讚記廚房

十人聚會朋友話不如試試呢度知道可以請店方寫菜單，原本聽到茶餐廳都打個突，不過朋友聚會人地希望就是但啦，點知當晚第一碟花膠螺頭湯渣上碟已經知道不得了，之後龍蝦，瓜子斑，連幾碟用來點菜同蒸魚既醬油都係極出色，睇相已經知道餸菜係咪高質。是晚人均400…查看更多

下午茶時間打電話去叫外賣，我已經有禮貌講唔該想叫嘢食，佢同我講冇嗰個飯咁我就問佢而家有咩食，佢已經唔耐煩，然後我就諗住叫第二個飯，但個店員都未聽我講完就cut線，我再打過去落單嘅時候問佢點解cut線佢扮聽唔到，然後語氣極差，落完單又即刻cut我線，如果大家唔想受氣建議唔好去食👎🏼👎🏼👎🏼成個體驗真係好差，不過其實送外賣嗰個人嘅態度係冇問題，係聽電話嗰個態度惡劣👎🏼所以就算平下次都唔會再食了。…查看更多

［尖沙咀：讚記廚房］地址：寶勒巷6-8號盈豐商業大廈地下B號舖今晚一家三口到尖嘴搵食，就食下中菜。上菜速度快， 侍應服務態度正常。#沙薑雞套餐：賣相幾好， 但希望愈大失望愈大。 原先想食沙薑雞好耐， 但這似鼓油雞多過沙薑雞！ 以為侍應攪錯， 食落真係有小小沙薑味。（如果唔認真再試完全食唔到沙薑味）雞件算滑， 味道普普通通。#枝竹火腩豆腐煲：好大碟， 枝竹豆腐都入味，火腩半肥瘦， 正常客飯。#西檬牛仔骨：西檸雞/鴨試得多， 未試過西檬牛仔骨。份量都算大碟，味道正常，牛仔骨都算淋， 有咬感， 賣相都可以。#2個套餐有兩杯凍飲（@+$3）#奉送一大湯碗例湯：今日係椰子雞腳豬骨湯3人份量， 湯底確實好濃， 好飲！整體只可叫比3/5 分。 #環境可以夠闊3分，坐得舒服#食物質素3分#服務態度3分#hkfoodie#油尖旺晚餐…查看更多

火腿通粉煎雙蛋早餐湯底濃郁味偏鹹，屬於傳統嘅火腿通粉味道，現時好多新開嘅餐廳都唔識做呢種湯底，唔係咁容易揾返e種口味。通粉軟熟度啱啱好有口感，火腿正常，火腿通粉份量較細少但係好食。兩隻煎蛋都煎得好靚仔軟滑美味，蛋黃唔會散漏，雖然係簡單嘅烹調，家吓好多餐廳都會煎散隻荷包蛋又或一早煎定實掘掘。牛角包較為普通，屬於正常水平，略嫌唔夠熱。咖啡質量可以，味道夠濃，有奶香味道兼滑溜，可惜略為偏苦澀味，種類屬Arabian coffee 。餐廳裝修簡單整潔，係傳統港式茶餐廳經營模式，顧客坐低立即俾杯水，如果𨍭為杯清茶咁就冇得頂。店員服務有禮貌勤奮，快手快腳。杯碟刀叉餐桌清潔乾淨，座位枱凳通道寬敞，椅桌較殘舊，而且張枱高度有啲怪怪較為過高。價錢屬於街坊大眾化，以尖沙咀地段收三十五個大洋仲可以食得飽。餐廳夠水準有誠意。…查看更多

【油尖旺區】【讚記廚房】又同大家嚟到尖東搵嘢食，今次呢間茶記小廚都係喺寶勒巷。好耐之前嗰單卡拉 OK 縱火案估唔到到而家都會有新進展，事隔 27 年，嗰一帶好多嘢都已經唔同晒。今次想講嘅呢間餐廳，睇個樣都開咗一段時間，佢哋賣緊嘅唔係咩特色嘢，都係啲港式小菜。不過我一條友去，又真係食唔到啲乜嘢。都係搵下有冇啲客飯，甚至如果有常餐就最好，最後發現係冇嘅。咁就求其搵啲嘢食啦，本身諗住叫半隻雞，但係當刻諗落又好似冇咁肚餓。見到佢哋嘅「讚記特色雞飯套餐」有兩款，一款辣，一款唔辣，要唔辣嗰款。講緊嘅即係 $71 嘅「讚記客家沙薑雞套餐」，佢有讚記客家沙薑雞加碗白飯同一兜例湯，個例湯都幾熱，我最後係食晒啲嘢先飲佢，咁先飲到。而啲雞只能夠講係可以，醬汁唔算好食，整體一般。加 $3 飲「凍檸茶走甜」，正正常常。埋單 $74，冇乜感覺。。。（地址：尖沙咀寶勒巷6-8號盈豐商業大廈地下B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #紅磡 #尖東 #尖沙咀 #1am紅館 #讚記廚房 #讚記特色雞飯套餐 #讚記客家沙薑雞套餐 #讚記客家沙薑雞 #白飯 #例湯 #凍檸茶走甜 #1am1595 #1ambackup…查看更多