見城日本料理 (已結業)

23/10/2010 (星期六)今天去尖沙咀做運動，順路去棉登徑食日本菜，今次想試見城。選了壽司枱的位，因為可以見到師傅預備食物，順便偷師。看完餐牌之後，花多眼亂，心大心細，最後叫咗自選壽司 lunch set，共包括八件手握壽司及一份卷物，由於自選壽司菜單上只得日文，還是問問店內的女侍應更為直接，最後壽司揀了海膽、海鰻、中Toro、Baby Tuna、池魚、甜蝦、沙甸、平政，卷物則要了鐵火卷。由於店內還有幾枱客人，所以師傅正忙於準備幾份午餐，要耐心等候，我就坐在一旁細心觀看師傅如何預備食物。女侍應先送上茶碗蒸及麵豉湯，茶碗蒸內包含了銀杏、冬菇、魚蛋絲及雞肉等多款材料，至於麵豉湯，味道就一般啦。壽司選料新鮮，壽司中最愛是海膽壽司，師傅慷慨地下了不少海膽，入口慢慢溶化，繼而帶出鮮甜的味道，實在出色，真想再吃多一件，可惜店內規定八件壽司不能重覆。甜品可選咖啡或綠茶雪糕，我就選了綠茶雪糕，雪糕很滑，而且帶有綠茶的香味，為這一餐劃上一個完美的句號。

勁好味. 比師傅話事,食足13樣~~ 飽鉋推介海膽,toro and 和牛. 秋刀魚我吾好,但呢間值得一試.時間味道完美. 師傅好招呼 . 好快再見.HKD$2500- 2人 收工好正!! hahaa

之前第一次係食dinner,太貴!2人食咗$1600 !!今日第2次來試,食lunch,坐sushi bar,看日本老師傅握壽司!叫咗2個8款自選壽司SET,自選壽司揀咗池魚,TORO,沙甸魚,油甘魚,甜蝦,海膽,左口,海鰻,鐵火巻!茶碗蒸好滑,包含了銀杏、冬菇、魚蛋及雞肉等材料!味噌湯一般!油甘魚,TORO入口即溶,是我在香港吃過最好的!水準直迫日本築地市場!左口好爽口,有鮮味!海鰻醬汁惹味!暖食!池魚,甜蝦新鮮!沙甸魚第一次食,ok,有魚味!海膽鮮甜!但那位年青師傅握兩件,其中一件鋪在飯上面的海胆份量好少呢!!!最後我們選了芝麻雪糕很香很濃的芝麻味，紅豆雪糕!壽司老店的裝修,食物水準令人想起置身於東京築地巿場內多間壽司老店內!!!yummy!!

呢排大家都好忙, 有一種 burnt-out 的感覺, 所以同 HONEY 請左一日 ANNUAL LEAVE 去 RELAX 下,第一站 - 見城, HONEY 話久聞佢既大名, 想試好耐, 所以就去試試, HONEY 打去訂位時,接線生話只接受 WALK-IN, 不接受訂位, 我地一去到, 待應姨姨問我地有無訂位, O咀,我話頭先已打左來訂位, 待應姨姨說, 而家唔可以訂位GA LA 喎, 頭先打電話過來訂就得,溝通唔到, 唯有在門口無奈的等, 這間餐廳除了這位待應姨姨怪怪的外, 其他都做得好好!!裝潢-舊式日本餐廳設計, 給人舒服、整潔的感覺, 餐具很有誠意、細膩, 杯全都印有招牌公仔和見城字樣其他裝食物的碗碟也很精美, 老闆當初選這些用具時相信很認真,日本師傅弄食物時的樣子都很認真, 欣賞他弄食物也是一種享受。我們點了:茶碗蒸 - 正, 蛋很滑, 一點也不老, 嫩嫩的感覺.壽司便當 - 分開左三盒裝, 好精緻同好好食呀!一盒: 壽司: 三文魚、蟹子軍艦、黃金魚、吞拿魚、仲有兩款唔知叫咩名既魚一盒: 配菜、鴨胸、肉子燒(有見城字樣, 很得意呢.)一盒: 天婦羅蝦、天婦羅番薯、天婦

本來想去赫德道果間,不過星期六BOOK果時花老嘢思覺失調,叫我BOOK咗呢間......花老嘢覺得赫德道果間SERVICE好D喎........我就其實覺得2間都差唔多.去到攞位,個姐姐都攪咗成5分鐘先得閒俾位我哋.我哋入坐BAR枱,諗完想落ORDER喇,D姐姐應完人就一去冇回頭,淨係掛住攞住條毛巾去收嘢抺枱好喇,終於ORDER咗,司傅仔唔問我哋邊個係要自選壽司SET就放咗塊葉係我面前....攪到要花老嘢自己放返去佢面前...叫咗壽司SET同埋自選壽司SET.自選壽司揀咗池魚,吞拿魚,三文魚,熟蝦,甜蝦,鐵火巻,海膽同埋いくら.D料係FRESH嘅,不過D飯勁散,一夾就散晒池魚果舊最差,塊魚係由2小片組合而成,我一夾就完全解體囉...壽司SET就普普通通喇,極肚餓嘅人食完都會飽.跟餐有5件壽司,D飯都係散架囉......今次食完真係覺得麻麻,原本覺得見城好過すし広架嘛......但係今次食完棉登徑D間,好失望囉....下次就算再去,都會去赫德道果間

一直都好期待黎呢度食下嘅魚生壽司，今次終於有機會去見佢一面…食完唔單止無失望，而且仲有一種相逢恨晚，欲罷不能嘅感覺，因為實在太好味喇！見城入面並冇豪華嘅裝修，入面只係樸素平實嘅日本壽司店設計．檯面上嘅茶杯印有一位壽司師傅嘅卡通造型，外型上同吧檯入面果位日本老師傅有啲似樣，莫非照住黎設計？餐前有個茶碗蒸，冬菇銀杏雞肉日式魚蛋呢啲一定少不了，蛋本身蒸得非常滑溜，熱辣辣都幾好味～真係幾想食多個！近年瘋狂愛上秋刀魚刺身，由於成本餐牌都係日文，所以直接問下有無秋刀魚刺身，經翻譯後知道今日返左貨！$120一人前雖然唔係平，但見到舊刺身咁靚咁新鮮，真係抵返晒啦～一人前份量只係得幾舊，但係真係舊舊都食得好過癮，魚味濃郁到不得了，而且極度肥美，每一啖放入口都令我相當滿足嘅油脂....Yummy!! 我ORDER左一個自選壽司SET，８件壽司加一種卷物，卷物我選擇了鐵火卷，其他８件分別係中拖羅，油甘魚，海膽，三文魚籽，沙甸，平政，池魚同埋BABY吞拿~見城用料有幾高級，有幾出色，我一向都無懷疑過．雖然不少人覺得呢度貴得過份，但真係一分錢就一分貨，唔駛睇其他，單係睇下海膽同埋魚籽就知有幾得，呢種味道我在築地

今天, 和薑餅人享受一日假期. 其實, 這天情緒一點也不輕鬆, 直至到下午二時坐在這裡準備午膳, 心情才安穩下來.這還是我第一次拜會見城, 但吃後有點失望, 未知是否和午市有關呢.我要了個刺身午餐, 而薑餅人就來個壽司盒子餐.我的那些刺身一來便看似不太吸引, 色澤未算亮麗, 有些還帶點暗啞. 味道不算突出鮮甜, 比起之前我在K11吃的刺身飯, 竟然差得多, 實在始料不及.那薑餅人的午餐盒呢? 我沒有吃他的太多, 只偷吃了一兩件壽司和少許天婦羅, 但也同樣地印象欠奉, 感覺普通而已.比較令我們興奮竟然是飯後的綠茶和紅豆雪糕, 怎麼搞噢!

5月8日, 星期六12時20分, 可能是位於棉登徑最盡頭的隱蔽位置, 在門外, 覺得好靜, 有D唔敢入去嘅感覺, 一開門, 吓! fully booked. 唔係馬, 1時都未到, 好在有張枱book咗1:00時, 就比我哋入去la, 可惜要1時準時還枱, 我們立即叫了2個set lunch.松花堂便堂 - 賣相精緻銀雪魚西京燒 - 燒物+玉子, 可惜銀雪魚煎得唔夠香汁煮豚肉 - 豚肉甘香 , 汁底亦很濃... 天婦羅 - 炸蝦, 茄子, 青椒, GOOD刺身 - 吞拿魚, 魷魚, 甜蝦... SUSHI SET - 8款自選壽司 + 鐵火卷(Baby Tuna,中 Toro,油甘魚,玉子,?魚壽司(忘記了),海膽,三文魚子,甜蝦)好味茶碗蒸 - 每個set 都有的, 碗裡包括銀杏、冬菇、魚蛋絲及雞肉等材料, 好滑! 食材非常新鮮, 而且很精緻, 賣相吸引, 唯一是紫菜淋咗, 同太多人, 不能慢慢品嚐...,下次去一定要book位!

Sushi 好食唔洗寫，寫吓呢次食吓松花堂便當的兩件肥豬肉，最近果次正到升天，4/5係肥，應用了超長時間準備，肉同肥混為一體，肥而不流，好過本地絕絕絕太多數東波肉。見成sushi外原來肥豬肉超强

We went lunched at Kenjo on a Sunday; arrived at 12.20pm. The two of us sat by the sushi bar and ordered omakase - i.e. chef's choice (not any of their Set Lunches) - and the waitress told us that the chef would "prepare what he thinks best and check during the course of our meal whether to serve additional sushi".Problem 1 - SLOWThe first 5 sushi's came at a good pace one after another and the fish were all very fresh. Thereafter, fifteen minutes had passed and neither the chef nor any of hi

想食好耐好耐好耐，係香港住香港返工，很少過海，今次過海，特登安排過黎食個lunch先。特登過來，怕摸門釘full house，訂哂位。十二點多，人已經唔少，午餐時間，師傅已經氣定神閑係近門口把關，好野。自己要了壽司set，友人要了自選set。先黎係蒸蛋，好滑，裡面粒銀杏，軟身冇苦味，很好。壽司set好快就到，有魚生飯，幾件壽司，壽司鮮味，不過反而想講赤身既水準很普通朋友，有少少失望。友人既自選壽司set，聽說沙甸好味，下次吧。以這水準，百多元計一個壽司lunch set，很化算，很美味既一個午餐，亦要多謝友人請客。

有一段日子無黎,一入到去, 見到師父老了很多 一如以往, 坐Sushi Bar,可以欣賞大師父握壽司既功駕.點了自選壽司, 亦要靚女幫手點菜 (因唔識日文)先黎蒸旦, 一樣咁滑, 但就無乜旦味!今次點左:1) 海胆 2) BB Tuna3) 花膠魚 4) 海鰻 5) 池魚6) Toro7) 甜蝦8) 油甘魚 ??9) Tune卷跟著黎埋Miso Soup, 幾好, 唔會得個咸字 樣樣都唔錯,但無左驚喜, 唔知係唔係多人食左, 抑或係來料貴左, 又唔加得價, 雁係d野食就係'踭'咁d同埋d飯一'gap'好易散開 希望下次再黎會好d啦

五天的復活節假期，沒有特別去安排節目，只想吃一頓好的，壽司癮起，正好給自己理由 (還是藉口？) 去試試棉登徑的見城日本料理。Lunch menu 的壽司 set 有三款選擇，分別是すし弁当 Sushi Lunch Box ($150)、寿司定食 Sushi Set Lunch ($130) 及お好み寿司 Assorted Sushi Lunch Box at your request ($170)。難得一場來到，當然吃最貴的 lunch set，共包括八件手握壽司及一份卷物，由於自選壽司菜單上只得日文，還是問問店員更為直接，最後壽司揀了中 Toro、Baby Tuna、海膽、海鰻、池魚、甜蝦、左口、油甘，卷物則要了鐵火卷。店員先送上茶碗蒸及麵豉湯，前者滑蛋內包含了銀杏、冬菇、魚蛋絲及雞肉等多款材料，味道搭配，入口的質感也相當豐富；後者賣相比較簡單，味道卻來得剛剛好，不會一味死鹹。坐在 Sushi Bar，好處是可以近距離欣賞手握壽司的製作過程，我們的餐單由全場年紀最輕的師傅負責，他在檯面鋪上一片青葉，再放上 Wasabi、酸薑及醃漬黃蘿蔔等配料，準備就緒，第一款來的是鐵火卷，亦即是吞拿

一月二號, 一於食餐好!!上次想食omakase, 都已經想黎呢度. 但係第一次去, 通常唔會食到咁貴, 而會係食個 lunch 探一探虛實先. (個omakase就去左試利久庵, 三舊幾水平平地好多野食)黎得kenjo, 梗係主打壽司啦.. 所以諗都唔諗就叫左:1) 自選壽司 八件 + 吞拿魚卷- 海膽- 吞拿魚腩 (toro)- 三文魚子- 沙甸- 池魚- 油甘魚- ? 魚 (好可惜, 唔記得左叫乜野名; 唔係大路野)- 生蝦2) 壽司定食 (sushi set)3) 散叫一件 吞拿魚鮫壽司兩個set 都有跟埋蒸蛋, 味噌湯, 同雪糕... 光看魚的光鮮度, 已知屬新鮮貨色... 吃下去更覺鮮味.. 其中..三文魚子.. 可以話係最好食嘅一樣. 另一間令我有咁深刻印象嘅係銅鑼灣原澗. 一d 腥都冇, 大大粒好鮮甜.. 將三文魚子最好嘅味道浮現哂出黎.海膽亦很新鮮, 不過欠缺一份鮮甜嘅海水味. 當然我唔係原隻即開即食, 所以呢個水平已很滿意.人人讚吞拿魚腩, 對佢期望頗高. 食落發覺僅屬中吞拿魚行列. 有少少打左折扣. 其實又諗返轉頭, $200一個set, 唔可能俾一舊值 百幾二

I've heard about this restaurant for some time, and I had the opportunity to come here two weeks ago.I ordered the sushi and tempura, . At about $150, it's definitely a bargain. The only problem with this combination is that by the time I'm done with the sushi, the tempura has cooled down somewhat. Tempera was of good standard, only barely visible traces of oil were found on the absorbent paper, the only comment being the batter could be made crispier. Like many other Japenses restaurants, ther