譚仔三哥米線 (德福廣場2期)

營業中

休息中

譚仔三哥 緊有一間係左近 有時諗唔酊食咩咪食米線今次我食既係墨丸乍醬 ,墨丸就係墨丸 今次煮得OK,有D分店有時太趕未必煮咁熟乍醬就幾時食都咁野味番茄湯底我覺得係最好味,佢有成個蕃茄,酸酸甜甜咁 甜中帶酸，香甜醒胃，更可自選加辣 ,我今次就加左10小番茄湯底係最好味

加入左某個米線關注組，就好似日日彈左嚟叫你食米線咁，簡直係中咗米線毒。近期譚仔三哥出咗個水煮湯鴨血米線，但睇谷友食評似一般，最後當然點番平時的最愛：過橋米線配番茄湯$56、土匪雞翼$30、蒜泥白肉🧄$36呢間個過橋米線份量好似比其他分店少，當然番茄湯底🍅就係一直至愛。呢間分店咁大間，但全店得3個樓面姐姐，真係完全唔夠人手，所以趕時間就唔好嚟呢度。

自從早排食過 #譚仔雲南米線 嘅 #泡椒酸菜脆肉鯇魚湯米線，#小秘書 一直念念不忘🤤 咁啱呢日又行過佢哋嘅兄弟分店 #譚仔三哥米線，見佢哋出咗個 #花膠胡椒雞米線，斷估都唔差掛... 可惜 不似預期👉🏻👈🏻#材料質素 #將貨就價，#花膠 就預咗佢一般貨色，人哋收你幾十蚊碗米線，唔要求得太多😉 不過無諗過啲 #胡椒雞 咁差，口感淋啤啤、又切到細細舊咁，no good呀🤨 好在個 #土匪雞翼 保持水準... 正呀喂😙我哋坐低唔夠10分鐘，阿姐就不斷喺我哋身邊徘徊（當時17:30左右），叫我埋咗張單先... 大家都食緊野、又冇戴口罩，點行出去比錢呢？都唔細心嘅🤪

之前堂食要等成20分鐘先有位！今日決定外買！諗住唔使等！點知由落單到取餐都要成20分鐘花膠胡椒雞米線+外買自取優惠小食+飲品（加$10）（麻辣青瓜+凍檸茶）花膠胡椒雞米線～大約有兩大件花膠及4或五件雞！算足料雞都算滑麻辣青瓜～算係食$10包青瓜及飲品！麻辣同青瓜都好夾

凍冰冰真係想食碗熱辣辣既米線暖下肚😙 試左譚仔三哥新口味米線: 花膠胡椒雞美線🙌🏻嗌左清湯，加埋我至愛既墨演🙂 見到有新飲品: 熱情果烏龍茶🍹當然要嗌埋啦😍有圖有真相，塊花膠真心好厚好有咬口，一啲都唔腥😻 花膠充滿骨膠原，有美顏既作用👏 胡椒雞好惹味，重點係無骨，啱曬我依啲懶人🤣 下次一定要試埋三哥秘製煳辣湯底，一定更加正👍食完暖立立既米線開始有點熱，飲番杯熱情果烏龍茶就啱曬啦😊 冷泡炭燒烏龍茶既茶底好香濃，加埋檸檬梳打、熱情果、寒天QQ，口感一流👍

等咗20分鐘先有位！只可簡單叫墨魚丸酸辣米線🍜由於平時食開麻辣不過因趕時間唔想食太辣所以唯有食酸辣米線！但酸辣味唔突出墨魚丸好似同以前有啲唔同真係太耐無食過三哥

打工仔之中午食晏常去餐廳譚仔，成日都食，好似唔會厭甘天氣涼涼地去食都唔錯至愛麻辣湯底(雖然加$1)不過如果唔系太太肚餓嘅，叫少米線就好似免費升級左咁我叫左小辣，之前食開中辣，不過太耐冇食所以叫小辣啦叫左自選（酸菜/牛丸/雞肉）酸菜同鸡肉系成日都会掉到嘅，都唔知道有幾時開始中意咗食酸菜，感覺牛丸好似唔系太有味道所以下次都系叫貢丸啦基本上每碗都系有芽菜，腐皮，韭菜(唔食邊樣記得叫姐姐走左佢)食個青瓜先(麻辣汁）記得之前有一人小食優惠價好似$6(唔知系咪外賣呢)不過依家冇左噜，$12一份，都ok啦

譚仔三哥新出嘅酸辣魚片米線，我食過一定會翻炒💪🏻酸辣魚片米線 $39雖然我唔係好食得辣，但我鍾意挑戰自己，最簡單就由酸辣開始😂上次同朋友食酸菜魚都食到流眼淚，今朝食譚仔三哥呢款米線，刺激得黎唔會太辣，越食越開胃。我亦都中意食魚，譚仔三哥既魚片份量多，有5-6塊，食落嫩滑又爽，不過要小心咀嚼，因為可能有魚骨。另外，三哥好貼心，會將酸菜另上，客人可以自己按自己喜好加入米線。蒜燒茄子 $16茄子同香蒜份量多，加上譚仔秘製辣油😋好味夠姜瑪莉 +$11呢杯特飲有驚喜，梳打加上細細既薑碎，又加入左寒天，好有咬感，喜歡薑既您千祈唔好錯過☺️👍

我貴為一個薯粉控，知道譚仔三哥推出左酸辣撈薯粉，即刻去試下。佢設定係五小辣，起初都有啲驚，因為平時食開十小辣🌝食落並唔係係想象中咁辣，佢獨特既酸辣汁好惹味🌶加埋彈牙既豬耳、薄脆、雲耳同青瓜絲🥒撈埋一齊食好清新。最重要既薯粉煙煙韌韌，十分彈牙👍成碗份量都比較多，可以同朋友開心share。加十蚊仲可以試埋最新蜜桃乳酸，甜甜地又有汽可以降下辣🥵

今日放假 做咗兩個鐘運動 個人超攰超餓。 好想食好多碳水的野補充下。 腦海第一個念頭就是食譚仔啦。好彩過左lunch hour黎食， 唔使等位。叫左 炸醬雞肉麻辣4小同一杯凍檸茶。佢的辣味真係會上癮，想連湯都飲埋。

由於今日喺德福廣場呢度嘅無印良品開咗間大分店，實用面積有20,000平方呎，我約埋鄰居一齊飛車嚟觀摩一下，鄰居一到達的時候話好肚餓要食嘢先，佢話自從農曆新年到現在沒有食過譚仔雲南米線，表示因為我請搭的士所以佢請我食午餐，點不知等咗20分鐘才有枱入座，鄰居話既然有兩個人一齊食不如點好大碗嗰啲（原來名稱叫做「過橋米線」，大家都揀了麻辣小辣的辣到，其實原來係所有餸都有齊！啲米線份量有兩碗的份量），再叫一盒五隻大的土匪雞翼，我哋有諗住試吓鹹檸檬特飲！點不知結果居然係：👇1. 過橋米線好食到飛起，除咗湯底跟平時一樣咁好食之外就係所有餸都有齊，都仲唔止，每款餸的件數很多，今次才知道原來好多餸都好好味，因為平時為咗容易食及衛生問題都每人叫一個湯米線兩個餸，唔知道其他餸原來都咁好食，舉例豆腐卜！佢個豆腐卜都唔係我哋一般係街市買嗰啲，入面仲有很多豆腐肉的，而且好香！2. 土匪雞翼大的五隻一碟，跟平時一樣咁好味！3. 鹹檸檬梳打，不過好似甜到似七喜多啲，但係味道又真係唔錯！佢用牙籤吉住果粒唔知係杏脯定係乜，明明就唔係鹹檸檬因為好細粒，我都食埋因為都OK 得來平時唔會食到粒咁嘅嘢！鄰居望吓張單發覺只係$10

今日由於攞咗德福廣場Apita百貨公司個位嘅無印良品開張，面積有20,000平方呎，係全港最大的分店，我即興約埋鄰居來朝聖，一到達德福廣場鄰居話要食嘢先好肚餓，仲話好耐冇食譚仔雲南米線，話今日佢請，點不知排隊等位等咗20分鐘先入得去食，今日我哋打破傳統，第一次叫了乜嘢餸都有啲嘅「過橋米線」一碗大家兩位分享，再叫了一份大的土匪雞翼，然後每人一杯大家都係第一次飲的鹹檸檬梳打，全部都超級無敵好食，但係埋單比起平時便宜很多，$106！！！好飽！Oh My God! 我早幾日先係屋企用app外賣叫咗譚仔三哥同我爸爸兩份食午餐，兩碗兩餸米線加埋一碟三隻嘅細土匪雞翼同埋兩杯凍檸茶少甜都要$196啦！平視我一個人去譚仔雲南米線一碗兩餸的米線加埋一份三隻細的土匪雞翼及一杯凍檸茶少甜都要$82啦！其實一碗「過橋米線」$56真係好抵食！如果一個人食又想乜餸都有，而且件數很多！可以叫服務員將米線扣抵😱😱😱！後來鄰居俾咗$110俾我叫我去找數，叫我同服務員講唔使找！因為每位消費只係$55真係抵到爛！

今天下午出九龍灣做野，去了食譚仔，好耐無食，以前讀書時經常食，今日再食，都係好好食，食完又有啲上返引！係門口等了半個鐘先入到去，因為午飯時段好多人食！今日叫了冬菇腩肉米線清湯，湯底都係仲係咁好食，腩肉都好食，冬菇好食！埋單39元，大件夾低食！

之前見到廣告，見到酸辣撈薯粉，好吸引好想食，所以今日中午同朋友黎試，咁我哋十二點五十幾分落單，職員話薯粉要等耐啲，甘可以接受，之後去到一點廿幾分未黎，甘好聲好氣甘追左一次，但態度好差，等多十幾分鐘，依然未到，於是再追，職員又好惡甘講已經追左，再話個薯粉係要耐啲，但需要半個鐘煮一個薯粉？如果係甘有需要食三哥嗎？有時等待既時間長短都唔係我嬲既原因，我最嬲係職員答人時既態度，我明太多人追你地，所以我都唔想追你太多次，廢事你難做，但一開始就態度甘差，唔可以接受，呢間永不光顧！ps.我唔明白，廚房點解可以甘慢，同埋淨係出外賣單，堂食追到死都仲要有排等。

譚仔三哥米線，更是不少香港人的至愛；因為餸料款式多之外，湯料及辣度，隨個人選擇適合自己嘅口味。我點咗豬潤雞肉魚腐酸辣米線，豬潤丶雞肉都鮮嫩，魚腐細嫩軟綿綿。尖椒皮蛋，皮蛋選用溏心皮蛋，每次都必定叫的小食之一。士匪雞翼味道比較濃，非常香口惹味。