影片
營業時間
今日營業
10:00 - 23:30
星期一至日
10:00 - 23:30
以上資料只供參考, 請與餐廳確認詳情
食家推介
對於唔鍾意食飯嘅我嚟講，餃子係一個飽得嚟又冇碳水嘅最佳選擇。聽講呢間內地嘅餃子猛店嚟咗香港，主打即叫即包即煮，最得意嘅係你可以望住佢包，成個環境乾淨企，睇得開心食得放心。喺進入正題之前，我見到佢呢度都有我最鍾意嘅魚皮，佢呢個魚皮係好正宗，超爽脆，再加埋個滕椒麻辣味，香多過辣，連平時食唔到辣嘅朋友都話好味。我見呢度嘅雲吞同普通嘅雲吞有啲唔同，因為佢加咗蟹籽，令到食落去更多爽脆嘅感覺。佢每一粒都係一啖嘅size，大細啱啱好。咬開仲有兩粒蝦㖭，真係超足料。另外我哋叫咗個招牌煎餃，佢都有20種咁多俾你揀，煎餃我哋就揀咗粟米味，見到佢都煎得金黃色之餘都好乾身。咬開仲有粒粒粟米，超鮮甜。除咗普通食到嘅湯餃同埋煎餃之外，佢哋呢度仲有一種叫做拌餃，連撈嘅味道除咗平時食到嘅紅油抄手味之外仲有五六種俾你揀，但係因為朋友唔食辣，所以我哋揀咗個蒜香。呢一款係冬菇馬蹄餃，全部都好足料夠晒香甜。而除咗普通嘅豆漿之外，呢度仲有一款好特別嘅嘢，係鮮榨粟米汁，佢真係用新鮮嘅粟米去榨汁完全冇落堂，係飲到粟米嘅香味。
繼續閱讀
袁記雲餃 由細到大我都超鍾意食餃子，仲要啲餡愈特別愈鍾意食。最近屋企都成日買袁記既新鮮餃子返屋企蒸熟嚟食，味道又唔錯，而且又抵食。今次第一次去門市食，嘗試左幾款招牌菜式，味道同款式都好有驚喜。香茜芹菜鮮肉餃加紅油乾拌 （$45@10）身為芫荽黨員，揀咗呢一個香茜芹菜鮮肉餃加紅油乾拌，餃子皮薄而韌，包裹著鮮嫩多汁的餡料。香茜和芹菜的清新香氣配上紅油的麻辣，層次豐富。招牌鮮蝦蟹籽雲吞配網紅混醬乾拌 （$65@10）招牌鮮蝦蟹籽雲吞配網紅混醬乾拌同樣出色，雲吞餡料用料實在，蝦肉彈牙爽口，蟹籽增添鮮味，配上特製混醬，鹹香惹味。醬骨架（$35）蒜汁西蘭花（$20）配菜方面，醬骨架是不少食客必點之選，肉質軟嫩，醬汁入味。蒜汁西蘭花爽脆可口，蒜香濃郁，是清爽解膩的好選擇。飲品更加係良心價，一杯豆漿一杯奶茶，講緊都係每一杯加$9。 如果下午茶嗌一個餃子仲要送凍飲！以餃子嚟講喺香港嚟講又要手工做，好食，又多款式仲要唔貴，袁記雲餃絕對值得一試。建議可以約2-3位朋友同行，這樣更能品嚐到不同款式的餃子。
繼續閱讀
平時成日食粉麵飯，間唔中都會想簡簡單單食一餐，呢個時候食餃子相信係好多人嘅選擇🤪今晚要食嘅袁記雲餃，最近喺全港各區開到成行成市🤭店舖凍櫃會望到有好多唔同種類餃子~店家標榜餃子全屬新鮮現場製作，隔住塊透明玻璃睇到店員包餃子嘅過程，令人食得更加安心👍😀鮮蝦蟹籽雲吞肉質彈牙，餡料有鮮蝦、蟹籽，非常之豐富！醬汁係網紅混醬乾拌🤣即係花生醬混合紅油，同一碟餃子食到辣油嘅惹味同花生醬嘅香氣😍招牌煎餃食餃子又點少得食煎餃呢，酥脆嘅餃子皮配上肉汁豐富嘅內餡，美味而邪惡😈冬菇馬蹄雲吞麵食兩款餃子可能仲差少少未夠喉，食多一碗雲吞麵就夠晒飽肚👻醬骨架豬骨加上醬汁香氣，肉質軟腍，係令人難以抗拒嘅口感🤭叫返碟菜平衡一下營養😀粟米汁唔係好多地方有供應粟米汁呢樣飲品，口感幼滑之餘，又同時飲到粟米嘅香甜，呢個飲品真係大推😍
繼續閱讀
平時買袁記外賣餃子多，一向主打「即包即煮」鮮餃，超多款揀，目測有20款雲吞餃子，今日下午經過荃灣街市街試咗堂食，試咗好多口味，每款雲餃都用料十足，非常滿足。✨蝦蟹籽雲吞套餐1️⃣ 鮮蝦蟹籽雲吞10隻：皮薄肉厚，新鮮現包，非常足料 ，蟹籽大大粒，鮮蝦好大隻，一口下去超滿足😍2️⃣ 蒜汁西蘭花：蒜味香濃，西蘭花新鮮爽嫩🥰3️⃣ 鮮榨玉米汁：新鮮熱辣辣，好流質，飲落口好舒服😌✨招牌煎餃10隻：叫咗兩款口味，可以做到一口餃子，鄙薄了多。1）西洋菜鮮肉餃，時令西洋菜，清甜爽口，要試👍🏻2）韭菜鮮肉餃，香甜韭菜，煎餃必食的口味👍🏻✨紅混醬幹拌10隻 （花生醬，紅油，剁椒三種醬混合）：都係叫左兩款口味，1）冬菇馬蹄鮮肉餃，馬蹄爽口鮮甜。2）香茜芹菜鮮豬肉餃，幾種菜配埋一齊，香味十足，非常有咬口✨醬骨架：肉嫩彈牙兼炆得入味，建議必試👍🏻
繼續閱讀
袁記雲餃🥟佢地既餃子係現包! 大玻璃公開見到乾淨衛生👍🏻幾款餃子餡料份量十足 🥟🤤大大啖咬落去 超滿足🤪必叫🔥鮮蝦蟹籽雲吞麵蝦肉彈牙 加上入面既蟹籽增加左口感!蝦同蟹籽鮮味十足 🦐建議選配清湯 鮮甜味更突出🤤拌韭菜鮮肉餃🥟配網紅混醬混醬係花生溝紅油輕輕花生醬香味配上惹味紅油胃口大開👅招牌煎餃🥟外皮香脆 肉餡唔乾有肉汁鮮榨玉米汁🌽好新奇 第一次飲係用新鮮粟米製成栗米味超濃!!!🌽🌽泡椒魚皮🐟唔係就咁辣 係充滿麻味我唔食得辣都食到 驚喜地好味既一款👍🏻另外大家見到廚房一手靚字既字畫係由香港名山水畫家-何百里所題📝去到不妨留意一下😺
繼續閱讀