影片
以上資料只供參考, 請與餐廳確認詳情
食家推介
相關文章
西樹泡芙有好多間分店，總有一間係附近！今日經過天水圍分店，本身諗住買飲品，等候期間俾佢地泡芙嘅味道吸引到，忍唔住買黎試下。泡芙外皮鬆脆，內餡用新鮮材料製作，真材實料，入口香滑，一啖咬落去，幸福感真係爆棚！ Oreo 曲奇脆脆 ：朱古力控必試！ 濃郁嘅朱古力餡，加上Oreo餅乾碎，口感豐富，甜而不膩。粒粒芒果乳酪：乳酪酸酸甜甜，加上新鮮芒果粒，口感清新，健康又好味！飲品方面都相當唔錯。香芒蒟蒻楊枝甘露：芒果落足料，香味濃郁仲無渣，蒟蒻彈牙，啖啖都食到芒果肉同蒟蒻，真係好滿足！華田雪頂奶茶：華田味嘅奶蓋，入口軟綿綿，朱古力味濃郁，非常冰涼，甜到入心，飲完一杯，真係飽到晚餐都唔使食！
繼續閱讀
天氣突然轉冷，食個甜點為冷天氣加點滋潤，借故到天town#西樹泡芙 食個泡芙飲杯特飲，填滿番個甜品胃💕。搭電梯黎到地下，聞到陣陣烘焙香嘅氣味，原來店舖推出新產品，名為甜蜜の戀💕💕💕甜蜜の戀泡芙泡芙質地挺身，內裏有成寸厚士多啤梨布丁，味道同黑朱古力好夾，食出甜甜蜜蜜滋味，個人認為系款情人節送禮一流嘅產品呢!!💕朱古力三重奏泡芙入口朱古力餡隨即爆漿，口感軟綿綿，泡芙又香脆，朱古力愛好者不容錯過嘅泡芙。💕香芒蒟蒻楊枝甘露正常香甜芒果味道，芒果肉香甜冇渣，餡料份量都足夠，柚子粒唔苦，掂。 💕華田雪頂奶茶軟綿綿華田味奶蓋，入口creamy，亦不會遮掩奶香。P.S 除咗有泡芙仲有慕思選擇，更有禮盒包裝，方便送禮。
繼續閱讀
是日放工同家人吃飯後，去西樹泡芙買返個甜品同飲品享受一下先。一人選一個泡芙一杯飲品，我哋選擇左新野既流心奶黃肉鬆，金莎榛子牛奶布丁，芒椰粒粒蘆薈，雙爆檸茶。流心奶黃肉鬆：新年新希望黃金滿屋，泡芙面佈滿金黃色肉鬆甜甜既流心奶黃加上咸咸地肉鬆，口感好特別都幾夾。金莎榛子牛奶布丁：榛子泡芙有香脆可口既杏仁碎加埋吉士醬同麥提莎。甜甜地食完夠晒開心。芒椰粒粒蘆薈：清新口感甜甜既芒果肉加上椰奶香味。蘆薈粒口感配上芒果甜甜都幾正。雙爆檸茶：檸檬加青檸酸酸地，個檸檬肉都可以飲到，睇住店員手打檸檬。真正係檸檬唔係開水沖。唔係太甜都好味道。而個茶底都幾清爽，味道唔會太濃。
繼續閱讀
平時去西樹泡芙都係買泡芙食，原來西樹都有茶飲賣 ( ˶°ㅁ°) !!所以今次想試下佢哋嘅茶飲，但黎得西樹又點少得泡芙呢。首先試咗🌟奶茶粒粒丸子，甜度剛好，丸子係用糯米做嘅，咬落去好煙韌。接著係🌟粒粒蘆薈楊枝甘露，呢款飲品蘆薈加得非常足，味道上楊枝甘露嘅感覺好濃。然後我試咗🌟朱古力三重奏，本來有點擔心會太甜，結果發現完全唔會！朱古力慕絲係硬實嘅，口感滑順。最後，店員推介咗🌟日式抹茶牛奶布丁，呢款新出嘅甜品抹茶味相當濃烈，牛奶布丁又滑又香。#西樹泡芙 #香港 #天水圍 #甜品 #泡芙 #茶飲 #chezchoux#hkfoodie #hkfood #foodhk #foodie #food #美食 #香港美食
繼續閱讀
今日食完飯跑完步經過商場西樹泡芙買兩個甜品同飲品返去補充下先。今日買咗士多啤梨乳酪，芒果乳酪，香芒西米楊枝甘露，奶茶粒粒丸子。士多啤梨乳酪：士多啤梨清甜可口，加入士多啤梨後連乳酪cream吃下又唔會好膩既感覺。餅皮鬆脆可口，一口吃下有著多重口感好正。芒果乳酪：芒果酸甜度剛剛好，同樣清新口感，咬下來都係令人好醒神。香芒西米楊枝甘露：西米粒都幾多，芒果甜甜地，楊枝甘露甜度剛剛好，唔會有一個死甜既感覺，個人好驚太甜佢就剛剛好了。奶茶粒粒丸子：奶茶個茶底都算幾清爽，甜度剛剛好，而丸子好爽口彈牙。
繼續閱讀