譚仔三哥米線 (灣仔道)

營業中

休息中

想食米線點好？譚仔開到通街都係，頂住引先囉。病病地唔食得太辣，印象中佢個酸辣好難食，就叫左麻辣小辣食，每次窗係叫墨丸腩肉做送，再加個尖椒皮蛋，皮蛋麻麻地，可能唔靚，碗米線都係咁啦，唔可以話好味又唔可以話好難食囉

是日塔塔子外出灣仔到客戶公司工作, 因為工作關係只能夠外出買外賣做午餐, 諗住快靚正買個三哥啦實冇死!其實買外賣返寫字樓食已經慘, 但係...買個難食既外賣返寫字樓食就更慘!好一個三哥...首先個湯底係淡如水, 塔塔子叫左麻辣小辣, 辣味冇層次, 之係死辣, 而且燙口得黎好啖, 但又feel到條舌頭好燙! 完全係不是味兒, 食得出係溝左水咁, 湯底係一碗米線既靈魂, 已經可以判呢碗3哥死刑!配料叫左墨丸豬潤, 墨丸一如以往都唔錯, 豬潤都夠甘香, 挽回少少分鐘啦! 雖然都係負分架喇!呢間三哥真係永遠唔會再黎, 希望佢其他分店既水準唔會好似呢間咁吧!

對於喜歡吃辣的我來說，譚仔一直是不二的食堂。它前陣子推出新的三哥酸辣口味，今天決定試一試！我和朋友兩人去吃午餐，於門口看見很多人，約等十張枱。本以爲要等很久，誰知很多人拿了票但走開了。我們約等了五分鐘就有位。我們點了一個三哥酸辣（小辣）、一個普通酸辣和一分土匪雞翼。三哥酸辣可以選辣度，但我們初試保守選了小辣。普通酸辣不能選辣度。我們還點了冷水，每杯$2。先是上了普通酸辣，酸味較出，辣味小小在後尾。雖然辣味不重，但怕辣的人還是要小心後尾有些辣勁。接下來是很期待的三哥酸辣。一看紅紅的湯，不要以為很辣，其實只是紅油而已。三哥酸辣揉合了譚仔傳統的三款辣味：酸辣、胡辣、麻辣。最先吃到是胡辣味，酸的味道不出，而後勁的麻辣挺強的。感覺可以一次滿足三個願望。而且我們加了薯粉的配搭更一流，薯粉的咬口令辣味在口腔中停留更久！最後一提這傳統小吃雞翼，朋友喜歡土匪口味，因為味道偏孜然味，比麻辣味也易嘗到雞肉的味道。我覺得很香口，做湯米線的配菜一流！

This spicy noodle shop is packed with students during lunch time probably due to it's affordable price and generous portion. The sour and spicy soup tasted okay but just not that special. The potato noodle was about nice to chew. And as usual, you get what you ordered with the toppings. Nothing wrong with the dish, but it's just not my style.

《午餐食乜好😰😰😰》午餐時間度度都人多，都唔知食乜好，懶人首選~唔使諗唔使煩一於食譚仔三哥❗❗原本食開酸辣湯底，但係食食下覺得唔加酸菜，個湯似乎無乜味，唔通係我太重口味❓❓❓於是最近轉食煳辣湯底，有濃香既藥材味，感覺冬天到好岩而家食黎暖胃❄❄❄而且湯底可以調整辣度架，食得辣既人都岩食🔥🔥識食既一定係加埋最愛既豆卜，腐皮😘😘後加既腐皮同本身附上既完全唔同，非常嫩滑，真係不得了❗❗❗其實譚仔同譚仔三哥都食過，但又真係三哥多款式d好味dd😗😗😗

我係三哥嘅忠實fans 每次同fpll黎食都唔洗睇menu只係需要睇個日嘅心情係麻辣大辣定中辣但係前排聽到人講話佢係三哥度食番茄湯底 我就勁激動 每個禮拜都會黎食米線嘅我 竟然唔知原來三哥係有番茄湯底！！！所以今次我專登黎試下佢 睇menu先留意到原來佢係下晝3點之後先有嘅 同埋原來佢係素菜湯底黎嘅 我嗌左番茄湯底中辣 雞肉 片頭 走九 小米。 等左無耐 碗米線終於黎啦佢嘅中辣當然無麻辣湯底咁辣 食落啲辣味係唔會搶左本身番茄嘅甜 因為佢嘅番茄味都幾濃郁 同埋啲味唔會好假 佢面頭仲會有啲番茄茸 都算係認真之作 即刻impress左今次試新野係有surprise嘅 但下似應該會食返大辣 始終都係麻辣大辣過癮啲

I admit I'm a bit behind the trend, I didn't know SamGor had the new tomato soup-based mixian for so long. So I came here today I really had to try it!Ordered cuttlefish balls with tofu:As usual the cuttlefish balls are very good, these are really the speciality of SamGor.I ordered little spicy: already quite spicy, even though the taste of spiciness should already be neutralized by the tomato sauce inside. The tofu product had a great texture to it, it may be the old boss lady's incentive to te

相信大家都有同感，身邊仲會有一個fd，問佢食咩好，佢總會答譚仔!而我，就係果個朋友! Hehe~~~譚仔與三哥的分別在哪?有人覺得冇分別，但對我黎講，我覺得分別好大! 所以我剩係會食三哥!次次食親三哥，我都係會叫墨丸小辣。三哥的墨丸，真的好香墨魚味，而且真的很彈牙，又大粒!但譚仔的墨丸味道比較淡，咬下去好軟，欠彈牙。另外，三哥的麻辣真係又香又麻，味道較近四川風味。米線方面，三哥與譚仔的米線都是煮得好彈牙，好有咬口! 正!最後，如果再有朋友問我食乜好，sor，我都係會答譚仔三哥!

每個月仲有一兩日要吃譚仔三哥，係最少。重點每個人都有先已一個特定三哥配搭，而我的配搭小辣、麻辣、酸菜、豬潤。米線每次都KEEP到水準，面唔會淋晒，以然咁彈口。湯底麻辣之餘又夠清甜，麻麻地，夠過癮。酸菜又夠爽口，唔會太酸，味道啱啱好。

平日返工lunch有時想食得清淡啲的話，我會首選譚仔三哥。原因很簡單，食物質素有保證，清得黎又好味. 平時自己食就會叫雞肉腐皮墨丸紅薯粉走芽清湯,  今天和友人點了二人餐再加小食.我們叫了二人餐紅薯粉清湯, 一如以往, 湯沒有多餘油, 很清, 但紅薯粉略嫌不夠軟身, 腐皮亦比以前差, 無咁滑, 懷疑改用了不同來貨. 整體OK, 所有食材都很新鮮. 食到一半, 友人說想試一款小食, 所以點了蒜泥白肉. 腩肉沒有太多肥肉, 每片都切得薄, 易入口, 再配以蒜泥的香混合辣油豉油的醤汁十分惹味, 看似很辣其實不太辣, 看似很油膩, 食完又不會覺得濟. 難怪是該店推薦的其中一樣小食. 吃完滿足地離開, 一星期吃足三日都不會厭!!!

譚仔食過好幾次, 次次都覺得非常唔好食, 個同事就成日迫我去食....今晚唔知食咩好, 見到譚仔三哥, 膽粗粗試一試有選擇困難既我揀左好耐, 而且同男友都唔係太餓, 男友就話不如叫個過橋米線 (糊辣湯底)兩份食, 初初有D驚架, 上次食譚仔兩個食到反晒胃....4次真係"駁"下架咋...我地湯底揀左糊辣湯底, 真係好好味!! 個湯底唔辣, 但非常之濃同惹味!!! 米線要連湯食先夠好味!! 當然兩個人食一個米線唔係好夠飽, 就叫左D小食試下先黎既係蒜泥白肉 (細), D蒜好香, 唔似譚仔咁味道太濃, 三哥既蒜唔會蓋過肉味, 好味!! 再黎既係意川醋香番茄, 呢個係新出既, 見$11咁平就試下, 超級的開胃!!!好多人整呢Ｄ番茄Ｄ醋會好酸, 但佢一D既酸味都冇, 番茄味幾濃, 同個醋非常的MATCH! 最後食既係湖南土匪雞翼 (5隻), 知道土匪雞翼係好出名, 雞翼上面既香料好香, 不過雞翼略嫌乾身, 唔係我杯茶估唔到佢咁好味, 真係有眼不識泰山! 絕對有下次!!!

This is a popular noodles shop often with a queue at the door.  Their noodles portions are large, to the point that it is often impossible to finish, so when you order, you can tell them to halve the noodles in order not to waste food.Liked their piquant thousand year eggs in soy sauce and chopped garlic. The sauce is really strong and piquant - that is their selling point.  Do give it a try.You get to choose the type of soup base for your noodles - I prefer sour and spicy.  Alas, it is no longe

第1次嚟食譚仔三哥，1點半鐘，一入到去滿滿地坐，但都好快有位坐。一坐底想叫嘢食，嘩。。。d伙記好似你殺咗佢一樣咁，態度勁差😠 我地叫咗尖椒皮旦，味道野味，但並不太辣。另外小食叫了，蒜泥白肉，這個比較失望，白肉全叠在一起，蒜泥不太野味。 我就叫了三哥米線，酸辣湯底，加腩肉，加豬潤。湯底只有微酸，但不辣。 朋友因不食辣，所以加酸菜加肉片，要清湯底。

以前日日番學,每2日就食一次, 簡直你我ge飯堂!今日經過, 打算再懷緬一番酸辣湯底+腩肉係必食今日再食, 發覺水準大不如前腩肉變了「腩肥膏」酸辣湯底變了清湯底, 無以前個種酸香再叫埋炸醬, 好似食緊肉醬愈依愈傷心點解差左咁多!!希望快D改善!!!!!

早排，我去左灣仔依間譚仔吃lunch。我人生第一次食既譚仔就係度食。有個金頭髮既服務員好串吓。當日，我去到本來想吃所謂既啦沙湯底，點知唔見有。所以我叫了一個三哥酸辣米線同一杯檸茶。一黎到，無啦啦變左麻辣米線。我O嘴望住個金毛仔，佢應都冇應我，就直接走。而杯檸茶，茶就淡。但係好甜。所以我都小去左。希望會改善一下。