譚仔雲南米線 (元朗千色匯)

8月17號星期日早上10:36落單，等咗21分鐘才能取得外賣，而該外賣只是一個沒有分湯的火腿通再加一隻煎蛋，麵包再加杯凍檸茶走甜。那麼簡單的一個早餐都需要等21分鐘，樓面計埋收銀只有兩個職員，廚房入邊就唔知，既然沒有請足夠人手去應付早餐時段，根本就不應該設有早餐。人哋購買外賣的時候，作為良心嘅職員，應該要同顧客講，需要等20至30多分鐘。令人非常之勞氣，不知所謂。…查看更多

新菜品 「炸醬酸菜烤雞撈寬麵」真是一個大失望！個醬鹹到離譜，食落完全蓋過其他味道，同“烤雞”完全零配合，感覺好似兩回事。“酸菜”切得太大嚿，酸得過火又鹹到誇張，食一口已經受唔到，鹹到令人皺眉，實在好難入口！「雞肉乍醬生菜酸辣米線」正正常常幾好食！米線口感爽滑，乍醬嘅香味同生菜嘅清新搭得好好，酸辣味道調得啱啱好，唔算太辣，食落開胃又唔會過火，值得一試！至於小食「 蒜泥白肉」就普普通通，味道中規中矩。蒜泥嘅香氣同豬肉嘅口感還好，但食完好口渴，好想瘋狂飲水。…查看更多

📍元朗篇 · 性價比爆燈米線店 🍜💬 今晚我同老婆特登去試新嘢，想搵啲快靚正又唔太貴嘅晚餐，揀咗去譚仔試吓佢哋近期出嘅撈麵餐！撈麵加埋酸菜、烤雞、溫泉蛋，仲有秘製炸醬～味道真係有驚喜！夠惹味、夠大碗，價錢又親民，簡直可以當飯堂咁食 🙌🧾 餐廳資料店名📍：譚仔雲南米線（元朗教育路）日期📅：2025年7月16日總消費💰：$68＋$61＋$18＋$30＝$177🥢 餐點內容•【手機限定】炸醬酸菜烤雞撈寬麵餐（配珍寶凍檸茶）x2•酸辣燻蹄片•麻辣豬耳💑 情侶位推薦指數：⭐️⭐️⭐️⭐️（4/5）【環境舒適、出餐快，情侶平日晚餐聚腳位💯】…查看更多

味道都幾唔錯 覺得下次食會再叫😋咖哩味幾惹味同順口 ✨味道堅港式 似車仔麵舖果種同米線幾夾又唔會太咸👍🏻本身湯底冇加辣嘅話唔好太辣所以食唔到辣嘅朋友都會食到～以往有啲湯底味精感覺太勁 食完會口渴但係呢次調味係幾正常配料可以揀要牛腩、雞件定醃紅腸🙌🏻今次我揀咗牛腩同雞件又有牛又有雞都幾豐富平時自選配料加$2都有得轉咖喱湯牛腩有彈性 肉質唔柴💖雞肉相比起嚟比較細件 但係都係好鮮嫩🥹價錢唔貴可以一試！…查看更多

鍾意呢間譚仔嘅湯底同埋小食湯底好好味，叫10小辣啱啱好而小食最鍾意皮蛋同埋豬耳 😋😋😋不過略嫌米線煮得唔夠 😬成日會有少少硬同埋感覺上侍應姐姐好少落單要等好耐…查看更多