西江薈河鮮小館

營業中

休息中

爺爺請食晚飯, 揀了西江薈, 佢話好味喎, 等我食完之後睇下係咪真係咁好味先。Order 了海參雞煲, 因為人數唔多, 要了半隻雞, 海參都有大約 8 條 (已開邊), 加左葱同蒜頭, 十分之香口, 而且係辣嘅, 食完個人都熱晒, 唔食得辣嘅人就可以走辣。叫了ㄧ條魚, 續兩計錢嘅, 要大條定係細條, 随你喜歡, 條魚唔會蒸到過晒火, 時間啱啱好, 嘩, 你睇落左幾多葱, 啱晒我口味。另外又 order 了 上湯魚肚浸娃娃菜, 可惜娃娃菜煮得太淋, 感覺份量唔夠食。

亞嫂係加拿大返 HK, 去了西江薈食晚餐, 先嚟個海參雞煲, 可辣可唔辣, 悉隨尊便, 望落去就知重口味 再嚟個魚肉雜菜煲, 鍾意佢夠清, 最後唔少得就係蒸條游水魚, 魚肉夠鮮甜嫩滑, 整多碗白飯, 真係無得彈.

一個星期日既夜晚 係深水埗同太子既交界 呢到格外寧靜 人流唔多 但係有間食河鮮既餐廳可以Full house😲可惜今次一行二人 唔敢食河鮮 但估唔到都有雞煲小菜食喎唔講咁多 睇相開飯啦三味豆腐簡單講 炸豆腐點三種唔同口味既汁 (酸汁 燒汁 豆瓣醬) 炸到好鬆化 餐前做小食 飯後餸啤酒都一流欖角骨唔好意為欖角就一定會咸 呢個骨驚喜在佢酸酸甜甜既味道 加上佢骨得黎其實啖啖肉 最岩好似我呢D食肉獸花膠雞煲你可能冇咩特別 但係食落去就知同其他雞煲既分別 唔會有雪味 肉唔會霉 食到尾都唔會(鞋) 仲有花膠都有好多舊 煲都尾都冇溶肥牛雞煲完例牌整碟肥牛食下 佢肥瘦適中 師傅切得唔會太薄 照顧下鐘意食生小小既朋友刺參爽口彈牙 平時補身補得小 打邊爐補下都唔錯

成日行過大埔道都會見到呢間鋪，終於係中秋節同埋屋企人黎食。去個陣0730唔太多人。一坐低叫野食，等左五分鐘就上魚皮，啲味都撈得幾好，而且份量都唔少，都幾好食。跟住主角就岀場喇，我地叫左個大鍋全勝，魚就要左荀殼，仲要睇住佢係到捉，都幾過引，叫左魚之餘都叫左配菜，有蜆有牛肉有魚肚，佢會有個爐煮住盤野所以唔會食到啲野凍哂。咁老闆同員工好好客，會教我地點食同食咩先所以魚同蜆一上就叫我地快快食哂啲魚。講下條魚先，佢其實係清蒸出黎既，所以好原汁原味，肉好滑好鮮，真心要比五星！不過啲蜆就好麻麻地，蜆肉太細同有沙不過條魚好正所以無阻我心情甘食哂條魚就會加湯比我地，就去6啲牛食，啲肥牛好厚好有牛味，我到仲叫多左碟食跟住就6左魚肚，同樣地啲魚肚都係大大舊又厚，所以用黎吸哂啲湯精華，幾好食之後仲叫左菜，但我實在食得太飽🤤呢餐飯食得好飽，如果有老人家黎食都好岩食，啲野唔會重口味而係鮮味，係好推薦既中菜小店，環境乾淨而且好服務又好客，會回頭再食其他野

朋友推薦此店大盆魚，以河鮮作主題；野生荀殼魚，和順魚及瘦身鱔；加上自己喜歡的配菜（豬肉丸，魚肚，粉腸，蜆，刺參等等......），更有家常小菜；傳統煲仔飯，偶有生劏花錦鱔，價廉物美；值得一試，店長服務殷勤；令客人有賓至如歸的感覺

某日路過見此新店, 店內人頭湧湧, 好奇之下入座.由於只是2個人, 就要了半只沙窩刺參奇味雞(如果你人多, 另有一只雞讓你選擇的), 另外再加黃沙蜆, 響鈴, 試試味道如何.不一會, 主角就送上來了.雞上面躺了5支小刺參, 賣相相當吸引. 電磁爐一邊加熱, 透著小辣味飄來, 很是吸引.翻熱後立即試吃了一件雞, 嫩度剛好, 沒有太咸.不消一會, 就吃了一半雞, 請店員為我們加點雞湯, 就開始添加黃沙蜆和響鈴.店家很細心, 黃沙蜆已經預先飛水, 避免蜆內藏了沙泥, 讚!較為失望的是響鈴不是現炸的, 不只道是外購還是放涼了.吃到最後才吃刺參, 它吸滿了食材的香味和湯汁, 也非常彈牙, 當然, 卡路里也非常高.店內有巨型魚江, 養了很多條大魚, 如果人多又喜歡河鮮, 可以來這試試的.