譚仔雲南米線 (德昌商業大廈)

營業中

休息中

間唔時都會想食譚仔，但近來質素急轉直下...琴日旺角唔知食咩好，上朗晴坊整返碗例牌 - 懶肉莫演，哇，等左成半粒鐘先上，店員粗聲粗氣😡好啦，終於有得食，碗野唔夠熱，米線換左貨，食落個口感極怪，湯底調味都唔知做咩事....🐶🐶也不吃的東西...不會再吃了...

從進店開始了20分鐘後，叫人收拾張台，ps:超級禮貌喔！！！！但無人理！！！！然後實在忍不住了，舉了多次手，d職員們，真係行過就算喔！！！！！一張台，妳地有必要分開3次收拾？？？？？宜家我就坐在店內，仲沒落單咯！！！！！呢度d職員們，個個做野都你推我，我推你！！！團結合作的反義詞，我係呢度真係見識過啦！！每個人都心懷詭計的樣子！！！我只是單純入黎吃個午餐姐！！！我並不想看妳們之間互相嫌棄的視后般演技！！！好啦，我打完呢段字仲沒有人幫我落單咯！！！！！！真的懇請譚仔雲南米線的高層們，來整頓一下這裡的人事！！！

譚仔都常食，無論係譚仔定x哥，我地都常食的，睇下就唔就腳。話說今日去到朗豪坊見到隔離有依間分店，就去食啦，未使等位，但同平日一樣都要搭枱。一黎隻黑色豉油碟已見到有好多油蹟，用紙巾一抹，成張紅色的😰叫左過橋，熱水，同皮蛋。皮蛋好正路地5分鐘左右就到，然後熱水，等左15分鐘...之後20分鐘先有帳單，見到上面有寫過橋，就無追單，最後足30分鐘先黎，未試過要等咁耐😓😓😓除左係等最耐嘅米線，亦係份量最少嘅過橋。。。連埋餸，只係分到4個細碗，仲要唔係好滿嘅😶😶其他店都可以分到5-6碗的😅而且個碗仔，又係有紅色嘅油。。。時間，衛生，份量，三樣野都大有改善空間呢。。。。。

入去等位無人理, 跟住有位無人拾檯, 全場得2個服務員好似遊雲咁, 揮哂手扮睇唔到。好辛苦搵到個店長落單, 點知上碗米線要45分鐘以上,成個場既檯面都係等緊出品部出貨, 諗住服務差都算, 出品仲大鑊,完全唔知點解要煮咁耐。一個咁細既場可以管理到咁差真心唔易。員工態度差及散慢, 其他譚仔人地入場都會好招呼。哩間真係最差。豬耳唔凍常溫味道不夠,米線難食無味,完全賣野仲要搞錯哂檯號。

公司中午3時調派我去旺角工作，好肚餓呀！就去朗豪坊付近行下揾野食！見到朗晴坊有譚仔米線就搭去3樓！我叫左碗過橋米線套餐酸辣湯底$54一食已經覺得冇乜酸辣味，叫服務員再加一些醋比我！分量足夠，但價錢就有點貴所以我冇加錢叫飲品！店舖中午3時都已經很少人幫襯，人流一般！

譚仔係香港人平靚正之選，有分三哥唔三哥，因為平時用餐都係三哥附近，好少食唔三哥。係琴日去左呢間係朗豪坊隔離既譚仔（不是三哥） ，同朋友兩個人叫兩碗米線，食豪啲叫左個土匪雞翼同蒜泥白肉，米線正常質素，餸多米線多。但係土匪雞翼一叫就到唔似平時要整好耐，食落唔太熱同唔似岩岩煎出黎。蒜泥白肉數埋唔夠8塊腩肉，連擺法都變埋（平時圍住碟放好多塊）下次都係去番三哥

同朋友各自叫了碗米線同小食，米線等咗成30分鐘先上，離曬譜！！米線唔焾豆卜又硬，好似冰箱拎出來煮咗無耐咁。所謂的湖南酸辣湯底同舊時的酸辣湯底無分別只是改了個叫法，朋友的3小辣同普通酸辣湯底無分別，以後都唔會再去呢間譚仔了，dislike！！！！

平日公司早放，大約4，5點個陣，就會好想周圍食下野。不過因為又近晚餐時間，所以多數都會簡簡單單食個湯麪譚仔多數都係我嘅首選。前日，我又走去食譚仔啦。尼次我都係叫左心愛嘅墨魚丸併炸醬清湯米線。將墨魚丸浸一浸落甜甜地嘅炸醬度，再食落口真係一流。食完個米線，突然間又好邪惡咁想食佢嘅土匪雞翼。唔知尼日咩事，我竟然order左5隻雞翼 (平時我食開3隻架炸)，可能真係口痕想食野。雖然量多，不過勝在質素都同之前一樣咁好，所以我都一口氣食哂佢。一個人食譚仔，真係堅「正」，哈哈...

晏晝唔想又去街市個邊食，就唯有食譚仔啦-0-叫左生腸，口水雞同豬潤雞肉米。第一次係譚仔叫生腸食，估唔到又幾好食啵，超爽口，麻辣又夠正，好食！口水雞係用雞翼整，煮完再切做單邊骨，食個時都幾方便，雞肉唔鞋加上個辣汁好惹味，同同事極速清左成碟。食親譚仔都叫嘅豬潤雞肉米，質素十年如一日咁，食極都唔厭！

昨日傷風未癒，沒什麼胃口，但朋友相約放工食飯，那我提議不如食譚仔，朋友舉腳贊成。7點半去到，人都多但唔使等位。例牌點了腩肉豬膶清湯，朋友點了雞肉竹笙小辣加個土匪雞翼。見有新小食推出，我們都點了個尖椒生腸。野食隔左5分鐘左右到，一如既往，清湯依然好味，而且我總是覺得譚仔的餸比三哥的多啲。土匪雞翼個皮好脆，好入味。生腸都好好食，好爽口，而且份量好多下，不過對我黎講太辣，要用湯沖走啲辣味。簡簡單單又一餐，譚仔真係幾時食都啱。

天陰陰，到公司附近的朗晴坊搵食至為安全。午市時段的朗晴坊超多人排隊搭，唯有行後樓梯到3樓的譚仔。譚仔雲南米線，俗稱譚仔，係香港連鎖米線店，以賣雲南麻辣米線聞名。但是，因家庭不和，現時分成兩家打理，一家叫譚仔雲南米線，另一家叫譚仔（三哥）雲南米線。直到而家，譚仔米線已經發展成為有十幾間分店、店舖遍佈港九新界，是近幾年迅速堀起的本地薑。這家開業幾個月的譚仔雲南米線分店超多人，人頭湧湧。店內裝潢時尚，這幾盞吊燈特別擔眼。但是，這吊燈跟枱距離太小，見到有食客一起身便撞到這盞吊燈，真係要小心～menu只有這個墨魚丸＋腩肉米線清湯底$33面上放滿大量芽菜，湯內有些菲菜及膺竹。有足夠的菜，夠健康！墨魚丸彈牙，有墨魚粒幾有口感。腩肉半肥瘦，只用滾湯煮熟，沒有任何調味，味道幾淡。墨魚丸及腩肉份量多，不錯。湯底濃味，但不是清甜，偏咸而且有味精。凍奶茶＋$7 茶味重，味道一般總結：人多，座位十分擠迫，食得不太舒適。食物一般。