譚仔三哥米線 (富盛大廈)

營業中

休息中

係譚仔記仲係蚊形時成日係九龍食，到後來覺得越來越唔好食，搬去元朗後見佢開鋪，鬼咁旺，比多次機會佢，點知真係好唔得。叫左中麻辣湯墨丸米線，墨丸唔好講，合格，不過整體來講；色、香、味各方面都唔得。色：賣相好一般，得好小其他配料，芽菜，腐竹，九菜都得好少；湯，好一般的辣湯樣。香：可以講係無，一D麻辣應有的香都無，一味得辣，好失望味：只辣唔香、唔鮮叫左2個小吃：皮蛋川椒 (推介小吃) 同招牌菜土匪雞翼皮蛋川椒 醬汁味道係可以的，不過皮蛋超低質。見圖：係白白淡黃色的蛋黃。唔好話糖心起花咁高要求，但半點皮蛋的濃滑都無。一見個樣已經想叫佢羅走，食左一件，好差，無食。平野都可以好食，都可以用心去做，唔應該為左平，就不顧食物的質數。尤其係小吃， 正所謂"小食多知味"。大大碟但咁難食，無用。 份量做細D呀，但好味D好過啦！土匪雞翼：已經無晒舊時既香同"蘇"新疆風味。總結係 -- 差。唔會再比機會。

上個星期同屋企人黎呢度食午餐。唔知點解人又唔算太多，都坐得幾舒服既。我照嗌個特辣米線，而我地叫多碟大既麻辣雞翼。特辣米線個湯依然咁正，正在種麻痹既感覺令我食上癮。今次就食雞肉同牛丸。雞肉就唔錯既，唔鞋口又幾好食。而牛丸都唔錯，爽口彈牙。米線就整到好，唔會太淋又唔會太硬食唔到。麻辣雞翼係人多先會叫，雞翼即叫即炸。又辣辣地，醃味又夠。真係次次人多都會嗌既。凍奶茶都係咁好飲，奶同茶既份量好夾。無一個理由俾我唔會飲既，要多謝屋企人將自已跟餐既飲品俾我飲多杯凍奶茶。呢餐味道唔錯，坐得舒服。多人既可以叫多幾種小食架。

本身我個人就唔係咁鍾意食米線ge...但見呢間野幾出名同本身我勁鍾意食spicy野所以就try try了見佢料既choice真係唔多,同埋係d普通野..所以價錢都算中上唔平wor..但spicy既level就有得簡,都幾細心食完覺得個湯好正!!!! spicy得黎有香味~~唔會係味精湯only!同埋都ok大碗,都好夠食!但不得不提係佢既土匪雞亦!!都係好正好香!!個味十分特別~好多肉汁彈出黎同埋塊皮好脆!!有黑芝麻擺面幾特別!應該會為左雞亦再黎食過!

第一次去譚仔雲南米線(元朗), 相信亦是最後一次, 其他分店就唔知啦!!本應好肚餓的, 但都唔覺得好食, 係一d都唔好食.所有料都好似煲完湯唔要的湯料咁, 一d味都無...我哋四個人去食, 四個都覺得唔好食, 個個只食一半...環境衛生又一般...我經常會在元朗食野, 都想多個地方可以去食野,所以希望他們能正視問題, 如果唔再搞好d, 定必會連累其他分店呢!!!!

今日去左食譚仔,叫左5小辣,炸醬,D 米線幾彈牙,幾滑...其實譚仔煮米線都幾有基本功呀...唔明點解有D 人亂O甘彈元朗呢間!出面有D 米線又煮得太"林",譚仔煮得又滑又彈牙,不錯!!至於湯底,我飲左好多,好清好好味呀!!我成日聽到有D 人叫清湯之後又話譚仔不外如是...無咩特別...O甘梗係啦,譚仔係SELL 麻辣,唔係清湯,食清湯不如番屋企自己煮啦,唔食得辣O既,基本上5小辣或10小辣,包好食,無死錯人~~星期日真係大排長龍....我同屋企人食完,都急急腳走人....廢事其他客等得太耐~

勁鍾意食譚仔米線．之前去開深水埗食見到元朗開譚仔．本來勁開心呢間元朗譚仔剛開時．去過一次．仲見到三哥本人果次因為同侍應溝通問題．佢比左個小辣我我本人勁鍾意食辣．叫佢加辣佢竟然話唔得心諗．唔係嘛．麻辣加＄１咖喎．唔夠辣竟然話唔比加最後同三哥講．佢都話本來唔加得．但都幫我整喎結果．．．第一次食都試唔到我想食ｇｅｉ辣但係印象已經麻麻尋晚心血來潮好想食．就姑且試多一次今次我叫左特辣個米線黎到．辣就真係夠辣啦不過始終唔夠０係深水埗食開咁香明明係同一間野．可以差咁遠結論係．我寧願搭車出深水埗食另外仲叫左大土匪雞翼＄２３／５隻的確係新鮮熱辣辣．可惜唔夠入味都係深水埗好味ｄ兩個人埋單＄５０．因為我男朋友無食米線．只係陪坐

呢間譚仔既管理唔錯. 同埋幾大間, 坐得都幾 OK. (新界凈係得呢間? )除左第一次見到有隻 little fly 外, 之後唔覺有.d 野食既水準都好穩定.蒜泥白肉好好味. 好多蒜泥.不過有樣野要彈. 佢 d 筷子, 唔知點解, 次次個頭都係有 d 濕濕地, 呢個要改進下.如果 keep 住呢個水準, 一定會再黎.

訓醒差不多中午，諗下食咩，是日星期日+母親節，唔想去飲茶迫人+飲茶都係平時飲特價茶經濟D。於是去左元朗揾食，屋企人鍾意食譚仔米線，今日就去啦。去到1:30PM左右。都FULL左，不過岩岩有位，唔駛點等，坐低叫左:三哥尖椒皮蛋皇--$8—酸酸辣辣，幾開胃，特價先係$8，原價$16。新彊香草雞翼(大份/5隻)--$23，隻隻雞翼肥肥大大，都ok的，但好似其他2款好味D。牛肉米線清湯底--$21，牛肉今次冇咁諗，有D”UN” 腩肉米線麻辣湯底--$21+$1—腩肉有D肥肉，幾爽口，今次挑戰中辣，都幾辣架，但我就可以接受啦，食完有D幾傷喉嚨的感覺。凍檬茶2杯，加$5/杯，每次去都會加，因為加$5大大杯，好抵飲。埋單$84，好味，米線份量大，每次去都食到好飽。今次去，呢次算最多人，叫做FULL左，之前去幾前都唔駛等。元朗分店似乎冇其他分店咁多人，食物質素都冇咩大分別。所以自從元朗開左之後，我都唔駛特登出九龍D分店食。下次去，我會試$41那個過橋米線套餐，但會叫返麻辣或土匪雞翼。

原本收工想買士林個牛肉麵,點知收左爐唔加單,咁呢間仲開緊咪幫襯下。之前都上過黎見過D食評話唔掂,但又成日行過都見佢幾多人幫襯,諗住試下無壞,點知唔試由自可,一試無下次,叫個牛丸墨丸酸辣米線外賣返屋企食,一打開一陣好似人地嘔完既酸味,諗住酸野聞出黎係咁上下,試下啖湯,個味道都係咁上下...再食下D丸,嘩~~~仲衰過D任叫火鍋既丸,成碗野完全唔掂,仲要賣成$27蚊真係唔明點解仲有咁多人幫襯,定還是我點錯野食呢???

今日返學之前，唔知點解心血來潮想黎呢度食。但係下午應該好多人，不過在場所見，依然有好多空位剩。真係太好啦，叫番我平時食開既。特辣米線每次見到呢碗米線既紅紅湯底，口水就直流三千呎！真係好正個湯底，呢樣唔使點多講。而雞肉都算新鮮，又唔鞋口，唔錯啦。不過牛肉今次失手啦，有幾塊好韌。而米線整得好爽口，其他對手都係望塵莫及。凍奶茶每次都叫小冰，真係可以飲多幾啖。呢次都幾好飲，奶同茶既份量都好夾，我好LIKE。呢間分店既質素都算唔錯，希望可以繼續保持。

雖然上次去過兩次, 覺得都唔係太差, 只係食品選擇比較少, 今次再試吓其他, 就當俾多次机會佢平反啦 誰不知, 今次仲激氣 ........我地於19:32落單叫左一個麻辣米線同酸辣湯米線,油菜+涷O荼, 落單後曾有位侍應對另一位看似新到的說: 你落錯枱號, 此張應該係17號, 我地都不以為然, 最先到就係杯涷O茶, 但係過左半個鐘都未有野到, 就叫侍應幫我地跟進, 只見他好似又再傱新入電腦, 再落過單.......時間又過左15分鐘, 坐在我們對面的一對男女亦只到左不涷O荼同人碟蒜泥白肉, 他們亦都和我們一樣等左超過半個鐘頭, 見我地都等得不耐煩, 亦和我們一樣追單, 但是, 只見侍應們團團轉, 始終都無幫我們追到 !? 後來那對男女便氣沖沖地走了, 我們都想一走了之, 但見侍應即時又為我們再入廚房追查, 可能為息我們的怒火, 便即時拿了碟油菜來, 如此再等多一會, 但是, 再等多5分鐘都仍然未有, 實在令人不可再忍要破口大罵 , 侍應見此情況才急急入廚房奉出兩碗米線出來...試問這樣對客, 又如何能維持 ???

早前又黎呢間譚仔食飯，而經係午飯時間。多人到爭找唔到位呀。而我地三個食左個過橋米線、麻辣雞翼同叫多碗米線。過橋米線係有哂所有材料既米線，整體上材料都好新鮮美味。而米線整得剛剛好，唔會太淋既。湯底係特辣既，唔知點解今次既辣比平時既辣呢？腩肉、牛肉米線腩肉肥瘦適中，牛肉就幾好味既，份量又夠多。唔錯既。麻辣雞翼呢個係即炸既，所以都等左一段時間。雞翼炸得好味，皮好脆口，而雞翼醃得好入味。雖然個價錢都幾貴下，但都值既。凍奶茶今次都幾好飲既，如果落多小小奶就好啦。話說今餐見到一個中年男人，係佢俾碟雞翼我地既，原來佢係老細三哥，之後我叫左佢一聲三哥，佢向我會心微笑。仲問我地野食好唔好味。當然我地都讚賞食物同比意見令佢地做得更好，三哥加油呀！我而家先知道譚仔米線有三哥既話，就係三哥所管理既。感覺上，三哥既譚仔係比其他譚仔好食。

好大, 坐得好舒服味道同其他分店一樣幾好我食開小辣, 不過好似辣過其他分店咁魚旦竹笙+c0t $32不過有到衰好多蒼蠅!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!堅多要改善

一向都鐘意食米線,阿媽通報知道佢係屋企附近開左間,梗係去試下啦~但佢首先成左白老鼠,見到門口有雜誌介紹,又係相入面見到佢十分鐘意食既黑柏葉,就咁被吸引入去啦~可惜一心想食黑柏葉,但原來菜單中係冇呢樣餸,加上真係好少配料選擇,有感被騙.....她的第一次既印象係唔覺特別好食+唔值+唔對版!!被佢講成咁,我梗係要親身試下啦~同埋唔駛山長水又遠咁出去食嘛~而且睇食評,見譚仔真係好多人話好食架喎.....點知....... 真係囉~入到去超多人,坐位較迫坐低睇下有咩食,又真係得個幾款餸,而且要酦辣又要加$$$,叫左個豬潤酦辣米線,一黎到見到真係好大囉~~~個碗!!!!!!一睇芽菜仲多過米線,而且得個酦味,一d都唔辣,真係酦到食唔落口!!!豬潤又細塊同好"鞋",阿媽第二次都係覺得好難食~都唔明點解仲咁多人食架!!一定唔會有下次!!!

今日同屋企人黎呢度食，好彩既係可以找到張卡位坐。我地叫左個過橋米線，大既土匪雞翼。飲品就飲凍奶茶。過橋米線呢個米線兩個人食就幾抵，因為可以食盡各種材料。真係唔錯既，料都無話點小到，個米線既份量都好夠。湯就最正，又辣又麻。土匪雞翼平時雞翼都好大隻，但今次竟然得一隻係大隻，而其餘四隻都好細隻。雖然都幾好味，但份量縮左水都打哂折扣。凍奶茶都係咁好飲，但唔知點解茶有好小既苦味。成本上升就無辦法，但咁樣縮水就唔係太好啦。