西貢咖啡餅店

營業中

休息中

今個星期又辛勞左五日，最期待就係去到weekend可以四圍去搵好野食，今日就黎到西貢，試一試哩度的人氣咖啡餅店☕️。一去到就見到十多人的人龍排隊買外賣，而小編就揀左堂食。🚨提提大家，最少需要買一杯飲品🧋先可以堂食。山長水遠過到黎，當然要點哩度的名物：冰火菠蘿油 & 葡撻🥧，仲叫左杯iced mocha 🥤慢慢嘆。冰火菠蘿油 ($18) (⭐️⭐️⭐️⭐️⭐️)眼見店員每隔幾分鐘就會出一盤新鮮岀爐熱辣辣嘅菠蘿包，每盤只焗6個，賣完再焗，脹卜卜的菠蘿包再加埋一塊厚切冰凍嘅鮮牛油，好邪惡😈，但見到牛油慢慢的溶喺菠蘿包內又好治癒呢🧈！菠蘿皮脆口又充滿奶油香味，包身夠鬆軟又唔會得空氣，怪不得吸引到咁多人幫襯啦！十分之推介！葡撻 ($15) (⭐️⭐️👌)暖暖的葡撻配上層層分明的酥皮，仲有焦燶的蛋漿，外脆內嫩滑，賣相亦相當吸引。酥皮食落真係好鬆脆，又唔會一食就散到周圍到係，但略嫌蛋香味唔夠突出，雖然比起某連鎖店的葡撻好食好多，但價錢就有點貴了。💸Iced Mocha ($35) (⭐️⭐️⭐️)哩杯朱古力咖啡就沒有特別，朱古力的比例稍高過咖啡，小編就唔特別推介畀大家啦。😂

入開西貢，就要一試人氣餅店 Sai Hung ❣️門口坐立左一個大大嘅麵包裝飾 而位置亦都係食街嗰邊 相當易搵👍當時去到大概有五個人排緊隊 等咗差唔多1~2分鐘鬆啲就已經買到不過發現舖頭加價，加得好犀利😟 見到有啲食評三月嘅時候先出嗰陣時都係收緊$14 一個葡撻 , 九月去到已經變咗$15價錢方面，我個人認為就性價比唔高🥸可以選擇堂食都好OK 但係記得一定要有買佢既飲品先可以葡撻$15鮮奶撻$15如果要二揀一嘅話，我會選擇食葡撻不過由於兩個撻唔係新鮮出爐食落去已經冇咗酥皮既脆 依兩個撻嘅餡亦冇帶比我覺得同出面既餅店有分別我未必會再有下一次食🧐

同家人覆診完，感恩結果還好，時間又尚早，梗係揸車入西貢人氣店食個tea，順便睇下西貢碼頭個邊艇仔有乜海鮮買，今晚加餸 !🥧葡撻 好多人大讚嘅葡撻，酥皮香脆，蛋漿香濃夠滑，不會過甜。🍞鮮牛油菠蘿包新鮮熱辣辣出爐大大個菠蘿包，與一大片牛油溶為一體，入口滋味無窮。☕️英式奶茶用茶壼上的英式錫蘭紅茶，自斟自飲，made it perfect ~或者今日係星期一，未見週末排隊買麵包個條長人龍～不過真心講，已經加左價都幾多~

星期日滑完水, 鬼咁肚餓但又怕食太多影響晚餐, 最好就係去食西貢名物-菠羅包啦!  4點落船未係西貢繁忙時間, 條隊唔係太長, 大約等左10分鐘左右就買到.  到排到隊時都係受唔住內心魔鬼嘅誘惑, 買左菠蘿油!  正如好多人所講, 店家真係長期好生意, 所以佢啲包真係買親都係新鮮出爐熱辣辣.  菠蘿包都係一貫咁好味, 麵包鬆軟, 菠蘿皮厚身夠脆口, 仲鋪滿晒成個包面.  但有得就有失, 因為個包真係好熱辣辣嘅關係, 所以夾喺中間嘅牛油已經係咁溶, 所以我影完相之後(其實張相都見牛油已經溶緊) 就快吞轟咁食晒成個包.  雖然我仲比朋友笑問我係咪好肚餓, 但食完都係滴左好多牛油喺膠袋底, 變相個包嘅牛油香味會淡左.  所以下次我諗我都係會食返菠蘿包就好了.

嚟到西貢 當然要試呢一度被譽為全港最好食嘅葡撻🤩真係好有驚喜🥳新鮮出爐嘅葡撻 外皮真係超級酥脆 牛油味仲好香🧡入面嘅蛋漿非常之軟滑 蛋香味仲好濃🥚仲有淡淡嘅椰子味🥥相當之特別

假日入到西貢 緊係試吓佢最出名嘅菠蘿油同蛋撻 中午去排隊排左差不多半個鐘 天氣又好熱有諗過要放棄 不過最後為咗美食緊係要堅持多陣 熱辣辣新鮮出爐好難唔好食 如果咁啱見到唔多人排隊一定要試吓

一早係酒店🏨食完自助早餐，咁12:00check out後都仲飽飽地，但點都要食埋個葡撻同吞拿魚🐟包先🤭🤭～～～葡撻～～～上次黎賣晒食唔到，今次可以試吓啦😄😄！外表非常吸引，極度吸睛嘅金黃色🤩🤩，咬開係酥皮底唔係太多層，但好酥脆🤭🤭，內裏蛋漿分量超多🥳🥳，佔有成個蛋撻起碼3/4以上😋😋，有好香濃蛋味，真係每次黎西貢都要食🤗🤗～～～吞拿魚🐟包～～～🤴🏻喺網上都話吞拿魚🐟包都係必食之選，內裏除咗有吞拿魚🐟醬之外，仲有大大粒嘅蛋白、粟米🌽，比起普通嘅吞拿魚🐟包冇咁單調😁😁🤴🏻好鍾意❤️，我就一般😅😅

今日去西貢玩結果等巴士要等幾個字咁就諗住買個包做早餐啦然後就醒起早排見到YouTube有人介紹西貢有間好出名好好食既菠蘿油咁我就Google下發現同巴士站超近咁我就出發去買早餐lu睇片介紹如果係星期六日或者繁忙時間就要排晒隊咁我平日朝早梗係唔使排啦去到我就買咗一個菠蘿油（$18)都算少少貴但見佢咁大舊冰凍牛油個包又熱既又咁多人介紹咁就試吓佢啦我就覺得個菠蘿油好好食個包好鬆軟上面啲菠蘿皮好脆又唔會好易甩配埋大大嚿凍嘅牛油真係不得了雖然少少貴但味道其實值得如果大家鍾意菠蘿油嘅真係唔好錯過（要排隊就另計啦）另外我都見到好多人有推薦葡撻佢嘅價錢仲進取$15 1個但我早餐嘅份量已經食唔到佢所以留返下次再試啦我一路買嗰時都見到個師傅一路拎啲熱辣辣嘅新鮮麵包出嚟

前日(8-7-2022 Fri)晏晝,同老公行完萬宜水庫後返市中心,落車行冇耐,就發現同事介紹嘅呢間,老公聽到老闆娘話葡撻啱啱出爐,令我諗起冇耐前喺尖沙咀四喜一模一樣啱啱遇到(食評係2022年6月15日刊登嘅呢篇:https://www.openrice.com/zh/hongkong/review/yeah-%E5%B9%B4%E8%BC%95%E5%90%8C%E5%82%B3%E7%B5%B1%E9%83%BD%E6%9C%89%E5%98%85%E9%A4%85%E5%BA%97-e4423780,而我哋見到有位,於是都買喺喥食,由於我唔餓,所以我都只係黐食,而我聽到老公要葡撻,菠蘿油同乳酸沙冰,盛惠$65.00,嘩!咁貴嘅?我哋就開餐,我睇到乳酸沙冰要$32.00,咁另外兩樣嘢又幾錢?我上嚟睇其他人嘅食評,就發現原來分別係$15.00同$18.00咁誇張.我先食葡撻,熱騰騰,撻皮超脆,同樣蛋滑,唔太甜,唔甜到我唔覺佢係葡撻.味道:4分而菠蘿油呢?我講過我唔餓,但竟然一食覺得好食,面好脆,個包微甜,我竟然追住食.味道:5分乳酸沙冰,味道正常不過,不過呢日真係好熱,我哋飲咗兩啖,

喺觀塘轉小巴🚐嚟到西貢，🤴🏻就碌手機📱check 吓有咩好食😋😋，就碌到呢間西貢超出名 ’ 鮮牛油🧈菠蘿🍍包🥯 ‘ 一定要試😁😁第一次見到每個客人買麵包🥯是6個起跳的🫣🫣有點小期待😋😋出名果然出名，排隊都有10幾個人，全部都係買菠蘿🍍包🥯或者葡撻，雖然多人排但都好快輪到我哋😆😆，但可惜排到嘅時候剩返菠蘿🍍包🥯！🙁🙁～～～鮮牛油🧈菠蘿🍍包🥯～～～$18 一個菠蘿🍍包🥯真心真係幾貴💸，但難得嚟到西貢點都要試吓😜😜菠蘿🍍包🥯嘅皮超級酥脆，包身暖暖地再配上凍凍又軟嘅牛油🧈，嗰種口腔冰火嘅交錯，令你喺熱辣辣嘅天氣底下有種舒緩嘅感覺🤗🤗Good👍🏻👍🏻唔錯✌🏻✌🏻新鮮出爐果真不同🤴🏻好鍾意❣️❣️

去完橋咀被太陽折磨完 食嘅嘢已經消化哂 人已經係海旁個邊 當然要試西貢人氣名物去到有一盤盤新鮮出爐嘅菠蘿油 緊係要坐低試不過坐低食就一定要嗌嘢飲 座位分兩邊 一邊有帳篷遮陰 另一邊就係舖頭門前 有3張檯 完全無遮無擋 太陽猛的話 背脊應該係食哂 會無哂心情冰火菠蘿油$？賣相不得了 大大個香噴噴熱騰騰嘅菠蘿包 中間夾住一大舊牛油 不過要影相真係快手 因為好快就溶左咬落去包皮好脆好酥 麵包好鬆軟加上索哂啲牛油 成件事更加昇華 好邪惡葡撻$15坊間嘅葡撻好少會賣到$15個 即使有名氣嘅都未去到依個價位 但今日試過 依個葡撻完全係值得嘅 咬落去 聽到有好多層酥皮同時裂開嘅聲 好香脆 另外中間嘅蛋心亦好香蛋味同牛油味 好軟滑 食幾個都得💛 有建議買走 現場食先好味 返到去都凍哂

『菠蘿油好食到一個月入左兩次西貢』⁡作為懶人對上一次入西貢講緊四五年前🥹今年突然想去拜訪下呢間人氣名店，結果冇令我失望，鍾意到兩次都係冒著暴雨去食⛈⁡【🪖頭盔】好少食菠蘿油，如果有其他推介歡迎留言話俾我知🙆🏻‍♀️⁡即使週末下晝排隊嘅人都唔算太多，如果12點左右去基本直入。服務就普通㗎啦，阿哥哥都幾惡下😂堂食記得要自行落單，同埋每人低消一杯飲品⁡⁡推介🥢菠蘿包🥢菠蘿油————————————————————◎ 菠蘿油 (HKD?)│ 4.5/5 酥脆微暖的菠蘿包，夾住超厚牛油一咬落口酥皮同牛油的香氣充盈點睛之筆係富有韌性的包身輕微的拉扯感將油香封鎖包圍，越咀嚼越上癮臨走買左兩個菠蘿包返屋企自製菠蘿油，不過始終比不上店內的美味⁡◎ 葡撻 (HKD?)│ 3.5/5好熱好熱嘅葡撻，攤左十分鐘都依然熱到食唔到😹好多層酥皮，不過就偏硬脆的質地蛋漿都香濃的，但我地就覺得整體唔算特別⁡◎ 奶茶(HKD?)│ 3.5/5幾有儀式感的英式奶茶，自己調配，正常的好味————————————————————♣️西貢咖啡餅店☌西貢海傍廣場2號金寶閣6-7號舖地下 ◔ 7am-9:30pm ⁡回頭率：🌕🌕🌕🌕🌗環

記得上次去西貢買了一次蛋撻就對他念念不忘，可惜很少來這邊，以前可以去澳門，都好喜歡葡撻，但是說真的香港很少這麼好吃的葡撻，酥皮蛋撻倒是有幾家味道也不錯！這次去買了三個，價格也都不便宜，一個十五，但是驚喜的是帶回家即便是凍的都又酥又好吃

入到黎西貢市中心，一間西貢好出名好多人認識好多人會排隊食嘅餅店，試過一定會再幫襯----------------------------•葡撻 （$15）熱辣辣～葡撻新鮮出爐熱辣辣～專員入親西貢都會排隊買呢間葡撻食葡撻千層酥皮做到好多層，但唔會散開食落酥脆，一咬落去以為食緊薯片咁款蛋漿表面烤至金黃微燶，火喉岩岩好，蛋唔會過生或者過熟味道份量調配簡直係完美，酥皮微咸，蛋漿唔會偏甜或食到好油膩嘅感覺😋-------------總結-------------價錢上少貴，但味道爆分視覺同味道嘅衝擊之下，食完一個會想再買第二個食餅店另外有賣鮮奶撻（$15）菠蘿包（$12） ／ 菠蘿油（$18）另外設有堂食，如果大家有時間可以坐低食個包食個撻飲杯咖啡，享受最寫意嘅感覺----------------------------＊麻甩專員評分區＊價錢親民指數: 7/10食物味道: 10/10翻飲指數: 9/10

嚟到西貢 當然要去呢一間人氣餅店度食佢嘅麵包！上次經過見到菠蘿包新鮮出爐 就即刻買咗個菠蘿油嚟食🤩個菠蘿皮真係好香脆 包身超級軟熟 暖笠笠再加埋舊凍冰冰嘅牛油🧈真係好幸福！