西關老祖 (葵涌廣場) (已結業)

早前葵廣又開咗唔同新店今次試呢間”西關老祖”本來係佐敦已經有一間今次嚟到葵廣新分店當然要試下啦以台式同港式傳統食物為主而且價錢真係平$25 糧尾套餐 （飯+指定2個餸+飲品）①黑毛豬油撈飯飯 就有啲失望一啲都唔香豬油味冇②炸 • 黑毛豬肉粽炸粽的確幾特別 係佢地招牌菜分量仲要好多外面都係炸到金黃香脆食落口都幾特別好有糭香可以再食③爆炒XO醬蘿蔔糕都香 XO醬唔辣一般都食到一口蘿蔔糕配飯一流服務態度就一般 問服務員拎多一套餐具都唔比 仲要比面色真係要改善下(p.s: 近期好似出左＄28 套餐 都幾平 平價之選味道：🥰🥰🥰/5CP：😍😍😍😍/5環境：🐮🐮/5服務態度：🤨/5📍西關老祖葵芳葵富路7號葵涌廣場2樓2003號舖Shop 2003, 2/F, Kwai Chung Plaza, 7 Kwai Foo Road, Kwai Fong…查看更多

唔通真係乜野人都開到分店？😓😓😥真係好差喎….點解可以全部都係正評，一個ok都無，係咪我地問題，全世界得我地覺得唔好食🤣🤣😭👎🏻.$25 糧尾套餐 （飯+2個餸+飲品）.- 價錢的確好平，有飯有餸有嘢飲，但我就寧願無嘢飲比多舊肉我啦。.- 飯 ： 豬油撈飯本身好期待，會有幾香 幾好香呢😍😍點知🤣🥹🥹，嘩 咁樣就叫豬油撈飯啦？油都唔見，味都無😂 肉眼睇見到啲飯部分係有豉油顏色，但食落去 完 全 無 味 道😓😥.我仲同旁人講笑，係咪落左色素，有色無味🤣.- 餸 ： 叉燒 和 炸粽炸粽的確幾特別，第一次食，呢個真係可以再食，好有糭香。叉燒就聽個名勁，個個評價都寫到好，食落無乜味道，應該叫健康原味叉燒。.可能你會話$25餐仲想點，不過叉燒同豬油飯真係唔係果回事。.圖片參考，我就睇落都唔開胃，影落都無p圖，sorry😉.…查看更多

呢一間餐廳真係幾靚，望到呢度嘅裝修幾有特色，所以就走咗入去試吓叫外賣！叫咗一份西關瀨粉配黑毛豬油炸，咁大碗嘅都只係$25 ，非常抵食！而且仲可以自己加菜譜，我自己就加咗辣菜譜，好好食！…查看更多

今日收工見到好多人攞住藍色碗食瀨粉🤔原來係食緊二樓嘅【西關老祖】，連個名都非常古早😂👍🏻我望住個餐單好耐，因為又平又多選擇，唔識揀😂好彩個老闆好好耐性🥺而且佢執外賣執得勁整齊😭講下點咗咩：😼古法瀨粉（$15）大碗到不得之了！瀨粉手工製，好滑，有豬油香，係懷舊嘅味道。佢有好多配菜，口感十足😽👍🏻十五蚊咁嘅味道同份量，今時今日去邊搵🤣？真係見好多收工友食。😸黑毛豬油撈飯（$15）又係十五蚊大大碗！豬油都要用黑毛豬就知間嘢一啲都冇敷衍，一個字：正！😼淨黑松露炒蛋（$28）【西關老祖】用嘅係日本蛋，香濃蛋香配黑松露，好味道！如果滑啲就更加正🤣👌🏻😸煎秘傳蘿蔔糕（$25）自家製蘿蔔糕份量多、厚實👍🏻一定要點佢嘅辣醬，自己整嘅辣醬同出面現成嗰啲係完全唔同，佢啲芝麻香好出。😼凍紅豆孖沙（$28，跟餐＋$15）不輸外而面糖水舖，而且用玻璃樽裝，可以用得返個樽🤣😸芝士孖薯配黑松露醬（$38）個醬同我去某k11 cafe食到嘅係味道一樣，原來孖薯係有薯條、薯餅，都ok，不過建議企係葵廣食會好啲，返屋企已經畀個盒焗到淋淋地。點解間嘢賣咁多款嘢食㗎🤣搞到我一次食咁多！…查看更多

xo醬炸燒賣, 呢個燒賣咋完之後再加咗啲xo醬落去, 味道係甜甜地辣辣地的, 鍾意食香口食物的朋友, 會好鍾意西關瀨粉, 濑粉上面會放咗啲菜譜, 瀨粉加埋啲菜脯同埋嗰個湯底一齊食會比較好食㗎蘿蔔糕, 呢碟蘿蔔糕煎到金黃色嘅, 咬落去個表面係比較香口嘅, 廚師落咗好多甜醬落去, 成件蘿蔔糕嘅味道係甜甜地鹹鹹哋, 由於煎得夠香口, 所以咬落去口感唔錯 呢個腸粉就特別少少, 佢係落咗啲xo醬同埋蝦米落去, 另外再加埋啲豉油, 腸粉係屬於滑身嗰隻…查看更多

踩完單車都好晏，老婆亦多嘢做，所以，簡單啲索性買啲嘢返去食，當晚餐。過到嚟「葵廣」買日用品，故此，順利成章可以幫襯吓呢度啲小店。晌一、二樓打個轉，真喺有幾多選擇，最後篩選出試試「西關老祖」，因為有老婆超鍾意嘅炒年糕。 其實，初初經過鋪面，齋睇店名，真喺唔知佢買乜，不過，鋪面貼有好多食物相，再睇睇餐牌，又有幾多特色嘢，事後跟店員交流，啊！原來喺主打老廣州嘅西關嘢，款式仲非常之多，真喺唔可以睇小啲小店，最正喺有啲十幾廿蚊就有交易。 鋪面有部外自助落單機，如果熟嘅，客人可以自行搞掂，否則，亦可以撳撳櫃枱嘅鐘仔，麻煩店員幫忙。 大概等10分鐘左右，就整好晒，拎返屋企兩公婆慢慢嘆。雖然只喺外賣嚟，但店員都好有禮貌，多謝前，多謝後，又將啲食物放整齊晌個袋中。爆炒XO醬蘿蔔糕（自家製） $38呢個真喺幾正，蘿蔔糕切成方粒，的的骰骰，大細剛好一口一件，煎香再加XO醬炒勻，非常香辣惹味，而自家製蘿蔔糕本身亦做得好，食得到有蘿蔔嘅清甜味，唔會得堆粉，口感挺實。炸 • 黑毛豬肉粽（自家製）配可樂 $45粽就當然食唔少，不過，炸粽就幾敢肯定喺第一次，因為完全唔喺好知有呢樣嘢。炸粽可以配辣油或沙糖，選後者因為小弟都唔嗜辣。炸粽增加咗香口感，但唔會好油膩，咬落軟糯，啲黑毛豬肉唔肥膩，老婆食落都話OK！ 極黑 • 黯然銷魂飯配可樂 $56好似「楊枝甘露」咁，「黯然銷魂飯」真喺香港人先知喺咩嚟，亦喺一種集體回憶。呢度嘅叉燒用上西班牙黑毛豬，亦唔會用啲色素去醃，雞蛋喺日本蛋，可見誠意十足。叉燒入口好鬆化，唔肥，卻又唔會好嚡，而雞蛋煎到蛋黃仲喺好流心，撈飯就特別正。 幾樣都飽肚嘢，真喺好豐富嘅一餐，而且，味道亦唔錯，又有特色！…查看更多

週末去朋友屋企相聚👭🏾樓下就係葵涌廣場梗係要趁機試下葵涌廣場至出名既小食仲可以買外賣係屋企舒舒服服咁食添去到葵涌廣場2樓真係好多小食店 👀花多眼亂但係見到呢一間西關老祖有啲比較飽肚嘅嘢食可以當lunch～ 所以一於試吓呢一間先💪🏻門口都好簡潔又有圖文並茂嘅餐牌睇得好清楚右手邊仲有部點餐機可以電子落單電子付款八達通信用卡乜都得 超級方便👍🏻我哋幾個人所以嗌左四樣嘢食 樣樣都想試🤣🍚極黑. 黑叉燒飯 @$42🍲古法西關瀨粉（自家製）配豬油渣@$25🧆爆炒XO醬炒蘿蔔糕 @$38🧆爆炒XO醬炒腸粉 @$30🥤嘢飲就試晒老祖紅豆孖沙 & 臭草綠豆沙 @$28.首先講下個叉燒飯叉燒係用左西班牙黑毛豬腩自家製成叉燒本身我同朋友都唔係太鍾意食肥叉燒而呢一個叉燒啱啱好係唔係太肥嘅啱晒我哋胃口😛 個燒汁都幾好食不過朋友話如果食開港式叉燒就會覺得爭減一啲港式叉燒嘅🍯蜜汁味😂跟住就到西關瀨粉 本身已經加咗啲菜甫喺上面豬油渣就係分開另外一包比既咁就唔怕會放喺入邊搞到淋晒碗粉其實就係類似狗仔粉咁味道好豐富但係又唔會太鹹加埋啲辣辣地嘅菜甫味道剛剛好😋天氣開始涼食返碗熱辣辣嘅粉真係好正$25 份量都好多如果一個人食晒應該會食唔落其他嘢跟住就到XO醬組合啦由於蘿蔔糕同埋腸粉都各有fans所以兩樣都要😝蘿蔔糕煎得好香 咬落唔會好粉好鬆散自家製XO醬味道夠晒辣 又有粒粒蝦米 同蔥花超級惹味 好難抗拒腸粉都係一樣味道但係一條條豬腸粉滑嘟嘟又彈牙咬開仲見到一層層嘅腸粉皮係兩個口感～兩個都好好食😋各有千秋最後最後連飲品都有驚喜食完啲咁濃味嘅嘢飲番杯清涼嘅綠豆沙/紅豆孖沙清爽又解油膩😍重點係唔會太甜兩款都會飲到明顯嘅陳皮香味～ 而且好多渣好足料勁有心機食完呢餐同朋友都覺得好滿足估唔到細細食店嘢飲嘢食都咁有水準唔少野連XO醬都係自家製係有心機嘅製作～絕對會再幫襯呀…查看更多

葵涌廣場一直都係令人血壓上升嘅地方,又多野行又多野食。當日行到攰攰地，經過呢間貌似好傳統嘅小店，招牌菜又有我鐘意食嘅粽，就嗌幾樣野試一試。呢間係專做外賣嘅小店，但餐牌選擇都唔少，有瀨粉、飯、粽、港式小食同糖水。而且可以八達通落單，唔洗驚店員入左去煮野就冇人應，幾方便。外賣等5-6分鐘就有，效率都幾高。攞左d外賣去新都會平台食，環境幾chill。炸黑毛豬肉粽（$45）唔使諗，呢個絕對係邪惡之選，不過，好食嘅野通常都邪惡嘅。粽子已經被切開一件件炸，每一件外層都炸成金黃色，入面係糯米同黃豆蓉，咬落軟糯，而且黑毛豬係半肥瘦的，肉質好腍而且油香四溢。煎老祖秘傳蘿蔔糕（$25）切成一個個小方塊，好方便食。夾落唔容易散，而且好足料，加左好多蘿蔔絲同蝦米。極黑 黑叉燒飯（$42）呢個係用黑毛豬整嘅叉燒，比較唔肥膩，而且多汁，飯粒粒分明，撈埋一齊食味道唔錯。臭草綠豆沙（跟餐$20）臭草係一種具有排毒/解毒功效嘅植物，而且有特別香氣，係傳統綠豆沙必備材料之一。呢度嘅綠豆沙比較水質，具備保健功效之餘亦都非常清甜解渴。…查看更多

呢間古法特色嘅外賣小店真係冇得頂雖然專系做外賣但係都好值得打卡嘅地方仲有部俾錢機俾客人自助落單非常方便呢間外賣店強調傳統古法自家製食物入面加咗好多新元素真係不得不讚望個樣好似好新潮但其實佢賣嘅食物都相當懷舊，連失傳好多年嘅炸糭都有仲有黑毛豬油撈飯價錢亦相當親民非常抵食炸黑毛豬肉糭食炸糭都係第一次我仲以為係立體三角形點知原來係一片片切到一大條口感好特別煙煙韌韌，外面仲炸到卜卜脆所有食物都係即叫即炸，另外有啲砂糖點下口感非常特別極黑，黑叉燒飯，平時食嘅叉燒係紅色，係廣東燒味嘅一種今日試嘅係黑毛豬做到比較深色叉燒嘅肉質非常嫩滑，又多汁色澤鮮明當中又有半肥瘦，增添左口感， 叉燒上面放咗少少豉油汁，甜甜的連埋飯一齊食好好味炸雞髀薯條雞髀非常大隻炸到雞皮非常脆入面d 雞肉完全冇鞋口，依然係有肉汁流出又juicy size亦非常大食完感覺非常飽旁邊仲有好多薯條🍟剛剛炸起卜卜脆，薯條係用咗幼新嗰款，仲配埋個芝士醬喺上面食落更加惹味呢度啲炸物係即點炸，真係夠晒香口…查看更多

最鍾意就係去葵涌廣場行街，又多舖頭又多嘢買，交通又方便，最緊要好多小食店，行行吓攰食啲嘢又得飲杯嘢又掂。今日食到間好特別，而且又好好味嘅嘢所以喺度推介一下，地址係葵涌廣場2樓2003號 西關老祖呢間食店都好多選擇，有好多寫住古法，失傳，俾人個感覺就係有好傳統嘅美食極黑，黑叉燒飯好特別嘅叉燒飯，佢用黑毛豬燒出黎嘅叉燒比想像中好味，因為脂肪分布比較好叉燒味道好出，加上非常爽口，帶少少油香，咬落去又juicy，一個好好味嘅叉燒飯炸髀，薯條大大隻嘅雞髀炸到金黃色又香又脆，熱辣辣咬一啖落去仲係好Juice，而且肉質嫩滑，配埋佢D調味，整體感覺都好好，正老祖炸芝士配黑松露醬薯條炸到金黃香脆，配上香濃嘅芝士，每條薯條都沾上芝士，再點埋個黑松露醬，成個味道配搭得啱啱好，好有層次，呢個都值得推介炸黑毛豬肉糉呢個係必食嘅推介，因為好少見有炸肉糭食，仲要係用黑毛豬整，非常特別，外面都係炸到金黃香脆，入口可能係糯米嘅關係非常之煙韌，中間仲有大大嚿嘅黑毛豬，味道好突出，層次同口感都非常之好，分量仲要好多，完全唔會油膩，呢啲就係外脆內暖，我諗呢個真係好考廚師嘅功夫幾樣食物都好啱口味，所以下次都會再試埋其他嘢食，我見到有個西關瀨粉都係好吸引，下次一定會試吓…查看更多

葵涌廣場小食店林立，排得密密麻麻，想食乜有乜？名付其實係小食掃街天堂。😇問題係到底食乜好呢？😵‍💫😵‍💫😵‍💫咁多選擇，真係好容易患上選擇困難症！以前喺日本讀書嗰陣放學後經過日式小食店，總會幫襯。某日經過葵廣二樓，發現一間門面似曾相識嘅小食店。勾起我當年嘅回憶，店舖的名字叫「西關老袓」，日式小食店裝修風格，與眾不同別樹一格。真係好有興趣了解一下究竟葫蘆裡面賣乜嘢藥？🧐原來店舖專賣自家製嘅懷舊中式外賣小食，所有食品即叫即製。門外仲有一部點餐機供客人點餐。於是乎我點咗老袓.一人餐+薯條🍟老袓.一人餐都只係＄46，配多一客薯條都只係加多＄15西關瀨粉有辣同埋唔辣可選，個人比較喜歡辣。湯底以雞湯，蝦米及冬菇餚製，非常足料。再加埋惹味辣菜脯同埋蔥花，簡直係絕配！西關瀨粉爆炒.XO醬蘿蔔糕切開一粒粒，細細粒容易食。XO醬又係自家製造，以獨門秘方加上蝦米乾、瑤柱爆炒，香脆.惹味！爆炒.XO醬蘿蔔糕炸薯條🍟選用美國粗直薯條，即叫即炸。冇想像中咁油膩，本來以為食薯條一定要配茄汁？？還問店員拿。後來發現原來配芝士醬又或者唔點醬汁都一樣咁好味😋食晒成份餐之後好飽、好滿足，下次一定再幫襯！炸薯條配香濃芝士醬整體嚟講，西關老袓算係一間用心經營嘅小店，由店舖整潔、食物質素、服務態度、食物價錢、以至包裝等，一點也不馬虎，係一間性價比極高嘅小店。…查看更多

今日難得放假 去咗葵芳行街行葵廣行到五點幾唔想返屋企煮飯 所以決定買外賣行過2樓嘅美食區見到西關老祖 睇餐牌好似幾吸引 傳統同新潮cross over 有唔少頹飯（搞笑）同小食價錢又唔貴 見幾特別 決定買幾個飯盒返去同屋企人食西關古法瀨粉$25可以揀辣或者唔辣嘅菜脯仲有自家製嘅黑毛豬油渣粒加埋冬菇 口感十足瀨粉短短地 一粒粒咁 好似狗仔粉極黑 黑叉燒飯$42係香港唯一自家製嘅黑叉燒用咗西班牙黑毛豬肥瘦參半 食落去好鮮嫩而且好甜好juicy送飯剛剛好極邪惡 黑毛豬油撈飯$15老實講 身為年輕一代 係未食過豬油撈飯但家中兩老話非常香 有回憶中嘅味道我都食到停唔到口煎 老祖秘傳蘿蔔糕$25係自家製嘅 煎得好香加上甜醬同辣醬 入口味道豐富都係鐘意食小店多啲 每間都有唔同風味…查看更多

經常到葵廣掃街時都留意到依間西關老祖因為我都好鍾意食糭而佢地嘅炸糉係非常吸引 出面好少地方見到但你知道糉嘅卡路里真係非一般仲要係炸糉喎🤪今次我終於搵到志同道合嘅朋友可以親嚐失傳炸糉嘅滋味想讚下依度嘅食物包裝外賣俾咗兩個紙袋 幾貼心另外菜甫同豆漿都係用玻璃樽上感覺衛生企理炸黑毛豬肉糉 配白砂糖超邪惡嘅炸糭切開一件件方便同朋友share我哋都隔咗一陣先食食嗰陣時仍然keep到表層脆口每件炸糉都見到有肥豬肉係面說真的真係好邪惡啊 🧐糯米糭口感非常煙軔 外脆內軟嘅感覺 令人食唔停口平時成個糭食會覺得好濟但今次一件件咁食唔經唔覺就食咗好多🤰🏻煎老祖秘傳蘿蔔糕切到細細件非常方便食蘿蔔糕咬得出係非常足料唔係出面食到好份嘅感覺而係咬到蘿蔔絲好鮮甜表皮煎得好香脆惹味呢個下次會再幫襯😁自家製即磨豆漿豆漿用玻璃樽裝仲keep到凍冇落糖冇任何調味嘅係淡淡嘅黃豆味 飲落好滑 撫平左食完炸糭嘅罪惡感…查看更多

葵芳一帶為充斥著各式各樣美食，而我最近的而且確很喜歡到葵廣尋找美食，係2樓有很多不同類型的小店，在眾多小店中，比我發現一間小店「西關老祖」有齊我想吃既食物。小店外有部自助下單機，客人可以自行選購。爆炒 •X0 醬蘿蔔糕（$38），小店很體貼，會另上XO醬，厚切蘿蔔糕，吃起來很清甜，配上XO醬的香味與鹹甜甘醇的滋味，這個配搭很棒！炸• 黑毛豬肉粽+可樂 ($45)，咸肉糭就食得多，炸粽都係第一次試。小店會將砂糖放在小盒子中。炸粽不會很油膩，外層香脆的，裏面黏黏的，很過癮。值得推介👍🏻👍🏻👍🏻黑松露炒蛋（$28），小店採用日本蛋，蛋味很香，非常鮮嫩，而且黑松露的味道很突出。炸髀 薯條+可樂 （$42），極大炸雞髀和芝士薯條，真的很邪惡呀！雞髀和薯條炸得很脆。極黑 黑叉燒飯 （$42），有7舊叉燒，肥瘦適中，飯既份量很多，醬汁略少。純粹分享一下，由於外賣的關係，選擇了在新都會廣場外的花園享用。非常豐富的野餐😂😂餐牌如下。…查看更多

係度諗緊食乜好嘅時候，聞到陣陣椒麻香辣味，原來係呢度炒緊辣雞🤤🤤事不宜遲，就係度外賣啦😬極黑 黯然銷魂飯呢個黯然銷魂飯，香港人先明白嘅經典叉燒蛋飯🥰🥰呢度嘅叉燒：標榜用西班牙黑毛豬，已經有質素保證！食落好淋身、調味超正，鹹中帶甜，仲有陣肉香味，食唔停口🤤港式 經典炸髀炸髀真係要試，它炸完唔會勁油，連雞皮都炸到乾脆，甚少食雞皮嘅都忍唔住食哂成塊皮😎因為配上自家調製嘅孜然辣粉，其實唔多辣，但好香脆！隻髀本身已有調味，加埋面頭d粉，正。老祖 至尊頹飯呢碗飯，有2隻日本蛋+2片厚切午餐肉，大大碗分量，叫佢頹飯真係對佢唔住😝日本蛋無得輸，先聲奪人；厚切餐肉又真過分，咁鬼厚，食一塊都夠🤣而且整到燶邊脆口，點都要食埋它😏自家製 蘿蔔糕蘿蔔糕完全真！材！實！料！簡直係阿嫲級，無落多餘野，但出嚟係又甜又大件又美味又地道，試得過😆…查看更多