蠔站 (荃新天地)

點咗燒美國西冷扒 同燒黑毛豬扒， 兩件肉都好好食， 表面燒得有啲燶， 好香口， 但裏面仲有肉汁 同埋軟熟， 兩件肉品質係有水準嘅， 食條西冷筋 同啲肥脂肪就知，而且 廚師係識得製作扒類的， 不過配菜就比較普通， 只係普通薯蓉， 如果用新薯就好啲， 番茄同秋葵都係普通貨色。 餐廳標榜 優惠嘅十蚊蠔， 勝在夠平， 但細隻及蠔味淡， 如果係生蠔熱愛者， 建議淺嚐， 佢哋其他比較貴嘅蠔， 才能滿足到你， 訂座用咗折扣優惠， 都算食得過， 如果按正價， 呢個價錢有啲啲貴

我同朋友本身食左下午茶，所以晚餐費時食咁飽就揀左呢間。淨係叫左海鮮刺身嗰啲。～～～～～～～～～～～～～～～～～～呢間主打應該係$10一隻生蠔，我同朋友叫左一打12隻～食完無肚痾🤣幾好食，食落係有新鮮嘅味道。～～～～～～～～～～～～～～～～～～之後口痕，再叫左一板日本海膽同赤貝，都好新鮮。海膽係好鮮甜，仲配埋青瓜片同埋紫菜，可以一齊食。～～～～～～～～～～～～～～～～～～另外仲叫左啲draught beer。總括嚟講，啲海鮮都幾新鮮，價錢算合理。

10蚊雞可以食到咩？今時今日10蚊喺麥記都買唔到一個包😕😔但竟然可以食到一隻空運新鮮生蠔🐚🐚見唔平咁抵，一於同朋友嚟試下伏唔伏😆我地好豪咁叫左兩打😂😋嚟到既時候真係好澎湃🤗🤗估唔到幾有驚喜 味道唔錯👍今次既select oyster係法國蠔🐚蠔唔算好大隻 無腥味 反而仲幾重海水味朋友話就咁食唔落醬仲鮮味🤤🤤白酒配生蠔 最佳配搭💕💕··真心唔錯，我會再嚟食㗎😋😋Lovelovelove❤

同老公慶祝生日，因老公鐘意食蠔，朋友介紹我到這間。她說價錢不貴和生蠔新鮮。我訂了星期四晚上7時的，在網上訂位有78折（正價食物）。一到餐廳，便看見一打生蠔只需要$120，我和老公吃了一人一打生蠔，再加兩杯白酒。然後再點了兩隻赤貝，價錢都是$58，再來是哈蜜瓜陪parma ham，熱食我們點了燒春雞，待應跟我們說要等45分鐘，因為即叫即焗，都無所謂，我地邊傾計邊等。哩隻春雞真係不得不讚，不太乾，肉很juicy,味道很好。真係無得輸。我還點了一個甜品代替生日蛋糕🎂。整體來說，這餐還可以，個人會再來吃。希望能再做更多的優惠更好。這餐我們共消息了$908已78折

嬲到爆炸食完蠔同四式芝士餅之後，等左1個鐘都未見碟燒春雞🤬🤬🤬追左3次，3位唔同既職員，張單都唔駛check就答我! 2個話整緊🤬1個話燒春雞係要等好耐!咁係menu又唔寫明要等成粒鐘!?!我都係想check下有無漏單傘🙄唔通全場得我一檯叫燒春雞，竟然唔check單就hea個客。到我地一個鐘後話取消隻雞，先同我講仲有5分鐘! 等左成粒鐘!!燒隻咁既雞出黎😑調味唔均勻!雞肉overcook勁嚡又無肉汁…今次真係極度失望😞

之前已經聽過人講呢間野日日都有$10一隻生蠔好似幾抵食，但係又怕伏伏地話晒咁平。星期日放假同男朋友一於去試吓伏唔伏 一黎就叫左一打，唔腥，都算驚喜有海水味 之後仲叫左兩個lunch  set  牛扒餐同蟹肉意粉 牛扒略為失色，叫咗五成熟但係都感覺太硬 唔似五成熟不過蟹肉意粉好夠味 推介lunch set 總包埋任食沙律吧  不過最後太飽無食到 總括黎講都幾抵食值得一試! 特別係鍾意生蠔既人而且夜晚價錢都唔貴，下次試下收工去食先

黎得Oyster Station當然要食佢地每天推介的十蚊生蠔非常鮮味❤大蝦芒果牛油果沙律都好唔錯單食牛油果溶會比較膩，配上酸酸甜甜的芒果就剛剛好，入口層次更豐富，大蝦好結實可惜敗筆在主菜香蒜蜆肉意粉，蜆肉是凍的，意粉是涼的且近乎無味道，只有少少辣味同丁點香草味道，非常失望

呢一間os plus 不嬲都會2-3個月黎一次，每次都ok,不過不失.但今次真係起差囉，我地一行4人，21:15黎到，等咗一陣就入座，一黎叫咗2打生蠔，D蠔黎到，一擺入口，嘩！超鹹，每食一隻，都會隨口附送蠔殼，係隻隻都有，之後叫咗個清新沙律，還可以，但偏酸，之後再叫咗一份7成熟嘅西冷牛扒同一份黑松露意大利飯。呢份牛扒不得了，一黎到切開，大約只得3-5成熟，説好的七成呢？？都吾緊要，一放入口，即時爭啲媽媽都叫咗出來！D肉鞋到好似煲湯豬肉，都唔知食咗啲入口，之後個意大利飯，都係生米粒，平時食嗰啲都冇咁生嘅。今次嗰D食落去直情係索索聲。嘩完全唔掂囉。唯一可以嘅就係支白酒。今次呢餐直情係差到冇朋友。以後都唔會再嚟。

嘢食OK，服務係史無前例噶差！係勁差！book 佐位噶備註係無人跟，途中係舉爛隻手都冇人理你，到埋單噶時候，水吧個男仔係已經同你4眼相對都唔會話俾佢面前嘅同事知，後邊有客需要幫忙，第一次寫食評，只因服務太差，係青衣同樂富都食過尼間，唔係咁嘎服務囉荃灣唔會有第2次！

$10蠔：叫咗一打，差都啤啤聲，仲要出哂水😭👈平時食完都會另叫一打至一打半靚生蠔的Pizza：今次餅底超笠，好似趕時間咁，好快拎出來，不似像新鮮烘烤出來😓👈以前食過好味燒春雞：無汁，乾食，雞無醃🤮堂食：坐低比同一黑衣侍應撞櫈兩次，最後一次欄腰撞😡付款：比visa，放卡簿落客人手臂上😤以前貪新開張，服務態度都幾好，環境幾大幾舒服❗但今次真係無得傾😡一樣食物差無得講，幾樣食物都係咁，真係無得傾😤其實咁樣，真係無下次，拜拜👋👋👋👋👋

之前都有係青衣分店食過今次就黎荃灣食$10蠔本來對呢d咁平嘅蠔無期望,但試過一次之後,都係為左個蠔再黎食呢間野佢訂位有折,但要正價餐牌食夠$500,所以我上次兩個人食係用唔著,今次4個人都好d佢正價餐牌其實價錢偏貴,都係食佢特價野先抵食,而且淨係食蠔已經足夠填飽半個胃好新鮮,海水味重,抵過自己買番屋企開一入坐佢就會問我地要幾多隻蠔,之黎再encore多一轉,佢會等你食夠蠔先再上其他主菜,我覺得服務態度係抵讚我地4個人最黎食左60隻$10蠔,勁抵生啤, 無咩邊隻好飲,選擇又少雖然個牛油果沙律成$98得好細份,但真係幾好食西冷牛扒普通貨色,唔值$298, 伴菜好食過塊扒德國豬手$268有d貴, 如果訂位有折都可以試下

因為早食飯,1730去到無咩人,地方算乾淨,侍應姐姐有禮貌,幫手寫份問卷調查仲送一杯飲品,食物方面$10一隻蠔,雖然細少少,但味道唔錯,羊架,意大利飯合格.加上用openrice訂枱,主菜單有7折,亦都抵食.

住荃灣嘅同事推介！當然，重點係$10隻嘅生蠔！週末同男朋友約咗另一pair去睇戲，男朋友又話想食西餐，就去咗呢間位於荃新天地嘅餐廳。諗住食完野可以行下街，再去睇戲，好方便！餐廳位於嘅位置顯眼易搵，裏面環境氣氛都唔錯！適合情侶晚餐，之後再去睇戲本身以為$10蠔優惠要平日先有，book位時特登問吓，原來週末同假期都有做！當晚好似係唔知幾週年，做緊75折優惠！本身都幾鍾意食蠔，但諗住$10隻所以冇太大期望！但出乎意料之外好食同平時一田/ Citysuper買$20-30果d差唔多質素，幾新鮮！好食過buffet 果d多多聲！仲唔一定次次都係同一款！真係物超所值！當然要求高啲嘅朋友仔，可以另外叫指定款嘅生蠔試下！當晚我哋4個人食咗5打，一打都係$120咋！當然，我哋都有另外叫嘢食... 叫左Pizza，意粉，沙津同其他小食，都唔錯嫁！其中個黑松露意飯好好食！當晚真係食到好飽好飽！人平$400左右啦！同普通食西餐價錢差唔多，仲有生蠔食添喎！會再Encore

星期六約媽咪同埋仔仔一齊食晏12點開門午餐由70~120蚊左右叫左兩個set lunch同一個兒童餐有湯有茶仲有自助沙律吧沙律吧有基本沙律菜，仲有醃左既紅菜頭沙律，椰菜花沙律，薯仔沙律，白蘿蔔沙律，印度米沙律另外仲有生果，林明頓蛋糕另外我都叫左半打10蚊蠔 pizza好味兒童餐68蚊咁多野食生果，林明頓蛋糕

食左先講！荃灣野食多不勝數，米線，泰國野，小炒等等，可以話要乜有乜，要揀間好食嘅都吾易稼！ 行到荃新天地1期肚仔有點餓，朋友話想食西餐廳，於是就試左呢間主打推介$10隻蠔嘅 OS plus喇！ $10隻都吾知行不行，於是就叫左半打試下去先喇即叫即開，大約10分鐘到就有得食喇，吾係話好大隻，但係又真係幾新鮮，有海水味，幾鮮甜咼衰鬼雖然有啲就細左啲，但鮮味搶分👍🏻再加多半打！1比0😆👏之後就點左呢個豬手，事關朋友中意食豬手。賣相吾錯，豬手皮好脆，肉質嫩，吾算炸得太過分，配埋個蜜糖芥茉醬之後就到呢個豬肋骨就賣相吾錯，但略嫌燒得過左少少火，肉質較乾同埋吾夠juicy 餐廳環境闊落，坐得都幾舒服，吾會太凍又吾會太熱服務員態度亦ok，適當時候幫忙加水