲，真係好有驚喜！見住店員即場將成個椰青倒落鍋，再挖椰肉落湯底，椰香清甜，飲完都覺得如其名，夠曬滋補～肉類推薦佢哋嘅 頂級雪花肥牛，大片油花勻稱，涮一涮啱啱好，入口嫩滑。仲有自家創作嘅 爆芝醬鈴，芝士包住醬料，一啖爆汁超邪惡🧀！手工即炸魚皮都係必食，原塊上枱，脆卜卜！就咁食定落湯都一樣咁好味～鍋料方面試咗佢哋嘅 餃餃陣，4款餃子入面最鍾意係 麻辣鮮蝦雲吞，蝦爽辣勁，超開胃！性價比高、新意十足，打邊爐又多一個好選擇～🔥

餐廳到8－9點都仲有好多人嚟食雞煲，氣氛熱鬧。店內冷氣足夠，食雞煲時唔使出汗，仲有自助調味料區，炸蒜、沙茶醬、蔥等等都有齊哂。睇得出餐廳對食材品質有要求，唔新鮮嘅食材絕對唔會出，特別係海鮮類如龍蝦、鮑魚、蟶子、帆立貝要提前預訂。🥘豐鍋招牌麻辣雞煲（半隻） $178呢個雞煲係用咗10年花雕酒－咸享雕皇炒出嚟，酒香清新帶小小甜味，加上有好多配料調味，味道層次好豐富。雖然只叫半隻雞，但份量真係唔少，食落夠飽，我叫咗小辣感覺剛剛好，麻同辣味會隨住時間越嚟越濃，連洋蔥同蒜頭都入味到不得了，特別好食。🧆十優狀丸 $108呢個真係必點，入面五款丸各有特色：黑松露墨魚丸有陣陣黑松露香氣，蝦丸彈牙到不得了，墨魚丸味道濃郁，黑墨丸爽滑過癮，鯪魚丸超腍。每款兩粒，兩個人剛剛好可以試哂唔同款，每款我都好滿意。🐮頂級雪花肥牛 $118肥牛嘅紋理好靚，肥瘦相間，肉質嫩滑又唔算油膩。🐷豬頸肉片 $88用蝴蝶刀法片出嚟嘅豬頸肉，薄啲又大塊啲，食落去口感更軟嫩。🫔自家制響鈴 $59即叫即炸嘅響鈴同市面賣嘅確實好唔同，熱辣辣又酥脆，淥完之後仲保持脆口，咬落去有種滿足感。🍜稻庭烏冬 $30呢款幼身嘅稻庭烏冬係我至愛，彈牙得