許記麵家

營業中

休息中

由於人住大埔的關係，成日都可以係大埔食野，而大埔區美食又咁多，變左近屋企而例牌要排隊果d 餐廳我就唔去住🙈 難得今晚不能食太飽（要去gym room), 就決定同honey 黎呢間，每次見到都要排隊既許記麵家。街坊小店，menu 一眼睇晒我揀左招牌花雕醉雞麵，之前聽過朋友講話好食，所以一直都好想試，今次終於如願以償了雞肉鮮嫩而結實，花雕酒既汁完全滲入雞肉裡面，食落好香酒味，而且煮得夠林好易咬，口感好好。推介而honey 就揀左佢最鍾意食既雲吞河雲吞河好有舊式粉麵店既風味。雲吞有肉有蝦，足料又新鮮，真係名符其實既皮薄餡靚。而最驚喜既 莫過於呢個香草豬扒，炸完熱辣辣即上枱，肉汁鎖住係豬肉入面，口感軟熟唔韌，超好味！下次黎食一定會encore整體而言，性價比極高，以後一定會多d 黎！

好鍾意食呢度嘅招牌花雕醉雞，個汁好香花雕酒味，雞脾肉非常入味又嫩滑，so yummy。而且價錢合理，只需$24，再加$10就有個麵。麵都好爽口彈牙。就是這樣，簡簡單單又一餐。

星期六朝早陪老婆返佢母校探老師後就成到咗附近食lunch，估唔到有意外的收穫一見到張菜單已經好surprise，因為估唔到今時今日都有咁平嘅醉雞食。碟醉雞除左份量足，亦浸得好夠味道，咬落口雞肉一啲都唔”鞋”，而且仲有好香既酒味，所以絕對值得一試。

老公剛剛轉到大埔工作，問問住大埔的同事有什麽好吃時，她二話不說就介紹此間。怎知到老公幫襯後還介紹去吃，讚不絕口。今天老公返半天，就特地去接佢放工順道試試他們讚不絕口的小店，當然還叫了幾位朋友一起食啦。老公介紹叫一份醉雞脾加一碗淨河粉是首選。醉雞脾是凍的但香香的酒味，喝一啖汁甘甘微甜微咸好醒胃，雞肉入味又大份正。河粉要記得說要蔥，蔥花香氣撲鼻，河粉湯底已很濃厚（不過也忍不住加了醉雞汁）。我們還一次過叫了，炸豬排。簡直好味到爆外脆內軟又香，必叫之物。老公話豬雜又係要必試既，我淨係狂食腸而我老公的朋友就清晒的潤。再叫左清湯腩，雖然好林好牛味，但朋友嫌瘦了一點。還有必叫小食豬頭肉，食落好似豬耳甘但好煙un餸河粉一流。仲有要叫青菜，老板會問你想要咩汁。蠔油，豉油定腩汁，我地當然選腩汁啦還叫了鹵水雞翼，真係入味到可以成碟食晒啦6個人叫到張枱擺唔晒埋單都唔過肆佰，係邊度搵呀~簡直超值

食完一隻名氣大實際普通嘅三多炸雞脾，向前邊行經過一間麵店，見到有花雕醉雞賣，睇一睇以為自己眼花22元？好就等我死肥仔入去試一試。小型麵店格局，望一望個餐牌，所有食物價錢都不唔算貴，基本上係平嗰隻，雖然多數食物同價錢係相比。但一於就試吓佢嘅牛腩同埋醉雞。醉雞原來係一隻醉雞脾。花雕酒嘅味道並未可以全部入晒雞入面，但係呢隻明顯雪藏雞價錢，就出奇冇雪藏味。雖然只有淡淡好輕微嘅酒香，但呢個價錢真係冇得講，牛腩麵嚟到個感覺其實真係好普通，唯一好奇係我叫嘅係清湯腩麵，但係呢個根本就係普通魚蛋檔食嘅牛腩麵一。一何來清湯？牛腩食落去並唔係煮到好霖。有口感，味道都幾好。32元有成7.8舊牛腩。真係正。老闆同服務員態度好好。好有舊時嘅人情味老店風味。其他客人都飲凍飲。係我好奇問有冇水賣。老闆好好人親自比杯水俾我，仲叫我慢慢飲唔夠可以講。一杯溫暖嘅水，加一個溫暖嘅老闆。簡單來講呢間許記，值得再去

花雕醉雞算係呢度嘅招牌菜，因為差唔多每台都有叫。而我都當然有叫花雕醉雞啦，都幾入味，而且D雞肉唔鞋。另外，雲吞麵都好好食，因為D蝦同肉分佈平衡。D麵嘅價錢又唔貴，非常抵食。

終於食到呢間既花雕醉雞🤤🤤 上次星期一特登黎大埔但佢冇開！今日睇實openrice 個營業時間再拜訪🙈🙈花雕醉雞($22)加多個面($10), 呢度既醉雞全部都係雞脾，中間一條骨，食得超級方便😛 仲要係好好味，酒味啱啱好，但啲雞係又滑又入味！😝 最緊要係佢真係性價比好高，高質既花雕醉雞😍然後服務又好~ 唔怪得咁多堂食同外賣！ 一定會再黎食🤩下次外賣又好，堂食又好，一定再食過個醉雞，太好食喇🤩🤩

許記面家是在美利大廈的傳統面家，雖然賣的都是一般粉面店有的貢丸，牛丸，雲吞，牛腩，魚蛋，魚皮等粉面配搭，以及油菜和港式餐飲，但生意感覺真的很不錯的，不是附近沒有粉面店，只是味道真的好所以才有固定熟客。

首先要講嘅就係佢嘅花雕醉雞比超級好食！ 價錢合理絕不取巧。已經是這家店這幾年的熟客，一開頭係貪方便因為這家鋪頭只係休息禮拜一，放假周末同埋公眾假期佢都開。基本嘅粉面質素都有保持。價錢合理服務好，環境清潔，作為飯堂已經非常不錯。這一間鋪頭讓我聯想起80年代同90年代嗰一種好有人情味嘅地方。試過有一次食完唔夠錢，老闆話下次先找數啦冇問題！當然我唔好意思即刻去攞錢找數啦。另外食佢嘅魚蛋牛筋米，牛筋炆得好琳，好友味道，誠意推介！

今日係大埔超級城番part time，女友黎接我收工，梗係要去食下特色野啦。女友提議去許記麵家試下醉雞，咁就一齊由大埔超級城慢慢行過去（10-15mins），地點唔算好就腳，唔近地鐵站。今次試左牛筋河同水餃河，同最出名既醉雞。1. 牛筋河牛筋尚算入味，湯底加多左腩汁都唔會太咸2. 水餃河水餃都算中規中矩3. 醉雞餐廳最出名就係醉雞，梗係要一試啦！今次試醉雞脾，醉雞唔算好重酒味，整得唔夠入味。整體黎講，各項都唔算出眾，中規中矩。

放工番到大埔其實成鬼日都唔知食乜好，咁啱朋友琴日係whatsapp group介紹呢間，就試下佢啦食物都係同普通粉麵店差唔多，但係佢有特別推介，4款都少見啲。咁就試下佢啦醉鷄係用鷄腿，啖啖肉，醃得非常入味，個醉鷄汁撈埋落米粉湯度一流特別推介既加$10就有粉麵，個湯好似冬瓜湯，飲落好清甜，唔似超重味精香草豬排炸得非常酥脆，而且啪得夠薄，好juicy，食落口感仲好似龍俐魚。香草唔知係醃埋落去定就咁灑上面，但都好夠味不過閂9點對我黎講就好似太早了。下次放假先再黎食過啦

有人說過，大埔除了最出名的群記牛腩麵之外，就數這家許記了。但是今天試了許記之後，本人表示失望。因為這個牛腩麵，麵條幼細，麵質很爽，還微微彈牙；但是這個湯味道一般，喝了有點磨牙感覺，不太濃郁或不甚有煲久的火喉。牛腩不算非常濃郁，沒有群記的優秀半肥瘦，也不太濃香。牛腩偏瘦，難免造成有點痴牙。招牌花雕雞腿，但雞腿早早製好，放在雪櫃冷凍/保溫，味道其實甚有酒香，但肉質欠滑，雞肉有點鞋身，幸好沉酒，至少不乾。店內桌腳像小時打康樂棋的檯腳，玻璃桌面，記得有家麥當勞被人責承需替落地玻璃貼上磨沙紙以防走光，確是本末倒置。難道許記使用玻璃桌，也需貼上磨沙紙到桌面嗎？

之前都有寫過食評大讚許記係我嘅毒食堂今次又係我毒自去食許記啦今日由於比平時較早到，無需係門口等位我一個人叫咗豬肺雲吞米加醉雞同埋檸七照舊先上醉雞十分驚訝點解許記每次嚟食，醉雞都可以保持咁高嘅質素每一口都有花雕酒嘅香味咬落雞肉爽口而不會嫌佢老驚為天人豬肺一向係我最愛之前講過在街吃豬肺最怕洗唔乾淨呢道嘅豬肺洗到好乾淨，白雪雪可以放心食用雲吞唔會太大粒，可以一口一粒檸七用支裝汽水，夠凍又夠汽但係美中不足係唔知點解店裡面好熱，就算開咗風扇都令人覺得熱到冇胃口希望店方可以處理下

一間唔顯眼嘅麵鋪，距離太和火車站話近唔近話遠又唔係好遠，路程10-15分鐘左右，冇華麗嘅裝修，但勝在有平民價錢，岩晒我。話明隱世醉雞，叫醉雞22蚊，加生面/米粉//河粉加10蚊，即係32蚊，凍飲加7蚊。米粉係生竹個隻，本人唔多like，所以叫河粉醉雞用雪藏雞脾，酒味唔會太勁，但都入味，大大隻好抵食再加個蠔油菜心，菜心煮得太耐，但依個價錢絕對係抵食！不能要求太多啦

之前試過星期一入大埔想去這間小店一試聞名已久既花雕醉雞，有報導推介此菜好味兼抵食，結果卻摸了門釘，原來此店逢星期一休息！於是只好擇日同老婆再來。今次來到點了花雕醉雞（單點$22），好入味之餘酒味濃郁，只係鹹左少少。牛筋米（$32）份量多又好味，米粉爽身湯底又濃而不膩，腩汁菜心好腍又甜，鹵水大腸河（$32）（抱歉忘了拍照）既鹵水汁較得好好，鹹度適中，口感亦佳，河粉亦掛到湯，呢間小店真係值得一試，我一定再翻枱的！