袁記雲餃

營業中

休息中

🌽玉米鮮肉餃呢款玉米鮮肉餃係餃子界的小清新！每一粒餃子都飽滿多汁，豬肉鮮嫩不膩，搭配香甜嘅玉米粒，口感層次豐富，咬下去嘅瞬間，幸福感直接拉滿！🥟✨🔥網紅醬不得不提佢哋嘅「網紅醬」，簡直係餃子嘅靈魂伴侶！估唔到花生醬同辣油居然同餃子咁夾！食到停唔到口😋💡 小知識：袁記雲餃餃子都是手工現包，皮薄餡多，幾好味。

八點二十分嗌個外賣，普通十隻餃子，最後接近九點先有得拎。嗌蝦仁落錯做三鮮都算，中途多次詢問進度，一開始答：“煮緊㗎啦”，之後再問就答“唔好意思啱啱先放入去。”而且成$60十隻真係冇話好平，個人黎講冇下次。

之前聽朋友講話呢間幾好食，咁啱附近有就去試吓。餐廳環境簡潔，有透明玻璃，睇見店員喺度包餃子雲吞。兩個人，每人叫咗一個餃子套餐（12件）。揀一款餃子再揀一款口味，有啲醬伴幾特別。冬菇馬蹄鮮肉餃+蒜香幹伴，好香蒜蓉味，有芽菜喺底，好香唔鹹小食藤椒豆腐絲，除咗見到藤椒兩個字以為係辣嘅，店員話唔辣所以叫嚟試吓，口感幾特別齊菜鮮肉餃+網紅混醬幹伴，味道有啲似紅油抄手，不過冇紅油抄手咁辣，少少辣味，混醬係加咗花生醬，好香好滑，個人覺得配搭幾好好食小食醬骨架，一舊好大嚿，啖啖肉套餐幾抵食，一份主食+一份小食+一杯飲品，一人份量嚟講都好多好足夠。

偶然經過九龍灣，見到呢間袁記云餃子店新開張，門口有落地大玻璃，見到雲吞水餃係店內員工即場包，好吸引，忍唔住入去試吓😗水餃雲吞款式選擇多，仲有唔同嘅小食同配菜。各款水餃可以選湯餃或者拌餃；湯有廣式鮮湯、激酸激辣湯兩款選擇；拌餃有蒜香乾拌、紅油乾拌、花生醬乾拌、剁椒乾拌、網紅混醬5款選擇。🦐鮮蝦蟹籽雲吞 配廣式鮮湯雲吞皮夠薄，餡料足料，有大大粒爽口鮮蝦，蟹籽同豬肉餡，口感豐富。🌽玉米蝦仁餃 配蒜香乾拌鮮蝦嘅鮮甜味同玉米粒嘅清新味道好夾，個人好鍾意蒜香乾拌，鍾意蒜味嘅朋友一定要試下🧄🍄‍🟫冬菇馬蹄鮮肉餃 配網紅混醬冬菇嘅香氣配上清脆嘅馬蹄，加上鮮肉同蔬菜嘅比例啱啱好，層次豐富而不膩；網紅混醬係混合咗紅油、花生醬同剁椒乾拌，花生醬好幼滑，加上紅油香、剁椒辣，味道好特別，值得一試👅☕️捷榮港式奶茶原來呢度奶茶係用捷榮奶茶，入口醇厚甘甜，口感圓潤順滑，茶香同奶香恰到好處而唔會膩👍

☕️捷禜奶茶最近同屋企人去咗袁記雲餃食嘢，見到新推出嘅港式奶茶就配埋一齊食，飲落好順滑又香濃，好好味🤤🦐鮮蝦蟹籽雲吞（$65/10隻）呢度嘅雲吞可以先揀餡、再揀湯🍲 我揀咗個鮮蝦蟹籽湯配廣式鮮湯，鮮甜美味，啲餃仲好大隻添！🥟全家福雲吞 （$52/15個）爸爸揀咗全家福雲吞配激酸激辣湯，有齊鮮肉雲吞、黃魚鮮肉雲吞、玉米鮮肉雲吞、紫菜鮮肉雲吞、薺菜鮮肉雲吞、冬菇馬蹄鮮肉雲吞，幾多款，而且湯底夠酸好過癮🥳🥟全家福餃子 （$52/12個）媽咪叫嘅餃子就配網紅混醬幹拌，呢個醬有齊酸辣、花生、蒜香等，好香～ 餃子有齊韭菜鮮肉餃、薺菜鮮肉餃、冬菇馬蹄鮮肉餃、芹菜鮮肉餃、白菜鮮肉餃、玉米鮮肉餃添🥳🐮 和味牛腩 （$40/份）最後我哋仲叫咗個牛腩開心share，牛腩同奶茶都好夾呀🤩

最近牛頭角開咗袁記雲餃，朋友話佢有好多分店，見係屋企附近就試下。門口有開放式廚房，睇到包餃子過程，見到多款口味餃子，吸引度大增😂想試多啲選超值套餐，有餃子/雲吞，小食同飲品。我點咗全家福餃子🥟。一碗包含6種不同口味餃子，對有選擇困難嘅我啱晒😂。我喜歡紫菜鮮肉餃，紫菜味突出，加上好少食到。另外薺菜餃同韭菜餃都好味，配上廣式鮮湯，食到餃子原味。另外鮮蝦蟹子雲吞🦐配鮮湯，都係招牌必食。雲吞皮薄又滑，裡面有爽口鮮蝦，加埋蟹子同豬肉，鮮味十足。小食有裙帶菜、泡椒魚皮、煎餃同醬骨架。玉米鮮肉煎餃🌽煎得香脆，食落清甜好味，喜歡粟米配埋鮮榨玉米汁更加夾。飲品我喜歡捷榮港式奶茶☕️，味道香濃順滑，茶味濃厚，要提神每日一杯唔少得。捷榮係好多茶餐廳都有，估唔到現在係餃子店都飲到。

$40四舊牛腩😢呢間餃子店都好多分店，但一直都冇機會試，終於開到去牛頭角，開張第二日就即刻幫襯買外賣返屋企餃子皮的確幾滑亦都有咬口，但老實講餡料味道唔算好出，以呢個價錢來講，質素只可算是中規中矩，無論連鎖定小店，都有好多更突出嘅款式但最令我驚訝係淨牛腩，並非加配小食（套餐小食本來不包括牛腩），一份淨牛腩$40返屋企一打開只有四舊，送多條生菜😑 買外賣完全冇手部，如果標準真係咁樣，呢個價錢嘅餸真係食唔起