譚仔雲南米線 (富達大廈)

佢推出無耐 而一路在網上睇到唔少好評 想試好耐 但成日無機會 今次一個人出MK想食個tea 即刻醒起可以一試！仲咁岩有限 免費蒜泥白肉coupon就到期 順便用埋佢！蒜泥白肉 正常發揮 其實我唔食蒜 但佢無得走蒜 就咁紅油白肉 咁只好揀少蒜 整走d蒜泥 但估唔到少蒜都咁多蒜 希望會加返 走蒜 option啦 始終唔想浪費～今餐主角「港式咖喱湯米線」自選2餸揀左 咖喱牛腩及 釀紅腸！隻咖喱真係超級ok！非常香 花椒 八角等等既香料味！而且唔辣 食完又唔口渴！牛腩係碎左dd 但係好腍 好入味！釀紅腸大大件 仲有成3件！真心夠份量！如果定價再低d會更好 但目前都尚可接受～驚佢好快完 短期內絕對會再encore食多幾次！…查看更多

米線烘的我今日又要出動，聽朋友講譚仔雲南米線出咗個下午茶餐好底食，今日終於去試吓⋯嘩啦啦⋯⋯ $30仲有嘢飲，呢個價錢冇得輸⋯咁我叫左個麻辣湯底，但係要加一蚊，跟兩個餸我就叫咗雞肉同魚腐，另外再加一杯檸檬茶⋯杯茶嚟到茶香唔錯喎，又真係幾好三片檸檬OK啦個人認為中規中矩冇投訴⋯於是主角到場麻辣我叫咗小辣先試後湯味道同平時嘅差唔多冇乜特別可以嘅，跟住再試一片雞肉估唔到有驚喜啲雞好Juicy唔係柴柴嗰隻，而且質感都好彈牙、再試與Foo與Foo比較細件，但口感都係可以嘅最後Sze啖米線米線唔會錄得過腍或者過眼口感相當唔錯$31食到呢個套餐我諗應該冇人會有異義⋯ …查看更多

今日天氣凍，行過見到譚仔雲南米線，咁就不如入去食飯啦。見到佢哋有新出咗一個限時嘅米線，就係雲腿湯底，再配合埋雞髀肉再加雲吞嘅雲吞雞米線。呢一個雲吞雞雲腿湯米線，係譚仔雲南米線之中最清淡嘅米線，清淡嘅意思唔係話佢唔好食，係佢唔辣嚟又有好濃嘅雲腿湯底，成件事覺得呢個米線健康情況好高。雞髀肉亦都好嫩滑，雲吞亦都好足料，入邊包含咗好多隻蝦。整體嚟講係非常之好食。所以今日我選擇咗呢一個新嘅米線期間限定嘅米線，係選擇正確。…查看更多

🥙素菜卷大纖米線餐🌯素菜卷：以腐竹包裹紅蘿蔔 🥕木耳，香菇🍄‍🟫等食材，口感非常豐富，味道清清淡淡，就算素食整碗米線也有好豐富的配料，肉眼可見有萵筍、竹笙、車釐茄、雲耳、腐皮、芽菜、韭菜，酸菜和竹笙素炸醬是另外分開的，適合各人口味自行添加🍜米線配姬松茸菇湯底 (不辣, 可加配辣度)味道鮮美，吃到了好幾朵姬松茸，太好吃了，都忘了拍照了，想再健康些可轉低卡蒟蒻麵底，可額外+$3哦～🥗小食芝麻醬車釐茄海帶沙律，車釐茄新鮮爽脆，海帶新鮮，配上大眾口味的芝麻醬😋😋😋🍹飲品纖營蜜桃多多，蜜桃茶底配一整支少糖益力多，酸酸甜甜，清新開胃…查看更多

今日適逢在附近辦事, 天氣又熱又濕令人胃口麻麻, 最岩食啲開胃嘅嘢, 於是叫左譚仔新出的 蕃茄胡椒 湯底酸酸辣辣, 胡椒香氣凸出, 配上酸酸的蕃茄茸, 令人非常開胃, 而且不要小看 小辣依然辣勁十足, 什至比麻辣更淩厲今日要做運動, 需要補充足夠營養應付身體所需於是叫了 三餸 , 可以選擇三款配菜 , 芽菜 、金菇、雞肉補充纖維同時 補充蛋白質上面仲有一條香草作點綴不知是否天氣熱 , 今日杯凍奶茶格外香滑, 有陣陣茶香味, 奶味亦不會太搶香港地物價高企, $59元能吃到三個配菜+飲品的午餐,  譚仔大概是性格比最高的上班族恩物吧…查看更多

位於富達既譚仔，要行上１層，店內好闊落，近門有個為外賣而設既木架，擺放整齊易明，員工手法熟練，可能下雨關係，堂食坐唔滿，反而外賣架不停上架。同事係譚仔既忠實粉絲，經佢建議下，同佢分享個２人米線餐。我一向麻麻地譚仔，因為覺得佢湯底好咸，今日試完，湯仍係原有味道，１個咸字。不過，配料不錯，魚蛋彈牙，豬潤灼得剛熟好爽口，魚腐新鮮好食。另外阿忠實粉絲介紹左我另１個食法，就係米線撈蒜泥白肉，又真係幾好食喎。蒜泥好濃蒜味，白肉切得好薄，肥瘦均勻，一啖一片，伴以蒜泥及醬汁，口感豐富。…查看更多