西城水產海鮮火鍋放題

如果你正在尋找一個能讓你滿足味蕾的地方，不妨考慮西城水產海鮮火鍋放題。這裡的自撈海鮮概念真的是一大亮點，特別是他們的一人一鍋輕奢放題模式，讓每位食客都能享受獨特的火鍋體驗。首先，湯底的選擇非常豐富。其中，藥膳麻辣鍋的香氣四溢，微辣的口感非常適合喜歡刺激的朋友。而金湯花膠雞鍋則是另一種極致享受，濃郁的湯底搭配花膠，讓人一口接一口。說到海鮮，這裡的選擇真是讓人目不暇接！羅氏蝦、基圍蝦、海蝦等應有盡有，還有限量供應的蟶子和各種蜆類，喜歡海鮮的你一定會愛上這裡的即撈海鮮。這些海鮮新鮮得仿佛剛從海裡撈上來，讓人忍不住想多點幾盤。將想吃的海鮮擺放在銀色桶子內，職員會給食客一個小號碼牌，再為客人清洗給處理海鮮，頗為細心。除了海鮮，餐廳還提供各式各樣的丸類，如貢丸、墨魚丸和皇帝蟹柳等，口感彈牙，讓人回味無窮。而各種新鮮的蔬菜，像是冬瓜、南瓜和娃娃菜，不僅能平衡口味，也讓火鍋更加豐富多彩。餐廳的自助區更是讓人驚喜，無限暢享的肉類、熟食炸物和甜品選擇，讓你在享受火鍋的同時，也能嘗到其他美味。而雪條和Haagen Dazs雪糕的限定供應，絕對是完美的收尾，讓人心滿意足。總的來說，西城水產海鮮火鍋放題不僅適合團體聚餐，還特別適合喜歡海鮮的朋友。無論是湯底、海鮮還是自助區的選擇，都讓這裡成為一個值得推薦的火鍋餐廳。下次聚會，不妨約上三五好友，一起來享受這場海鮮盛宴吧！西城水產海鮮火鍋放題 地址：西環堅尼地城卑路乍街116至122A號聯康新樓1樓A號舖…查看更多

父母都係海鮮愛好者， 之前帶佢地食過不同自助餐， 酒店的好， 世貿mr steak 好， 連自助山嘅評語， 都係海鮮唔新鮮。今次帶去家附近的西城水產， 今次父母都讚新鮮好食， 當然過程中都會話有啲蝦唔新鮮， 但絕對係好滿食物方面， 除左生猛海鮮區， 其他選擇都多， 牛肉同豬肉都切好， 牛肉見到有雪花同本地（？我段估）， 雪花嘅好食啲， 但我覺得豬肉反而更好食， 有肉味。丸類我冇食， 冇評語。飲品方面就似任食放題咁， 幾個大雪櫃選擇， 仲有甜品櫃。服務方面我係最滿意，會不停有人收走檯面嘅空碟同換骨桶， 其他野嘅refill 都快。所以我都好希望佢可以長做， 因為一間好嘅食店真係好難搵。…查看更多

最近呢一兩年開始興起自撈海鮮火鍋放題，但係對於我呢啲工作同住都係港島區既市民，要晚上8點先收工，過海再食完，返屋企都要搞到12點幾。之後突然電話掃掃睇到有呢間西城水產既貼文同廣告就好奇睇一睇，見到係堅尼地城，再睇下餐牌收費，晚上9點會係2小時既收費，心諗，食完轉彎隔離個街口就係地鐵站，就約埋同事一齊等埋我收工坐車去試試刷一餐。(食左兩次，10月14日同11月14日，一次係日至四，一次係五六日)第一次驚大受歡迎，因為同樣既係九龍區真係好滿，所以就算係星期一至四都打電話WHATAPPS去訂位，結果坐車岩岩好9點到達入座，第一次個日始終係平日星期四同尾圍，大約6-7成入座率，第2次係星期六同開得夜少少就多過9成。地方寬敞，每個座位都有足夠空間同通道夠闊，出入都唔使太過就住，亦都因為個場冇柱可以一覽睇晒。第一次坐中間都有一邊有梳化櫈，第2次坐4人卡位，兩個都200+既人坐就一定會舒服。每枱都有骨盛同一個不銹鋼兜，不銹鋼兜就用嚟裝海鮮用嘅，個海鮮池真係夠晒光明同闊，有大約十零種海鮮，我同朋友就鍾易食鮑魚，蝦，蟶子仔，翡翠螺。而我就特別鍾情佢啲藍蟹或者三點蟹呢度係一人一鍋既，跟住同待應落好湯底後就出去水池行動，撈好想食既海鮮放入兜度，之後就可以交比員工幫手洗好同斬開啲蟹，你交兜佢會比個號碼牌你，呢個時候就可以分頭拎自助區食身，另一個去拎飲品同醬料同埋拎啲輔助用品。輔助用品有鉸剪同殼鉗，食蟹有把鉸剪就真係方便同埋剪啲唔食既部份，咁就可以效率快好多飲品有各種汽水，紙包飲品，茶系，仲有清酒同埋罐裝SAPPORDO，但我最睇得上既就係佢有1664生啤，有不銹鋼杯裝就方便。“安頓”好之後就可以岩岩好去水池拎番啲準備好既海鮮返黎涮涮淥淥。店既門口同水池中間有個提示係啲海鮮需要灼熟既時間，咁可以先食少量既菜，肉，或者丸咁，邊滾啲海鮮邊有得食，最緊要落水個陣啲水係要滾開落就得了。佢啲牛肉之類係自助，但質素唔會比出面食開肉類火鍋放題既太遠距離，而且佢個凍櫃都真係好夠凍。海鮮質素都真係好好，啲蝦自己撈啲生生猛猛既，鮮味夠甜，蟹呢第一次食4隻咁好彩都有膏，，第2次食4隻就有1隻有膏，最正就係第一次有隻大SIZE啲既蟹係都唔比我用夾夾佢，佢用番隻鉗夾住我隻夾，就算札住都咁生猛，證明夠新鮮。鮑魚亦都好靚，唔灼得太過耐，肉質都夠靚。唯一要花時間就係拆蟹，幸好處理海鮮個時會一開二，我呢啲食慣既熟手既，唔會花太多時間，撈兩轉海鮮都夠晒時間。另外第2次去個時，個晚熟食區就有炸蝦，鹽酥雞同鴨胸，質素都好好。食少少就好啦呢啲，要留肚食海鮮。最後刷飽就食甜品，佢有木糠布甸，芝士蛋糕，tiramisu，都有雪糕同雪糕糯米糍，仲有西瓜，絕對會夠滿足，不過如果真係夜少少去，有啲可能比人拎晒架，雪糕就唔驚，有好多。…查看更多

呢間剛剛開業幾個月 好值得去💯一人一鍋 價錢每位$288👍好多海鮮‼️全部都大大隻而且扎扎跳🦀🦐比起連鎖個間水產海鮮火鍋放題嘅海鮮較新鮮🔥揀完海鮮可以比職員即場洗同切👍海鮮種類好多 比較少見嘅瀨尿蝦都有😍牛肉都係自助區自己攞～都唔差的😋熟食有串燒、碗仔翅、鹽酥雞、肉燥飯等等～甜品有榴槤形狀嘅榴槤雪條🤩好正～可惜忘記咗影相🫣鍾意食海鮮一定要試🥰​味道👅👅👅👅抵食🤑🤑🤑🤑環璄⭐️⭐️⭐️⭐️服務👍🏻👍🏻👍🏻👍🏻番兜🍉🍉🍉🍉(最高分x5）​…查看更多

地方淨潔食物質素好，當日有活鮑魚，海蝦、基圍蝦、藍點蟹、石蟹、瀨尿蝦...自撈後服務員會幫你清洗，另火鍋肉類丸類菜蔬都是自己提取，不須落單，可省時又避免漏單情況，餐廳整體不錯，就是商場廁所有待改善。…查看更多