譽滿點心專門店

發現街上愈開愈多包點XX之類既點心外賣店，但我覺得飲茶食點心一定要坐低食先有feel，呢晚收工後響奧海城買完衫，就約左細佬一齊食點心當晚餐。舖頭夜晚客人唔太多，我地唔洗排隊就入得。發現原來舖頭仲有做點心放題，好似100左右一位，好平，不過我地2個都on diet中，所以就散叫。基本點心種類齊全，價錢都幾平。譽滿鮮蝦餃：蝦餃皮光滑亮麗，厚薄適中，餡料有蝦有肉，唔洗點醬汁，就咁食都唔錯。白玉棉花雞：雞肉用上雞扒肉，蒸完好滑，底既豬皮蒸到好淋，吸哂D汁。香辣XO醬腸粉：呢個幾好味，餐廳有用蝦放埋落去炒，腸粉全部抄到兩面金黃色，食落鹹香，簡單就是美。馬蘇里拉芝士蝦春卷：春卷炸到好脆，但食落又唔係好油膩，芝士同蝦都幾夾。雪山酥皮叉燒包：個皮略厚，味道還好。…查看更多

放假約左朋友去m+行下，但上網booking得返四點，所以諗住食埋lunch先過去，最後我地決定去大角咀覓食，因為平時較少去呢區，周圍行下行下，見到間點心舖下午茶$10有四款點心，其中一款既蘇哥棗皇糕吸引左我地入去。蘇哥首創新疆紅棗糕 $22🥰外表看似平平無奇，原來超濃紅棗味，質地軟糯，係我暫時食過最好食既紅棗糕，食完真係會想再encore懷舊蠟味糯米包 $24👍🏻將蝦米、臘腸、臘肉切碎混入糯米飯中，一口咬落去就有淡淡蠟味既味道，size超大隻，食完三隻已經飽左一半燒汁魚茸茄子 $18汁料味道不錯，可惜炸得有啲過火，魚茸硬咗少少魚肚大雜燴 $32味道就係薑蔥牛柏葉加入魷魚同魚肚，兩大件魚肚，性價比高蟹子燒賣王 $ 26面層舖滿蟹子，一啖咬落去就有好香既冬菇味，餡料都算多蝦，但就吾係原隻大蝦譽滿鮮蝦餃 $ 27蝦餃皮厚薄適中，咬落有少少煙靭，餡料都算多蝦，但就吾係原隻大蝦最後係我去完M+都仲好掛住件紅棗糕，我諗我會為左件紅棗糕再返去食多次🤣🤣🥰Hidden Lady 大愛👍🏻Hidden Lady 推介…查看更多

同媽咪飲茶佢成日都話要一盅兩件㗎😅所以今次帶佢去一間新嘅點心店度食飲茶😍😍媽咪話好抵食呀👍兩個人食咗100蚊左布，但係我哋叫咗好多嘢食喎😋抵過酒樓呀👍坐得又舒服啲嘢食又新鮮即叫即整，服務仲好好添👏👏超級正呀💯椒鹽足料燒賣，呢個燒賣好特別㗎唔係蒸係炸㗎 😍好味㗎😋咬落外脆內軟加埋啲椒鹽超級正呀👍👍香煎蘿蔔糕， 佢已經有一邊係辣椒醬一邊係甜醬畀我哋㗎啦👍👍個蘿蔔糕有蘿蔔絲唔係好多粉証明足料👍煎出嚟好香脆💯比喺酒樓嗰啲好好多多呀👍特色腐皮卷脆卜卜好好味😋金珠鹹水角😋 外脆內軟裏面仲好多餡好足料yummy💯，雪山酥皮叉燒餐包 ， 酒樓都好少食到啦😁咬落去好鬆脆好甜好好味，裏面有好多舊叉燒同醬汁，而且個包係皮薄餡多呀💯，裕滿鮮蝦餃 🦐， 店長哥哥極力推介，佢話好多人食㗎👍真係㗎好大粒蝦喺裏面呀😍😍皮好薄喎💯呢個梗係多人食啦😁😁，🍳炸蛋黃流沙包，嘩😅呢個食要小心啲呀😅一咬落去啲真係流出嚟💯你睇下幾juicy同埋係好好味呀💯嗰啲奶黃呢冇嗰陣奶嘅腥味，係好juicy好creamy好正💯💯…查看更多

雖然是小店一間但他的點心放題非常驚喜有22款點心供應選擇點心也十分快速沒有漏單, 我們再給第二次加單,一樣份量上菜速度也很快,店員十分之有禮貌,清理枱上點心籠十分快,炸牛肉角十分脆牛柏葉份量非常之多比平時酒樓用蘿蔔墊底有很大的驚喜其餘的蝦餃燒賣叉燒包鯪魚球都是值得一試份量十足全部熱辣辣,這放題點心以這個價錢十分超值我今次我們利是蒸飯和糯米飯下次一定會再試再幫襯…查看更多

都唔知點解咁難食仲咁多人去，有啲人仲搭車過嚟㖭 我覺得一啲都唔值得囉！ 啲鹹水角又厚皮,啲餃唔知點解個蒸籠旁邊有啲神奇白色粉，然後啲嘢有污糟糟...酥皮叉燒包有完全唔酥脆，根本就不知所謂...我畀我都唔會再有下次啦...如果有心過嚟大角咀食點心， 寧願你哋去添X運，都係大角咀附近，完全冇必要過嚟呢間嘢食囉， 仲要中午排曬長龍， 完全不知所謂， 如果嚟食好西真係唔使去啦！！！其實食物最重要就係個衛生, 間嘢都唔衛生…查看更多