蠔站 (諾士佛臺)

營業中

休息中

很久沒有去諾士佛台午餐，忽發奇想，想着中午嘗美食，早上book了位，去到像包埸，除侍應我只得我一人。 叫了一客冬䕃公海鲜天使麵($158，但訂座有7折，埋單$126)。冬蔭公香味渗透天使麵，味道不俗，配上3隻蝦，3隻青口，蜆肉及墨魚圈，口感丰富。份量尚可，倘配上一客湯及蒜蓉包更滿足，但会消費逾$200，走前才多了1枱客(2人)。全个午餐時段只得3人。希望餐廳多做點推廣及提供性價比高的午餐吸客，不想它咁快被淘呔。

已經是第n+1次黎呢度開蠔大餐😁以$10一隻既特價蠔作招來，水準絕對來得比自助餐好，夠晒新鮮，每日都係唔同品種，當然要睇下當日既運氣，睇下係邊個品種🤭主食方面，今次我地嗌左軟殼蟹意粉，軟殼蟹都炸得鬆脆，意粉質感都剛好☺️ 另一個主食就嗌左risotto, 用呢個價錢真係無乜挑剔，如果唔係作又點成為到我既半個飯堂呢？整體氣氛唔錯，平日聚會可以黎，但如果紀念日就唔太建議，除非坐高枱，如果唔係同隔離枱既距離唔係好足夠🤗

食左咁多年，今次係最差既，諗住中秋節反傳統帶阿爸阿媽去食生蠔，首先係一坐低果度既同事建議先嚟啲特價生蠔，咁我就叫左兩打，點知今次啲蠔係咁耐以嚟最差既一次，又細又咸又無味，想話叫個刺身食又無，炸魷魚圈又無，唯有叫個pizza加多個意粉啦，之後諗住試下佢地個$398既特選生蠔，初頭諗住佢係特定左邊幾款生蠔，點知個侍應比張紙我叫我自己揀，我以為全部都一樣價錢，其中4隻我加大左所以知道要加錢，點知原來全部都要加錢，到埋單果碟蠔收左我八百蚊，真係食到一肚氣，真係可一不可再

今晚去完食 之後同行兩個朋友一齊肚屙！仲屙左五六次 去到仲要話得一個半鐘時間食野 6點半入座 7點8已經拎張單過黎要我哋埋單 問佢仲可唔可以叫甜品 話心太軟已經唔夠時間 所以淨係叫咗個燉蛋 想叫海膽點知話今日所有海鮮都冇 餐廳既食物都係麻麻哋 個哈密瓜切到好大舊 我哋要另外自己再切 價錢仲要人均800！非常唔底😡😡食到成肚氣👎🏻👎🏻👎🏻👎🏻野食非常唔新鮮！大家真係唔好去食！係咁屙完全冇停過比咁既價錢個半鐘就要走

好耐以前就聽講過蠔站食蠔好抵撞正OR訂位有折就book去試下$199有8國生蠔又有一杯餐白酒,呢個組合好吸引 一入座就ORDER同枱一人一份 另一個賣點係$10長期每日特價精蠔 都嗌了半打試試~~ 上菜(蠔)的速度 一食就知道原因 可能因為訂單太多, 所以生蠔不是即叫即開 食落口覺得是一早開定然後雪起的生蠔 16隻入面有2隻有少少臭, 尚可接受 不幸的係有一隻竟然同$10的生蠔大小差不多 講返$10的蠔真的超細隻, 哈哈~~ 係好平啊, 但係好似我咁叫左$199SET就應該唔洗試$10 食完生蠔當然唔夠飽 再叫了個豬手做完結~ 呢個豬手最有驚喜了 皮脆肉嫩, 連帶配菜薯條都一樣很脆總結呢個餐廳價錢恰當 食生蠔的話適合新手 如果食開即開生蠔的不推薦 食其他野食反而幾抵坐 話哂位於尖沙咀酒吧區 同朋友吹水酒飲不錯

入座嘅時候講咗話8:30交枱 接近8:00開始過嚟收晒我哋枱面嘅嘢 然後8:00同我哋講話埋單 啲蠔都仲未食晒… 坐低嘅時候有staff 跌晒我哋啲餐具落地下 竟然冇換過新直接俾返嗰啲餐具我哋用 仲有食緊前菜嘅時候有個staff 走埋嚟話我個friend唔識食個前菜 之後又有staff 話我地用錯碟食 其實我心諗我哋食飯姐 點食關你咩事？唔建議大家嚟尖沙咀依間分店食

200蚊蠔set有8隻加一杯餐酒 真係抵到爛 仲大大隻添不過有d偏鹹 我個人最喜歡食蘇格蘭蠔 有驚喜 好creamy 食完8隻唔夠喉 仲叫左10蚊蠔食 都唔差再叫左豬手、海鮮pizza, 豬手好正 好脆但pizza就比較失色 $178得6-7吋咁細…D海鮮似急凍海鮮 唔好味呢間食蠔性價比都高,每人360$到不過不失啦

朋友介紹生蠔同牛扒所以黎食首先黎到無招牌上嘅$10生蠔都照食啦叫咗一個蜆肉意粉同埋西冷扒意粉嚟到，蜆肉靭到似橡膠食唔落口西冷扒，賣相已經特別差，嗰堆芥末醬完全倒胃口未見過用呢個方法上菜西冷扒切都切唔開，完全唔係五成熟，質地非常難入口，冇一嚿係吞到落肚，結果食剩一大半埋單時同侍應反映，對方反應係：西冷係咁樣，下次可以食肉眼。我同友人聽到呢句眼都突埋，我哋唔係冇食過西冷，只係冇食過咁難食嘅西冷一定唔會再有下一次

尖沙咀 - 蠔站 係香港食蠔閒閒地食蠔都要幾十蚊一隻，連鎖蠔店做緊優惠$10就食到一隻，咁抵點可以吾試下呀🤤🦪蠔（🌟93.44/100）💲10/隻兩個人都食咗打半，有茄汁和鮮檸檬作為配料，每一隻都有手掌心咁大🖐🏻，但唔算話好肥美，食落勁鮮，海水味極濃郁，小編認為吾點醬反而更食到生蠔本身嘅鮮味🤤而呢個價錢來講不過不失，終於有師傅幫你開埋👍🏻美國USDA CAB西冷牛扒 10安士（🌟95.66/100）💲298本身對佢都冇好大期望，之前食過呢間嘅牛扒，又韌又鞋🙃一嚟到網格紋嘅牛扒，睇落好吸引，今次叫咗五成熟，配料有原個蒜頭、翠玉瓜、薯蓉、粟米，熟度啱啱好，咬落好嫩有肉汁，有少少筋位，越咬牛味越出，沾少少鹽味道會更昇華👍🏻 薯蓉係忌廉薯蓉，好幼滑，忌廉味好香，估唔到配菜都可以做得咁出色🥰炸啤酒薯條（🌟86.99/100）💲58係幼身薯條，可能用啤酒粉漿，外層有別於其他餐廳，每一條都炸到勁酥脆，條條都係直嘅🤣薯仔味好香，外極脆內軟，而且隔好耐食都係脆卜卜🤤依家係openrice 訂位指定時間仲低至7折優惠🤩🗺 蠔站 (諾士佛臺) (尖沙咀)尖沙咀諾士佛臺1號7樓

今日同朋友嚟到尖沙咀呢間蠔站。之前係大角咀已經食過，今次嚟食，水平依然好高。適逢今日係星期二，有個$199「8隻蠔+酒」嘅套餐。剩係食套餐梗係唔夠喉喇。之後再嗌多兩打$10蠔 好滿足咁離開。

當日入座幾乎全餐廳滿座，於是order左兩杯野飲，蠔，西班牙海鮮飯同炸觸餅。野飲同蠔都係正常速度，味道都係正常。唯等左大約一個鐘後海鮮飯同炸蟹餅都未到，詢問店員之下方知海鮮等左一個鐘都尚未溶雪。於是就取消order準備走人。但埋單果陣佢地又照收已經取消左海鮮飯同炸蟹餅，幸好友人眼利一眼就睇到佢地收多錢。睇黎佢地真係好唔憂做呢，有太多時間須要浪費既朋友，強烈推薦試試。

生蠔不嬲都係香港人嘅最愛，係因為佢新鮮甜美，所以唔少人都會成打成打咁食。之前都試過貪平買啲未開既自己開，結果又要買礦泉水又要開餐懞。$10一隻嘅生蠔真係去邊度搵呀？仲要師傅辛苦咁開埋。所以今次同朋友嚟一個嗌咗三打，睇落好似好多，但其實好少，自己一個人都可以食到36隻。$10/隻既生蠔唔大唔細，係值$10嘅。不過都算肥美而且師傅開得好乾淨，冇蠔殼，略帶鹹水味。就算唔加檸檬同埋茄醬，其實就咁啪都可以接受到。當然就咁食生蠔梗係唔夠飽，要叫啲澱粉質墊下肚，所以叫咗呢個黑松露野菌薄餅。佢個餅底係超薄嘅，但就烘得唔係好夠乾脆，野菌味好出但係黑松露就欠奉。德國脆炸鹹豬手因為其實嗰舊骨好大，但係肉似乎就得半隻左右，份量唔算好多。而且我朋友話哥豬手皮仲有豬毛，呢樣要挑剔嘅。同埋唔知係咪氣炸豬手，其實食落一啲都唔油膩，但係個皮就超硬。主角好好調味亦都好啱。如果黎呢一間酒吧淨係食蠔，我都覺得可以！

位於諾士佛臺有間西餐廳, 地點便利, 最吸引之處係生蠔$10/隻 無限量供應, openrice訂座亦有7折優惠是日生蠔來自愛爾蘭, 細細隻有海水味, $10/隻真係好抵食, 我們前後叫了兩打生蠔食. 見隔離枱都叫了三打生蠔香芒牛油果大蝦沙律沙律份量不是太多, 香芒偏酸, 有牛油果大蝦車厘茄 ,配上黑醋 味道都算清新. 如果廚師去埋條蝦腸, 這個沙律就演繹得更好香煎蟹餅蟹餅真是充滿鮮味蟹肉, 不過餅底面煎得不夠香脆, 味道不過不失蠔站至尊薄餅薄餅餅底是現成的, 好彩焗到脆身, 不過配料不是太豐富, 只得芝士, 豬肉腸, 辣肉腸&車厘茄脆炸德國咸豬手配蜜糖芥末籽醬德國豬手上菜時已砌好, 炸到非常脆皮, 肉質嫩口, 不乾身, 味道不是太鹹. 另有薯角. 如多人食這個都是好選擇西班牙海鮮飯海鮮有香煎大蝦, 青口, 蜆, 燴飯個汁充滿海鮮味道

係蠔友嘅真係要試下🤪環境又chill氣氛又好 service都唔錯 上蠔時會逐隻介紹番邊個產地🏳️‍🌈main dish有啲都好高汁！食得豪爽嘅話可以試到啲高質靚肉食哦🤪。。。🦔👉精選生蠔 $10/1話說朋友有話咩食蠔有規則 要順次序食咁🤣最後大家都係求其食 好型咁每隻插咗唔同產地嘅flag 雖然介紹完都係唔知食緊咩🤣總之每隻都好新鮮 微微海水味嘅fresh 重點係好大嚿🤩呢個價錢食真係性價比極高！ 。。。🦔👉冬蔭公海鮮扁意粉 $128呢個意粉真係大推💕我地4個frd子個個吃貨叫完唔夠喉 最後仲黎多碟🤣冬蔭公味真係濃得黎唔突兀 又好入味👍完全係feel到泰式風味嗰種 sauce沾滿每一條扁意粉 收汁又收到剛剛好 海鮮青口、大蝦嗰啲唔洗講一定新鮮啦🤪。。。🦔👉蜜糖蒜香燒美國豬肋骨 $248又係另一道令人幸福嘅dish😚本身諗住試啲高質靚牛扒 但4個人分真係掹車邊🤭都係呢啲大大份嘅豬肋骨易分啲又食得開心啲kekee 肉質唔柴又好入味 非常易切 重點係唔多肥肉我食得好enjoy 側邊嘅薯角又係加分😋啱哂我呢啲薯友黎解膩。。。🦔👉四式芝士薄餅 $168不過不失嘅薄餅 餅底幾脆口 幾香芝士味 但我

見到有$10一隻蠔好抵，當然要去試吓。首先叫咗10隻，我同朋友兩個人食，好快就食晒，而且味道好鮮，好好食。雖然好平，但係好高質，推介所有人必食。然後叫咗西冷同蜆肉意粉，再叫咗巴拿馬火腿蜜瓜，三樣食物都好好食，西蘭完全唔會人，好友牛肉味。另外蜆肉意粉都好香。巴拿馬火腿同蜜瓜超㗎，推介。d蠔食完之後回想返尋味，所以叫多咗10隻。整體來講成餐飯都滿足。而且環境都唔錯，推介其他人嚟食咁抵嘅生蠔。下次會再黎