譚仔雲南米線 (華商會所大廈)

營業中

休息中

譚仔撈米線回歸喇👏🏻真係好岩夏天食 夠哂開胃😋🌟烤豬柳芝士泡菜撈米線充滿鹽香既芝士汁配上酸酸辣辣既泡菜撈勻米線一齊食係非常之夾 實在非常滋味烤豬柳外脆內軟性 鮮嫩多汁💯另外仲可以追加其他配料 我加左竹笙同魚蛋完全無違和感😆仲有另一款芝士泡菜隨意撈 可自由配搭👍🏻🌟玫瑰草莓Tonic特飲用左玫瑰同士多啤梨果汁調配出來 👍🏻飲到啖啖🍓香味之外仲有🌹花香味 酸酸甜甜 特別refreshing 💯🌟荔枝青檸寒天特飲飲落荔枝味濃夠鮮甜 配酸酸既青檸正好中和番個甜度💯加埋Q彈既寒天 口感更豐富👍🏻

今日番工要OT，所以決定食番碗譚仔再繼續工作🤦🏻‍♀️見到新口味紫菜珍鮮三寶泡椒酸菜魚湯米線$44就決定試下佢啦，見宜家加$6有小食就加左份四川青椒皮蛋；同加$3有飲品加左凍檸檬茶😋😋呢碗米線係5小辣起跳，我就揀左5小辣試試先🤣🔹四川青椒皮蛋因為係一人份量，所以比平時細碗。涼拌醬汁都多但係冇咩青椒🫑🔹紫菜珍鮮三寶泡椒酸菜魚湯米線紫菜係另上，食既時候先加入面。珍鮮三寶就係特大蟹柳、魚片頭同帶子。一打開見到帶子肉個時以為係菇黎🤣🤣食落亦唔係好似帶子🙈泡椒酸菜魚湯又酸又辣，幾過癮下既

譚仔雲南米線係我讀緊設計嘅時候，每個月都會同同學一齊去食🤤今次，我就同朋友黎食個早餐先，我叫左一個早餐E，兩位朋友都叫左個早餐A，所有早餐套餐都會奉送熱飲！早餐E $31烘土匪芝士三文治 配番茄去譚仔必食嘅就當然係土匪雞翼，主廚將當中精粹融入係上班一族嘅早餐入面，孜然粉嘅香氣充滿住每一啖三文治🥪，熱辣辣又流心嘅芝士慢慢係口中溶化，夾埋酸酸甜甜又新鮮嘅番茄同埋表面金黃香脆嘅麵包，口感豐富又驚喜，所有食材都好夾❤朋友個 早餐A 碗家鄉泡米通粉，望落去都好正咁😍

今日去到中環間譚仔度食晚飯，去譚仔我一定會叫酸辣湯底因為佢個酸辣酸酸地少少辣辣地真係一絕，配埋個墨丸簡直係食極都唔厭。我朋友就鍾意食清湯覺得清湯清清地有豚骨湯底嘅味道。咁佢每碗粉，都會有啲芽菜啦蔥啦同埋腐竹喺度嘅咁就係每樣都有少少。既然嚟得譚仔梗係唔可以唔叫土匪雞翼啦，黎個大嘅先夾，濃濃嘅孜然味，表面有啲黑芝麻食落去香香脆脆10分好味！咁我哋仲叫咗呢一個細嘅蒜泥白肉，佢個蒜泥，真係打到好泥想找粒蒜都冇，而個紅油就少少辣味，不過啲腩肉就超級薄。我哋喺牆壁上見到個新產品叫做雞腳筋，見到個名禁得意就叫咗佢嚟食，咁個雞腳筋系好硬嘅並唔係爽口係硬嘅，佢個汁同蒜泥白肉個個差唔多咁我就覺得麻麻哋啦⋯⋯

一直都係譚仔嘅捧場客，除咗湯底誘人嘅味道之外，譚仔阿姐絕對功不可沒紅油手拍青瓜青瓜夠爽脆，紅油睇落去好似好難其實食物啱啱好，有少少辣但係就唔會話辣到噴火嘅感覺大土匪雞翼譚仔一定要食土匪雞翼 是常識吧！譚仔嘅圖俾佢影永遠都唔會令你失望，香噴噴嘅孜然粉再加上煎雞翼，配譚仔米線必備墨魚春卷豬潤竹笙米線 （湖南酸辣湯底）今次試吓墨魚春卷唔知係咪現成嘅呢…. 同平時打邊爐嘅出面買嘅差唔多，而必食豬潤唔會so，爽口新鮮，而家基本上都好難搵到好食嘅豬潤；竹笙基本上每次嚟譚仔都會叫，吸晒啲酸辣湯簡直係冇得頂。

呢到好近公司自己又係譚仔fans所以自從佢開張都黎左好幾次坐底食，坐得應該係我坐過嘅譚仔之中最迫夾的一間，但上菜時間還是可以的外賣自取就地獄囉你walk in 買，預返等1個鐘先有得拎多人我明嘅但係唔係亂咁排單囉deliveroo的叫15分鐘有得拎打晒walkin 尖明明望到落單時間差咁耐都係咁當然walk in 單都係亂排，黎你30個號分分鐘拎先過你同呀姐理論佢會彩你都傻嘅態度話叫你去返個app到投訴啦佢無野做到神級服務態度sorry 這間分店同我無緣以後都唔會再黎提大家1句真係食嘅話佢味道偏淡3小辣同其他舖5小辣差不多自己調整叫咩辣

原來譚仔唔單止米線好食，而新出嘅早餐都一樣咁好味！相信好多人去譚仔都必定會叫土匪雞翼同炸醬，「烘土匪芝士三文治系列」就有齊兩種食物嘅精髓」。 「烘土匪炸醬芝士三文治」新鮮鬆軟嘅麵包烤到金黃色，外面灑了土匪雞翼用嘅調味料，咬落去外脆內軟，好似食緊土匪雞翼咁！😂中間夾住半溶化嘅流心芝士同譚仔秘製炸醬，一次過滿足晒兩個願望！💕「烘土匪蕃茄芝士三文治」除咗「炸醬」仲有「蕃茄」口味，新鮮蕃茄夾住香濃芝士，係蕃茄控必試之選😋！

早餐時間人手嚴重不足，買份早餐外賣等左25分鐘，奉勸大家好得閒先好黎買外賣， 咁既效率實在過份，幾乎俾佢搞到遲到，收銀，serve 堂食，取外賣係同一個waiter, 好心無人就唔好學人係中環開舖啦！食物方面，叫左一個沙爹牛肉蛋出前一丁，但只係得兩塊牛肉，無錯，係兩塊！一邊食一邊嬲

一直都好想食譚仔烘土匪芝士三文治，今日終於食到喇！😍幾好食，外脆內軟，仲有譚仔5小辣嘅麻辣湯底味。一啖咬落去，入面嘅芝士炸醬就流出來，一唔小心會成手都係醬🤤不過早餐黎講個價錢比較貴，又細份，試一次好了...

.📍 譚仔雲南米線..⚫️ 香茜皮蛋魚湯米線 配脆魚鯇- HK$45追加芫茜山 +HK$3✏️ 我見網上面對芫茜米線嘅評論極端，有啲人話個魚湯同清湯冇分別，但係我覺得未至於咁差🤣 個湯有魚味，加上落咗啲黑胡椒調味，飲落出奇地覺得有清熱嘅感覺。🤔 至於脆魚鯇好彈牙，好好味🤤 呢款米線食落去比起譚仔其他米線飽肚😆個人覺得會加芫茜山嘅都係好鍾意食芫茜嘅人，但份量根本滿足唔到呢班人🤣 另外一個問題就係份量唔一致，無論係唔同分店或者同一間店，份量都唔一樣，上網見有啲人得幾條😂 我座芫茜山用細碗，後來見到其他人嘅芫茜山用大啲嘅碟裝😭😭.⚫️ 凍香茜青檸雪碧 - HK$15 (加配價 HK$12)✏️ 至於芫茜雪碧，雖然望落去好綠，但係芫茜味唔重🤣濃啲嘅話飲落去會正好多🤣 btw我見個menu可以 +$2加芫茜蓉，但係我落單嗰陣店員話落單部電話冇呢個選擇，唔知係咪中環店先係咁🤔🤔..

譚仔嚟咗中環咁耐都冇去食過早餐，今次突然醒起走去試吓，估唔到價錢及口味都非常之合理👍🏻早市只開下層，鋪面原來都頗大，幾多位，我早上大約10左右到，都有幾多客，座左大約8成，都算幾旺埸！早餐餐牌有由A餐去到G餐任均選擇今次我選A餐試吓，將炒蛋加$3仲改埋香茜芝士煎蛋1）香茜多士煎蛋加茄汁豆加多士- 多士鬆脆，香茜就普通同茄汁豆就冇乜特別2）火腿通粉-我最欣賞個湯底，不錯3）加$2 凍檸茶我會再去食早餐😉🙌

「佳肉腐皮小辣」、 「師傅愛你😘」譚仔近期大熱，當然要去朝聖🔥，反正算係中環平民價的米線店。午市時間，取飛入座，等候良久、人手叫號，等左15分鐘左右終於可以入座。中環譚仔樓樓高三層，以香港情懷同埋譚仔文化做設計理念。「佳肉腐皮小辣」：雞肉分量都算多，但湯底明明係麻辣小辣都唔夠辣，腐皮唔夠嫩滑，湯頭吾夠重口味。明白午市人多，從下單至等待食物，竟然用咗30分鐘，真係等到發火，連一杯檸檬茶都好遲先上檯，管理有待改善。總結：湯頭唔夠三哥濃味 整體沒有效率 等太耐

之前想食佢嘅中環店特有早餐，但過咗時間！😒😒唔緊要今次早咗去一定有得食☺️☺️今次食嘅早餐全部都只有中環店限定先有得食， 真係巴閉啦🤪🤪～～～香茜芝士煎蛋🍳～～～期間限定香茜系列！冇想像中咁難入口，我本身唔食芫荽嘅，但都覺得呢個芫荽係特別清香、新鮮！加埋芝士🧀嘅味道又唔錯喎😋😋～～～烘土匪芝士三文治🥪（炸醬）～～～烘底嘅芝士三文治🥪其實配咩都好食，內裏嘅肉醬溝埋芝士🧀融為一體，雖然佢嘅土匪味唔係好出，但味道都幾夾😁😁～～～家鄉泡米通粉～～～佢嘅通粉好特別，短短地長度似手指尾，中間通心幾有彈性😃😃湯底飲落幾舒服順口，都係一個唔錯嘅選擇🙂🙂早餐Set會跟牛油🧈厚多士、炒蛋、茄汁豆蕃茄就正常茶餐廳水準！都只係$3x，真心中環區係非常之底食😇😇

譚仔雲南米線中環店中午lunch時段一般都超級爆滿。我個人會喺app上提前落單，預約時間過去取餐。午餐領取過程蠻方便，員工也會主動提供幫助。味道方面，我鐘意麻辣湯底，今次喺選咗5小辣，個人覺得一點都唔辣。下次應該會選4小辣。豬潤有dd腥味。雞肉量足，柔軟鮮嫩，夠好味。價錢方面算抵嘅。

芫荽熱潮停不了，不少食肆都推出芫荽美食。今天來嚐嚐【譚仔雲南米線】的"香茜皮蛋魚湯米線配脆肉鯇"。 身為芫荽控，加了$3增量"芫荽山"及加$10配上"皮蛋海"。米線的香茜皮蛋魚湯呈濃白色，喝下鮮甜，散發芫荽香氣。再配上皮蛋，有清熱下火之效。脆肉鯇有五塊，肉質結實爽脆。配料有芽菜及腐皮，加上招牌米線。是個組典的組合。點米線可以$12加配芫茜特飲"凍香茜青檸雪碧"酸甜冰爽，+$2追加芫茜茸，更添清新，。不吃芫荽的朋友可選"凍葡萄特飲配乳酸爆珠"。