譽居

營業中

休息中

我們由坑口行去康城，諗住去康城嘅英皇戲院睇早場，平啲啲，而且英皇戲院好新同埋座位好舒服。之後我們見到一間叫做“譽居”嘅酒樓，入去睇下有乜食，原來主打食粥、麵，其他有點心和炒粉麵飯等。門面好似好高檔，內裏坐位都幾舒服，裝修好新，都幾靚。我們叫咗一個生菜鯪魚球粥、王牌鹹肉粽，鮮蝦菜苗餃和沙律蝦春捲。生菜鯪魚球粥，好棉，鯪魚球有五粒算係多同埋好大碗。食咗唔口渴應該係冇味精。蝦春捲好鬆脆，鹹肉粽和鮮蝦菜苗餃，味道同其他酒樓冇分別。總結：乾淨，服務一般啦，食物質素都ok，可以一試。

知道呢間茶樓開幕時 其實好興奮 但後來覺得價錢太唔親民就無意欲黎 今日家人剛好約左朋友黎到飲茶 話我知原來佢地依家有孖寶套餐 就買左返黎比我做Lunch☺️☺️孖寶要左籠仔糯米飯 同 潮式粉果👯‍♀️先講糯米飯 份量足 入面既臘腸比得好豪邁 用左比較肥既臘腸 所以飯內充滿油香 亦有荷葉香 配埋其他配料 如蛋 蔥花 芫茜等 味道及口感都好有層次🥰潮式粉果就不果不失 雖然餡料調味非常好 亦保留到白蘿蔔既爽脆 但皮略太厚而且無味 難以下嚥😅😅另外家人將剩下既牛肉燒賣都一併打包 反而呢樣唔錯 凍左但仍有肉汁 有返茶樓既水準 點少少喼汁就更能帶出味道🙋🏻‍♀️

星期六六點半食唔算多人，仲有卡位坐，招呼都唔錯，有禮貌沙薑雞腳：味道唔錯蔥花蝦米腸粉：腸粉好滑皮蛋芫荽魚片湯一碗：熱辣辣上枱，加咗少少酒，味道唔錯山竹牛肉： OK星洲炒米：一般燒鵝粒梅菜炒飯：燒鵝粒好細好細粒，梅菜好淡口，但味道冇問題鹹水角：夠熱，但係個餡唔好食牛柏葉：好食燉雙皮奶：唔好食其實整體都唔係太差，埋單四百幾蚊，差唔多啦叫咁多樣都係兩三樣唔好食，都唔係差得咁緊要啫

呢度啲服務超級差，樓面對啲客人呼呼喝喝非常冇禮貌，入面環境擠迫座位狹窄污煙漳氣，入面嗰啲服務員又係超級冇禮貌，黑口黑面對住啲人近乎咆哮。嗰啲食物簡直係拉圾，又咸又難食。魚肉釀茄子不知所謂，得粉味同油，胡椒味勁到咬一啖都要打乞嗤，啲油重要係唔新鮮呢碟牛肉炒飯簡直係難食之中嘅極品，啲飯唔乾身濕趯趯，得個鹹字，又係落咗勁多油落去。仲有嗰啲牛肉麵係得鹼水味，食咗一啖就冇辦法再食落去。啲茶味衰過滾水，價錢亦都唔平，簡直係「費墨」之中嘅極品，快啲執 笠

每次經過都見到好多人 所以諗住一定有保證蝦餃 - 叫咗4款點心 唯一一個比較好食嘅 牛柏葉 - 唔夠味 同埋第一次見有茶樓放西芹 又無乜薑蔥雪山叉燒包 - 好細個🥺 仲要好奇怪嘅口感 個雪山唔夠雪山而且個包入面似浸咗水嘅口感薑蔥蝦米腸粉 - 失敗之作！個份量係好大份 但係完全唔放得入口 個腸粉酸嘅🤮 本身無諗住寫食評 所以無影相，但真係好失望同埋唔想有其他受害者，所以食完忍唔住要分享。希望唔好有其他街坊同我一樣比入面人山人海嘅境像呃咗😮‍💨 P.s. 如果對食物質素完全無要求嘅話 佢係抵食嘅

同媽媽睇完早場戲， 時間尚早就諗住 近近哋去飲茶， 之前曾經係呢一間 酒樓食過晚飯，佢啲小菜味道唔錯而且熱辣辣事隔幾個月。。。諗住試下佢哋嘅點心， 點知😥有點點失望而回的感覺🙈🙈🙈 其實假期就應該加強店員嘅人手 ，店員人手不足我哋叫咗啲麵同點心黑椒牛柳絲炒麵， 冇諗過個面係凍嘅， 上面個 芡汁有少少暖， 但味道尚可醬皇蒸鳳爪失望。。。鮮蝦腐皮卷 + 香脆南乳煎薄餅凍嘅。。。最正常係山竹牛肉球鮮 / 鮮蝦燒賣皇/足料灌湯餃係熱嘅。。。其實食點心就係鍾意，熱辣辣香噴噴

來到康城商場，想享受平靚正的下午茶，就非譽居莫屬。因為每人食得飽飽，幾個點心，人均消費都是$50-$60！我試了下午茶餐。下午茶點心優惠$35，自選2款。每個餐可選兩款食物，我叫了兩個餐。雪山叉燒餐包，一碟三件，熱騰騰新鮮出爐，包點一定趁熱就好食，外型焗到好脆，剛剛好。入裏叉燒好足料，也是甜甜的。😚跟餐的話，我還點了山竹牛肉球，牛肉球的味道不錯，也是大大粒，一盅三件，配上喼汁食為佳。除此之外，點了沙律蝦春卷。外型炸得黃金，並且切好六件，一食下去就香脆可口。入裏的蝦肉也爽口，而且入面仲有小蜜桃，配合沙律醬，完美。😃還有點了瑤柱節瓜脯，係魚肉和蝦膠製成，加上瑤柱，相當有營養。一盅三件，性價比高。最後主食方面，散叫了一碗雲呑麪 $43三粒雲呑大大件，裏面的蝦也好新鮮，湯底好鮮甜。譽居地址： 將軍澳康城路1號The Lohas 2樓203號舖

今日陪媽咪入康城參觀下新商場，商場入面只有2間提供點心嘅酒樓，2間喺星期六都要排隊，最後呢間有位先就揀咗佢，大概等咗15分鐘左右，唔算太耐鮮蝦腐皮卷，一睇顏色咁淺就知道未炸透，，完全唔脆。餡料都係普普通通娥姐蒸粉果，同我想像中嘅粉果好大出入，呢個粉果其實即係鮮蝦西芹餃，2種配料都幾夾幾好食叫咗個魚頭粥但無影相，魚頭只係得半個，有點失望。諗住叫個油炸鬼送粥，完全硬到浸粥都唔淋，而且非常之油，睇下碟底張紙就知，千萬唔好叫油炸鬼！藥膳雞腳，有紅棗杞子同埋淡淡嘅當歸味，雞腳亦都炆得幾淋鮮菇魚肚蒸雞，呢個好食，魚肚蒸得剛好，索嘅汁調味適中，而且墊底嘅芋頭又粉又林，推薦

是日和B女到康城的譽居諗著食個中式brunch, 請職員提供BB櫈, 傲慢懶散, 完全無左件事, 最後全程無坐過BB櫈。剛坐鄰座剛到的亦有BB, 疑似是熟客，BB櫈立刻侍候。待客之道，厚此薄彼，劣也。另外，食物質素不佳，我哋叫了燒賣，有點蝦腥味，山竹牛肉球，乾爭爭，以為自行倒入喼汁會好一點，點知還是不行，豬潤腸粉好比牛肉球，又以為自己加入甜豉油會好食啲，亦是叫人失望。咸蛋燒腩仔飯僅可合格。食物未至難食，僅供果腹。結論，無下次。

坐低之後諗住用茶洗碗碟，一倒茶落碗度就清楚見到一層油，碗裏面仲好似見到一舊疑似未沖走既既油殘漬X_X食物味道還可以，唯獨有一次食叉燒腸份，臨放入口時聞到腸粉一陣酸味。但其他食物味道都唔錯。

今日專門去康城新開張的商場，順便黎搵食，見到呢間譽居點心，我中意飲茶就去試下，結果冇令我失望，點心用心製作的，腸粉夠薄夠滑，牛肉球味道唔錯，雪山叉燒餐包又香又脆，同埋佢下午茶時段去到5點，同朋友傾計坐下完全唔會趕，今次下午茶體驗真正一流。

康城近期開咗新商場，唯一一間可以飲茶嘅地方就係譽居啦，星期一至五早上仲有孖寶優惠，星期六日都有嘅不過就要早啲起身。一般來講性價比都唔錯嘅，而且喺康城其實你都冇得揀㗎啦😂孖寶既套餐就喺晒上邊嘅相，我自己個人係比較推介狀元及第粥同蝦米炸兩腸，呢一個餐性價比真係好高因為平時食一碗及第粥就要40幾蚊，碗粥包一粒肉丸啦仲有豬潤粉腸豬心，非常之豐富。另外仲叫咗艇仔粥同埋鹹肉糭，艇仔粥就會有魷魚絲同魚片，價錢其實係平過狀元及第粥，不過我自己就比較喜歡食多餸啲粥～另外仲叫咗鳳爪排骨飯同埋粉果，但係我就冇影相啦！不過粉果都整得幾好味而且非常之皮薄，入邊仲加咗我最愛嘅粉葛！😋三個人最後埋單連埋+1同埋茶位總共係$142。睇到依度同你分享一件事啦，如果你本身有入開譽居會員係可以儲積分， $10下次當一蚊用，不過依個會員唔係免費㗎，係要比$50先可以入會，所以如果你唔係成日幫襯佢就唔好入會啦。最後奉上一張正價嘅點心紙俾你地參考吓。