裕記牛什魚蛋粉麵

營業中

休息中

裕記牛什魚蛋粉麵 🍜🐟位於旺角的裕記牛什魚蛋粉麵是一家以牛腩和魚蛋聞名的小店，這裡的粉麵十分受歡迎，每次來都需要排隊，絕對是美食愛好者的必試之地！ 🌟原汁牛腩拼 香滑牛筋米粉 🍲這道原汁牛腩拼的牛腩肉質鮮嫩，湯底濃郁，讓人一口下去就能感受到牛肉的鮮香。米粉滑順，吸收了湯汁的味道，讓整碗面更加美味。牛筋的口感彈牙，與牛腩搭配得天衣無縫🤤鮮蝦雲吞拼 自製魚片麵 🦐🍜鮮蝦雲吞的皮薄餡多，內裡的蝦肉鮮甜可口，口感非常滑嫩。自製魚片也十分新鮮，魚肉的鮮味與湯底的清淡相得益彰。整碗面的口感層次分明，讓人一口接一口🍤✨腐乳通菜 🥬通菜的清脆口感與腐乳的香氣相互交融，讓人感受到一種健康的美味。腐乳的醇厚味道讓這道菜更加開胃，真的是一個不錯的配菜選擇🥗裕記牛什魚蛋粉麵 (旺角)旺角旺角道26號地舖

食過好幾次，水準保持到。黎到整碗紫菜牛腩河、腐乳生菜 加 凍飲。賣單都係六十蚊。講左價錢，再講食物！呢個腩汁，夠晒牛味而不太咸。牛腩的肥膏分布…比到你不柴而夠淋。還有，一碗河，切開九件牛腩，件件有厚度不濕碎…腐乳生菜（要求多腐乳）腐乳有酒味，少少辣。不太咸，我鐘意食辣！雖不辣，但個腐乳味道相當好！（食過一次牛筋，不及我另一食評果間好…所以無叫，無比多次機會佢喇…）

今日喺旺角掃街意外發現性價比高的粉麵店, 份量足、味道正、價錢仲好親民！打工仔/學生絕對要Bookmark🌟  1️⃣ 🏅 金牌牛三寶麵 牛筋、牛肚、牛腩堆到滿一滿！▫️ 牛筋燜到超軟糯，入口即化仲掛滿濃汁✨ 牛肚爽脆，牛腩半肥瘦鬆化～湯底係靈魂！傳統柱候甜香，飲到底都唔口渴，配幼麵超級夾！  2️⃣ 自製魚蛋河粉魚蛋控注意‼️ 呢度嘅魚蛋妁彈牙，魚味鮮甜～  ▫️ 河粉滑溜吸湯，湯底比牛三寶更清甜 

今日落旺角做嘢，拍檔要買龜糧。去完金魚街，到旺角街市對面見到新開一間粉麵店；嗱嗱聲入去試吓。天時暑熱，冷氣最重要。我冇乜胃口，叫咗個淨魚蛋+油菜（+$13）；凍檸茶走甜。拍檔叫咗個崩沙腩粗麵。魚蛋夠晒彈牙，魚片香滑；加埋辣椒油、蔥花；清清地啱晒夏天季節。崩沙腩夠入味，配粗麵夠曬醒神。見到隔籬枱嘅魚皮好吸引；忍唔住叫咗一包試吓；大大包夠晒脆口。食完一包忍唔住又叫多一包；眨眼就K.O.晒。最後又忍唔住叫多個淨牛丸，夠爽口。呢度樣樣都有水準；價錢亦都合宜，性價比高，一定要支持用心小店。

旺角旺角道有間新裝修的港式潮州粥粉麵店，見到裝修企企理理，光猛明亮，乾淨衛生，決意大快朵頤。招牌牛全寶河粉：配料好豐腴，有肥牛、牛筋、金錢肚、牛腩、牛栢葉等等，超級足料，牛腩牛味香濃，牛筋有咬口，牛腩夠半肥瘦，肉質夠嫩，完全吾柴，配上秘製香濃腩汁，增加牛湯底味，絕對可以當湯飲都得。肥牛好入味，河粉夠軟焾，排起牛腩汁，有肉味自然香甜。八寶丸粗麵：有魚片頭、墨魚丸，魚蛋、雲吞、貢丸、魚皮餃、豬肉丸，魚片，整體新鮮，粗麵夠彈口、沒有簡水味！配料爭豐富，可加自家辣椒油調味，提升口感。蠔油生菜：生菜爽甜，沒有渣，加上蠔油增加香氣，好爽脆。凍奶茶：茶底香濃，牛奶細滑，入口順滑。

裕記牛什魚蛋粉麵香港有咩多？牛什魚蛋粉麵係其中之一，咁要做得好食，先至吸引到人，今日匆匆一餐午餐，食完之後感覺良好，可以分享一下朋友叫了一碗鮮蝦雲吞麵，雲吞大大粒包得靚靚，蝦肉非常彈牙新鮮，雲吞麵個湯底都好緊要，的確係好鮮甜，飲一啖都想飲晒成碗，呢個湯底令到碗麵都爽滑啲聽到隔籬枱食炸魚皮食到索索聲，我哋都即刻叫返一份，原來係包好一包包拎出嚟，自己食幾多倒響個碟度，咁樣既不浪費食物，亦都保持魚皮爽脆，做得好！食落口就知道點解枱枱都叫，爽脆而冇油膱味，就已經夠讚好啦由於我自己戒食飯，但又好鍾意食肉，所以個招牌牛全部就最啱我啦，全部包括牛腩牛筋牛肚牛柏葉同肥牛，真的很牛哈哈！每一樣都咁有咬口入味，而唔會腍冇晒味，特別係牛腩嘅香味好正，鍾意辣嘅加少少辣椒油更加相得益彰，而更加鍾意嘅係牛筋，煮到個煙韌到剛剛好，食咁多肉都要食返碟油菜嘅，叫咗芥蘭，真係好爽口喎，咁當然灼嘅功夫唔少得，拿捏得相當好呢度最好嘅，就係樣樣嘢都自由配搭又有個特價俾你，例如飲品，當中檸檬茶嘅茶底做得唔錯，都想讚吓店員非常有禮貌，又多一個好食處了

旺角新開～經過見到裝修企理而且平平哋 就入去食吓～招牌牛全寶飯（送紫菜湯） $78肥牛、牛筋、金錢肚、牛腩、牛柏葉超級足料 牛腩好好好好食肉夠嫩滑 完全唔柴皮 仲食得出牛肉嘅香同肉嘅甜味 正！肥牛同牛筋都好入味～牛全寶河粉$68我覺得料好似比全寶飯少（雖然都多料 但飯仲多抖😂)但個人覺得全寶河比飯食落好食～腐乳通菜 $13啲菜好幼嫩 無渣～炸魚皮 $15份量好多 一大包!食唔晒我都有拎走 拎走都幾方便😆檸檬利賓納/凍奶茶正常影囉～其實普通一碗粉都係三十零蚊如果再想食平啲，都可以選擇其他

位於旺角道的「裕記牛什魚蛋粉麵」，顧名思義係一間主打港式牛雜及魚蛋的粉麵店。店內燈光明亮，環境乾淨衛生餐牌上供應各款不同配料的港式粉麵，定價適中親民咖喱魚蛋魚蛋好彈牙，鮮甜味美，配上咖喱汁，別具風味招牌牛全寶飯餐廳招牌牛全寶包括：牛筋、牛肚、牛柏葉、牛腩及肥牛。每款都炆得好入味，牛味濃郁，佐飯一流紫菜湯跟飯會送碗紫菜湯魚片頭河粉湯底都幾清甜，河粉幼滑可口，好掛湯！魚片頭滿有魚鮮味，口感彈牙腐乳通菜通菜新鮮翠綠，口感爽脆，配上微微辣的腐乳醬，更加美味凍檸茶酸酸甜甜的凍檸茶冰凍可口，去脂解膩

今天下午，我到旺角的裕記牛什魚蛋粉麵，地址是旺角道26號。一進去，就感受到濃厚的香港地道氣氛，讓人倍感親切。我點了金牌牛全寶河粉，裡面有牛腩、牛筋、牛柏葉、牛肚和肥牛，真是肉食者的天堂！還有崩沙牛腩粗麵，麵條滑溜，牛腩軟嫩，搭配上炸魚皮，口感更上一層樓。為了健康，我還點了一碟腐乳通菜和蠔油生菜，清爽又美味。最後，當然少不了兩杯凍檸茶，調整一下口味，少甜的選擇非常合適，喝起來清新又解渴。整體來說，這次的用餐體驗讓我十分滿意，下次一定會再來！#裕記牛什魚蛋粉麵 #旺角道26號

旺角新開牛什粉麵店！裕記牛什魚蛋粉麵店內環境光猛又夠衛生而且份量十足！性價比高！😆大家快來試下唔知食咩好？推介大家叫碗招牌牛全寶麵牛腩、牛筋、牛肚、牛柏葉、肥牛通通都有腩汁湯底夠濃郁！牛腩Q彈；牛腩入味；牛肚、牛柏葉夠彈牙！崩沙牛腩河👍🏻每日限量發售，售完即止崩湯腩肥瘦均勻！口感豐富又入味！推介仲叫左一碟菜心、炸魚皮再配港式凍奶茶同凍檸檬茶！爽裕記牛什魚蛋粉麵 (旺角)⭐️旺角旺角道26號地舖

裕記牛什魚蛋粉麵 (旺角)旺角旺角道26號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：淨五香牛什(小) $58，鮮蝦雲吞麵 $32，跟餐凍鴛鴦 $8五香牛什：包括金錢肚、牛肺、牛小腸和牛膀，金錢肚的口感脆嫩，牛肺則帶口感獨特，牛小腸的嚼勁十足，牛膀的肉質柔軟，搭配五香的調味，讓我感受到不同的層次，非常滋味！😄😄😄鮮蝦雲吞麵：雲吞的餡料非常鮮美，蝦仁的鮮甜味道在口中化開，每一口都充滿了海鮮的鮮味。麵條煮得恰到好處，滑順的口感讓人回味，湯底清淡卻十分入味，水準不錯！👍👍👍凍鴛鴦：有奶茶的濃郁奶香和柔和茶味，亦有咖啡香氣和微微的苦味，冰涼解解渴又提神！😍😍😍

今晚行經旺角，見這新開的粉麵店，環境乾淨舒適，便入內進餐。自製魚蛋淨食（$38）原沒甚麼特別期望，但這自製魚蛋有點驚喜。它不像普通機製魚蛋，它彈牙的口感，還帶有魚肉味，不多粉面店會有這自製魚蛋。崩沙腩河（$58）這崩沙腩筋肉參半，肉質軟腍，有牛肉香味。而且厚切，啖啖肉。河粉幼滑浸透牛肉湯底味，十分可口。牛三寶麵（$58）一碗有齊牛腩、牛筋、牛肚，每款我都很喜歡。幼麵的軟硬度適中，很有水準。油菜（跟餐+$13）凍檸茶（跟餐+$8）

跳完舞準備求其食啲嘢醫下肚～遇到間夜晚九點幾都仲好多人嘅魚蛋麵店，即刻衝入去試下😋 🍜招牌牛全寶河粉 啊啊啊啊啊好好味呀！裏面勁多料，有牛腩、牛筋、牛肚、牛百葉、肥牛！睇下條牛筋就知有幾認真，厚到癲～隔離枱阿姨叫咗碗魚蛋粉，一邊讚好食，一邊話下次都要試牛全寶哈哈哈😄 因為真係睇落好正😋 懷舊腐乳通菜🥬 好少見蔬菜可以淋腐乳醬，超正，超送飯～好耐冇食通菜，超鍾意！見到其他客叫菜心加腐乳醬，睇落都好好味！ 杏仁霜🥤 點佢！超濃！嚴重懷疑杏仁霜有助眠作用，飲完夜晚瞓得超冧～今日有啲雨，飲杯暖笠笠嘅杏仁霜，正到爆！

平時牛三寶就食得多，估唔到仲有個牛全寶😳😳簡直開心大發現，牛全寶有五款食物，包括牛肚、牛筋、牛腩、牛柏葉同肥牛😚😚我同朋友大家都係點咗牛全寶，一個配飯一個河粉🍜牛全寶份量非常多，全部味道都啱啱好，唔會過分鹹，又唔會淡，好耐未食過咁正嘅粉麵飯😚😚呢間餐廳應該係新開，環境幾新淨，燈光光猛舒適，價錢都幾公道，同埋都幾多人幫襯，真係唔錯😍下次再試下真他先😊📍裕記牛什魚蛋粉麵 (旺角)旺角旺角道26號地舖

週末同朋友一齊嚟咗呢間喺旺角嘅牛雜雲吞水餃粉麵店食個 early dinner 🤣未講食物之前呢度真係街坊價錢份量多勁抵食🤣$68「爽滑墨魚鬚」：墨魚鬚新鮮好厚肉肉質爽滑鮮甜份量仲好多，好美味🤣$38「南乳豬手麵 加紫菜」：有兩件超大嘅豬手，豬手🐷🖐️炆煮得好軟熟，有濃郁南乳香味🤣；揀咗幼麵，麵質少少彈牙，大大碗份量幾多🤣$13「油菜」：要咗兩碟，一碟係「蠔油菜心」一碟係「腐乳通菜」，兩碟蔬菜都新鮮🤣$32「鮮蝦韭菜水餃🥟」：水餃🥟勁大隻，咬開裏邊見到有蝦仁同埋大量韭菜，真材實料，童叟無欺，美味又飽肚🤣跟餐加 $8「熱奶茶 ☕️」：大大杯夠濃夠滑🤣跟餐加 $8「熱檸水🍋💦」：熱辣辣大大杯簡簡單單🤣