西記粥店 (已結業)

唔想打邊爐，但想食啲熱辣辣o既食物，於是諗起呢度o既湯飯...太太叫咗鯪魚肉、魚腩、支竹、西洋菜而我叫咗牛肉、豆腐、豆卜、娃娃菜雖然全部都唔係上價菜色，但簡簡單單都可以好好食。例如牛肉唔會煮得太老、鯪魚肉幾煙靱、支竹唔會煮爛晒...而且餸菜o既份量好多。當然唔係全冇缺點，豆漿冇味，魚腩冇特別...

有日來個簡單午餐,記憶中上一次來是裝修前.只今,光猛咗好多.要了個孖腸同及第粥. 孖腸先上,唔對路...是早前拉好放在蒸爐中侍客而沽的,不爽不滑;溫度曖昧無米香有如走味香口膠. 等咗陣,個及第到....但是白誓誓...啲內臟同個粥同床異夢喎...明明見係生滾喎;粥底有腐竹味但無肉鮮.放一口反嘴....有怪味...有冇搞錯...隻磁更啲P水未過好水就攞嚟用...真係唔明佢點解可以經營到今日...如果係自己舖,賣咗佢啦.

一個不大舒服的夜晚，沒甚胃口，到這裡買碗外賣粥，作為是日的晚餐。叫的是「及第粥」，粥料不少，除了難得一見的豬腰正常地沒有和少見地沒有的肉丸外，其他及第粥應有的配料，好似豬膶、豬肚、豬心、豬粉腸等、這碗粥都有。而且不只一件。至於粥底，這粥的米並不太多，不過都算綿滑。只可惜，這粥實在太鹹、太重味精了，下得太多「師傅」，把靚粥應有的鮮甜真味都完全掩蓋，吃罷這粥，過不多時，已覺喉嚨乾涸，極需一杯熱茶或清水，作為解渴之用。何不下少些「師傅」呢？

近日為了工作, 幾乎日日要北上, 一早, 便要來到太子, 搭直通巴到皇崗. 是日早了點出門, 就先來一碗粥. 食個早餐先起行.平凡的粥品店, 有各式各樣的粥同油器. 另外仲有腸粉炒麵之類供應的傳統粥店. 平平地, 受街坊歡迎之外, 亦有不少國內同胞, 不吃酒店早餐, 要食香港的地道粥品.簡單的來一碗皮蛋瘦肉粥. 再加一個腸粉. 皮蛋瘦肉粥, 傳統的粥品, 老少咸宜. 瘦肉有醃過, 沒有醃得太濃味, 唔會鹹到死, 已經是好好. 粥煲得夠綿, 而且端來時, 熱辣辣, 熱到辣口. 皮蛋就是普通的皮蛋, 10多元一碗粥, 不望會有靚皮蛋食.另外, 我多叫的一碟腸粉. 看圖就是炸兩腸....其實非也. 腸粉包的, 不是油條, 而是一隻牛脷酥. 牛脷酥腸, 咬落, 當然沒有炸兩腸脆. 但換來的, 是甜甜香香的, 帶點南乳味的美味牛脷酥. 加點豉油, 彼來再多加的甜醬原來是多此一舉. 淨是牛脷酥的香濃味道已經令到個配搭非常特別. 不過, 牛脷酥既組織比油條豐富, 食完個腸粉, 非常之飽肚.好飽, 因為知道自己會遲放lunch才食咁飽. 身暖胃暖的, 乘車北去.

原來這店第一個食評由小妹寫的, 距離上次光顧都有五年了,真快!! 今次再訪發現整間西記煥然一新,環境比以前光猛清潔, 感覺也比以前舒適不少,跟以前灰灰沉沉的老式粥店是兩碼子的事。躲在角落的座位,點了那天突然很想吃的即拉豬潤腸粉和叉燒腸粉。豬潤腸粉所用的豬潤似乎是煮粥用的, 一般的豬潤腸粉通常用上粗絲狀或粒狀的豬潤,這會容易熟一點嘛! 這裡的真的是頗厚身的片狀, 而且數量也不算少,抵! 雖是頗厚但丁點紅色也沒有出現,全熟的可放心食用!豬潤質感偏淋, 不是爽口黃沙潤,在口感上稍為失色一點。 叉燒反而切成小粒粒, 全瘦叉燒味道一般, 也沒有加上芫茜, 味道較單一及普通,早知阿姐不斷蒸腸粉中,我就不特意要點即拉叉燒腸粉了,即蒸和蒸櫃裡的相差4個大元嘛, 反正都是在蒸製中。腸粉顏色米白,不是晶瑩剔透的新式粉漿拉成, 米香味淡淡, 厚度稍厚還算軟身, 水準不俗; 自己太愛吃腸粉,除了要求腸粉本身有質素外, 豉油也很重要! 這裡的豉油味道調得還算濃味,只是份量實在太少,吃一條還算勉強可以,但其餘兩條怎麼辦?? 拿起桌上豉油少試一些, 生抽!!! 唯有向店員要求加一些豉油才成呀。看到食客們的生滾湯飯

2009年07月17日，23:50在深圳和同事飯聚後，坐忙命大VAN極速到旺角。胃納出奇地仍有空間，想吃粥。便到這數年未到的老店，應裝修過，光猛整潔。要了碎牛皮蛋粥和炒米粉皮蛋碎牛粥：粥底算綿厚，皮蛋雖非糖心，但仍帶甘；免治肉碎，不苛求有牛味。炒米粉：口感好，軟硬適中；不會太油。價錢和水準成正比。店員招呼好，夠勤快。日後會再試生滾湯飯。

放榜前的狀元粥~~之前學校在附近~吃過一次~味道都唔錯~價錢亦大眾化~點知沒番學一段時間~佢裝左修~價錢仲加左~算啦~加價都唔係問題~但係~點可以咁難吃架~叫左一個"及第粥"($19)~~料係好足~但係好咸~好似吃味精咁~加左$3要油炸鬼~一定係隔左夜~瘦到得排骨~油到死~

我食左白糖糕，炒面，碎牛粥。白糖糕-------味道淡淡的，其實不差，但各花入各眼，感覺少了一點香味炒面------都好味的，加了甜醬辣醬當然更畫龍點睛碎牛粥-----都係不過不失，很平淡的一個粥。

聖誕節晚餐竟然係食粥，皆因下晝去了BBQ, 食大量牛扒、豬扒、雞翼等致肥肉類落肚，晚餐時份其實不太肚餓，於是一家人一人一碗粥清清腸胃。我要個艇仔粥。粥底不算太綿，比較杰；有少少味精。豬皮爽口無異味；魷魚就到咩味都無；炸牛肉粉絲仲慘，粉絲多過牛肉，比例近乎5:1。味道清清淡淡，毫無鮮味。仲有個腸粉，同合益泰簡直差得遠！有米香，但厚皮唔滑，豉油仲不濟，同腸粉完全唔match。豉油不帶甜味，一味得個"咸"味，得咸味唔代表咸喎，因為無咩味，總之好難食。環境是有改進的。裝修後光猛好多，給人的感覺都好很多了。俾個borderline OK 佢啦。

又是選擇不大魚大肉的一個午飯，來了這老店吃粥。之前隱約記得裝修是頗殘舊的，但到來一看時已經過重新裝璜，變得光猛企理了....對小弟來說，食物水平永遠行先。東西好吃，再"嗡dup"的環境小弟也能忍受得來....肚子餓得很。一碗皮蛋艇仔，加上食友們推介的蘿蔔糕，再來一碟腸粉，不算太過份啩粥底稀得可憐，皮蛋份量不多之餘亦有一咲可怕的澀味。唯一可取是豬皮很爽口彈牙，但現在小弟吃的是皮蛋艇而不是豬皮粥，怎行 ? 論水準是絕不能跟平常晨早吃開的有利或生記相提並論....蘿蔔糕也是不外如是，豉油多得尤如油浸一般；蘿蔔絲是有，但並不代表好吃 ---- 最大的關鍵是糕身太削，吃上口尤如漿糊一樣，怎會好吃 ?腸粉反而還可以。她們做的是傳统較"厚身"的，不會很滑，但卻有少許米香，是兒時吃到的風格....光論粥及蘿蔔糕就足以俾一個喊臉了....

08.09.20　西記粥店@太子前陣子來吃過它的蘿蔔糕一直念念不忘之後再來拜訪，卻吃了閉門羹，店裏重新裝潢關店中最近巳經重開今天就順路去吃中餐（或者說，早餐，因為才剛醒來沒多久勒 ）中午11點多12點到達店面光鮮了不少，衛生情況也進步了很多超值套餐全部HKD17起，很是划算不過今天想吃清淡的白粥就點了白粥、蝦米腸粉及皇牌蒸蘿蔔糕白粥，又叫米皇，有著淡淡的腐竹香米巳經熬開花，加點鹽巴巳經很好吃蝦米腸粉很是札實，腸粉很厚而且口感不夠細滑說真的，叮叮腸粉也比它的好吃所以整碟腸粉我只吃了兩三件就沒再吃了蒸蘿蔔糕還是軟綿可口因為是手工做的關係成份又跟上一次不一樣了雖然還是可以看到一條條的蘿蔔絲但是這次的蘿蔔糕粘米粉下的有點多上次的蘿蔔糕軟的像布丁狀要塌下來了呢除了粥品，西記還有湯飯及小菜什麼的不過我還是愛獨它的蘿蔔糕跟粥品！腸粉…因為蝦米腸的關係，不敢再亂試其他口味的了照片及詳細網誌請看這：http://www.wretch.cc/blog/foodiebarbie/10409210

平但唔係話好好食, 一般貨色, 我耐唔耐都會去買外賣, 因為附近得佢一間賣粥...粥底唔綿但入到口, 煎埋好厚, 油炸鬼好D, 蘿蔔糕唔得, 一舊粉咁冇蘿蔔味, 揀炒面穩陣D, 豆漿真係orz. , 算吧啦....

路過見價銭都好平就試試啦本身想叫個魚腩滑雞粥點知....個待應(應該是新來的吧)話只有魚腩粥同滑雞粥姐係無雙硑 (但我見個餐牌明明有雙硑粥...)最后都是叫魚腩粥我自己吃野其實好易滿足但這魚腩粥真的好腥好腥而且魚腩不是應該較少骨的嗎?!那魚腩粥真的很多骨可能他們其他野吃好吃啦不過對這魚腩粥的印象都差左d不想再點其他的了

見到太子有間睇落外表比較舊式既粥店,就入左去試下有分好多種餐,都係廿蚊左右,而且睇落都幾多,抵食叫左個魚片粥,滾住咁拎過黎,賣相好正不過食落.....舊舊魚片都有少少骨咁滯,都唔夠膽大啖大啖咁食,即刻減低左好多食慾豆槳唔好飲......不過起碼唔會太甜...人多既時候waiter會拎住d粥係正你頭頂飛過....真係好驚

腸粉：不夠薄，但勝在老字號油炸鬼：好食夠脆炒面、炒米：不過不失豆漿：超難飲裝修左…加左價$1