譚仔三哥米線 (恒隆大廈)

營業中

休息中

颱風天透過外送平台黑白熊熊叫咗個酸辣米線。收到米線，發現碗嘢漏咗個米線!!!! 請問三哥衣個係咩玩法？好彩我有叫餸，如果唔係得個湯…上次都出現過同樣情況叫麻辣油條米線漏油條！！ 好在這兩次熊熊都為我討回公道，如果唔係真係無下次！ 希望衣間分店真係要檢查清楚先出單！

譚仔三哥又有新野！佢地新出左3款食品 全部都好似好特別咁 咁緊係要試試佢啦-螺酸湯豬皮螺片米線三哥又多一款湯底比大家揀🤤一聽個名覺得好特別 呢款湯原來係用左深海既海螺片加埋酸筍 豆角而成既，酸辣得黎又甜甜地咁 幾得意 鎹方面係海螺片 同豬皮 海螺片唔會太硬太淋 豬皮係用麻辣既 索曬汁 好正如果唔夠候仲可以加配其他配料架-椒麻涼拌魚爽肚之前試過三哥既糊麻湯魚爽肚米線 都覺得幾唔錯 今次用左魚爽肚黎做小食 好爽口彈牙 索曬啲麻辣汁 冇得頂！鍾意食麻辣既一定要試-鳳梨藍蝶花香特飲漸變色嘅賣相好靚啊 呢杯特飲係用鳳梨同青檸調配而成 酸酸甜甜 解渴又解辣 底部仲有啲鳳梨果茸 唔會咁dry👍

🌶螺酸湯米線配海螺片及麻辣豬皮一入鋪頭，已經有好濃嘅螺酸湯味，湯底加入左爽脆酸荀同酸辣豆角，海螺湯嘅鮮甜，每米線酸辣得黎又帶有甜味，配料方面，海螺切片好鮮甜同唔韌，麻辣豬皮勁索湯，非常入味，有齊酸辣香甜嘅豐富口感！🌶椒麻涼拌魚爽肚 好受歡迎嘅魚爽肚推出咗小食，爽脆彈牙口感，加入椒麻汁非常惹味香口，配埋清爽嘅青瓜，作為涼拌小食味道一流！ 🍹鳳梨藍蝶花香特飲🍍以鳳梨及青檸調配以成，再加入碟豆花，顏色好靚，好啱打卡。味道甜中帶酸，底部有鳳梨粒，飲落好清新，好啱夏天同食辣野飲～🥢呢個湯底因為酸荀濃郁嘅味道令到同之前推出嘅比較大分別，特別係鍾意食螺獅粉嘅朋友一定要去試下😆

係旺角附近，如果得自己一個人食野，好多時都會揀快餐店或者可以食得好滿足嘅譚仔三哥今日做完野出到黎，又自己上左樓食譚仔，照樣例牌黎一份過橋米線加凍奶茶少冰少甜，由於食緊先發現無影相，用張舊相比大家睇下好多人入到譚仔，都好苦惱要諗食咩，但係我每次都唔洗諗，直接點過橋米線，因為相對之外性價比真係高，又可以食到好多唔同種類嘅野今日就想再試下佢嘅土匪雞翼，一份大嘅5隻食落又真係覺得幾好食！一個人食一份過橋米線加一份大土匪雞翼再加杯野飲，岩岩好

夏天食飯冇咩胃口，外面又熱又焗又不想行太遠，直接落公司樓下食三哥，想食啲味道濃郁的東西刺激一下，三哥水準十年如一日，湯底濃郁鮮味， 加上三哥獨有的三哥酸辣簡直是無敵，食慾大增，因為好想食小食，所以加咗一個蒜泥白肉，生蒜茸配上辣椒油令平平無奇嘅白肉生色不少，把豬肉捲着蒜蓉一起吃，豬肉與蒜蓉在口中混合，對我呢個愛蒜之人簡直食唔停口，雖然食完滿口蒜味，一天都不散，但是我一點也不介意，配上一杯少甜的凍咖啡，這個午餐簡直是完美

去完醫院做產檢.. 過隔離食碗久違既三哥😆上一次叫某外賣APP同一間分店覺得佢難食左🤔今次一於試多一次一向食開清湯既我睇佢個餐牌先知原來依家已經有好多湯底既選擇但係都無法改變我對清湯加炸醬既依個組合既熱愛堂食份量感覺係多過外賣..今日腩肉骨多過肉另外我加左個素菜腐皮卷 $14其實就係一條腐皮卷...😅 佢可以揀口水汁定麻辣汁... 黎到啲汁得好少..完全食唔到佢辣汁既味變左食完味腐皮卷咁 不過佢煎到個外皮係超級鬆脆依樣野抵讚

終於去咗試好多人都話幾好食嘅三哥水煮湯鴨血米線 ！我哋就叫咗三小辣、五小辣各一碗，點知碗五小辣仲紅過同辣過三小辣😅睇嚟個廚嘅落味料手法真係要再進修下😅😂-湯底重口味嘅，但就冇乜特色咁，um...冇平時食水煮嗰種香、麻味，我覺得係好有味嘅辣味味精湯🙈🙈-講返重點嘅，鴨血！質感上及格嘅，亦都算煮得入味嘅，不過就又係冇乜特別🙈😂-今次呢碗三哥水煮湯鴨血米線就唔太啱我口味，因為我覺得太普通，冇乜特色，值得試一次嘅，但又真係一次就夠🙈😂Btw食呢款米線嘅話記得同店員講加唐芹呀🤩

上次試過譚仔嘅花椒胡椒雞米線幾好味，今次又再食！今次加錢轉左薯粉。薯粉口感煙銀，煮得啱啱好，唔會太過淋。配埋番茄湯，都幾掛汁，幾好味。胡椒雞嘅雞件都幾滑，花膠充滿骨膠原，仲有三大嚿添。

唔好食份量少，😭叫外賣平台仲貴過自己去買！同樣係自取。米線份量😪少，食物量又少。好差點解一星期內可以差咁遠呀？！星期一食都唔係差，仲係好食好多鷄！叫花膠雞湯米線，星期六叫比起平日的鷄少左一半，只係好多雞皮，湯又😣淡，加左😑水，😪叫特飲凍芒果烏龍茶，同熱飲一樣細杯！差差差差差差差😩😩😩😩😩😩😩😩😩😩差所以，奉勸大家，如果有得揀，唔好再幫襯呢間！都係去景Lam 好食又足料！

點解叫美線，因為花膠可以美顏呀～我本身又好鍾意食胡椒雞，又好鍾意食花膠，又好鍾食三哥，真係完美配搭啦今次！個「美線」本身預設係跟煳辣，但我都係轉返我食開嘅清湯，一試真係驚人！胡椒雞滑到癲勁驚喜，胡椒味又濃，真心好食～仲要花膠大大舊，吸晒啲湯之後好好食！我今次一碗加咗魚腐，一碗加咗炸醬，都係好好嘅配搭，誠意推介大家一試！尤其女士可以用平民價格食到花膠真係無得頂！。另外仲試咗新出熱情果烏龍茶，佢係冰泡炭燒烏龍茶加咗熱情果同檸檬梳打，果味好香好開胃，仲有啲寒天QQ，好Q彈，個人嚟講都幾鍾意呢款飲品，呢排去開三哥大家可以試下套餐價加配返，應該唔會失望！

夜媽媽，有d餓又有d凍，最啱食碗米線暖下胃，黎到旺角又食三哥米線。今次又試蕃茄湯金菇薯粉，一如以往，落單上菜都好有效率(清枱都係). 蕃茄湯金菇薯粉，蕃茄湯比其他分店淡d同希d, 其他都保持味精湯面水準

自從知道三哥新出咗鮮魚片做配料之後就一路都想去試，終於搵到一日lunch time啱時間衝去自私食🤩個人覺得酸辣湯底唔夠辣唔夠過癮，所以將佢轉咗做麻辣嘅小辣，麻辣湯底同魚片真係好夾😍😍😍新鮮魚片夠嫩滑，份量都唔少，而且熟度啱啱好，唔會淥到又鞋又散👍🏼飲品方面叫咗同樣新出嘅【夠薑瑪莉】，入口真係飲到有薑味，加上少少士多啤梨蓉飲落酸酸甜甜都幾得意😋溫馨提示：要注意每塊魚片都有少少細骨，食嗰陣要小心d💡

好耐無食三哥，咁啱路過，忍唔住入去食返碗麵。呢間三哥算係三哥米線中環境相當唔錯嘅一間，座位闊落，裝條新淨，又有多靠牆位置，相比起其他圓檯嘅譚仔，坐得更舒適、更有私人空間今次點咗牛肉、酸菜、魚腐中辣米線，加涷檸茶，味道和質素都算唔錯，保持一貫水準三哥譚仔米線個人覺得水準比較穩定，湯底和辣道維持得唔錯同埋唔知係咪市道麻麻，$44三餸竟然送飲品，真係食咁多年三哥都未試過，好抵呢間三哥嘅阿姐服務算唔錯，快手快腳，有時有啲譚仔阿姐攪好耐都落唔到單，你懂的⋯所以藉得再嚟叫一碗

譚仔出名大家都知道，個人認為環境最乾淨舒服😌應該係旺角登打士街樓上既依一間鋪頭了👍🏻今日一試佢既過橋米線$54🍜糊辣湯底（加一蚊）基本上豬雞牛肉都有，仲有豆卜啊火腿啊生菜啊🥬腐竹啊炸醬啊，所以都幾好，唔洗有選擇困難症，同朋友食不仿加多個小食，今次我地叫左（豬耳）都只係加$19！80幾蚊有甘多款野食，又加左杯港式凍檸茶，都真係幾抵！其實成日唔知點解覺得譚仔既湯底真係好出色，入味又同米線Match!

無食一排三哥，有少少心掛掛🤪，本身諗住照舊食返雞肉三小，但見到有新野推出🤨，點都要試下～．煳辣豬肚米線估唔到依家豬肚都做埋餸！豬肚軟腍爽口😋，食落同煳辣湯好夾，就好似胡椒豬肚湯既濃味版咁，好惹味🥰。份量都算多，都有成六、七舊！煳辣湯底焦香味十足，飲落仲有少少辣辣地🤤，碗米線仲要煮到入哂味，忍唔住係咁飲🍜。-西柚醋 +$10除左出新餸之外，三哥仲出埋西柚醋同荔枝特飲🍹。西柚醋酸酸甜甜💦，好開胃，仲食到有少少西柚蓉添，唔夠酸仲有一小片檸檬比你拮🍋！