譚仔三哥米線 (金禧花園)

10月3號6:58分，我已經喺App叫定外賣。點知去到舖頭，7:20分都未有得攞。我諗住等多一陣應該差唔多，點知等到7:30都仲未有。我咪叫個姐姐幫手跟吓，冇理由煮個面煮成半個鐘都未得。結果嗰個冬菇頭姐姐完全冇打算幫手跟，淨係耍走我，話：「再等吓先啦，差唔多㗎啦。」我話我6:58分等到而家都未有，佢竟然話：「繁忙時間等半個鐘係好正常，有啲人等成八九個字。」仲問我有冇叫小食？我話我冇，淨係一個三餸米線。我再請佢幫我跟吓，佢竟然話：「冇得跟，好多外賣。」但我眼見堂食係咁出，外賣就完全冇出過。跟住另外有一個男人都等到鼓譟，佢同我差唔多時間叫，都係未有外賣比阿姐耍走😂出面企咗成堆人，有啲等堂食，有啲等外賣。最後，我見到有個男人自己走入去攞外賣，聽到佢話外賣喺入邊整好晒，擺到凍晒都冇人攞出嚟。我先入去望吓，真係見到啲外賣已經係入晒膠袋，pack好晒，成座山咁擺喺度冇人理。其實啲姐姐係咁出堂食，係咪可以放低啲外賣係出收銀呢？放啲外賣出嚟，啲人自己識得攞，好過你放晒喺入邊，啲人又唔知。呢間舖頭嘅員工培訓真係麻麻地。如果聽佢繼續等可能等到八點都未有得食。😂其實之前都試過喺度堂食，見到要等位，就攞咗飛，但啲人就咁行入去，啲姐姐又唔理，照帶佢哋入座。變咗攞飛嗰啲人係咁喺度等。希望管理層可以正視下呢啲問題，改善一下服務質素。…查看更多

我有無眼花$19蚊 下午茶餐？平過自己煮喎最近見推出超抵食下午茶今時今日...竟然十幾蚊就有交易，真係好抵💥咖哩魚蛋魚片頭餐爽彈嘅魚蛋同魚片頭沾滿香濃咖哩汁．非常惹味另外加配兩款小食✨煎蛋烤胡椒酥餅熱辣辣即烤酥餅．加入煎蛋烘烤滲出啖啖胡椒香味✨迷你鮮茄牛肉湯通粉鮮茄湯底清甜．牛肉軟腍都幾大片下午茶來講．份量剛剛好+$10 真係超抵食+$3 ✨全新凍檸茶以九種錫蘭紅茶調製出全新口味來自斯里蘭卡茶園茶底更香更醇．配上鮮檸檬，清新解膩…查看更多

星期六十二點九到達， 相比同一個商場裏 其他食肆， 譚仔三哥算做比較好食，唯有入內 。😅本來可以用app點餐，但係商場沒有wi-fi，電話信號又收得奇差🫣， 唯有叫侍應點餐。 食物不過不失🙄，唔係話特別好味，但係唔係特別差， 可能太耐冇食過三哥，今次感覺啲餸比以前較少🤫， 可能物價貴咗。 店舖內嘅衛生情況上算幾好，熱水.辣椒油·豉油等等。。。。要自己攞~譚仔三哥啲姐姐都好貼心💖，見我哋有小朋友就主動問我哋需唔需要碗仔， 同埋每次送食物來嗰陣都有好有禮貌， 值得一讚👍。…查看更多

由於喺附近返工，都會經常去食呢間嘢，但每次叫啲姐姐落單寫野都要等10-15分鐘，都唔知點解樓面可以冇人落單嘅！另外我本身只可以食到10小辣，但每次嘅十小辣都可以唔同，今日食完，我以為自己跑完10公里馬拉松🏃🏻短期內唔會再去幫襯，啲姐姐一啲禮貌都冇，當啲客人係犯咁，一啲服務行業應有嘅態度都冇！😡😡😡💩💩💩👎🏻👎🏻👎🏻…查看更多

8點幾9點去，但都坐到ful full地，坐低之後叫好耐都無人來寫野，個個趕住執枱執杯執碗，仲有個阿姐同一個細路傾計，全部扮睇唔到我叫佢地，好似趕住收工甘。叫左一碗三酸小辣同番茄2小辣，好難吃，辣度係勁過其他分店，除左辣食唔到其他味，都無其他店三酸d酸味，好似唔同舖頭甘，一d都唔似。另外，野飲係差唔多食完碗米線先來，唔明點解要甘耐。食三哥都食到劣食，垃圾，好後悔，大圍甘多野食，食左呢間垃圾，以後唔去…查看更多