譚仔雲南米線 (宏貿發展大廈)

營業中

休息中

/ 星期六放工Lunch唔知食咩好，行下行下見到譚仔，就入左去食👀我叫左碗牛丸竹笙蕃茄湯米線 (十小辣、走韭、走芽)，另外仲叫左個大既土匪雞翼同媽咪share😋！由於我唔太食得辣，所以只係叫左十小辣，但已經好滿足到我，俾我可以過小小辣癮🙆🏻‍♀️呢間譚仔既姐姐服務態度幾好，雖然都睇得出唔係好夠人，咁大間店舖，只係得兩三個樓面，但佢地都算快手，抹枱落單都好快，同埋好好態度，值得一讚👍🏻

聽講譚仔呢排出左個芫茜山皮蛋脆肉鯇米線，身為芫茜迷既我一定要去試探過先知佢係咪真係甘好食。我嗌左個芫茜皮蛋脆肉鯇米線，加$3就可以有個芫茜山，個湯底可以嗌辣，我就嗌左5小辣，整體都幾好味，芫茜味好重，中意既朋友一定要試下。另外仲叫左佢新出既生腸，好爽口，麻辣味好正！

譚仔係我最愛嘅米線之一 今次又係叫咗我嘅最愛 番茄湯底10小辣 蕃茄湯真係好濃架 每一次都特別鍾意呢一個湯底 再加少少辣 炸醬就梗係大家都鍾意㗎啦 之後再嚟過墨魚春卷 仲有生菜 一打開超級勁香 😍😍😍😍食到一半都冇竟然比我食到有小昆蟲 系入面 嚇到即刻想嘔 😢😢😢😢😢😢😢😢😢😢😢😢真係好唔開心平時都好中意食譚仔 竟然比我食到有昆蟲 實在太恐怖 仲要係食到大概一半 平時都好鍾意一啖湯底 再加一啖米線咁樣食 好彩今次冇大大啖飲湯咋！ ！ ！真係嚇死呀 都即時同左舖頭嗰邊反映番 希望唔會再有下次啦

譚仔可以話係由細食到大由於又平又好味又多選擇係中學時期已經一個星期食幾次我最鐘意既湯底係普通酸辣酸酸辣辣，非常開胃最鐘意既小食係涼拌青瓜青瓜清新爽脆加上酸辣的醬汁，真係超好味！

最近知道譚仔出咗木瓜魚湯同埋脆肉鯇魚而家去譚仔只需要最少加$10就食到估唔到食米線都可以豐埋胸順便加多份牛肉🐮同朋友做完gym 即刻嚟補充蛋白質先🤣-唔食辣嘅朋友有福啦 呢個木瓜魚湯係唔辣嘅如果想食辣可以另外加辣度湯底比平時多左啲魚嘅鮮甜味 仲有幾件木瓜塊新餸脆肉鯇食落係冇骨既 岩哂我呢啲怕食魚骨既人😂肉質都幾脆幾彈牙 仲要有七、八舊魚份量好足😃-另外叫左個涼拌川北豆腐 食落好惹味鮮辣濃郁既醬汁配搭嫩滑既豆腐好夾！-同場仲有人氣之選白桃蜜、經典雙檸樂兩杯特飲登場，食完辣想飲返啲清甜飲品就啱晒！雙檸樂係檸檬同埋咸檸 飲落酸酸甜甜幾正白桃蜜好有驚喜！桃味香得黎唔會好假甜 推介🤤好味評分😋：5/5🌟🌟抵食指數🤑：5 🌟 /5 🌟🌟餐廳環境 🤪：4/5🌟🌟價錢💰：$49 脆肉鯇+牛肉木瓜魚湯米線跟餐+$11 配特飲 涼拌川北豆腐 $15

因為我喜歡食小食次次一個人去食最平都要80!佢嗰啲設計都根本冇為一個人着想作為一位孤獨嘅食評家我要將呢件事講出嚟希望佢哋努力改善點解令我會寫呢個食評呢係我真係好興個app佢呃晒我所有資料但係佢冇input你叫嘢食都唔得！但係厄資料好彩我醒目都唔係入全部係真資料整蠱下佢先要賺返啲阿姐都係好勤力，聽到啲唔咸唔淡，好親切！呢啲先係譚仔嘛！食物水平可以，如果小食有半份，比一個人咁就Very Good!唔要如果小食味道多樣化咁樣會仲更加好!三哥的好處要抄下

係門口見到餐廳做緊外賣優惠 真係好抵所以即刻入咗去買黎食🤔其中一個優惠就係+$2就有福袋兩個。 我都係第一次食，裏面好似係鯪魚肉，好香好多肉汁，再用好似豆卜包住，一食食落口感好特別。湯同米線係分開裝嘅，反到去先放落湯到食，咁啲米線就唔會淋曬啦飲品係第一個優惠，只需要加$2就可以加配冷熱飲品。我叫咗凍菜蜜，佢唔會比好多冰，但係就好甜，所以叫少甜口味會較適合和健康。青椒皮蛋好好味，唔會好辣但夠曬麻，配埋芫茜同米線一齊食味道十分夾炸醬味道就咁會有少少鹹，口味比較重，但浸落湯度食就會啱啱好。但外賣比膠袋包住就有啲難進食。總括而言，都係值得一讚

前日有事需要去尖沙咀辦理，整完得番半個鍾食Lunch, 又吾知食咩好，所以去左譚仔食米線⚡️三個字🤣快靚我一個人食，吾洗等位直入，同埋呢間分店地方比較大（當時都有好多客），但由落單到有得食都係等左十分鐘左右值得一讚岩晒我呢d 趕時間既人/上班一族最緊要係個價錢平平時鍾意食炸醬/雞肉/豬潤等今次就試下其他餸酸辣魚腐米線魚腐比出面細舊d , 但都有成7-9塊， 味道都ok , 酸辣湯底吾會好辣同淡，米線質地都吾會太硬同太淋

好掛住啲土匪雞翼！😋好在四周圍都有譚仔 呢一間譚仔 勝在夠大間唔洗等位坐正冷氣位 超涼爽！✌🏻雖然向地庫 接收唔係咁好 touchwood 有wifi提供.嗌咗腩肉米線 三小辣 同 土匪雞翼 凍檸茶一落單先醒起 又唔記得叫少米線等左15分鐘 湯底正正常常唔知點解特別少配菜 😭土匪雞翼 三隻 一人份量啱啱好不過杯嘢飲 上得特別慢 食到一半催佢先黎😅😅.賣單嗰陣 店員冇特別提顧客 可以download Apps有優惠🙁白白蝕左5 蚊

日期：9月19日人數：3人話說中環冇譚仔，想食的話喺港島最近要去灣仔，仲要午飯時間去到幾乎一定爆滿，要到一點幾先食到，唔夠時間。所以其實係要去尖沙咀，先可以醫到譚仔癮。呢日就同兩個同事一齊搭地鐵過海去尖沙咀，喺A2出口附近呢間地庫譚仔食lunch。去到唔駛等位，即刻坐低叫嘢食。來譚仔食嘢真係連Menu都唔使睇就叫得。一定係勿演懶肉生小勒啦。另外加多五隻土匪雞翼，再加杯凍0T。其實尖椒皮蛋同蒜泥白肉我都好想食，但叫唔到咁多。等左一陣米線終於黎啦，食咗成半碗先記得要影相，可想而之係幾咁吸引。譚仔米線味道係點相信都唔使多介紹，三小辣其實味道係會比夠突出，但又唔會太辣。呢間譚仔地方夠大，坐得幾舒服，唔得。位置喺地鐵出口旁邊，夠晒方便。雖然咁多年來譚仔都已經加價加咗好多，但都算係合理嘅。重點係大家都上咗癮，間中係要來食下架啦。

到咗下午茶時間，大約三点鐘左右嘅時間就肚餓喇，但係我又唔想食大家樂嗰啲下午茶餐喎。於是乎我就入咗譚仔食個土匪雞翼，細嘅三隻，24元，我覺得譚仔嘅土匪雞翼間間都整得好有水準，好好食啊。

食譚仔都係為咗佢嘅小食佢啲小食真係好多選擇 而且好食今次嗌咗豬肚絲 豬肚絲切得細細條 可以充分吸收佢嘅辣汁 豬肚亦爽口彈牙 好快就食到半碟至於佢嘅雞肉米綫就麻麻 淋得滯而且湯底有啲假嘅感覺 好似用粉沖出黎

呢幾日天氣無啦啦勁熱，決定搵啲暖嘢返屋企食。最後揀咗食米線，叫咗個冬菇腩肉米線加埋雲耳小食。而米線都keep住一貫彈牙，而冬菇都好大隻好好味，但腩肉好似乾咗少少，但暖粒粒嚟食已經好滿足，而雲耳味道可以但份量太少。

放工自己一個去左尖沙咀買野，到左晚餐時間，諗唔到食乜，結果行行下行左去『譚仔』都好耐無食了，望住個menu好耐都揀唔到食咩餸😅最後揀左「酸菜」、「腩肉」再加配凍檸茶😍酸菜份量都幾多下，食極都有🤤中意佢酸酸甜甜咁，好開胃👍🏼👍🏼同埋啲米線一齊食味道都好夾～腩肉都好正，係每次食「譚仔」嘅必食之選💕簡簡單單食碗米線，兩餸加埋飲品都只係$45，名符其實的快！靚！正！不過員工態度就一般，見到張櫈有攤水，竟然唔係立刻清理，而係叫我坐第二度😑做緊優惠又唔主動提客人🤦🏻‍♀️

講真, 食碗米線幾十蚊都唔係想有咩好好既服務, 但係態度唔應該係差LO,我唔會知你幾時有咩宣傳, 幾時有咩推廣, 話說我係今日中午, 同平時一樣坐低啊姐就問我食咩, 我就好似平時甘叫2餸米線加飲品, 當個啊姐去左落左單. 我就見到3餸米線,有飲品送.甘我就馬上問返個啊姐啦.佢就好唔耐煩甘講 "都寫曬有咩優惠啦, 做咩唔睇. 而家冇得改啊"甘一開始我都冇野,鬼叫自己睇唔到咩, 其間亦見到好多好員工, 見到客人叫2餸米線加飲品,, 會同客人講聲..但我隔離台有個女仔又叫2餸米線加飲品..第一個啊姐落完單後, 又要好唔禮貌講左句. "你叫左2餸咋, 唔好一陣話要改啊""個女仔都話, 唔洗甘既態度啊"我唔知佢係有心比我聽定係佢心情唔好. 但我就講得間餐廳既服務唔得LO.我知我做唔到D咩. 但就因為個個啊姐既態度, 我就係好想比劣評啦