許記麵家

營業中

休息中

平時食開許記的醉雞，炸豬扒啱啱先發現有淨豬雜，，非嚴格生酮同人士，外食可以選擇佢，炸豬扒香口，醉雞就好香，酒味唔算重，最緊要冇果種苦澀味，有d食落係會咁雲吞生酮前有食，佢個魚湯底好夾重點係價錢好抵二人食，食左淨豬雜，豬雜米同淨醉雞，加支細可樂都係＄105

呢個小店唔顯眼，位置唔多，但有出名既醉雞，所以有唔少街坊支持。今日就同家姐叫左碗招牌醉雞米，一碗豬頭肉米同一份菜心要腩汁湯。醉雞酒味夠香而且入味，雞肉嫩口，同一定係會比雞髀你嫁豬頭肉夠爽口彈牙，一啲都唔油膩，點下佢嘅秘製辣椒油，再放上麵到一齊食，完全不得了的好味兩碗麵既份量一啲都唔少，所以食完超級飽肚。再叫埋一枝枝裝可樂

都記不起👉🏻從何時開始幫襯呢間小店了，由舊舖剛試業到現址，都應該有好幾年了，每次一想食醉雞同豬雜，就毫不考慮衝過來大埔，愛吃的就是這樣任性！佢哋既豬內臟處理得非常好，不會有怪味，配上大地魚湯底，米粉又吸湯，灑上韮黃，香味倍增！蝦子撈麵同樣出色，撈麵麵質爽口彈牙，唔會有鹼水味，蝦子份量亦絕不吝嗇，舖滿碟面佢哋嘅招牌花雕醉雞係用雞髀，酒味芬香，雞很入味，咬落啖啖都係肉。佢哋既自家製辣椒油都好得，也加了花椒，亦炒香過，夠辣之餘仲好濃烈嘅花椒香真心感謝呢間小店能保持食物水準！！因為食店能持以恆久，實屬難得！而且又能夠做得到👉🏻平、靚、正。哈哈

本想幫襯美新冰室，返到大埔已五點半，人家收六點費事趕頭趕命。轉去大埔三多想食雜扒意粉加炸髀，爆場無位放棄，最後到達許記。食碗靚麵，急急買餸歸家煮晚餐撐枱腳。蠔油菜芯，非常爽甜多汁，翠嫩高優食到一條都無剩。滷水豬頭肉，忘記豬頭肉即係豬面肉，滷味清新撈麻油再辣椒油，膠脆彈集多種味道，食得津津有味。滷水雞中翼，冷盤有創意夠特色，只在星期六日供應，可遇不可求，好食唔好食就見人見志！滷得略咸，肉質點都較乾，雞皮非常爽滑，醃青瓜好好味。招牌花雕醉雞免斬，髀梗係要成隻揸住咬，要原隻原汁原味才夠霸氣！狠狠大大啖一咬一扯連，皮帶肉細味。雞髀肉質結實偏乾，味道調得蠻不錯，微弱輕甜酒香，不濁不澀還可以。滾滿花雕汁讓雞肉更濕潤才入口，更加滋味！牛肚牛腩麵，金錢肚浸到腍劈劈，味道過於淡口。牛腩鬆化軟軟的，同樣偏淡，都係食返豬雜較穩陣。辣椒油，不經意落錯醋，變成酸麻辣！撈麵食別有一番風味，更開胃更肚餓。粉腸牛筋麵，都話要走蔥咯！點解依家多左蔥既？以前無蔥架喎。粉腸勁肥美香甜，彈彈滑嘟嘟，絨毛濕滑太美味！裡面濕潤軟軟香甜外皮超甜可口無腥味。牛筋炆得清淡，膠滑彈腍。整碗一滴不漏灌到肚仔去，但還是有點餓，幾乎每次食兩碗

港島人去到大埔實習真係老鏈咁遠🙄有得食好西填補下心靈😂花雕醉雞$26 (配粉麵+$10)出名花雕醉雞梗係要試下 平時食開都係雞件 但呢度竟然係原隻雞脾😱啖啖肉 索曬花雕酒好香 配米粉食岩岩好夠飽

呢間麵店唔系傳統老字號 但係區內好出名😃豬排表面脆脆地 裏面幾嫩滑 唔油膩💋唔會炸好耐 而且好入味👍下次再介紹醉雞😎Ps. 食物風格好似元朗好出名果間爽爽麵店xd

成日入大埔都會食， 必食醉雞&花枝丸😍花枝丸啫係墨魚，非常彈牙又唔粉，入面有粒粒墨魚好香架！醉雞梗食脾啦，入哂味又香又甜，雞肉又滑，配個米粉，一啖米粉加d醉雞汁索哂味~正呀😋老闆&老闆娘又非常nice~又會同你傾下計又好記性， 等耐dd都值呀~要食快餐唔洗成日食雲吞魚蛋面，食醉雞都可以快靚正😂

放假周圍去，今日去左大埔搵野食😋無意中俾我地搵到一間係食花雕醉雞脾，見到ig好多hashtag醉雞都有佢，一於試下佢👍🏽夜晚8點左右去到，都7、8成滿座。坐低睇下餐牌，佢地既招牌花雕醉雞原來可以選擇配麵或者單點，加支汽水都只係7蚊👍🏽最後我嗌咗醉雞河粉再加埋一枝可樂！呢個花雕醉雞脾🍗真係不得了，雞髀超級入味😋😋完全無肥肉，雞皮好薄身！而且一定會係原隻雞脾，大大隻，好多肉。河粉分量亦好多，好大碗，一個人食唔晒，下次可以叫佢小麵都得！埋單2個人80蚊都唔洗，好抵，岩哂小資一族🙋🏽‍♀️推薦！

大埔許記既醉雞米係我一諗唔到食咩就會去食既好食抵食之選😍花雕醉雞脾😛😛😛😛雞脾啖啖肉 食落又唔會話好肥 浸左醉雞汁係好夠味 簡直一流🤣我平時就會打平d雞等佢地可以盡量掂多d雞汁, 一食落去就更加好味!另外就係個麵, 落d辣油, 我覺得個配搭幾好. 跟住用埋醉雞汁送麵. 好好食架!其實大埔我知都仲有好幾間醉雞 聽講仲係同一個師傅出門既 佢地出產各有千秋 不過我自己最喜歡就係呢間咁 大家都可以去試下呀🤣

好鐘意食生麵，所以對其麵質都有D要求，許記叫得自己做麵家，就一於試下~鋪面唔算大，約有三四張圓檯，但感覺光猛乾淨，樓面似乎係兩公婆打理，好有禮貌，餐牌上大部分既單拼都係24蚊，而另有單叫醉雞脾、豬頭肉、炸豬扒，每款26蚊，拼麵加10蚊。叫左醉雞脾拼生麵，佢既麵餅份量都好大，麵夠爽、麵同麵之間無痴埋一齊，鹼水味唔重，比起出面一般面鋪高質好多！佢個醉雞脾夠入味，個汁記住要用黎沾個麵，令麵帶有醉雞香味，令我食到津津有味。見當日好多人都想叫炸豬扒可惜佢當日無賣，希望下次有機會去試！

望住個餐牌真係好難揀，醉雞就一定會叫，最後選擇左滷水大腸配河粉。滷水大腸就冇乜滷水味。呢度嘅醉雞，全部都係雞髀， 尺寸都算大隻， 全部幫你切好一件件，方便食。朋友嗰隻嘅雞肉嫩滑一啲，我嗰隻就紮實同鞋小小。第一啖，酒香重啲，但之後都俾其自家醬汁中的鹹味蓋過晒。雞件亦越食越鹹，唔知佢係咪切開咗之後先再放入醬汁裡醃，鹹味入晒骨。又或者佢呢個鹹味係比你配粉面食用，咁個鹹度就好啲啦。順帶一提呢度粉面嘅湯好唔錯，好鮮香嘅大地魚味。

成為大埔友，一定知道咩係許記。係月尾既時候永遠想起依間野，因為真係平靚正！醉雞脾距係真係一隻大大既雞脾，再加埋浸左一晚既紹興酒，拎黎時已嗅到好濃厚既酒味，肉質又滑，但真心抵又飽，加埋麵底都係$30-40 左右。大埔根本無可能甘大件有甘既質數。另外就係我最愛既豬耳，距餐牌其實叫豬頭肉。又係大大碟之餘，下面放左一層青瓜，夾埋食感覺好清新爽口。所以每次都必叫。同埋豬扒，距係呀媽年代個隻酥炸豬扒，出面薄薄脆，入面好鬆化，吾係茶餐廳個種厚切。大家經過去試下啦，係三多格離咋！

大埔有很多美食小店，這間雖然環境有點細，但是很就腳方便。今次叫了醉雞，只需24元，分量十足，加埋麵底已經夠飽有突好滿足！醉雞係靚靚雞比位，大啖大啖肉，雞肉夠滑身不會鞋，酒味不會蓋過雞味，調得唔錯的比例！麵底加12蚊， 河粉稍嫌林左少少，不過個湯底唔會死咸味精味，加埋醉雞都唔錯。炸豬排24蚊，唔算太平，但分量好多好大件，炸得外面脆卜卜好香口，唔會有好厚粉漿，味道唔錯不過豬排質地就唔夠彈牙。總結呢間都幾好食，食物質素唔差。

今次來到大埔，到了許記麵家，點了他的醉雞面、香草豬扒和鮮肉雲吞撈麵。先說說醉雞面，佢俾咗雞比我，雞唔算鞋，酒味都OK嘅。但係，就唔係好夠入味啦。我今次叫咗生面，好爽口，鹼水味唔算好濃，真係好似以前係雲吞麵檔食嗰啲，非常唔錯！講下佢個雲吞，餡料係鮮肉，唔係食開嘅鮮蝦雲吞，調味比較清淡，但係包得好好，細細粒，雲吞湯都OK，但係如果雲吞嘅調味濃番少少就好啦。再講埋佢個香草豬扒，係即炸嘅，上枱嗰陣仲熱辣辣，食落幾脆口，係有骨豬扒嚟嘅。喺麵檔食香草豬扒係幾特別嘅，但係唯一美中不足嘅係個豬扒落腳鬆肉粉太多，少咁啲肉味，如果可以改善下就更好啦。

朋友極力推薦大埔呢間小店, 次次都見到好多人排隊今次見夜冇咩人排隊, 所以有時間過黎一試佢個醉雞+面+可樂雞肉,其實係腫比黎, 又嫩又實仲要大大隻，花雕酒完全混埋雞肉，食落好香酒味，同埋口感好好。