譚仔三哥米線 (灣仔道)

昨日下午喺灣仔肚餓到唔得，見到附近有譚仔三哥就順便入去醫肚。位置夠方便，由銅鑼灣站行過去都幾近，店面唔大，午市又係高峰期，所以門口排咗一條小隊。不過翻枱算快，我直接用 App 落單，避咗部份人流，叫咗番茄湯底雞肉米線（中辣），另外加尖椒皮蛋、單骨雞翼同凍檸蜜，價格大概六十幾蚊，仲送咗青瓜小食。入座前等咗一陣，樓面得兩個員工喺度忙前忙後，執枱、帶位、收銀全部佢哋搞，睇得出好吃力，但態度仍算友善。米線上枱後熱辣辣，番茄湯底係全場亮點，酸甜剛好，唔會太濃太杰，中辣刺激但唔搶味。雞肉嫩滑，米線彈牙吸汁，幾舒服。尖椒皮蛋都好食，皮蛋軟身，尖椒微辣，加落米線度味道豐富咗不少。單骨雞翼就正常發揮，炸得香口，食起嚟幾方便。總結：食物質素唔差，番茄湯底同尖椒皮蛋值得回點；環境偏逼；服務方面因為人手不足明顯扣分；價錢有 App 優惠就合理。適合趕時間或者一個人快啲食完就走，想坐得舒服就未必係最好選擇。…查看更多

每日lunch唔知食咩好 我嘅first choice都會係譚仔三哥😋十次有九次我都會嗌番茄湯底 仲有唔同嘅辣度以供選擇 湯底濃郁 酸酸甜甜嘅番茄口味 食落好開胃 米線好爽口😍尖椒皮蛋my favourite 每次必點 唔會太辣 對於我嚟講啱啱好…查看更多

尋日開一開個譚仔三哥app就見到呢個新登場嘅‘獨門三酸撈薯粉’🤪配香辣單骨雞翼同彈滑燕餃😯本身唔想食辣,不過最後都order咗黎試吓🤣單骨雞翼幾好,易食又幾入味,味道幾好,有4隻單骨,燕餃都係有4粒,都嫩嘅,外賣酱汁已倒入薯粉中,返去自己又撈吓撈吓,同薯粉係幾夾嘅,食食下都其實幾辣,佢有埋啲脆片喺度中和吓都ok,佢default係十小辣咋🤪但係幾惹味嘅,用app仲有青瓜小食同野飲送,都幾抵食嘅😆最後飲返熱檸蜜解吓辣😜…查看更多

相關食物：香辣回鍋肉蝦仁炆線米線最近見譚仔三哥有新款回鍋肉蝦仁炆線米線，宣傳poster張相似係比較濃味幾吸引，啱晒一向都鐘意上海回鍋肉嘅我，點知中伏！實物同圖片差天共地，無味，無汁，啲米線因為無汁痴住晒，好似平時外賣分湯好耐而未加湯前嘅款，我要拎屋企人另一碗酸辣米線嘅湯先食到！😵‍💫回鍋肉&蝦仁👎🏻完全唔係平時我喺其他餐廳食到嘅回鍋肉味！只係平時譚仔用開嘅腩肉加少少辣醬汁，顏色唔夠，唔吸引，蝦仁更加唔得，無味，雪藏蝦又唔落調味料（或者落太少），份量亦唔多，整體餸少又唔好味。✨建議：1. 唔使試 2. 要試就去試第二間，呢間嗰碗唔得 3. 試咗堂食先，堂食估計比外賣較好…查看更多

本身以為譚仔三哥服務係數一數二嘅好，點知呢間三哥真係令我大跌眼鏡，因為我地今日去到現場嘅時候只係見到一個樓面喺度做野，而呢位員工要喺人滿為患嘅午餐時間同時兼顧收銀、落單、執枱、安排客人入座嘅工作，本來應該要3個人嘅工作量，而家全部落哂喺佢身上，鄧佢慘之餘，亦覺得呢間餐廳嘅服務水平十分一般，最後我地等左大約15分鐘先入到座，入座之後仲要再等佢得手埋嚟落單，又等左10分鐘。最離譜嘅係，我見到有一位員工B匿喺廚房入面un un 腳咁，外面咁忙亂嘅情況之下佢仲咁得閒，居然唔出嚟樓面幫手(我肯定佢係侍應，唔係廚房員工，所以可以排除佢唔會做樓面工作呢個部分)，到另一個侍應員工C走出嚟嘅時候，態度同動作都係懶洋洋咁，完全係hea住做，做又36，唔做又36咁嘅款，有啲咁嘅同事，真係鄧果位一腳踢同事感到深深不忿！奉勸咁多位想食譚仔三哥嘅朋友，千祈唔好嚟灣仔道呢一間，因為你預左嚟到之後要等大概30分鐘或以上先可以食到野。…查看更多