譚仔雲南米線 (馬鞍山廣場)

譚仔雲南米線的麻辣豬耳及魚蛋腩肉麻辣米線，味道十分出色。豬耳爽脆有嚼口，滲透麻辣汁的香辣且帶微微麻感，讓人一口接一口。魚蛋和腩肉份量充足，魚蛋鮮嫩彈牙，與米線完美融合，米線吸收了濃郁麻辣湯汁，香氣四溢，既能滿足愛辣人士，也不會過度刺激，是一碗極具滿足感的經典麻辣米線。凍奶茶香滑濃郁，茶味香濃，多奶味道豐富，甜度適中，冰涼解辣，非常相配！…查看更多

以前自己一個经常去呢间譚仔食，那時沒感受有咩服務今日本来是計划去大快活的但路過譚仔老婆想食那就進去了坐在長枱落單時，職員見卡座有人走就立刻執枱并建議我們轉去那邊并主動拿開筷子筒。帶着一歲的BB真的很難岀街食嘢米線都係那個味道，沒什麼好說的…查看更多

忠告大家一句 一個人就唔好食呢間啦試過幾次 入邊大把位唔叫枱 一定要叫人攞飛 好啦，我攞飛 攞咗飛等半個鐘都唔叫 淨係叫兩個三個四個人 呢啲咩服務態度。 問職員就推卸責任。仲要反問我，我有冇攞飛？ 咪玩啦，阿姐 唔止一次，真心氣憤 😡😡😡…查看更多

今日去馬鞍山嘅朋友仔屋企經過見到譚仔，梗係要叫番碗！估唔到譚仔已經搶先一步，咁快做咗外賣餐具要加$1叫咗最鍾意嘅蕃茄湯底！下午茶唔係好肚餓，仲將個米線轉咗做生菜底加埋必勝嘅雞肉炸醬真係超正！…查看更多

喺百騰物貴既香港地食晚餐，想唔過$100又想食得飽，豆漿加多$10“譚仔”絕對係一個不錯既選擇，價錢比較貼地難怪分店眾多，長期都客似雲來差唔多每次食“譚仔”我都會點重慶三小走韮、芽😂味道對我來說剛剛好辣度適中，很惹味不過食過咁多次，我第一次點$58既“過橋米線”🤣裏面有17種配料，啱哂有選擇困難既人😆裏面有魚蛋、牛丸、墨丸、豬膶、腩肉、火腿、炸醬、酸菜、竹笙、芽菜、韮菜、腐皮、生菜、豆卜就算我走韮、芽，都仲有15款配料🤣🤣🤣但同朋友每人食哂一碗真係好飽呀！share食又唔係幾夠食🤣下次都係嗌返竹笙、雞肉、重慶3小走韮、芽先…查看更多

譚仔好似7-11咁，總有一間會係左緊，而我公司附近就正正有一間，每日返工都會經過。作為一個好鍾意試新野個人一定要試試佢！------------- ⇣ 食後感想 ⇣ -------------🍜 黃金魚湯米線 配烤魚柳及魚肚｜$47魚湯係用咗黃燈籠辣椒，所以個湯底係黃黃地。湯底由5小辣起跳，今次叫咗小辣，辣度都幾夠。配料除咗平時啲韮菜、芽菜同腐皮外，仲加咗荽茜，所以唔食荽茜嘅朋友記咗走咗佢喇！烤魚柳有兩塊，size同宣傳圖相符，食落啖啖肉，仲要無骨！味道上甜甜地，肉質比較厚實。魚肚size好似豆卜咁，冇任何異味，吸曬啲魚湯味，我覺得個魚湯都幾啱我口味，所以個魚肚好食！🐟 涼拌薑蔥爽辣魚皮｜$23魚皮配上特製薑蔥辣汁，另外再配搭花生粒、荽茜及辣椒。辣汁十分重口味，味道略甜，自己唔太鍾意。魚皮十分爽口，冇腥味，有厚有薄，自己鍾意食薄身啲嘅口感。🍑 凍烏龍白桃蜜｜加配 $13飲唔稱唔上伏，但同想像中有好大出入，完全冇烏龍味，當佢係白桃汁飲會好啲。叫咗少甜，甜度啱啱好，正常糖嘅話應該會甜死。味道上都幾清，飲嚟解辣都唔錯。------------------------------/大家鍾意見嘅話請follow、like & comment，你地嘅支持係我更大嘅動力！/📍 譚仔雲南米線 (馬鞍山)馬鞍山西沙路608號馬鞍山廣場2樓266, 267A-B & 268號舖食評只反映餐廳當日及該分店情況！📸 打卡值 ▪ 💛💛🖤🖤🖤😋 好味值 ▪ 💛💛💛🖤🖤💸 抵食值 ▪ 💛💛💛🖤🖤 🤝 回頭值 ▪ 💛💛💛🖤🖤…查看更多

唔知大家會唔會久唔久就掛住譚仔米線，由其係鍾意食辣既朋友，今日心癢癢又想食譚仔，先發現最近新推出雞肉乍醬撈米線／寬粉，本身已經好鍾意佢地既乍醬，即刻試試佢先可以揀撈米線或者撈寬麵，好開心乍醬份量十分足料，撈勻之後都仲可以啖啖掛住滿滿既乍醬，唔駛慳住食，十分惹味，唯一可以話雞肉份量比較少另外仲叫左蒜泥白肉，佢個蒜泥真係好香濃好滑，而且份量係極多，十分之滿足，推介推介…查看更多

呢間食店真係勁，8號風球都照樣營業。我哋點咗素過橋米線配蟲草花湯，同埋蕃茄湯底過橋米線。🍜😋素過橋米線入面嘅配料豐富，有新鮮蔬菜同竹笙、淮山令味道更加豐富。👍🏼酸菜令米線更加開胃。湯底入面仲有蟲草花，增添咗一份營養同滋味。🌿🌱食落去，米線彈牙有嚼勁，湯底鮮甜唔膩口，服務員服務態度又好，耐心教我地用app點餐，好似岩岩裝修完，環境舒適，令食飯嘅體驗更加完美。👍🏻🌟如果你鍾意素食同埋喜歡米線嘅話，呢間食店岩晒你🤟🏼唔論係味道定係服務，唔會令你失望。一定要嚟試下啦！😍✨…查看更多

超黃又黑既菜，點解可以出俾客？唔係第一次了，打去插….解釋話天氣熱咁既藉口都得？其實都無藉口啦！又黃又黑既菜，點做到？即係一打開見到，火都黎🤬🤬🤬如果我食左唔舒服，係咪要追究呢？…………………..............................…查看更多

譚仔雲南米線 - 馬鞍山今次又去到馬鞍山新港城同馬鞍山中心行街我起身，食個晚餐。今次選擇左譚仔雲南米線，叫咗一個過橋米線酸辣（套餐）另外再加多左一份大嘅湖南土匪雞翼。過橋米線 $57湖南土匪雞翼（大） $35過橋米線真係好抵食，乜嘢餸都有都係$57 ，又有牛丸、墨丸、魚蛋、牛肉、雞肉、腩肉、豬潤、生菜、竹笙、腐竹、豆卜，非常豐富非常滿足，米線的硬度非常適中。馬鞍山分店的酸辣味道偏向較辣，非常好食惹味。另外再配埋一碟炸醬及酸菜，你每一啖米線口感更加豐富。另外，叫了一份大的湖南土匪雞翼，土匪雞翼，表面的黑芝麻令雞翼加上一份香脆的口感，雞翼味道醃得非常濃郁，上枱後雞翼仍然是熱辣辣非常香口，加上陣陣的孜然味非常惹味…查看更多

相信大家一定有聽過譚仔嘅大名, 以高質+CP高出名,所以就特登去譚仔一試晚餐。今次揀左一碗招牌嘅過橋米線同埋大土匪雞翼。作為招牌嘅過橋米線,佢嘅味道果然一流,麵身比想像中高質,而主打嘅肉類同丸都好夾成個麵餐,所有食材都滿足到我嘅口感。湯底我就揀左清湯,因為只有清湯先試到食物嘅真味道。大土匪雞翼嘅味道比想像中野味,加上整叫即炸,雞翼嘅鮮味同脆皮都高質。譚仔係近幾年一直發展, 而今次嘅晚餐無令我失望。最後黎講,譚仔好值得我同大家再去試試。…查看更多

🟨🟩【 譚仔雲南米線 】🟩🟨⋄ —————⧫♟⧫————— ⋄譚仔撈米線載譽回歸❤️‍🔥「烤豬柳芝士泡菜撈米線」——香濃芝士搭配酸酸辣辣嘅泡菜，加上鮮嫩多汁啖啖肉嘅烤豬柳，絕對可以令你嘅味蕾興奮躍動😋✨⋄┄ ┄ ┄ ┄ ❖ ┄ ┄ ┄ ┄ ⋄🧀烤豬柳芝士泡菜撈米線🐷 （$44）⋄┄ ┄ ┄ ┄ ❖ ┄ ┄ ┄ ┄ ⋄📍地址：馬鞍山西沙路608號馬鞍山廣場2樓266, 267A-B & 268號舖⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openrice #香港美食 #hkinfluencer #foodiehk #discoverhk #ccrreami馬鞍山 #ccrreami譚仔 #譚仔雲南米線 #譚仔 #撈米線 #烤豬柳芝士泡菜撈米線 #芝士泡菜隨意撈米線 @tamjai_hk…查看更多

譚仔始終係有佢嘅魅力，所以香港人周不時都會返去食一成！好似我哋咁，就算之前記得佢嘅份量未必俾得好多，但係都係會想食下佢嘅味道！今次媽咪嗌左酸菜魚底，加鯇魚片配豬大腸，不過兩款聊到非常之少！我記得上一次都係呢個情況，不過冇辦法啦我哋都係知道的個湯底幾好味，不過加$4都真係幾貴啊！我同阿哥仲嗌左碗過橋米線一齊食，因為Mak都想食下！但係感覺其實佢嘅米線唔係太多，都係一碗嘅份量多啲啲咁多成日都唔明，點解佢豬潤嘅成本咁抵，每次都係會比得咁孤寒！不過算啦，食過味道開心過就好不過冇黎一排，佢嘅服務態度同環境竟然好咗咁多！直情係水準之上…查看更多

最近為咗陪屋企人，午飯時間都提早好多，致電落單，店員會比取單編號，大約11:30到達譚仔，付款時講出取單編號，外賣自取到屋企約10分鐘路程。-湖南酸辣湯米線配竹笙米線附有芽菜、韭菜，湯底酸辣平均，冇鑊氣，竹笙分量多，吸湯後咬口不變，腍中帶爽，冇菇菌香，味道正常。-川辣木耳黑柏葉份量偏小，木耳多過黑柏葉，醬汁酸辣味濃，木耳爽，黑柏葉切幼身，香，爽口，兩個食材都掛汁，整體而言，味濃，略鹹。-十三香辣小食雜錦小食雜錦有燒賣、陳皮魚蛋、麵筋。醬汁鹹辣，唔酸，有味精，燒賣口感實，冇魚味，有胡椒香。陳皮魚蛋有陳皮香，唔彈牙，有魚香，偏油。麵筋冇食。整體醬汁同食物唔夾，偏鹹，樣樣得幾粒，性價比低。-總括而言，少米線可減一蚊，外賣自取有額外優惠，冇細心睇，性價比正常，欣賞譚仔會不停創新。…查看更多

貴為全港最多分店嘅米線舖，又真係無論堂食定外賣，幾時都有班支持者當然我都唔例外啦，隔一段時間就會幫襯，呢日就帶埋母親大人一齊食▶️湖南酸辣湯底 (餸就魚腐+墨魚春卷) - 我對湖南酸辣湯底情有獨鍾，鍾意佢酸酸辣辣但又唔會太辣，魚腐正正常常，墨魚春卷就皮脆有咬口▶️麻辣湯底2小辣 (餸就豆卜+豬膶) - 豆卜我覺得係必食，好食之餘份量又足夠，應該都有4-5 舊，抵食之選。豬膶又係正正常常，無特別▶️土匪雞翼 - 可算係譚仔另一名物，必食之選，點樣好味都唔使多講，不過叫5隻會抵好多，蠢咗！…查看更多