譚仔雲南米線 (沙田中心)

營業中

休息中

米線是平價食物，要選間有質素保證的，我也會選譚仔，甚少出錯。常嚷著要儲錢，所以這晚便一會譚仔了。剛巧不會等位，有運。腩肉雞肉米線腩肉味淡，連肉那不膩的油脂卻吸引人，教人不自覺就先把腩肉幹掉了。和其他米線店的腩肉的確很不同，所以要味濃的食客，這兒的腩肉就不合你口味了。雞肉也像是無添加，配上清湯吃的效果反而不俗，可能我也喜歡清淡的食物吧？麻辣雞翼麻辣雞翼的肉汁甚少，而即烤來說是水準之下。味甚辣，較為惹味，個人覺得好吃過那土匪雞翼有多了。涼拌苦瓜每次到米線店也想點的小食，但要起碼有二人同行才會點，因份量對一個人來說就是太多了。涼拌上的辣醬香辣頗咸，拌著新鮮爽口的涼瓜吃是不俗，涼瓜不太苦，也有些少青草感覺，依然對味！稍嫌今次比平時咸。環境不太寬敞，要環境的也不會選譚仔吧？服務一貫無，只求快靚正，這兒都算能做到這效果了。儲錢時會Encore之食店。

除夕夜 只係去左食譚仔米線依然彈牙 湯底清甜可口好大碗呀 我食得哂但係之後就覺得好口渴總括都係好食既 呵呵^_^

星期六/日好多時都諗吾到食咩野..好彩譚仔終於都進軍沙田...所以我地好多時諗吾到就會黎譚仔, 貪佢夠平夠方便, 又飽肚...哈哈豬潤清湯米線 - 份量夠大, 味道依然好食..吾錯吾錯...豬潤又夠滑墨魚旦酸菜清湯米線 - 嘩, 勁多酸菜, 好味...份量真係好大, 估吾到譚仔入到黎沙田仲係咁多人食佢, 證明真係好多人like食米線, 加上又平又好食..小妹覺得沙田既譚仔坐得舒服一點...

今天路過沙田中心才發覺譚仔在此開了分店，既然順路經過就幫襯一碗店子雖小但乾淨企理，侍應欣勤招待。依舊叫碗清湯雞肉米線，在西洋菜南街分店用闊身黑碗，這店用黃色高身大碗盛載麵食。湯清甜而無味精，雞肉似用上胸肉，肉質較老吃得滿足，整體滿意

某個星期五放工後約七時到譚仔，已經人頭湧湧，走入舖頭的確沒有人過來招呼，似乎侍應太少、客人太多、流量太緊密，不過沒關係，見到有兩個位就坐，自己招呼自己囉。價錢上一款料米線$23，每加額外料加$4，除清湯外叫麻辣或酸辣就再加$1，加$6可以要熱飲或凍飲。我和朋友都不大吃得辣，見到麻辣可以分特、大、中和少辣外，少辣又再分幾級辣，咪試下囉。叫了兩個米線餐，都幾大碗，我要了豬腩肉和墨魚丸五少辣($28)，墨魚丸幾好；豬腩肉麻麻。朋友要了豬肝冬菇十少麻辣(即最少辣)，豬肝切得唔夠厚又細塊，不過朋友話都幾香。兩杯凍飲，似乎冰太多了。本來想叫蒜泥白肉，不過見到檯檯都叫土匪雞翼，於是改了叫三件($16)，非常熱辣辣，不過似乎除了好鹹外，沒有什麼特別。因為沒有吃過其他分店，所以沒有得比較，不過我想也會再幫襯。

今日去食，好混亂。 枱入面有張餐牌，但係俾人d 豌碟杯擋住左，睇唔到。唔通移走人地d 食物咩，咁咪叫佢可唔可以俾張餐牌，點知個女人聲大夾惡講左句﹕呢張咪餐牌無架啦未唔好睇囉！ 火都黎。都算，之後叫完野食點知有個食客係我未到之前已經移左係秘2張枱，但係咁將佢d 食物放係我張枱到，不停咁話佢搬左去另一張枱都仲係要將d 食物擺過黎。之後到我要食既野黎到，個女待應問邊個，我未話呢到囉，點知佢又將d 野食拎左去第2道，一係就企係到唔理你，你答佢幾次呢到呀佢依然拎住唔放低俾你，都唔知佢想點。食物質數算係咁，酸辣湯底唔夠酸又唔夠辣，土匪雞翼咸左少少。無飲野，因為張餐牌比人擋住左睇唔到原來飲品只係加6蚊！坐已經唔算好坐，好逼，食兩樣野已經50蚊，我個人覺得都幾貴，況且簡單基本對人既禮貌都無，我唔會再幫襯。

三個字：平、靚、正！King size百有米線　（$43，全部配料有齊，抵吃好味！５級麻辣，我ok，男友叫辣）生菜　（新鮮，不錯！）土匪雞翼　（好味道，讚～）蒜泥白肉　（好味道，讚～）