譚仔雲南米線 (葵豐大廈)

營業中

休息中

一般返工時會來葵芳譚仔雲南米線食午餐.這裡裝修無特別,桌子椅子間隔迫,一般很旺,味唔錯,很快有得食,算價格便宜,值得食.來時候,不要抱有高的期望,就不會失望.今天吃了魚腐米線,白色濃濃的湯底味精比較重,但味道可接受.以往我會點辣米線就好食D.米線幾滑幾淋,魚腐比較普通,味道不錯,十分開胃.總說,食物質素不錯,環境迫,服務ok.但返工沒有太多選擇,加上有些同事喜歡,所以會再來.

以前食譚仔, 係因為米線好食, 湯清得黎夠辣, 而且至愛他的墨魚圓, 又鮮甜, 又爽口. 唔知幾時開始, 個湯D色, 越來越深, 但就失去了之前的辣味. 而且墨魚已經唔再爽口加上每次都要等位, 連1個都要等..............我又小了一個心水餐廳了.

雞肉米線，要三小辣，外賣要加1蚊，如果你買完唔會咁快食，又驚啲麵琳哂的話，可以再加1蚊要佢啲麵同湯分開裝最近幾次食,已經發覺佢既湯底越黎越咸以前我可以成碗湯飲晒,但今次真係唔得d麵彈牙有咬口,好彩有叫佢分開姐雞肉我覺得'鞋口'咗d, 但味道ok,吸咗湯底d味,而且肉既份量都幾多話就話係麻辣,冇麻的感覺,但辣得都幾好味雖然係叫三小辣,個人認為同10小辣冇乜分別?每次辣既程度都好似唔一致咁....下次都係叫返酸辣算女仔黎講,好難成碗麵食晒,今次竟然比我食晒不過好飽小發現:原來普通米線同套餐米線既米線份量係一樣架

平時幫襯貪佢位置在地鐵隔離，快快食完坐車方便，都唔介意質素越來越差，佢呢間多了人幫襯，連亞姐D態度都差埋，最衰係最近個廁所無端端加鎖，食完去廁所，亞姐竟然話無男廁鎖匙，咁以後唔幫襯佢啦

平時見到譚仔記都好少話想入去食，今日，男友話不如去試下。入到去坐低後，研究食咩好，選擇左一碗過橋雲南米線，貪佢樣樣都有，店員都好有禮貌問我哋要吾要辣，咁我哋選擇左少少辣，跟住再要一個土匪雞翼五隻。先嚟個過橋雲南米線，感覺都好足料，而且好大碗，兩個人一定夠食，我同男友便開始食這碗超級大米線，講真，米線同配料都吾錯，但係個湯底就好似好重味精咁，飲了一口，便非常口渴，必須要再叫飲品即時解渴。再嚟個土匪雞翼，可以証明佢係即做，因為嚟到時都很熱，味道都吾錯，不過原來兩個人要食五隻雞翼，其實都幾多，可能之前果碗米線太大碗，已食到好飽，再要食埋個雞翼，真係太多了。不過，如果要我哋再嚟，就未必囉，因為覺得佢啲食物太多味精了，食完後，成日都覺口渴，實在頂吾順吧。

因為今日下午有野做,所以好晏先食LUNCH,下午3PM去到E間TAM仔成間野得3, 4桌客,好FREE呀!!!去到叫左豬肉4小辣米線+凍檸茶,其實TAM仔D野食好多人食過,都唔多洗點講!米線都出面的很不同, IN IN UN UN! GOOD~仲有, 第一次挑戰4小辣,都仲接受到, 不過對我黎講有點太麻了!不過5小辣又好似唔係好夠喉! -__-另外, 杯凍檸茶都唔錯, 唔會太甜又唔會太澀!!!而且好大杯!!! 成日就瀉咁!!!E間野我同MAMA成日去食,食到D姐姐都應該認到我地啦!因為今日下午落大雨由我開始食到食完都係咁大雨,飲埋杯OT就諗住俾錢走啦!!!個姐姐同我講,「唔坐多陣, 出邊好大雨呀!! 坐多陣啦!!!」即時令我覺得佢好好呀!!!因為平時大多數都係LUNCH TIME黎食GE,佢地都會好忙, 不過你叫到, 佢地都會好快去SERVE你!E間都算係我食過咁多間TAM仔之中, 最好的一間啦!!!

女朋友介紹去食，距話好好食wow+出名入到去爆曬甘劑，好彩搵到兩個位坐我食左個雞肉酸辣粉+炸醬d炸醬好好味，酸辣湯好飲我飲曬成碗湯添埋單都系26蚊一位，好平下次再來過

同朋友去食 酸辣湯底好夠味啊 我中意食酸覺得好滿意 對於我唔系好識食辣 個辣度都可以接受~~~分量都好夠 食碗一碗好飽炸醬同雞肉好好食啊 不過牛肉有少少腥土匪雞翼好香好惹味 正

好多間譚仔我都食過..其他野都無咩問題,,不過d間譚仔真係d餸真係少到喊~~ 無論堂食或外賣你去食就知 大家有去地鐵站附近果間分店就知佢地兩者有幾大分別~~暫時食過最好味既譚仔係科學館汁邊果間~~ 係三哥來的 d辣夠辣 d餸又多 好味

好多人好多人...有一段時間冇嚟譚仔食嘢, 今日突然心血來潮想食譚仔, 所以自己一個人由公司行去譚仔...由公司行去譚仔, 大大話話都要成十幾分鐘... 大家可想像我有幾想食...今日午餐叫咗: 豬肉米線+5小辣麻辣湯底我平時少吃辣, 5小辣的湯底就剛剛好, 少少辣, 辣到耳仔有少少痕, 但係又唔會辣到食唔到好鍾意啲豬肉, 大大片但係又唔"鞋"口... 土匪雞翼(細)其實食譚仔, 唔多唔少係因為掛住佢的土匪雞翼... 仲記得我第一次嚟食呢隻雞翼時, 我同事提我, "記住要咬爛啲芝麻喎, 好香架!!!" 要等10-15分鐘都ok凍檸茶一個人食, 其實有啲太飽...不過好滿足...

睇完film, 4個人搵地方食lunch...本來打算去o左mtr附近o個間食.. 點知要等成11個no..... 所以轉去睇下呢間會唔會少人d~入到去... 等位有點混亂, 冇飛仔, 好似是但有位就坐咁不過都等o左一陣...我地4個人各叫1碗米線, 再加大碟土匪雞翼($25-5隻)我叫o左剩酸菜+ 冬OT..等o左5-10mins... 有米線食喇~估唔到有咁多酸菜~一個最愛酸菜的我竟然都覺得多..同埋真係會食唔曬...土匪雞翼好好味, 好香, 又入味, 塊皮好脆*下次會再食酸菜, 因為夠多!=]不過如果唔share食土匪雞翼大碟...可以食小碟*有3隻~

呢間譚仔開張後都幫襯過幾次，每次都人山人海。試過以下小食︰麻辣皮蛋($10) 蒜泥白肉($20)紅椒木耳($20)土匪雞翼($25)全部小食都好好味！米線就最多都係食過小辣，因我不喜太辣。小辣都做到麻而不太辣，湯底又唔會好多油。不過米線就偏軟，唔夠彈牙。其他配料都有一定水準。整體來說都係好味！反而驚喜來自杯凍奶茶，好好飲，每次必叫！

譚仔在葵芳又有新店, 去到門口, 裡面坐滿人, 要拿籌等位, 真誇張.等了一陣終於有位, 張枱不是太大, 但要坐六個人, 所以都幾迫.這裡食米線的價錢都算大眾化, 米線連一個餸是$21, 每再加一個餸就加$4. 我叫了豬潤及牛肉, 而朋友叫了丸類和雞肉, 因為怕辣, 我們都點了清湯底.又等了一回兒, 米線終於送到, 用大湯碗盛著, 足一碗, 碗裡有芽菜, 腐皮及韭菜做配料. 先食米線, 感覺好煙韌, 幾特別喎. 腐皮都幾滑, 芽菜算幾多, 反而韭菜好似唔多見到,. 豬潤味道正常, 牛肉切得薄, 但就好韌, 韌到差D咬唔開, 點解這樣的牛肉可以給客人吃呢? 致於個湯底, 就覺得不夠味, 唔通清湯就等如是冇味的? 還是一定要吃辣先至好味?朋友話雞肉嚡了些, 不過味道是可以的. 由於朋友的米線份量較我的更多, 所以最後都吃剩了.初進入店內, 覺得地方算是乾淨的, 但在我後面枱的食客竟然在枱下發現隻死蟑螂, 真嚇親人, 衛生情況確實有待改善. 吃畢了, 由於不是坐得太舒服, 又諗起隻死蟑螂, 所以都係速速埋單走人了.

今晚同兩老試下依間新分店~米線套餐 ($40)麻辣皮蛋 ($10)土匪雞翼 ($25)米線套餐: 味道唔錯，不過米線唔彈牙，最重要係分量比深水埗少好多！三個人食唔係好夠~麻辣皮蛋: ok, 夠麻夠辣~土匪雞翼: 好味，香又唔油！