豐信餃子店

營業中

休息中

次次平日食飯去都要排隊既餃子🥟店除左餃子可以食之外重有好多其他小食可以叫推介豆腐！今次重叫左個小食盤😃😃一次滿足晒我地想食既欲望每人重食左十隻湯餃子🥟睇得到係老火湯！唔會好喊！下次想試煎餃！好滿足！

༺ 豐信餃子店༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 豐信餃子店𖠚ᐝ 香煎豆腐($19)𖠚ᐝ 薺菜馬蹄鮮肉餃拼芝士粟米鮮肉餃($47)⚑ 太子汝州街17號地下A號舖☽‎⋆.•* ¨¨¨¨¨¨¨¨¨食後感¨¨¨¨¨¨¨¨¨*•.⋆☽‎➳ 薺菜馬蹄鮮肉餃拼芝士粟米鮮肉餃($47)湯底是椰子海帶鮮雞豬骨濃湯，單飲已經好清甜～餃子大大隻好足料，皮滑餡料好多！薺菜馬蹄鮮肉餃口感爽口，食到一粒粒馬蹄，仲有鮮甜鮮肉味🥰芝士粟米鮮肉餃都好好味，有粟米甜味，芝士微拉絲😚➳ 香煎豆腐($19)一共有三件，煎得香脆，調味都夠！ ☽‎⋆.•*¨¨¨¨¨¨¨¨¨餐廳資訊¨¨¨¨¨¨¨¨¨*•.⋆☽餐廳座位唔多，平日夜晚去都要排隊！不過好似即將擴建，相信遲啲會有更多座位😆☽‎⋆.•*¨¨¨¨¨¨¨¨¨睇多啲¨¨¨¨¨¨¨¨¨*•.⋆☽‎🥟#foodielife_港式 🗺#foodielife_太子

豐信係我心目中嘅𝖳𝗈𝗉 3餃子店無論咩時段都有人排隊 但水準好穩定´･ᴗ･`識食一定係食湯餃～事關佢地個湯好正(注意‼️煎餃唔包湯！)係無味精嘅椰子雞豬骨湯～濃郁唔油膩 好有阿媽老火湯𝖿𝖾𝖾𝗅餃子好大粒 目測起碼每隻都5-6cm㗎外皮夠薄 但唔易穿 一咬開就係滿滿嘅肉餡 唔會皮肉分離另一個招牌係金莎煎餃～先自選煎餃口味 再加一層厚厚鹹蛋黃碎 極級邪惡但鹹蛋黃味唔算好濃 外皮唔係硬脆嗰款 而係略帶煙韌私心都係鍾意湯餃多啲 ٩(ˊᗜˋ )و

又平又好食，已經係第二次幫襯，一如以往門口拎飛等位，流轉得快，好快就有位～同朋友講必點邪惡金沙餃，勁有鹹香蛋黃味，食落好香口勁邪惡，餃子要咩款是自選的，我強烈推薦芝士粟米鮮肉餃，加埋邪惡金沙，羨芝士拉絲超正～雙拼煎餃就揀咗麻辣白菜鮮肉餃+南瓜粟米鮮肉餃，雖然說麻辣，其實我覺得不辣的。南瓜粟米就甜甜地，感覺比較清新健康，叫齊兩款就好似一咸一甜，幾過癮～小食叫咗秘汁鹵蛋、涼拌海蜇同香煎豆腐，價錢真係好抵， $20左右叫多幾款都唔肉赤😆涼拌海蜇最好食，超級爽口彈牙，同埋幾開胃。滷蛋就正常發揮，下次可以留肚食其他。香煎豆腐上次都有食過，都一樣好食，不過就要趁熱食。～

這家餃子店的水餃口味還不錯，但是他們竟然沒有提供免費的熱水，這讓我對他們的服務感到有些失望。作為一家餃子店，提供免費飲用水應該是基本的服務之一，因為客人在享用美食的同時，也需要喝些水來幫助消化和增加用餐的舒適度。其實，其他要付款的飲品多含糖分，未必照顧到客人的需要，而飲水是最簡單、最基本的需求。希望豐信餃子店能夠改進這一點，提高他們的服務質量，讓顧客在享受美味餃子的同時，也能得到更好的用餐體驗。這樣，他們的生意也會更上一層樓。

講到太子餃子店，相信呢間豐信餃子店都出哂名，直到依家人龍都冇減退過‼️溫提✨店舖可以用The Gulu拎飛，咁就可以減省排隊時間🔥𝟙［金沙餃］芝士粟米鮮肉餃 | 咖哩椰菜鮮肉餃芝士粟米鮮肉餃有半溶芝士拉絲效果🥹帶少少鹹香🤏🏻咖哩椰菜鮮肉餃味道唔會過份濃烈，帶微辣😋金沙餃即可以+$17配鹹蛋黃醬兩款餃子煎到脆卜卜，舖上滿滿嘅鹹蛋黃蛋碎，鹹度適中，會話最推薦金沙餃揀呢兩款口味，食落更加惹味！🔥💛𝟚［湯餃］雲耳椰菜鮮肉餃 | 紫甘藍鮮肉餃 湯餃用上椰子海帶鮮雞豬骨濃湯，湯底非常清甜🥹🫶🏻帶微微椰子甜香🥥唔會搶咗餃子嘅味，相信配麵索啲湯汁會更正😆✨水餃皮厚薄適中，大大隻，足料抵食，口感十足，性價比高！🥟🥢𝟛招牌秘汁拼盤招牌秘汁拼盤包括雞腎、雞翼、滷蛋、金錢展款款都滷得好入味，醬汁甜甜鹹鹹，非常濃郁🤎特別係雞腎同埋雞翼，肉質非常軟腍！推薦推薦～𝟜菊花蜜 | 青檸蜜呢兩款飲品適合鐘意嗜甜嘅人😹比較推薦青檸蜜，味道比較平衡少少，冇咁甜🫢

之前曾經嚟過兩次，但係都冇寫食評今次嚟到真係要講一講呢間餃子店記得前幾次嚟都係要排隊夜晚時間甚至要排超過半小時以上都幾誇張太子呢邊都算多嘢食但呢間餐廳可以持續有咁多多人排隊都算係咁但係我都回頭第三次所以呢度嘅餃子真係算唔錯😌餃子可以揀七隻或者10隻粒粒粒粒粒粒大大隻其實女仔七隻已經好夠但由於我想食雙拼，所以叫咗10隻今次食香菇鮮肉餃 拼 薺菜馬蹄鮮肉餃可以選擇煎餃或者湯餃湯都可以選擇要湯定唔要湯其實都算靈活不過我覺得呢間餐廳坐位唔算舒服，都幾逼夾但係勝在好味，有機會經過都會幫襯利申 餐廳冇向我提供任何利益，真金白銀自己課金

第一次試呢間餃子店俾佢嘅人龍嚇親🤣 喺條街冇乜人嘅時候唯獨佢有條長長嘅人龍😅 一坐低食就知食物質素好有驚喜😍 除咗餃子高質之外小食都好有亮點食得出食物好用心☺️⭐️ 雲耳椰菜鮮肉餃拼南瓜粟米鮮肉餃 🎃嚟到必食嘅就係佢嘅招牌金沙煎餃💛滿滿嘅鹹蛋黃真係香口又邪惡🍳乾身又唔會太鹹增加咗風味 南瓜鮮肉餃嘅味道好清甜🧡 雲耳椰菜餃就充滿爽脆嘅口感個人好鍾意🤩⭐️ 小棠菜鮮肉餃拼芝士粟米鮮肉餃 🧀估唔到小棠菜好好正🥬 值得一讚佢嘅菜好新鮮唔會淋曬咁🥳 芝士粟米鮮肉餃都唔會太漏帶淡淡既鹹香🌽 佢嘅椰子海帶湯亦係另一亮點🥥 淡淡既椰子味好自然好滋補⭐️ 薺菜馬蹄鮮肉餃拼香菇鮮肉餃 🍄特別鍾意馬蹄嘅清甜感中和左肉味🥕另外香菇餃嘅香氣同豬肉好平衡呢🥩⭐️ 涼拌皮蛋 🥚非常值得一試因為皮蛋本身質素好高自帶流心🤤 輕輕用涼拌點綴已經帶獨有嘅蛋香🌶️⭐️ 香煎豆腐 🤍豆腐新鮮又嫩滑煎到火候啱啱好🔥⭐️ 菊花蜜 🌼⭐️ 清熱潤喉羅漢果甘草茶 🍀飲品質素都唔錯清熱得嚟唔會太甜💚 非常推薦羅漢果茶食到羅漢果嘅甘甜😜

推介椰子鮮雞豬骨濃湯一直都好想試邪惡金沙煎餃但次次都忍唔住想飲湯今次同堂家姐食完Lunch未係好飽經過推薦佢試👍🏻叫左雙拼 +$2薺菜馬蹄鮮肉餃拼芝士粟米鮮肉餃 $55+$2薺菜馬蹄好有咬口芝士粟米芝士味好濃仲有少少拉絲超鍾意食芝士嘅我好滿足🫶🏻小食類都好抵食海蜇$22仲有好多款小食想試下次多啲人要試埋金沙煎餃🥟去左好多次都未試到煎餃需時大概二十分鐘舖頭長期好多人排隊建議用app㩒定票等位先去到唔洗等咁耐

一行3人 晚上8:45入去食晚飯職員話9:30閂門 咁我地拿拿聲落單啦未食完已經催我地埋單咁我地俾完錢繼續食啦食到差唔多尾聲 得返兩隻餃未食個職員走埋嚟收走我地其他已經食完既碗筷之後再企係我側邊 望住我食埋最尾嗰兩隻餃子好似俾人監視住咁我一放隻餃入口 準備放低筷子個一秒間 佢就9秒9搶走左係我手中嘅筷子 收晒枱面所有野一句唔好意思都無 好明顯係趕我地走點解可以咁無禮貌 當時未到9:30而且餐廳入面仲有其他客人食緊野有必要咁樣收走我啲餐具 趕我走咩？之後我上網睇返先知原來呢間餐廳不嬲態度都唔好餃子幾好味都無用 我唔會想嚟受氣

咁啱經過餃子店鋪內較細，但吸引唔少食客喺門口排哂隊，見Menu 超過成10多款不定時推出時令創新餃子，我哋又試吓我哋叫咗個一款小食+餃子雙拼海蜇$22海蜇爽口，麻油味白🌽薺菜馬蹄鮮肉餃+芝士粟米鮮肉餃（各5隻）豬骨雞湯湯底浸住脹卜卜嘅餃子，皮薄多餡馬蹄餃清清地食到一粒粒嘅馬蹄有口感芝士粟米餃濃濃的拉絲十分有驚喜而且個湯好好飲

本身想去另一間，點知去到先發現無開。就轉左黎呢間。職員按排左我坐係收集廚餘房隔離張枱，垃圾桶打開。本身已經唔開胃。有職員不停係我隔離執人地食過既碗同包垃圾。所以我睇到個職員一路包垃圾，執客人食完既碗，一路用同一對手套上菜。覺得好不衞生。2人一共叫左4隻味麻辣白菜，東菇肉餃 （雙拼煎餃）雲耳椰菜，薺菜馬蒂 （雙拼湯餃）煎餃皮又厚又硬，唔脆，油膩。2款煎餃肉既比例好多，麻辣白菜係8:2，東菇9:1，完全食唔到東菇味。因肉比例太多又係同一隻肉，都唔似食緊2款餃。菜脯切得太碎又唔夠野味。唯一可取係肉多菜少所以足料？但我自己就著重比例要平均，什至有d味可以菜多過肉。湯餃好好多，2款湯餃肉同菜比例好些，但都係肉偏多。湯底ok但唔會想飲晒佢。小食叫左煎豆腐同蓮藕粒。豆腐唔錯整體黎講，湯餃正常發揮，煎餃完全唔得。加上衞生環境差，唔會再黎。唔明點解要排隊。

朋友介紹黎太子食呢一間長期都要排長龍嘅餃子店，星期五差唔多夜晚八點過嚟，排隊20分鐘左右，比想像中好，餐廳服務員亦都好有禮貌，雖然係熱門舖頭，但係都保持良好態度。.見到佢哋隔離有一間新鋪裝修緊，希望以後新鋪裝修完，唔需要排隊就可以食到。.佢哋嘅餃子選擇好多，不過夜少少就會好多都賣晒，想食到心儀嘅款式，都係最好早啲嚟。.全部湯餃都係配椰子海帶鮮雞豬骨濃湯，湯餃揀選咗香菇鮮肉餃拼麻辣餃，另外再叫咗個芝士粟米鮮肉餃拼拼椰菜金沙餃。仲有啲小食例如甜蜜蜜雞中翼、秘汁雞腎、香煎豆腐同上湯時菜等等。.湯餃方面，2款餃子裏面個人更加鍾意出面好少地方可以食到嘅麻辣餃，辣度恰到好處，帶辣香而不嗆喉。怕辣嘅話可以加埋$12一支嘅羅漢果甘草茶，清爽低甜，好解辣，而且$12黎講都真係好大支。.煎餃方面，金沙餃幾特別，鹹鹹香香，不過要說個人嘅Favorite，就係咬落去有拉芝🧀感覺嘅芝士粟米餃，甜甜鹹鹹，惹味。.小食推介香煎豆腐，外層香脆內裏滑溜，幾juicy。～～～豐信餃子店 (太子)太子汝州街17號地下A號舖

呢間餃子店超級多人排隊相信係因為黃店等候時間大約1小時多😳😳韭菜鮮肉餃拼香菇 7隻加粗麵 $55個湯係椰子海帶鮮雞豬骨濃湯 每一隻餃子都好多肉！椰菜鮮肉餃7隻轉即煎餃 $41需時大約15分鐘 餃子好大隻 餃子皮比較厚身 食幾隻已經好飽～招牌秘汁拼盤 $47個人最推薦是這個拼盤 因為滷水汁十分入味 有雞翼滷水蛋雞腎同埋牛展～ 香煎豆腐 $19總共三件整體都仲係好滑 配埋啲蔥花要一齊食會更加香上湯時菜 $16是日係菜心大大條！青檸蜜 $12清熱潤喉羅漢果甘草 $12兩款飲品都好解渴同埋健康！ 豐信餃子店 (太子)太子汝州街17號地下A號舖

呢間位於太子嘅餃子店好出名 出名大隻足料 平日六點倒去都大排長龍 見到擴建中 而家仲係店仔細細 唔想等嘅話真係要試試非食飯時間過去😂😂好彩大家都快食快走都唔算等好耐🍲🥟湯餃-椰子海帶鮮雞豬骨濃湯芫茜鮮肉餃($45/7隻)南瓜粟米鮮肉餃($42/7隻)一人一碗湯餃 因為個椰子雞湯好吸引 但叫完有啲眼闊肚窄 因為啲餃子超大隻 一隻等於平時兩隻 而且啲料塞得好充實 勁飽肚 休息左幾次先食得曬😂😂🥟煎餃(+$17轉邪惡金沙餃)芝士粟米鮮肉餃椰菜鮮肉餃($57/10隻）如果食多啲款 可以叫10隻雙併餃 金沙係必叫 啲咸蛋味令到餃子好惹味 餃子皮都好脆 不過因為金沙本身都濃味 同本身淡味啲嘅椰菜餃比較夾 同芝士撞埋就岩重口味嘅朋友喇🤤🤤🥘香煎豆腐($19/3件)煎得好脆 再有淡淡椒鹽味 外脆內軟 係好惹味嘅小食🤓🍹菊花蜜 ($12)羅漢果甘草茶($12)兩樽都幾大支 而且飲得出係自家製 原汁原味 食煎餃下火就岩曬🤭🤭