譚仔雲南米線 (荃灣千色匯I)

營業中

休息中

雖然有啲遲 但我今日終於試左傳聞既蕃茄湯米線我本身好中意食蕃茄湯既product 所以都好期待一黎到個賣相唔錯 好多蕃茄 但係飲落去 個湯其實冇蕃茄味 佢話微辣 但我唔覺得辣 好多蕃茄肉 但唔係好甜 所以成個湯我都覺得麻麻可能我期望太高啦🙈

譚仔，一直係酸辣嘅支持者，之前兩間都會食，但自從中過一次超難食版就再無搵佢兄弟。而重慶酸辣睇落同聽聞都幾辣，職員話佢最小辣都等於平時五小辣，因為酸辣無辣度分對比唔到，所以次次去到都轉軚，今次經過職員再三確認後，終於決定要試！相信大家都知佢個份量，佢嘅米線，所以就近鏡睇個湯底。超紅！好多辣椒碎，但聞唔到辣味，食落係有少少辣，但更重紅油味，飲兩囗湯已適應咗，五小辣真係梗小野？配菜叫咗雞肉，幾入味，腐片、芽菜仲正，但香味唔夠，辣度同佢嘅印象差好遠，都係唔好轉。

今日肚餓同個friend都諗住想食譚仔咁岩喺荃灣返學就喺千色會嗰間譚仔嗌外賣問佢東佢就答西我嗌兩碗嘅就問我系咪嗌三碗？態度又差！叫餸叫雞肉佢就俾豬肉，嗌麻辣十小就比左個清湯。十分差劣

譚仔不嬲都係好多人嘅最愛🙆🏻唔知食咩，又或者諗唔到食咩，又或者啱啱飲完酒第日，最鍾意就係食譚仔😍😍今次同男朋友行行吓街肚餓，又唔知食咩好，就行咗去譚仔度食🙆🏻🙆🏻服務質素都係咁，都係用譚仔話嘅阿姐，都係嗰啲枱嗰啲燈，不過清潔方面就好似差咗啲🤔🤔🤔比起上次我去污糟左😖😖今次都係例牌有叫土匪雞翼😋😋大土匪雞翼點都係咁出色😋😋😋咬落去啲肉汁飛晒出嚟😋😋個皮又係脆，啲雞肉又滑，諗起都想繼續食😍😍😍再嗌左個米線，清湯，魚腐，金菇，同埋肉醬，加多杯凍檸茶🙆🏻🙆🏻食物質素冇乜點變，都係咁抵食，都係咁飽肚，都係值得食！

呢幾日天氣都好凍就好想食湯麵見好耐無食米線就諗住去食下但宜家荃灣好似無咩米線好食雖然有好多米線鋪但全部都退晒步咁岩行過見到譚仔又好耐無食就黎食下嗌左雞肉腐皮米線同土匪雞翼野食好快就上土匪雞翼好普通，無之前咁好食仲有d咸，同埋好油，食完一件就唔想食米線就不過不失，湯底就淡左d朋友食辣好似就ok之前食會覺得d米線太多食唔晒，但今次食左都係岩岩好唔知係天氣凍定因為佢份量少左間唔中就會想食但味道好似愈黎愈差

講食物之前，真係想講下D服務先，坐左45分鐘，落錯單，送錯枱，收錯錢，乜都齊，錯漏百出，侍應態度又麻麻！講返D食物，米線都過得去，土匪鷄翼我就覺得係招牌菜，夠入未，夠香口，直得一試！

譚仔呢個名詞係好多香港人心目中已經係飯堂之選。我由於唔太鍾意食飯，所以我特別偏愛食粉麵。平時我喜歡叫墨丸豬膶米線墨丸有濃濃的墨魚味，口感嫩滑彈牙，加上丸中包含一粒粒的墨魚肉，口感更佳。豬膶份量十足，食落口肉質厚實，而且沒有肉臓的血腥味，完全吸收哂湯的味道。正

其實作為一間連鎖餐廳，這碗豬潤米線算是作得不過不失，其豬潤不算太老，但全熟實在難叫鮮嫩，而湯底方面，楊某我覺得算是較清，另有芽菜和腐竹作配料，米線不算是太淋，也不算是太硬身，就像丐幫九袋長老魯有腳，還有很多進步空間囉。

新裝修的譚仔，多了種新湯底，就是重慶酸辣湯底，點了小辣加墨丸，一上枱看見整碗紅色的米線，辣得刺激。酸味又很重，相比起普通酸辣米線過癮得多。。可惜墨丸味道普通，並無特別。。。

實在太耐無嚟荃灣食飯了，今日嚟搞show就決定嚟附近食飯~ 本來心儀附近一間手打紅薯粉嘅舖頭，誰知內部裝修，長龍米線又繼續長龍，於是乎我又回歸譚仔嘅懷抱。其實呢間譚仔算新嘅，o個時其實都搞左好耐都未開舖，開嘅時候見到同普通譚仔唔同嘅裝修，都幾眼前一亮~ 不過卡位係俾6個人，如果你2個人迫埋去，佢好可能有2組人會搭枱。由於我同我大佬好多野講，所以我地堅持等2個位o個啲座位，所以入座時間要相對耐左。呢碟土匪雞翼，只能用麻麻嚟形容，首先上碟時唔係太熱，但外表的黑芝麻係夠嘅，不過調味料醃唔到入肉。我叫左豬潤竹笙的酸辣米線嚟試，有朋友同我講過，酸菜就係一間雲南米線舖嘅成功關鍵。首先揀酸辣湯底，最低都要揀3小辣，整碗麵只見辣油，不見酸菜..... 但食落係有酸味嘅，以我推測，可能只係用左酸汁。不過啲豬潤味道不錯，煮得啱啱好，唔太老~ 而竹笙只要是煮得淋，能索湯就好~ 

其實之前已經食過兩次譚仔，一次尖沙咀，一次旺角，但兩次都唔好食，所以對譚仔完全無興趣！ 適逢今日同朋友又經過譚仔，朋友話想試吓，所以就入咗荃灣呢間新開嘅試吓!我叫咗個冬菇，腐皮，豆卜酸辣米線，朋友叫咗雞翼，才，牛腩豬骨湯米線，我哋係自取外賣，返到我屋企一打開，我即時大發雷霆，事關我要嘅酸辣同朋友叫嘅豬骨湯調轉咗，最慘係我唔食牛，唔可以同朋友交換返，呢個都是但，但碗麵嘅賣相相當唔得，好似垃圾咁一pat pat，食落口仲唔掂，冬菇無味，腐皮硬嘅，豆卜散嘅，最主要係成碗嘢一個味，完全無意再慾食落去，朋友亦話佢嗰碗完全啖而無味，我同朋友都覺得好似食豬哨，所以大家都無再食，最後去咗食公仔麵所以我發誓唔會再比機會任何一間譚仔了