蠔站 (荃新天地)

營業中

休息中

母親節果日晚上去，叫左個母親節限定黃金牛排，d所謂"黃金"係蒜片，炒得唔好完全唔香，最大問題係牛排上佈滿粗盬，咸到極。向職員反映，佢地竟然話個菜式本身係咁，只係幫我地撥走d蒜片同盬。我地繼續食依然好咸，d盬粒咬落去索索聲，份牛排$388真係食到一吐氣。想叫杯凍檸茶佢地又竟然話冇。基本上除左$10一隻生蠔外，其他菜式都係又貴又難食，職員的服務態度亦不佳，到埋單時我地再向職員反映牛排咸嘅問題，佢地才承認"重手左"，感覺似係認為我地只係想揾著數，比一堆食滿正價$500可當$100使用嘅優惠卷我地，但試問咁嘅質素又點會有下次呢。

早排係荃新天地比我發掘到一間唔錯嘅西餐廳，見佢生蠔做緊推廣，十蚊一隻，我哋先叫咗半打晴晴口腔， 就算新鮮！之後order 了二個 main courses, ， 大蝦真係燒得很乾身，肉身夠爽口十分入味， 米形粉細細粒，有點像珍珠米，入口煙韌， 有咬口！炭燒西班牙黑毛豬配青蘋果醬，肉味很香濃， 一啲都唔嚡身，肉汁豐富！之後仲 叫了幾款小食，香辣炸雞翼很入味。蒜蓉包就比較略嫌不夠爽脆！黑椒蒜片牛柳粒肉質一般，普普通通。啤酒炸薯條反而有驚喜夠爽口！

今晚同屋企人黎到呢間西餐廳慶祝母親節，呢度氣氛幾好，播住英文歌，燈光柔和，環境不錯。我們先叫了兩盤生蠔作冷盤，店員都好詳細介紹番每款生蠔嘅品種。生蠔都算新鮮。我最喜愛就係呢個秋葵，點埋wasabi 食，健康可口。生蝦刺身都算新鮮，蝦肉有咬口，不是一咬就散。海膽偏橙色，無腥味，合格！另外鵝肝我無食，但賣相不錯👍🏻薄餅即叫即整，薄餅底的，餡料都算豐富，熱辣辣上，都幾好食～今晚略為失色的牛，煎得較熟，但同店員溝通完，佢地態度都好好，肯即刻換番另一碟，之後果碟5成熟，口感好好多了。總體而言，價錢偏貴，食物質素一般。open rice book 枱單點有85折。

是日提早慶祝母親節，就用openrice喺蠔站訂位，正價單點食品有85折。餐廳位於荃新天地一期UG層嘅角落頭位，唔算難搵。間餐廳叫得做oyster bar，我相信佢都係主打食蠔，不過由於本人唔食生蠔，所以對味道方面就分享唔到。嗌咗兩個$199 oyster set，一份有8隻生蠔，每隻都唔同產地，店員亦會每隻介紹，望落算係肥美，屋企人食落亦都冇乜大異樣，我諗應該正常質素，始終$199，期望都唔會太高。之後嗌咗個二人餐，因為用匯豐信用卡有優惠，餐湯可以講話係垃圾，好似食緊BB仔食嘅糊仔咁。前菜有個海鮮拼盤，入面有兩隻生蠔，兩隻螺，兩隻甜蝦同四件三文魚，魚生質素不俗，好過生海鮮。沙律方面都係生菜青瓜咁樣，冇乜特別。小食叫咗份炸啤酒味薯仔，坦白講我真係食唔出有啤酒味，寧願佢做個普通炸粗薯條好過。辣肉腸pizza，咁啱好有6件，我地一人一件，芝士夠多，pizza底亦都啱口味。主菜就真係好失色，叫咗份扒5成熟，但係切開好熟又韌，根本唔食得，好彩經理都肯換過第二塊扒俾我地。另外再叫咗日本海膽刺身同生蝦刺身，都新鮮好味。仲有另一份牛柳，食落好一般，估計係解凍時間唔夠耐，然後搞到個中心位好生，邊位就好

朋友聚會，想搵一個可以坐得耐又有好嘢食嘅地方，咁岩喺荃灣，見幾近就嚟咗呢間餐廳食晚飯。Book咗19:15，去到即刻入座，餐廳唔算多人，環境寬敞，四人枱夠大，枱同枱中間有足夠嘅空位，幾好坐。我哋三個人叫咗一個匯豐信用卡嘅優惠套餐，有南瓜湯，蟹肉青瓜沙律，炸魷魚，刺身拼盤（三文魚，生蝦，螺，生蠔兩隻）意大利飯，肉眼扒。另外再叫咗一打生蠔。食物賣相唔錯，分量足夠，三個人share都覺得飽。味道方面大部份都中上，特別鍾意意大利飯，飯質地岩岩好，好有菇味。刺身方面，樣樣都新鮮，三文魚同生蝦味道鮮甜。生蠔就比較細隻，好重海水味，都好新鮮。但係肉眼扒叫咗五成熟，唔太稔，又有渣，麻麻地，反而配菜幾好食，薯蓉好creamy幾香。價錢方面，$678埋單，每人二百幾蚊，可以食到生蠔，刺身，意大利飯，牛扒，算幾抵。生蠔一打$120，性價比頗高。

約咗三五知己飲下酒食下飯，朋友建議試吓呢間$10/生蠔！佢話上次喺青衣分店食過唔錯！我哋叫咗一支白酒兩打生蠔再加一個匯豐信用卡嘅優惠套餐，三條友一路食一路吹水不知幾開心生蠔10分新鮮$10.1隻來講已經算係超值雖然唔係太大隻但充滿海水味亦都好肥美二人套餐份量都唔少有海鮮刺身拼盤沙律炸魷魚圈炭烤牛排卡邦尼意粉總括食物水準都不錯

好耐無食蠔，趁肥仔男友放半晝，一於做個好女友岀去接佢收工一齊食返個grand lunch 🤭經OpenRice 訂座有七折加25miles，真係抵返哂一坐底，先黎一打生蠔先😋😋隻隻都好飽滿，有少少海水味，唔太creamy，爽身既不過如果可以介紹下係咩蠔就更好，唔駛自己食緊咩都唔知😂兩點原來都仲可以叫lunch set，仲包免費沙律吧，真係抵到爛👍🏻沙律吧有幾款沙律菜，有啲生果，同有泡芙做點品，唔多選擇，但免費兼樣樣試啲，其實都好夠食!塊魚柳勁大塊😂 唔會炸得好乾，裏面啲魚肉仲好滑好juicy薯角要趁熱辣辣食🤤咸蛋黃蟹肉意粉頭幾淡係幾好食，不過之後就有啲膩，可能係咸蛋黃既關係，最好同人share食🙈蟹肉既份量就唔多覺，亦食唔到蟹味🥺不過整體都唔錯既👍🏻Lunch set 仲包餐湯同餐飲，又免加一。兩個食到好飽都唔駛$300，呢餐真係好抵😚環境算靜，員工亦好主動收碟，真係好岩放假過黎chill下😌

今次咁岩撞正十蚊生蠔係愛爾蘭生蠔，味道鮮甜一啲都唔腥仲大大隻，每人都叫左二打，前前後後總共食左六打，真係好滿足，好抵食！另外同朋友仲叫左個Pizza係有四色芝士既，芝士味濃而且一啲都唔漏，岩曬鐘意食芝士既你

食媽牛一，好姊妹們為我慶生，知我鍾意食生蠔所以揀咗荃灣呢間蠔站食西餐食蠔滿足下我。。！地點位於荃新天地一期扶手電梯一想就見到唔太難搵環境都尚算闊落開陽感覺舒適等齊人之後都要Ben時間睇餐牌食物啦。我完全毫不猶豫地第一時間order $10生蠔一打先！（掛住食～唔記得問係邊度嘅蠔）食完一打都唔夠喉要即刻要order多一打！D生蠔雖然唔算非常肥美，但勝在感覺新鮮有淡淡的海水味完全滿足到我呢個蠔迷！跟住再帶左一盒山下刺身嗌左一下客山下刺身山下唔跟就order左一份生蝦刺身啲蝦肉都幾厚同實！配上生蝦嘅醬汁非常泰式好好味！好惹味！另外在帶咗個酥炸魷魚魷魚本身都幾厚肉啊，不過炸得有點偏乾。。。唔少得嘅梗係要個冷盤嘅沙律啦我哋就揀咗個大蝦牛油果藜麥沙律，一上枱見到紫色好靚好吸引！不忘都要點份蒜蓉包食！主菜又點少得炸豬手呢！略嫌炸得有啲偏乾咗少少⋯⋯呢碟蒜香大蜆扁意粉都覺得好出色！味道好惹味！好味吖！

某日經過青衣城的Os plus 見過佢有生蠔拼盤，而且仲有推廣$10一隻蠔，於是就發起約多幾個人一齊去食經Open rice 訂位，發現荃灣店有7折優惠（而青衣分店就冇）所以就改左去荃灣店食去到先了解蠔有乜分別精選生蠔$396 / 12 隻 - 有11款蠔可選（產地有美國、英國、法國、西班牙⋯⋯）可選$38以下的蠔，否則需補回差價推廣蠔 $10/隻 - 非洲蠔因為未齊人，所以先點一打推廣蠔黎試試每隻$10，其實已經好好味好啦，人齊再黎一打精選蠔蠔種叫服務員幫我地介紹，有4款蠔，分別係產地係美國、美國、英國、法國. 味道由淡到濃之後我地再就口味再重點再點左一打蠔，分別係美國同法國蠔香炸魷魚條黃金軟殼蟹扁意粉特級肉眼扒啤酒味薯條，不過一啲啤酒味都冇，適合小朋友食

突然蠔癮起，見透過OpenRice訂位有7折，於是即慶決定收工試試呢間蠔吧。一向有喺樂富間OS食開lunch，覺得性價比都幾高，今次轉轉場地試下荃灣呢間。位於CityWalk一期既一個隱蔽角落裡，座位比起樂富店寬敞，環境亦較舒適。坐下來即點了一打自選生蠔，侍應姐姐請我出去開蠔果個位揀蠔既品種，因為選擇不多，大概只有8-9款，我選了1款西班牙、1款南非、1款紐西蘭、2款法國蠔後便不知選什麼好，於是打算要4隻Gillardeau，但侍應姐姐建議我試試美國的kumamoto，心想多試一款也好，於是便跟她的意思。等了不久，蠔便開好送到眼前，效率值得一讚，而侍應姐姐推薦的美國蠔排在第一款，想不到令人頗為失望，蠔雖爽口，但蠔味淡，而且算不上新鮮。幸好，自己選的Namibia、Gilladeau則鮮甜回甘。食完自選蠔覺得意猶未盡，於是再點了兩隻$10蠔，然而這$10蠔竟然有驚喜，比起美國蠔好吃多了，心中立即暗暗呻笨。食完蠔覺得肚仔凍冰冰，於是點了一客牛扒和一個蜆意粉，牛扒尚算合格，但牛的質素確實一般，而意粉竟是意想不到的難吃，意粉完全沒有吸收到蜆肉的鮮甜，而蜆則是半生熟，口感很奇怪之餘帶點腥臭，完全

於OpenRice 訂位餐牌正價食品有7折，整體食物/環境都👌🏼👌🏼👌🏼，海膽份量好足，幾鮮甜😋😋😋牛扒都大份，正正常常無乜特別👌🏼不過$10蠔一啲都唔失望，呢個價好👌🏼👌🏼啦⋯⋯當然係迷你D嘅！

午餐由$60~$120，包自助沙律吧，雖然選擇唔係太多，但質數都不錯，仲有湯及麵包，堅抵食！份量剛剛好，唔會飽都嘔。黑毛豬7成熟，肉質好滑，自己買都唔平啦！生蠔海水味濃，鮮甜爽口，$10蚊仲想點呀！

今次同朋友過到嚟呢一間餐廳，專門就係為咗食佢新出嘅平價套餐，合共$199就食到七款來自唔同國家，每款一至兩隻嘅蠔，再加兩隻法國蠔，😋😋😋仲有一杯餐白酒，😋😋呢個價錢實在太平👍🏻👍🏻所以我同朋友都忍唔住過嚟試一試😏😏呢間環境好就不在話下啦😏地點又方便，喺正荃新天地入面🙆🏻🙆🏻一坐低就即刻嗌呢一個套餐！先來兩杯餐白酒，餐白酒就真係唔太好，好明顯開咗好耐🤔🤔直情啲酒就嚟死咁滯😣😣開始有啲鹹😣😣餐酒係唔推介🤦🏻‍♀️🤦🏻‍♀️啲蠔就完全唔同囉！好新鮮😋😋完全係即開即食😎，食嘅時候一定要聽侍應話！順時針甘食，由最淡嘅蠔食到去最濃味嘅蠔😋😋當然啦法國號就梗係最後尾先食🙆🏻🙆🏻真係與眾不同😎😎每個國家有佢嘅特色，所以呢一個套餐絕對抵食！

Oyster Station顧名思義就係食生蠔架啦,所以今次我地黎到首先就係叫左一打生蠔先,咁叫左之後我地係要出去揀生蠔既,侍應都會問得我地好詳細,會問我地鍾意咩口味既生蠔,然後就再推薦邊一款生蠔俾我地,咁我地就揀左美國,韓國,澳洲,法國,佢都推薦我地跟住呢個次序去食蠔,咁我自己就最鍾意韓國蠔,因為口感比較清爽,另外我地仲叫左美國USDA頂級肉眼扒,南美海鮮薄餅同墨汁魷魚燴意大利飯。薄餅係薄餅底,海鮮食得出係急凍既,但都無雪味既,而意大利飯就好好食,因為好重蒜蓉味同埋墨汁。總括黎講就最推薦生蠔同埋意大利飯,必食。