譚仔雲南米線 (海之戀商場)

營業中

休息中

平時返工一直都有食開港九新界分店嘅譚仔，海之戀E間分店簡直一流，永遠叫外賣唔會比齊嘢，講緊唔係餐具，叫六個餸永遠得五個餸，叫芫荽米線芫荽可以得一條係入面。但出邊其他分店唔會有呢個問題。 海之戀分店啲員工係正。 去譚仔投訴都係只會叫你下次補返俾你當你外賣拎走又點會返轉頭同佢拎返嗰一個餸佢又永遠唔會送嚟俾你，行嚟行去碗麵都凍啦。其實真係勁唔開心打開個麵同平時喺出邊分店食落差勁大，真係唔知點解得佢呢間分店先係咁其實點樣先可以令佢哋有進步

絶對港式米線，係得呢兩間雄霸整個米線市場，它們叫餸的讀音方法真係一種特色，我很少幫襯，所以唔識點餸落order，唔知有冇比啲服務員笑我鄉下仔無食過港式叫法的米線呢！最初係比個「香茜」廣告吸引我入去食，杯飲品真係無得頂👍，估唔到香茜同雪碧非常之夾，有啲衝動想返屋企自己試下搞返杯自己飲。講真米線和車仔麵呢啲真係不是平價嘢，但我個人比較喜歡車仔麵，因為比較足料夠味，睇啱那樣餸就點那樣餸，同今次食米線的經驗很大分別，話明係酸菜，但碗內酸菜極少，肉有三四片，碗內最多係啲無謂嘢......牙菜和九菜。

剛剛幫襯完。時間大約lunch time 前，所以冇乜人。地方乾淨。肆應服務中規中矩。叫左個湖南麻辣湯底加腐皮同魚蛋。湯OK，唔太辣，冇得揀辣度。送都OK。但米線完全冇味道。湯完全冇掛到米線上邊。所以唔鍾意。短時間唔會再幫襯。

終於試咗香港第一間自助式譚仔到店後沒人理，幾經辛苦終於拿到菜牌，又幾經辛苦之後找到人下單，點知下單中途店員跑開⋯⋯，又幾經辛苦終於有人理，唔理咁多下單先講、點知要重複講幾次，下單五種食物，記得分開五次第佢confirm咗先好講下一種你想order嘅嘢，如果你一次過講五樣，佢只記得第一樣，你千萬不要重複后面所有四樣，因為佢Confirm咗之後，佢會忘記曬後面三樣，千辛萬苦下單後，‘等了很久又冇餐具、唔該比杯水’之後店員回復我，自己黎、無言⋯⋯好、我自己黎，但一看，水旁邊有餐具，咁即係所有嘢自助式⋯⋯疫情期間叫客人自己黎，即是在譚仔病毒好容易交叉感染，任何人可以隨便觸碰餐具、水杯等等，無言，各位兄弟姊妹、各安天命了、如果你買了保險而package又包COVID-19而又想休息一段時間的話，不防過來碰下運氣吧⋯⋯AAD06

譚仔都食左好幾年，喱款🐟脆肉鯇木瓜魚湯米線$43係我近期得寵食物之一✨爽口脆肉鯇+魚湯帶有少少木瓜甜味，所以令我食完一次又一次😋不過唔知係咪間間分店唔同😂呢間分店嘅份量好似少啲....不過海之戀分店個海景view唔錯！唔影響我心情😂

下午5:40 ，已經唔俾人堂食，只可外賣😞😞～～～泡椒酸菜魚湯米線配脆肉鯇🐟～～～因為冇得堂食，🤴🏻就提議去出面海旁坐喺公園慢慢食，有另一番風味😚😚泡椒辣味好清新，係一種獨有嘅辣味，呢隻辣食左會有種提神嘅感覺，食慣左譚仔嘅麻辣試吓呢個都唔錯😀😀仲有平時唔食酸菜嘅我都覺得配埋酸菜又幾好味😋😋，建議譚仔可以加埋入平時嘅餐單入邊🥰🥰脆肉鯇🐟就有五至六件，都幾大件😁😁食完呢碗泡椒酸菜湯米線會好口渴，一定要飲嘢啊🥤🥤

早幾日去食三哥魚片今次試下譚仔脆肉鯇先兩間米線差唔多。但係小食我喜歡譚仔多啲魚片兩個口感唔同。值得一試酸辣米線酸度啱啱好夠辣。湯底夠熱辣辣。黑柏葉值得一試我覺得好好食

今晚嚟到荃灣海之戀譚仔試食新野，上次嚟過但坐喺門口，今次坐店裏面見到少少河景！如果黃昏天未黑黎應該會幾好view🏞🏞脆肉鯇木瓜魚湯米線🍜🍜（$43）呢個湯不可選擇辣味，碗內有5塊脆肉鯇，數片木瓜片！先飲下湯頭，有魚味同幾重木瓜味，甜甜地幾特別！脆肉鯇本身係淡水魚🐟🐟，魚味都唔會重，不過食落幾爽脆😄😄蒜泥白肉（大）（$38）正正常常唔係好辣，但蒜蓉嫌唔夠多，食到最後幾塊淨係食肉片！😑😑巴蜀爽脆生腸（$30）凍嘅生腸配辣椒🌶️醬，做到脆口野味🥰🥰白桃蜜（$11）有桃味，但好人工囉，唔討好😔😔雙檸樂（$12）呢杯就好飲好多，加左黃檸檬🍋、咸檸再溝可樂！酸酸咸咸又甜甜又幾過癮🤣🤣

譚仔又出新野，一睇到個名～黑柏葉～有少少似日本名～黑澤明～d friend。上網睇資料原來黑柏葉係平時食開嘅牛柏葉（又名白柏葉）嘅前身，係牛第三個胃，黑柏葉經過雙氧水漂過就變做白柏葉，所以黑色會比白色更有牛味但雙對會較韌、較硬譚仔黑柏葉有分兩款，一款係小食，另一款係以配料咁賣，咁我就兩款都有叫黎試✌🏻同時都叫左幾款配料！要讚係佢d配料真係好多，叫左鹵水豬大腸有6舊，炸魚片頭有四塊好似炸薯餅又厚又大🤣🤣，連乍醬都比左半碗你，真係驚你食唔飽！講返主角以配料黎講非常碎濕濕，食落又真係較硬，又浸落湯到食唔出有咩味😔😔不過‘川風香辣黑柏葉‘可能加左川辣及大大塊上所以牛味返出黎啦！係好味嘅，起碼有返個牛味同辣味豐富左味覺😊😊譚仔有個活動係叫可樂飲品會送杯墊，我有兩個但同款😐😐最後最後佢個儲分App停左咁食滿$50送張coupon下次送小食😁😁

成年冇食譚仔，見到人地post點係英國自己煮譚仔既link，立即好似毒癮起咁。今日好好天，亦好熱，冒住曬到暈的危險，行左15分鐘，終於到海之戀的譚仔喇!今次得償所願，可以坐係窗邊，睇住個海景食譚仔。拋開工作既一切，太正喇。

譚仔啲麻辣風味，無乜鋪頭可以比得上，食左真係會辣上癮 ! 最近去咗譚仔買外賣，試左新出嘅小食同2杯特飲......米線配料黑柏葉，以前只有青山道一間分店有得賣，依家全線都有啦 !♥  川風香辣黑柏葉冇經過漂白嘅黑柏葉，爽口彈牙加上川風香辣汁香辣汁先麻後辣惹味開胃茉莉花清茶配糖圓子清新嘅茉莉花清茶配上口感煙韌嘅糖圓子充滿茶香，清甜又解渴柚子利賓納濃郁嘅黑加侖子味利賓納加上滋潤柚子蜜冰凍飲品配米線就最正

譚仔作為全港最出名嘅品牌 譚仔一向以食物同服務質素打贏好多同行😂😂譚仔fans 就緊係要嚟呢間海景譚朝聖！食咩好冇食就唔洗多講了 但望住有個咁嘅景食譚仔覺得好無憾 冇得輸😌______________________________總結：⭐️⭐️⭐️⭐️ ⭐️一定推味道：❤️❤️❤️❤️🖤（都係譚仔味）份量：🍚🍚🍚🍚（我依舊要小米）環境：🍴🍴🍴🍴🍴（話明海景譚🤷🏻‍♀️）服務：👌🏻👌🏻👌🏻👌🏻（姐姐以標準譚仔音落單 rap咁🙌🏻）價錢：💸💸（會唔會有人食到1000蚊嘅譚仔呢唔知）推介食品：ALL😌

今日收工過左去海之戀商場donki行街購物，買完野之後就去醫下肚啦！見到附近有間譚仔，就即刻唸起佢隻土匪雞翼，好啦，去回味下啦。入到去果陣都好多客人，成個場爆晒，不過就無左個海景位啦，我坐左係中間個二人位，食米線都有海景重想點先！我就menu都唔洗睇就點左個墨魚丸，雞肉十小辣，再加多個細土匪。等左5分鐘左右個米線就到啦，食落去個湯都係一樣保持住水準，唯一有驚喜嘅就係墨魚丸，好彈牙同埋中間都食到墨魚肉，感覺上係進步左，而雞肉就無咩特別，都係食下土匪雞翼算啦，雞翼夠熱，好香，出面就真係食唔到，成碗米線好快就食晒啦，會再黎幫襯。