第一次食呢間係冷氣商場内嘅茶餐廳，睇到有好多自家製嘅易攜凍飲樽裝絲襪奶茶，最貼心咩甜度都有，無論係無糖、少甜、少少甜、茶濃版同茶走都有哂。當然點會少得港式地道美食同糖水，見到賣相都十分之吸引。濃情糖心蛋豬軟骨飯肉質較嫩，軟骨部分軟中帶韌，充滿膠質，唔似坊間完全只得軟爛嘅質感。沙嗲牛肉軍艦餐在中間的牛肉餡堆得飽滿，滑牛餡料好多，沙嗲醬濃郁，花生脆增加左口感，令口感更豐富。多芒爆珠楊枝金撈我至愛！食材新鮮度同口感創意上都好出色，用左爆珠增添左新意，芒果香甜、西柚又唔酸，爆珠又驚喜融合，清爽解膩，令人回味嘅甜品。芋圓芋泥大滿貫性价比很高，食材選擇同口感搭配上都好用心，芋圓Q彈、芋泥軟糯綿密，每一啖都食到芋頭嘅清香。惹味X醬煎腸粉餐有腸粉嘅嫩滑，又有煎過嘅焦香，加上惹味秘制X醬，風味更豐富。紅豆珍珠絲襪奶茶絲襪奶茶絲滑感做得很到位，紅豆煮得軟糯，珍珠Q彈。海鹽焦糖絲襪奶茶香濃，好中意佢甜中帶咸，但又唔會好甜，岩岩好。…查看更多
