譚仔雲南米線 (愉景新城)

營業中

休息中

朝早9:00左右去愉景新城譚仔食早餐😡我見有位就坐下😡之後我叫了很多聲都沒有侍應回應😡等了很久先至有一個回應但她叫我等等😡😡之後我再等了大約10分鐘左右😡仍然冇人嚟執枱及幫我寫嘢😡我之後見到佢帶住一個啱啱入來店內想食早餐嘅客人坐下及幫她寫嘢😡有冇搞錯😡😡我就入嚟坐咗10分鐘你都唔幫我執枱寫嘢人哋啱啱入嚟你就帶埋佢去個位嗰度仲幫佢寫早餐😡之後我一怒之下我就話佢哋服務態度極差之後就走咗去😡希望你哋唔好再去呢間嗰度食早餐服務態度極差😡😡😡😡😡😡😡😡😡😡

今次試咗雞肉和牛肉米線，真係好味！米線滑爽，湯底香濃，雞肉嫩滑，牛肉煮得剛好，口感一流。麻辣豬耳更係一大亮點，口感脆嫩，麻辣味道十足，帶來一啲刺激，十分開胃。整體而言，呢個組合味道豐富，食材新鮮，適合鍾意重口味嘅朋友，值得推薦，必定會再嚟！

是日，叫4份早餐，其中叫了一份鹹牛肉三文治，但裏面的牛肉蛋料實在太單薄，與照片賣相相差太遠。只是簡單一份三文治也令人失望。其他湯粉，份量正常，所以別在譚仔叫三文治

聽朋友講話依家譚仔好食過三哥，一路都食開三哥嘅我，一於去試吓啦，點知食到一肚氣，食材係冇問題嘅，起碼白魚蛋都彈牙唔同另外果間咁，冇味同𣺉！但食一碗米線要等半個鐘，唔趕時間可以去呀，催咗佢哋三次，次次都話煮緊，仲有唔止我一個等咁耐我都唔知佢哋係咪做晒啲外賣單先，另外落單Apps明明有用到迎新優惠券，埋單時話我冇用到！唔通落單時會cap定 screen咩，原來唔止我一個食評話要等咁耐，早知睇咗食評先啦！

天氣熱辣辣, 真係唔想行出去買lunch見到外賣平台有一人餐免運費, 一於試下咩水平原價$58有3個餸, 但如果揀唔同既餸都係唔同既價錢, 要加錢的湯底, 面底唔同都係要加錢我揀左魚蛋, 雞肉, 豬潤, 酸辣湯底連埋平台費, 最後都要$63埋單嫁但打開d餸睇落就唔吸引啦, 份量唔多睇落又唔似新鮮料咁米線又偏硬不過試下囉! 叫做唔洗自己行嘛 , 人懶都無計~

堂食 等到有米線時間30-45分鐘譚仔姐姐態度冷淡、差每次都係愉景新城呢間譚仔要等30分鐘以上入面廚房出哂外賣先做堂食，堂食唔建議食試過叫外賣呢間比少過餸、內部超混亂

譚仔雲南米線推出左限定既米線一定要去試下▶️ 香辣豬紅鳳爪麻辣湯米線♨️味道偏麻為主🤔，辣味相對較少，鳳爪超級入味🥳，味道濃郁👏🏻但米線就略為硬身左少少，食到尾聲會feel到嘴唇都食到麻痺左🥵「炸醬、魚旦湖南酸辣湯米線🍜」酸酸辣辣好開胃🤗，魚旦爽口彈牙，份量不錯👍🏻「墨魚、炸醬清湯米線🍜」今次清湯湯底味道幾好，唔會過鹹，唔會過淡🫶🏻💕 港味．譚仔味 💕譚仔雲南米線地址 : 荃灣愉景新城2樓2077號舖電話 : 23318126

之前已經寫過哩間食評，今次主要系讚揚哩間早餐兩個員工。圖中哩兩位通常早班員工無論幾忙，都好有笑容，有禮貌，有速度，有跟進，有多謝，難得。其他員工好好學習，尤其是戴眼鏡的女店長。

午飯時間等了20分鐘後仍未上菜，催單後仍然未有。隔離比我更遲進來的也已經有得食了，我說要取消單才立即煮。 前後等一碗米線等了接近30分鐘。 上一次來都要催單，但催完都好快就有。

本身諗住食火鍋，終於有位坐低，突然一位男同事，突然要求我們與另一台客人掉位，亦沒有任何解釋換位原因，然後發現新的座位是不能火鍋的，事後發現不能火鍋，希望要求調返原本位置，但同事只係向我地詢問：介唔介意食米線，我哋表示係入嚟食火鍋，佢既答覆係：唯有下次再食，完全冇歉意，亦都冇打算處理呢次事件，也太過份了吧🥲

終於開始提供早餐啦哩附近早餐都食到悶，前幾天行過見到譚仔一早開門有早餐，其實以前系其他區一早有，所以今日特別去試下。其實佢位置系非常好，由地鐵去行荃灣工業區差不多通常經過，所以之前無做早餐系市場研究做得吾好，今日7點幾去到已經有幾檯，再一陣都差不多做滿。餐牌比茶餐廳選擇少，但好車在有部分特別，當然有部分系佢自己午晚餐都系果D 料。本來想自己點餐，但兩部手機掃QR code 失敗。C 餐（$37）- 牛油厚多士 系幾厚，牛油另上，個人喜歡好似蒜蓉咁揸好因為冬天比較難融，又吾香-脆片雞扒配千島醬 雞皮又真系幾脆，難得，雞肉都比較滑，吾錯，配千島醬系其他茶餐廳好似未見過，特別- 家鄉泡米通粉 幾特別，有D 肉碎，米通粉系茶餐廳都吾一定有，好煙靱，好味。- 咖啡 都算有香味- 唯一吾好系通粉湯吾夠熱，餐茶等好耐，一方面系通常等幾個餐一次同餐車推出來，另一方面系工作流程吾暢順，但人手絕對夠有突，管理要改善。G餐 （$35）豬肉米通粉（$35）- 正常譚仔質量，豬肉比較鞋，好處當然系茶餐廳只會有炸豬扒，無咁健康- 湯底選擇清湯，比其他茶餐廳味精湯好好多。- 性價比高。

譚仔雲南米線推出咗期間限定嘅米線一定要試下，一如既往無失望🥳呢間舖嘅ᴅᴇsɪɢɴ好靚，除咗有沙發位仲有單人坐嘅位🤞🏻就算係一個人嚟食都唔洗同人搭台唔洗怕尷尬😎1️⃣ 黃金魚湯米線配烤魚柳·魚肚🍜原湯底係用咗海南黃燈籠辣椒製作，會有少少辣椒粒～🫣 但係因為我怕太辣所以就轉咗鮮蕃茄湯底(嗌呢碗可以免費升級㗎)🤭蕃茄湯底超級濃郁，仲可以見到有蕃茄嘅蹤影，真材實料😍 配料方面有烤魚柳同魚肚，兩個份量都唔少㗎😛魚柳有兩大條，入口好嫩亦冇骨，食落啖啖肉😌 而魚肚就冇腥味，厚切而且有口感，吸收晒啲湯嘅精華，超級入味，ᴊᴇɴɢ🥳2️⃣ 涼拌薑蔥爽辣魚皮🐟平時都係食開炸魚皮居多，今次呢到嘅魚皮用咗特製薑蔥油同辣椒醬，配搭咗指天椒、白芝麻、芫茜同蔥花等等🌶……加上每件魚皮都好厚，食落好爽脆😬 有埋花生更上一層樓🥜3️⃣ 凍白桃烏龍🍑超ᴄʜɪʟʟ味嘅飲品，烏龍茶啲茶底唔太濃，加上白桃十分清香，仲有片檸檬，飲落一啲都唔會澀，好好飲好ғʀᴇsʜ🤤

最近譚仔新除香蒜翠玉帶子，$18一串，我諗同出邊好多串燒店價錢都算持平。一共有原味香蒜同麻辣香蒜兩款，一串有兩粒帶子同兩粒翠玉瓜。係眾多蔬菜瓜果類入面，翠玉瓜一直係我嘅number one之選，再加埋譚仔必不可少嘅香蒜醬，今次呢個串串，我點可以唔叫！翠玉瓜比想像中厚切好多，雖然咬落去好juicy，但咬到入去就無咩香味同蒜味。帶子唔算好厚，加埋個一層香蒜醬，簡直滋味無窮。

係附近放lunch 諗唔到食咩 就去左最近既譚仔食野～星期六lunch hour唔洗等位走入得服務都幾唔錯咁！不過食物就唔太掂⋯⋯我嗌左個竹笙雞肉煳辣走韮男朋友嗌左個竹笙牛肉麻辣三小走韮唔洗等太耐就送到黎啲餸同米線既質素都合格既但湯底真係超級唔掂煳辣湯底顏色同男朋友嗌既麻辣湯底既係一模一樣以我所認識同食開既煳辣湯底唔係應該係類似深啡色既咩！？🤯🤯🤯但味道同麻辣湯底的確有少少少少既唔同食落去似係少少既煳辣湯加大量既滾水溝到個湯底超冇味😵‍💫

今日又同🤴🏻去 ‘譚仔 ’ 試新嘢😄😄～～～花椒重慶酸辣🌶湯寬麵🍜+ 濃汁豬軟骨～～～花椒重慶酸辣湯辣🌶度最少三小辣🌶起跳，辣🌶味正常😁😁，真係比普通酸辣嘅酸啲😉😉至於新出嘅寬麵比想像中嘅唔夠寬闊，同普通粉麵鋪嘅粗麵一樣，仲要零彈性，🤴🏻形容為 ‘ 普通以下 ’ 😤😤，我非常認同😖😖豬軟骨有三塊，大小同味道都OK，軟骨就真係非常軟🫠🫠，但同時會有啲似五香肉丁嘅碎肉仔喺旁邊🙄🙄寬麵就唔需要試，豬軟骨可以一試（試過便好了）😏😏～～～三花清潤綠茶🍵～～～味道好清、好清嘅一杯綠茶🍵😐😐上次食唔到新植物肉餃子🥟（賣晒）😖😖，今次又食唔到（又賣晒）😣😣