影片
以上資料只供參考, 請與餐廳確認詳情
食家推介
相關文章
走著走著，路經一間豆品店，突然鍋貼癮一起，很自然到了此處一止口癮是也。小人簡簡單單的叫了三隻鍋貼加一碗豆腐，且看究竟。一隻碟上晒三件的鍋貼，隻隻漲卜卜的，甚是飽滿，底部煎得相當之脆，表面卻是仍然軟而濕潤，不會過硬，而且熱辣辣，足証是剛煎起的。鍋貼內是爆餡的豬肉，帶有些微的肉汁，依然可口。加分位還有不會過份油膩，可以蘸些辣椒油更添豐味！豆腐的豆味尚算濃厚突出，細滑順喉，不是特別的甜，食完鍋貼來一口，完美的配襯。鍋貼與豆腐的組合已久未食過，偶爾一嚐還是不錯。
繼續閱讀
多謝之前一篇食評等我老闆娘鬧🤣其實呢間豆漿粢飯店一直想幫請好耐，可能有超過十年，不過一直都冇機會，因為佢只係早上營業，真係名副其實嘅一間早餐店，不過今日終於有機會，老闆娘係好cool嘅，不過佢嘅粢飯同埋鹹豆漿真係好食嘅，好home made嘅味道 健粢飯都幾大件，即叫即包，油炸鬼係脆口嘅。至於碗鹹豆漿味道都唔錯，油炸鬼砌成絲仲有啲榨菜粒，食落似攪碎豆腐花多啲。另外仲叫咗鍋貼，我好乖咁叫咗兩粒，雖然係室溫但係個味道都ok。入面淨係得呢幾樣嘢叫。
繼續閱讀
雖然土瓜灣美華光榮結業、其實土瓜灣仲有一間粢飯臥虎藏龍、「豆漿王阿媽」是也、樸素裝修、由王阿媽一人表演、勁過你食Omakase , 零助手、Salute , 所以做到老闆娘好多牢騷、潛規則食法、當自己去到歐洲餐廳唔好自己主動叫食、等老闆娘問你食乜嘢、唔好催佢、唔係佢會問你吹What、鍋貼唔好叫一隻、老闆娘要洗碟加上唔夠碟，兩隻起叫 、加上要有耐性、這樣能夠減少被老闆娘問候的機會個人食法粢飯小飯多餡、熱辣辣QQ糯米、油炸鬼極度脆口、肉鬆不乾不柴、還帶點酥香甜味。鹹漿多榨菜多辣油、豆味十足，豆腐花式潤滑、加上兩隻鍋貼🥟，豆漿內有豆腐碎枝竹、豆漿超人飛佛老闆娘也想光榮結業、希望法巴、瑞銀、摩根士丹利有興趣
繼續閱讀
朝頭早返工趕時間，個人已燥燥地。諗住去呢間買粢飯豆漿，當時無人排隊，我只不過行入店內同佢講我要粢飯走炸菜豆漿，這個婆娘就大聲呼喝我：「你出返去等。」然後，佢又問我粢飯要走乜。於是，我行入去同佢講走榨菜，佢又大聲呼喝，叫我出返去不斷向我發脾氣。我忍無可忍，就大聲教育她：「你打開門做生意啲客梗係入嚟啦！你門口都冇寫嚴禁進入！你咁有性格做乜嘢生意啊，我睇你個衰樣都係日日搵啲客嚟出氣㗎啦。」個婆娘立即粒水，係咁話溝通唔到溝通唔到。奉勸各位，無論佢幾惡都好，你記住你係客，無論佢啲嘢幾平幾貴，佢對你冇禮貌就係佢唔啱。佢鬧你你就要鬧返佢！我俾錢你賺仲要受你氣？你無嘢呀話？這會係我最後一次幫襯
繼續閱讀
呢間係一間遠近馳名既食店，並不是佢嘅食物是非常好味，而佢遠近馳名嘅原因，係因為呢間舖嘅老闆娘 態度非常之惡劣，如果你係想食比較好味中式嘢嘅話你即管可以去試，但係就要預左一定要忍受呢位老闆娘嘅脾氣囉 ，因為間舖得佢一個人，佢做唔切，就會搵客人嚟出氣，一路鬧客人，但係佢啲早餐食物係算好味嘅 ，所以佢係唯一一間態度惡劣而我繼續幫襯嘅店舖(佢都鬧過我幾次)，但都係提醒大家啦~如果你係想食好味嘅中式早餐，又要好好嘅服務嘅話，就絕對唔好幫襯佢啦~如果唔係你一朝早未食個早餐就會一肚氣，但係如果你唔介意服務嘅話你想食中式嘅早餐嘅話你可以去食。
繼續閱讀