西貢金雞海南雞

見到餐牌寫住「麻辣海南雞」係招牌菜，就試下，盛惠$67。總體嚟講不過不失啦，但成餐飯最出色嘅，係杯嘢飲同個餐湯。個南瓜湯幾好飲，而杯奶茶都算係正宗港式奶茶，茶味夠濃，唔加糖嘅話會好苦，但落兩包糖之後就啱啱好，夠香夠滑。講返主角個海南雞，肉質都算滑嘅，但食落有啲位會鞋咗少少。不過我最唔鍾意嘅位「麻辣」調味，就係老乾媽陣味，仲要係普普通通、又唔香又唔辣嗰隻。寧願食返原味點薑蓉好過。老實講，呢個質素絕對唔係我食過最出色嘅海南雞。唔係難食，係可以接受嘅，但應該唔會回頭了，始終出面有大把更好食嘅海南雞選擇。…查看更多

原先散叫, d職員夾人揀2人套餐仲抵！嚟到半隻海南雞, 分量少, 切得又細又薄, 雞翼又唔切埋, 整體雞肉唔太滑, 不值一試！依家出面好多海南雞店好食過佢多多聲.咸魚煎肉餅煎到乾哂, 冇咩味, 完全唔好食.白飯太乾, 飯唔熱又硬.南瓜湯淡如水, 得d咸味, 完全冇南瓜味, 唔好飲, 可以不試！菜芯相當粗劣, 冇菜味, 不食也罷！環境差, 坐位唔舒服！本人算食得少, 但2人套餐都可以食唔飽, 完全揾笨, 真係冇下次！…查看更多

主打食海南雞飯55蚊一個set，沒有加一沒有精緻的擺盤，簡單實在有去骨海南雞、一碗飯（可選油飯或白飯）、一碗湯和三色醬油份量足夠一個日坐夜坐辦公室的成年人享用海南雞肉嫰滑，除了翼，其他都去了骨，啖啖肉，食得很方便，味道都不錯。午飯時間用55蚊食到個set lunch都算係咁啦！…查看更多

佐敦真係好多小店呢一間海南雞飯第一次食已經覺得勁正個飯不到成座山咁高個南瓜湯又超好味雖然我唔識得分係咪味精重總之就介紹得啲朋友去個個都話正去親必叫海南雞飯啲雞夠滑 飯又夠香！ 印象中都係70幾蚊？如果係女仔嘅話兩個人一個餐都夠晒飽…查看更多

點咗個二人餐,發現仲爭個「青瓜蘿蔔」未嚟,正想問職員嘅時候,佢好兇狠咁表示「青瓜蘿蔔冇咗好耐啦」,我哋同佢講點解個餐牌仲有「青瓜蘿蔔」寫喺度,點解我哋落單嘅時候唔同我哋講話冇「青瓜蘿蔔」,如果佢講咗我哋就唔會叫二人餐會散叫,因為我哋都喜歡吃「青瓜蘿蔔」,所以先至會叫二人餐,之後店員都只是用兇狠嘅眼神望住我哋,完全沒有任何回應,唯有我哋同佢道歉,因為好似係我哋強行要求佢畀「青瓜蘿蔔」我哋咁搞到佢返工咁唔開心咁勞氣！一個十分極之不愉快嘅用餐經驗😡👎👎👎…查看更多

吹雞走今日本來去哩間隔離的錫蘭，但行過哩間，系荃灣西貢見過話幾好，哩間以為系新開，咪入去食評系用海南雞飯最好的勇記做標準味道(2分)($59)— 雞皮都算幾爽滑，但雞肉無乜幾味— 睇油飯好似落過落左吾知道乜香料，都算合格— 最失敗系個湯，好似南瓜湯但又無味，仲好辣。油菜(2分)— 菜已經系非常普通，加埋蠔油無味，又系帶辣。環境/衛生(2分)— 好多牆紙爛曬有發霉。— 座位偏窄服務(4分)— 都吾錯，要水要走胸都好客氣，抵食(2分)— 好老實，海南雞基本就系好賺錢，咁指數，咁裝修，真系吾值得。…查看更多

之前都食過兩三次，冇問題，但今次係呢度食完晚飯之後，半夜開始唔舒服，狂呃氣，到第二日朝早就開始腹瀉，痾水，連續痾咗四五日都未好，每日痾十幾次。當然戴返個頭盔，冇證據話100%一定係呢度瀨嘢，但當晚我冇食過其他嘢，中午都食得好清淡。做海南雞衛生搞得唔好，好易瀨嘢，尤其天氣熱，唔該鋪頭小心衛生，客人相信你先幫襯…查看更多

海南雞飯配例湯雞肉好嫩滑，而且份量好多，唔只個面，下面個底都收埋好多雞😆油飯好有驚喜，唔係普通油飯，有炸乾蔥喺裏面勁香口😋例湯都好有誠意，湯味濃，但係飲完唔會好頸渴，應該冇味精👍👍$55呢個價錢性價比好高…查看更多

佐敦這店位置，我從2008年已經這裡食雞，當年店名不是現在名字，但雞的味道，汁，就16年來都一樣，飯就不一樣。最記得16年前第一次食，當然很有感覺，16年後我依然都喜歡，但16年來同樣都有一個問號，就是為何與其他雞不同呢？…查看更多

呢間海南雞飯係朋友介紹嚟嘅，佢點解介紹嚟呢？因為佢鍾意飲呢度嗰個南瓜湯。 呢度海南雞飯餐跟嘅湯係南瓜湯，唔係一般舖頭嘅豬骨湯，個南瓜湯唔係西式嗰啲好Creamy嘅南瓜湯，而係有湯，仲有少少南瓜可以食吓，幾好味。其實呢間舖頭除咗海南雞之外，仲有其他餸可以叫，好似狀元蹄啊，魚蓉肉餅飯啊，豬頸肉飯！講返啲海南雞呀，啲海南雞係肉幾靚嘅，好滑，皮都唔算肥，份量呢都適中嘅。每碟海南雞都有標準嗰三個醬啦，辣醬，豉油同埋薑蔥，至於個飯就一般般。…查看更多

今次去到呢間餐廳，睇個名就知最出名係海南雞飯🤣 但唔好搞錯，唔洗入到西貢都有得食，佢係有分店既，而我就去左佐敦分店🤫 鋪頭唔大，有機會要等位，但唔洗等太耐，因為都好多人係快快食完就走👌🏻 我就叫左一個海南雞飯餐（$55），佢雞既份量算適中，整得好滑😋 3種醬料亦都整得好味，佢地既飯係油飯黎既，個飯本身都有預期油飯既香同味道👍🏻跟餐佢會送埋一碗南瓜湯，呢個價錢計算係好平，平時食海南雞飯我諗要貴起碼$10，仲要佢平得黎係有質素👏👏呢間餐廳仲有其他野食既，不過我覺得其實佢一味海南雞飯已經夠做，貴精不貴多，最緊要好食🤪…查看更多

大半年前食過一次覺得幾好食，今日經過特登再嚟試吓。質素依然幾好，今次冇加錢轉雞髀，但肉質依然嫩滑，海南雞夠雞味👍唔係講笑，有啲餐廳既海南雞真係色水好靚但食落一啲雞味都無😓另外見到皮下啲脂肪呈現啫喱狀，我覺得呢啲先係海南雞合格嘅表現。三款醬汁都好味。自問唔係食家，唔敢講個例湯咩有無味精之類既說話，但至少我飲完唔會點口乾，味道都幾清甜，幾好。縱觀而言， $60午餐咁既質素，我覺得合格滿意。下次再經過都會再食。👍👍👍希望繼續保持到水準！…查看更多

由旺角走到佐敦, 完全沒有頭緒吃什麼, 途經這間比較突出和光鮮的店鋪就走了入去。 從餐廳名字已知海南雞就是招牌菜, 原來它有幾間分店, 西貢大概是最初成立的總部。金雞招牌去骨海南雞飯 $55雞不算太肥, 肉質第一口嫩滑但再咬下去又只是可接受程度, 雞味正常。 同樣配有三種醬料, 一般我最喜愛是薑蓉, 這裡的薑蓉雖然不油膩但也沒有該有的味道, 反而酸辣醬比較出色, 為雞肉加了不少分 🙂 南瓜蘿蔔湯頗甜, 不過放涼了發覺帶點酸味。 飯裡加了乾蒜, 味道不算突出, 純粹很特別, 飯略微偏硬。 另外雞肉份量很少, 飯只吃了三分一時雞肉已經剩下不夠一半。椰汁冰 (加$18配餐飲)椰味重, 可是椰奶太多, 使椰汁冰比較濃稠, 我不太喜歡這個質感。整體我覺得還好, 食物質素有待進步, 聽見食物都賣完了有點錯愕 😅 餐廳本身十時關門, 如今九時已開始收恰, 我還一直看著手機, 後來才發現只剩下一人, 要讚的是她並沒有追趕我離開 👍🏻…查看更多

尋日諗唔到食咩～去左食金雞海南雞飯佢話好好食無介紹錯，係堅好食，皮薄爽滑好嫰口，雞肉味道濃郁且已經去骨，個南瓜湯仲超好飲，重點個雞油飯則以上湯、雞油、蔥、乾蔥及調味料等製作，令到飯粒香氣十足👍🏻🥹 無得輸❤️一路食都一路有好多人客外賣同堂食❤️…查看更多

尋日睇左明日戰記，港產的科幻片算係咁。原來拿票尾可到金雞索取一客海南雞飯，只限外賣。我拿了兩盒，原價應該是$55一盒。每盒份量都ok, 仲有例湯是南瓜湯來的，咸左d.海南雞好嫩好滑。就算要自己掏荷包俾錢都抵食有質素。…查看更多