西門町台灣麵食 (已結業)

出開旺角，突然想食台灣野，諗起呢間多年前曾經食過，又係附近一於再去試下。叫咗碗香辣牛筋麵，湯底麻麻地比較清，但牛筋就好淋好入味，帶少許辣味，麵底都唔錯。再加左碟炸豬排小食，味道一般，炸得唔夠香脆，略嫌淡味左少少。午餐麵食加$4可以配台式特飲，價錢唔貴梗係揀杯特飲試下，茉香奶茶唔錯，入口有淡淡茉香味，最鍾意佢唔太甜。總結這間台灣野開左咁耐，裝修有點陳舊，不過地方還算乾淨，而且服務唔錯，朋友唔小心倒瀉少少湯，會主動遞上紙巾。

旺角來說，這店比較耐歷史，以前超多人排隊，今晚重遊舊地，我們4人發現幾張留枱，沒有人排隊。朋友說因為之前服務態度不好，所以趕走很多客。當然今晚服務員態度好好，我們4人點了6樣食物。秘制香鹵拼盤 是必吃的。有基本:鹵蛋，鹵鴨腎，鹵豆腐，鹵大腸蔥釀炸大腸第1次點，有驚喜口感很好脆而不肥膩，亦沒有難嗅氣味。花蓮鹽水雞餐最經濟$76有台灣最基本嚕肉飯嚕肉A菜(油麥菜)例牌鹽水雞飲品一杯豬朳擔擔麵，擔擔麵湯很濃，味道惹咪少少辣。鹽酥雞比想像中大份 啖啖肉，喜歡它炸葉子。雞絲粉皮 爽滑麻醬充足

由第一次食西門町 不經不覺已經10年味道跟從前一樣好！餐牌還是跟10年前一樣沒變唯一變了的是順應潮流 增加了自家制作手炒黑糖珍珠鮮奶雖比不上連鎖式台式黑糖珍珠鮮奶 珍珠略嫌過硬外，味道非常好！

下班，急匆匆找了這家，有點後悔，因為落左後發現來過的，而且不好吃，滷肉飯印象深刻，然後點了豬軟骨，這次倒是味道還可以，呵仔卷，炸得酥酥脆，也還可以，改變之前印象，不過滷肉飯依然不得我心不太喜歡

#紅燒牛肉麵 $56 (飲品正價-$15)嚟到旺角唔知食咩嘅時候 就好鐘意去女人街兩邊搵野食😆牛肉麵湯底係唔錯嘅不過就略有啲淡 可以濃味啲就更好😕牛肉份量都幾多 有5大舊唔好睇佢咁厚就以為佢好韌 其實好淋㗎🤤而飲品方面就揀咗芒果綠茶都係普普通通 同貢茶差唔多😂評分:6.5/10

旺角通菜街各式各樣既食店林立，今日就去左西門町呢間餐廳。呢間餐廳無論係一班人定係一兩個人黎食都好岩! 因為佢有2人3人4人6人餐，可以話係非常貼心! 我朋友點左紅燒牛肉麵我就點左豬軟骨擔擔麵，其實我地仲想試好多小食，但個日唔係太肚餓就冇辦法。話說因為樣樣野食都好吸引，我地睇左個餐牌勁耐都唔知叫咩好。擔擔麵有得選擇辣既程度同唔辣我覺得好好，因為好少有得叫唔辣。不過要注意係嗌野食記住要諗定埋野飲，因為分開落單就要計正價冇得減15蚊。個度既阿姐定阿叔都好好人，得閒既話都會介紹下邊隻小食受歡迎。兩個餐都黎到! 我幾鍾意個擔擔麵湯底! 因為有濃濃既花生味，肉碎都超多!基本上係每啖都有肉碎直至到碗麵食完!!! 豬軟骨都好淋好軟，但我想個麵底再多D!紅燒牛肉麵既牛肉夠晒淋，個湯都有濃濃既牛味! 另外點左個熱茉香珍珠，覺得有D細杯，但可能熱飲所以冇咁甜，同埋個隻茉香係我鍾意既味道，所以仲想飲多D。下次要叫多D朋友再黎試其他野!!

放工已經係3點幾嘅事，個肚一早餓到叫🙉。男友就一早揾左呢間食台灣野嘅餐廳帶我去醫肚，去到鋪頭嗰陣已經3點幾4點，正值下午茶時間，不過因為我地都太肚餓，所以照嗌返午餐😁。自己本身對台灣麵線冇太大興趣，一直食開台灣野就係嗌肉燥飯😍，所以今次都唔例外，嗌左一個肉燥豆腐飯，男友就嗌左嘉義雞肉飯，另外再嗌左杯凍奶茶同香芋珍珠奶茶。飲品好快就有，需要講講嘅係杯香芋珍珠真係唔好飲😩，雖然一見都知係用粉沖，我亦都唔抗拒，但真係味又淡，珍珠又硬又冇味🥴，飲返普通野飲好過。食物隔左5分鐘都上枱嚕，真係期待已久！好開心食到咁高質嘅野食，可以填飽個肚🥰。我點嘅肉燥豆腐飯，份量都ok，肉燥夠送曬成碗飯食👍🏻。最值得讚嘅係個肉燥真心好好食，好香好惹味，真係食唔停🤤。至於嘉義雞肉飯，男友覺得都好味，雞肉夠味，但又唔太咸，送飯一流👍🏻。整體黎講，食物質素一流，飲品就唔好嗌香芋珍珠😂，服務正正常常，值得大家去試！

做為港島之人黎到旺角，想揾間平民少少又實惠的小店，就不應錯過呢間台灣風味的小店。話說呢間舖最初其實係我的蜜糖兒老公介紹滴，是大學學生時期可以消費的餐廳之一，性價比較好的食飯地方是晚行經旺角，當然二話不說，叫老公一齊去呢間食！不過間舖屹立於通菜街既一邊，要揾都唔易，要穿過條街頗多食店先到，門面如下：我地叫左兩個餐，老公一邊叫左嘉義雞肉飯，一邊和我說不要錯過這裏的朱古力珍珠奶茶。而我就叫左豬軟骨面！嘉義鷄肉質鮮味！飯的份量都唔野少！紅燜豬軟骨都好淋，面質不會太軟，適中！個汁都幾好味！我就第一次叫薑母茶，真係好辣！有少少頂唔順老公至愛的朱古力珍珠奶茶！味道幾特別，奶茶味又依然平衡到！最後等我都放埋餐牌先，話晒間舖開左咁多年，暫時價錢未算加太多！一排冇黎唔會有種：哇，咩加左咁多既感覺舖的入邊，睇黎晚市都人氣旺！

今日走左去試呢一間幾出名嘅台灣菜-西門町台灣麵食🤗同另一個朋友一齊叫左一個三人餐（$348），試左好多唔同嘅小菜，感覺都還可以🙈🙈🙈 我最鍾意嘅係五味山珍同北投怪味雞，五味山珍係類似素菜嘅小食，滿滿嘅麻油味配上清涼爽口嘅青瓜木耳等等嘅蔬菜，食落真係香而不膩🙈🙈🙈🙈 至於個北投怪味雞，雞肉嫩滑，而且啲醬汁酸酸甜甜咁，食落好開胃，我食得最多嘅就係佢啦🤗🤗🤗我覺得單叫佢一個都唔會食到好厭🤗😋 仲有就係佢嘅鹽酥雞，炸得啱啱好，炸粉唔係包得好厚，雞肉都仲係嫩滑多汁，食落外表香脆內裏嫩滑🤗配搭埋泰色辣醬，惹味又開胃 不過相比起上面嘅幾個小菜，擔擔麵就真係好失色🙊麵條煮得比較軟，味道稍微有啲淡，唔夠辣又唔重花生醬味，所以食落感覺好一般而香芒沙拉鳳味蝦都令到我有啲失望，首先個醬同炸蝦味道無想像中咁夾，又唔夠芒果味反而鳳梨味重啲，炸蝦嘅炸粉包得太厚，酥脆但多食到皮少食到蝦肉，所以相對味道真係麻麻最後就係個腐皮蚵卷，佢係幾酥脆但相對唔係點食到蚵仔嘅鮮味，所以都尚可唔夠出色，可以試亦可以唔試😂😂😂 但最驚喜係佢嘅茉香奶茶，甜度適中茉香味重，所以大家如果試呢間餐廳不妨都試埋佢嘅飲品😂

之前一直都幾鍾意食這間西門町台式餐廳 ，但是因為現在太多唔同嘅台式選擇，所以就很久沒有來到。今日終於同屋企人突然之間好想食台灣嘢，就決定過嚟西門町吃下午茶。去到只有我哋一枱客 ，有點意外，最後我哋每人叫咗一個下午茶餐，而我叫咗一個擔擔麵配香芋珍珠奶茶 。擔擔麵份量唔算好多，只有一碗仔，味道都保持到唔差，花生味都幾香，麵質都有口感 。台珍珠奶茶香芋味都夠重，珍珠偏淋，整杯味道偏甜。整體嚟講 ，都唔算話好差，但係二三十蚊這個價錢來說這碗麵就偏細碗。

每次喺旺角諗唔到食乜都會想黎呢度呢度嘅擔擔麵同肉燥飯真係好好味！擔擔麵唔會因花生醬過多而難入口濃稠度剛剛好，微辣加上肉燥，有口感！一點前埋單，有得減5蚊，更抵食！忍唔住又要叫埋小食呢度嘅涼拌苦瓜，又係必食完全無苦味，但就甘甘甜甜令平時唔食苦瓜嘅我，都可以一個人食晒一碟👍👍叫午飯有得優惠價減10蚊我成日都誤會左係10蚊小食😂😂午餐時段，加4蚊可以揀台式特飲叫左杯珍珠奶茶室溫😂😂侍應仲識幫我做個微暖不過上果個杯就搞鬼啲，又無飲管俾我食珍珠😅希望呢度可以一直維持落去保留呢個港式台灣風味Ps 與時並進喎😂

點了鹽水雞滷肉飯套餐，辣牛筋擔擔麵 以及鹽酥雞先講講套餐中的鹽水雞，就如普通鹽雞，沒有一點台灣的味道，而滷肉飯則正正常常，不好吃也不太難食……辣牛筋膽膽麵的花生太濃，太漏而麵則類近油麵質地……有輕微的鹼水味鹽酥雞值得一讚係夠熱，但最大問題是材料應該醃得太耐酒味太強而炸得不太夠，以致炸粉未被炸透……食落成口粉一般但總括而言類似食物附近很多，吃過一次便算了，價錢也不太貴，無甚要求的，都可以一試，但不會回頭

讀書時... 這裏曾經是我最喜愛的食堂之一，lunch 或放學後，都總愛跟同學們一起過來，皆因價廉味美旺角食市林立我差點忘記了這間小店，今晚同事竟然提議去西門町食飯，我當然舉腳贊成。幾年沒有來過，熟悉的地方跟熟悉的味道... 我們一行四人點了一個四人套餐，還有我最愛的紅油抄手茄子煲醉雞和擔擔麵真的好耐冇食過，味道不遜當年，其他食物亦交足功課，不會將貨就價。已今時今日的消費，這裡CP值真的很高，我地個個食到舔舔脷兼捧住個肚走，每人都係$100有找，仲有飯後甜品送，實在要讚！讚！讚！下次一定要同班舊同學再來懷緬下

今日同兩位朋友係上堂前，一齊食晚飯，有朋友揀左西門町台灣麵食，至於冇咩所謂既我，當然冇反對啦。我叫左紅燒牛肉麵，飲品叫左香芓奶茶。本身對依間野冇咩寄望，但見到Lam Lam脷數目並唔少，有成~400個，姐係好好味啦。點知，又一次驗證左，唔試過又點知得唔得。可能我叫既野，咁岩唔係佢地主打，我亦都希望係咁。因為個紅燒牛肉麵完全達唔到我想要既感覺，有去台灣食過林東芳或者永康就知咩係真正既牛肉麵。今次依碗麵，個湯有啲過甜，正常應該要有少少辣，但佢冇。啲牛肉淋係夠淋，但太瘦，肥翻少少既話個味道同口感一定會大大提升。杯野飲幾好，唔會過甜，亦都有香芓味，起碼得到佢應有嘅水平。係加嘢飲價錢方面，只要你叫一個麵或者飯，就可以以原價減$15買杯嘢飲。總結：大家可以試吓其他唔同嘅嘢食，因為我朋友係食米粉，佢話依度用嘅米粉係新竹米粉，所以會比較好味。但係，我如果你想驗證係我講個野係咪真，就食紅燒牛肉麵啦。

好久沒有吃過這家台灣菜了，坐立女人街中的小店，已經營了好一段日子了。未知有冇朋友仔與我一樣，中學時期總是會在這和朋友相聚吃飯呢？這一間台灣小店算是從小到現在依然在女人街屹立不倒的餐廳，證明食物質素依舊有水準吧！台式香酥排骨擔擔麵🥘經過一輪揀選之下，最後品嚐這款擔擔麵，香酥排骨沒有過份油膩的，味道不錯。擔擔麵湯品質地非濃郁，嘗到微微花生醬香氣，感覺依舊保持水準，整體還不錯❤️需要另外加錢的胚芽珍珠奶茶，胚芽感覺有點像打碎了的麥皮般，略為帶點乾身。配上珍珠奶茶確實是個完美配搭，而且胚芽對腸度健康十分有幫助，是我一直喜愛的台式飲品之一！