西貢越南真味 (已結業)

呢間餐廳啲員工態度超級差。第一次食呢間，午市叫外賣落完單之後，喺出面等緊出餐嗰陣聽到隔離有三四個人討論緊話等咗廿幾分鐘都未有嘢食，嗰陣就已經心感不妙，點知真係中伏。出餐慢已經算，問收銀係唔係漏咗單，仲會俾佢鬧返轉頭，仲話做埋今日就落閘唔再做生意添。咁鬼串我諗呢間鋪都唔休做啦。食物方面都係普普通通，正常越南粉嘅expectation，係冇諗過明明叫熱檸茶最後會出咗凍檸茶啫。其實成件事禮貌先係重點，呢間嘢啲員工太無禮貌令到我忍唔住要第一次喺OpenRice出post。無下次，唔信邪想中伏都可以試下。