袁記雲餃

營業中

休息中

下午茶時段入座，當時店中只有位顧客。想搵店員點餐，結果個位店員阿姐叫我自己qr code點餐。本以為自己掃qr code係這間店的措施，點知發現之後入座的其他顧客，都係由店員主動幫手點餐。同一間店不同店員就可以有不同做法，真係好特別。另外，店內不知是否因為open kitchen的緣故，係有一陣油益味。講番野食，碟煎餃有5隻，每隻約手指尾長度，餡兒算足，但味道很一般。以這個價錢，在同區絕對可以吃到更大隻，更好食的餃子。唯一可以讚的，就係杯熱豆漿夠曬熱，味道正常。

袁記依家見就見得多，平時覺得餃子好普通姐，周街都有得買，點解可以開到好似茶飲店咁，越黎越多，心霖有咩唔同。第一次入黎依間係香港越黎越多嘅袁記雲餃，入到黎坐低好似大陸咁，坐低之後可以自己掃code落單，店員見我霖唔到，推薦左我全家福，話每樣都可以試到，咁我就即刻叫左碗全家福餃子同埋一杯豆漿，豆漿平平無奇正在常常，餃子反而俾我印象唔錯👍🏻本身覺得機包同手包無咩分別，今日食完令我對手包餃子有新嘅睇法，果然係唔同，同機包或者出面百佳買到嘅都唔同，手包嘅餃子果然好食👍🏻飲左淡湯，湯都唔錯，整體體驗好好，令我覺得手工包餃子好好食😋，聽日繼續試埋佢地嘅雲吞😋第一次體驗感唔錯，店員好好，食物唔錯。

其他分店10／12隻餃可以揀2味，這間唔得。其他分店可以visa支付，這間唔得。其他分店可以員工幫手下單，這間唔得。坐位未坐滿人，未食完就想收碗。重要店內網絡信號極差。 永不再來。

一直想試袁記的水餃/雲吞，炮台山這間有座位可以堂食，終於來試了，點了一碗玉米鮮肉雲吞（$45）冬菇馬蹄鮮肉煎餃（$50）+$9玉米汁x2 玉米汁非常熱，味道ok嘅（跟餐+9）冬菇馬蹄鮮肉煎餃（$50）粒頭較細，鮮味十足，不油膩，加辣椒油（只係香不辣的）和醋好味！然後剩返玉米鮮肉雲吞$45（12隻）味道幾鮮，食到粟米甜味，係幾好食嘅，但係⋯等35分鐘先到，離譜！我出去拿醬料時聽到好似係外賣單有問題，冇諗過等咁耐囉，希望店家睇到改善下流程，唔好掛住做外賣平台單忽略堂食客，我想再來㗎希望下次唔使再等咁耐啦！

今次第一次食袁記雲吞，之前係屋企樓下見過！～但都無乜動力想試🤪今次朋友提議話食～就奉獻左第一次🤓 我地叫左鮮蝦蟹籽雲吞既套餐88蚊10粒～ 一杯凍檸檬茶🍋🍵 同埋加左10蚊加左魚皮，另外叫了一杯玉米汁～ 因為見到雲吞係推介😃所以都滿心期待，所以就感到失望😅 魚皮也不是想像中的好味🥲凍檸檬茶本身沒期望，所以沒失望🤪🤪反而玉米汁唔錯喎😄😄13蚊一杯，朋友見玉米汁好飲，所以放棄凍檸檬茶也多叫了一杯玉米汁😆呢度店員好攪笑架😄當叫玉米汁時，佢問係咪栗米汁🤣我惟有指出餐牌比佢睇，我說呢度寫玉米汁🤭🤭之後再叫第二杯時，她話唔跟餐唔抵🤪但其實我地都好飽啦～唔打算再叫食物🤐🤐 之後另外有多幾個朋友來食～ 佢地唔夠膽叫雲吞，而係叫左餃子，她們話唔錯喎🤭可能預左未必好食，反而會覺得好食，下次我會再比多一次機會來試下餃子的🫡🫡🫡