蟹仙華舫

「尊貴海鮮套餐」：嘩！成枱擺到滿一滿，睇見都興奮！有機蔬菜盤：食咁多海鮮都要平衡下，啲菜翠綠爽甜，索晒啲海鮮精華甜到不得了。加拿大海底蝦：大大隻，蒸完蝦殼紅噹噹，蝦肉結實彈牙，鮮味係咁標出嚟。大西洋活青口：隻隻都咁肥美，一啖一隻，海水味好濃，又唔會有一絲沙，正！韓國釜山鰻魚：魚肉肥美又唔腥，皮層充滿膠質，蒸完油香四溢，滑溜到呢～秘製南非乾鮑：哇，呢個係重頭戲！鮑魚本身已經好厚身，加上秘製醬汁咁一蒸，入味之餘又保持到溏心嘅口感，咬落去軟糯彈牙，個鮑魚味濃到化唔開！澳洲青年龍蝦（半隻）：雖然係「青年」，但都好多肉！鉗肉有成隻匙羹咁大，啖啖肉鮮甜到爆炸，龍蝦膏嘅濃香仲係個口入面迴盪緊。黃金翡翠螺：個名改得啱，真係好似翡翠咁綠！用牙籤「吱」一聲拮出嚟，口感煙韌又爽脆，鮮味十足！韓國大元貝：真係「大」元貝！貝柱厚肉，裙邊爽口，蒸完之後佢自己流出嚟嘅汁水就係最天然嘅調味，鮮甜到不得了！罕有大黃電蟹（半隻） 同 韓國珍珠蠔：蟹肉飽滿鮮甜，蠔身脹卜卜，蒸完都唔會縮水，一啖食落去，海洋嘅味道瞬間爆發！「椰汁燉雪燕」：食完咁多重口味嘅海鮮，呢個甜品嚟得啱啱好！椰香好清甜，雪燕滑溜溜，滋潤又解膩，成個口都充滿香氣，完美作結！總而言之，成餐飯就係一個「鮮」字行頭，由淡食到濃，每一啖都係海洋嘅精華，滿足到癲啊！…查看更多

🌟蟹仙海鮮蒸氣石碢🌟嘅鯉魚門分店，位於🚢三家村碼頭，維港靚景🌇及鯉魚門漁港🚤景色，一覽無遺😍！🌊尊貴海鮮套餐 五折 $449/位套餐包含多款來自環球嘅時令海鮮，有唔少仲係野生，特別鮮美！🇵🇭罕有菲律賓野生藻食綠膏蟹以藻類為主食嘅蟹，蟹膏呈黃綠色，極為罕有，蟹膏入口軟滑，先甘後甜！蟹肉鮮甜味十分突出，果然係野生貨！🇰🇷韓國釜山野生鰻魚肥嫩嘅野生鰻魚，帶魚油嘅香氣！🇦🇺澳洲青年龍蝦爆膏嘅澳洲龍蝦，啖啖滋味！🇿🇦秘製原隻南非乾鮑以蠔油炆製，軟腍入味！🌎大西洋野生青口肉質水嫩！🇨🇦加拿大野生海虎蝦蝦肉爽身鮮甜！🇰🇷韓國釜山蠔蒸到脹卜卜，好飽滿！🐚黃金翡翠螺爽口之中滲出清甜味！🇰🇷蟹皇大元貝加入店家秘製嘅蟹皇醬，滋味十足！🥬有機蔬菜籃採用有機蔬菜，好吃又健康！♨️粥底 ＋$15/位將咁多款海鮮嘅精華，濃縮成為呢一碗粥，不得了！🥥糖水奉送椰汁燉雪燕，清甜涼快！…查看更多

鯉魚門向來出名食海鮮🦞見到呢間出名食蒸氣海鮮粥底，當然要入黎試下！店員強調我哋負責食就可以 絕對唔需要親自烹調煮海鮮🦞我同友人點了一個尊貴海鮮套餐基本上好多都係飛機貨，所以真係好新鮮架～加拿大海虎蝦蝦頭有甘甜的蝦膏！蝦肉亦非常彈牙！不用蘸任何醬汁也食得出其鮮味！大西洋活青口青口夾住啲海藻，店員表示這才是即撈新鮮青口！吃下去好清甜！韓國釜山鰻魚新鮮由韓國🇰🇷空運過來的鰻魚，蒸熟後可以蘸wasabi及豉油一起吃，更有提鮮作用！有少量魚骨刺 享用時要更小心啦～秘製南非乾鮑店員會係廚房煮熟後，再給客人享用乾鮑肉質結實，很新鮮，配上冬菇一起吃，十分美味！野生琵琶龍蝦平時波士頓龍蝦🦞食得多，呢款外形獨特的龍蝦🦞真係第1次見，表面有毛毛的質感，肉質彈牙新鮮～韓國大元貝表面放上蟹黃醬，店員強調不用蘸任何醬汁，便可以吃得出其鮮味！元貝肉質亦很新鮮，拌上蟹黃醬一起吃，鮮味更十足！黃金翡翠螺螺肉大隻彈牙！餐廳仲會提供一隻小叉方便食客進食，反而好多酒店🏨buffet都未必有呢個服務～罕有大黃奄蟹超多橙黃色蟹膏，味道亦很甘甜，蟹肉無庸置疑亦很新鮮啦～～韓國珍珠蠔有好多蠔水，千萬不要倒左佢，精華黎架！蠔🦪肉當然係肥美飽滿啦！有機蔬菜🥬籃粟米🌽清甜！生菜🥬娃娃菜亦很新鮮！海鮮粥底呢個壓軸登場啦～將前面咁多樣海鮮🦞嘅精華放晒個粥底配上菜脯+豬骨+蔥花+粟米🌽粒吃落去除左可以清腸胃之餘，仲食到好多海鮮🦞嘅精華！椰汁🥥燉雪燕濃郁嘅椰汁，再將雪燕拌勻，甜度亦剛剛好，為這頓飯畫上完美句號！…查看更多

蒸氣石鍋海鮮盛宴真係鮮到彈牙！加拿大海虎蝦肉質爽甜，澳洲龍蝦鉗肉飽滿帶海水鹹香。韓國珍珠蠔一咬爆汁，大黃膏蟹嘅蟹膏甘香濃郁，撈粥底食簡直係靈魂所在。釜山鰻魚皮脆肉嫩，南非乾鮑炆得軟糯入味，翡翠螺啜出黎嘅螺肉鮮味十足。最正係個粥底，吸盡所有海鮮精華，每啖都係海洋嘅濃縮滋味！最後嘆碗椰汁燉雪燕，清甜椰香中和返海鮮嘅濃郁，滑溜口感為呢餐畫上完美句號。成個過程由淡到濃，層次分明，鮮味係口腔徘徊成日都唔散！…查看更多

同朋友去咗鯉魚門搵食，係門口見到好多明星嚟幫襯，一定唔錯，要試試先，入內待應安排坐窗門位置，好正，中午又有靚景睇，可以打下卡，一流，冷氣夠食蒸蒸蒸啱晒，先點海鮮，海鮮套餐，有加拿大海虎蝦，勁鮮甜不用點醬，多膏，讚！青口同埋釜山嚟既鰻魚，好特別，蒸既時間啱啱好，肉質好Q彈，秘製南非鮑魚，大大隻既味道夠鮮甜，有嚼頭口感夠實，澳洲龍蝦，唔會腥，肉多又有膏又甜，大元貝同聖子都好美味，慢慢食，傾下講下，啱晒同朋友嚟食，最後仲有韓國珍珠蠔同埋大黃奄蟹，蠔好大隻好飽滿，蟹肉又好多，鮮甜滿足！重頭戲係個粥底，勁鮮味，整體好滿意！會再來！…查看更多

終於都唔落雨，見咁好天梗係要出動去食好嘢，朋友提議不如去鯉魚門食海鮮，我哋就上網周圍搵吓邊度有好嘢食。搵吓搵吓就搵到嚟蟹仙華舫。一入到嚟環境對住過海非常舒服，而且坐嘅位置都好寬敞，我哋叫咗個尊貴海鮮套餐，就可以每樣海鮮都品嚐到，先黎食加拿大野山海虎蝦，職員叫我哋試吓唔好配任何醬料食，果然新鮮彈牙嗰種甜非常正，跟住就係韓國釜山鰻魚，啖啖肉之餘係食到好鮮甜嘅鰻魚味，我好鍾意呢種厚厚嘅魚，跟住就係韓國釜山大大隻嘅生蠔鮮甜味味，再嚟就係青口同蟹黃大元貝，同埋都係好味無法形容，跟住就嚟我最期待嘅太平洋饅頭蟹、澳洲青年龍蝦，其實我真係第一次食喺我面前即蒸即食嘅龍蝦，原來肉質係可以咁鮮嫩，饅頭蟹都係我第一次品嚐蟹膏好香濃蟹肉鮮甜，最後鍋面在蒸少量蔬菜，食完個鍋底係會有個粥底喺度，都想像到其實上面蒸嘅海鮮鮮味都會落咗個粥底度，簡直鮮甜美味。…查看更多

在鯉魚門三家村碼頭，有間叫「蟹仙華舫」的餐廳，主打蒸汽海鮮鍋，餐廳環境非常舒適，坐在海邊非常舒服，而且服務亦相當出色，服務員熱情友善，每道菜都講解得好清楚。這次我同朋友一齊去試下，真係唔錯。首先，菲律賓奄仔蟹味道鮮美，肉質嫩滑，蒸得剛剛好，配上少少醬油，味道更加突出。接著係韓國釜山野生鰻魚，肉質緊實，帶有淡淡的海味，吃起來非常過癮。然後野生琵琶龍蝦，肉質彈牙，蝦膏香濃。南非乾鮑配上花菇，鮑魚的味道清淡，口感滑嫩，花菇的香氣更令整道菜增添一層風味，非常合拍。太平洋野生青口更係唔可以錯過，外殼厚實，肉質飽滿。加拿大海虎蝦的肉質鮮甜，口感上佳，搭配秘制蟹皇醬元貝，味道更加層次豐富。釜山蠔新鮮肥美，淡淡的海水味令人回味無窮。黃金翡翠螺則是另一個驚喜，口感爽脆，配上香蒜醬，簡直完美。餐廳有有機蔬菜籃，配合埋鮮甜嘅粥底，正呀！最後，雪燕椰汁糖水作為甜品，清爽又不會太膩，完美地為這頓美食畫上句號。總體而言，「蟹仙華舫」的海鮮新鮮美味，環境宜人，服務一流，真係一個不錯的選擇，值得一試！…查看更多

舊同學聚會，去咗鯉魚門蟹仙華舫食海鮮，餐廳設有海景雅座，提供不同類型的海鮮套餐，海鮮是以當天新鮮運到的提供，所以套餐的海鮮會有啲唔同。海鮮是用蒸的烹調方法，可以保持海鮮原汁原味。尊貴海鮮套餐**時令海鮮會因應當日空到港為準**秘製原隻南非乾鮑 :鮑魚入味有口感。加拿大野生海虎蝦口感緊實且鮮美。黃金翡翠螺肉質肥厚，爽口彈牙。韓國釜山蠔鮮甜、清爽且無腥味。大西洋野生青口的味道鮮甜且富有海水味，肉質嫩滑且飽滿。蟹皇大元貝鮮甜且彈牙，帶有濃郁的海鮮鮮味，因為加入了蟹皇，整體鮮味更加奢華和豐富。韓國釜山野生鰻魚：鮮嫩彈牙，油脂甘香。大黃奄蟹半隻：味道甘香鮮美，蟹膏豐腴且口感細膩柔滑，蟹肉嫩甜彈。野生琵琶龍蝦肉質鮮甜爽口，味道類似龍蝦，且鮮味突。有機蔬菜籃味道清新自然，帶有蔬菜本身的甘甜與鮮美，且口感嫩脆。食完海鮮就粥底, 蒸海鮮嘅精華漏落粥底, 再加入了鹹豬肉、芋粒、粟米、菜脯和蔥花, 粥底綿滑, 鮮味十足。奉送甜品：椰汁雪燕椰香濃郁、甜度適中。…查看更多

嚟鯉魚門食海鮮，真係可以寫篇遊記，因為成套體驗都好舒服。短短地嘅車程，去咗個氣氛好似離島嘅地方。雖然海邊嘅空間對比起西貢、南丫島唔算話好大，但就好 chill，可以輕輕鬆鬆散步，有啲人會喺度釣魚，而且海景好開揚，令心情好好。一直好擔心喺香港食海鮮會俾人劏，驚「時價」呢兩個字，又驚埋單先發現有隱藏收費。跟喺鯉魚門附近住嘅朋友嚟咗呢間——套餐價，冇隱藏收費。去到發覺幾枱食客同店員好熟，本身都驚係咪要識人先有靚嘢食，但後尾發覺原來店員對我哋呢啲生面口嘅生客都係好 nice，同埋海鮮都一樣係咁靚。啲客同店員熟，應該因為店員真係好親切，好似同街坊、同朋友咁傾偈。如果人多，真係好建議早啲啲 book 定枱，因為頭先講嗰個靚景，餐廳有兩張大枱係食到正——可以一路食一路睇日落。而如果少人，或者冇 book 枱，都冇話蝕底，因為佢係有個海邊嘅 outdoor 地方，可以飽覽靚景。呢個位都幾細心，因為一大班人食飯，總可能有人有吸煙習慣，都算方便煙民朋友；或者唔食煙，拎支啤酒睇日落都同樣 chill。我哋嗌咗相對平嘅套餐，$449/位，但係都好豐富，用料好靚。聽店員介紹會感覺到佢哋對自己出品唔 hard sell，但好有信心。每樣海鮮都有來歷，唻自世界各地，套餐入面係冇用嚟湊數嘅 item，而且係冇任何一樣 item 你會覺得佢失手。蟹、鮑魚、龍蝦呢啲貴 item 靚就好合理，但佢哋係連最後個甜品都用好重料嘅椰汁雪燕。最普通嘅蝦都有名堂，我都係第一次知，原來野生嘅蝦海水味濃咁多、又鮮咁多，同平時食嘅蝦完全兩回事。元貝上面仲鋪滿蟹膏。我比較少喺海鮮檔食海鮮，之前喺南丫島食過平民少少嘅，有蝦、有魷魚、有扇貝、有炒飯，三百幾一個人，已經覺得好值得。今餐連加一 $541/位，但豪華程度就上咗另一個層次，仲係純粹係蒸，連豉油調味都唔使嘅質素，真係覺得好值得。好希望呢啲有心做嘅餐廳可以做得住。(所有圖片為原圖，請重新審閱）…查看更多

好耐冇入鯉魚門，第一次試呢間蟹仙華舫～餐廳晚上都好旺場 staff好服務 用心介紹海鮮🦞見到都有好多常客🧐 我地兩個叫左🏷️尊貴海鮮套餐 $449/位, staff話每日都係飛機貨，保證每樣食材絕對新鮮! 餐廳仲有個加分位，可以邊食飯邊睇靚海景！💯加拿大海虎蝦蝦肉肉質新鮮彈牙！ 蝦頭更有鮮甜的橙蝦膏！不會有任何苦澀味~店員建議不用蘸任何醬汁，才食得出海鮮的鮮味.大西洋活青口表面放上蟹黃醬，記得不用蘸醬汁直接享用便可！咁岩食到一隻青口夾住海藻，店員表示咁先係新鮮捕獲青口！ 吃下去猶如置身大西洋添呀~.韓國釜山鰻魚由韓國🇰🇷空運過來的鰻魚，店員建設蒸熟後可以蘸wasabi & 豉油調味，有提鮮作用！ 不過或者會有少量魚骨，食用時要稍為留神啦～秘製南非乾鮑呢個廚房即製乾鮑, 一上檯便可享用乾鮑肉質紮實, 炊汁濃稠, 再配上鮮北菇一起吃, 鮮味十足!野生琵琶龍蝦平時聽波士頓龍蝦🦞就聽得多，呢款身形獨特既龍蝦🦞絕對係大開眼界，表面有毛毛的質感，肉質特別鮮甜，仲有微微的甘甜龍蝦膏~大元貝放上蟹黃醬，店員再次強調不用蘸任何醬汁，否則只會糟塌元貝鮮味！肉質無庸置疑絕對新鮮，拌上蟹黃醬一起吃，令鮮味更上一層樓！黃金翡翠螺餐廳好貼心會提供一隻小叉方便食客進食，螺肉超級彈牙，亦不需要蘸醬汁即可享用!.罕有大黃奄蟹海量的橙黃色蟹膏，吃下去非常鮮甜，不會任何怪異味~肉質當然係新鮮啦~韓國珍珠蠔有好多蠔水，店員強調千奇唔好倒左佢，係蠔既精華黎架！蠔🦪肉肥美飽滿，亦唔會有腥臭味~.有機蔬菜🥬籃生菜🥬娃娃菜翠綠新鮮！粟米🌽清甜！呢個可能稍為清淡左D，就真係可以蘸醬汁啦~.海鮮粥底將前面咁多樣海鮮🦞嘅精華慢慢咁滲透入個粥底裡再配上菜脯 & 蔥花等配菜, 吃下去有D口感~每一口粥都食到好多海鮮🦞嘅精華！竹蔗茅根水絕對透心涼之選！喝下去有濃郁的竹蔗味，在這個炎炎夏日下，尤其涼快！椰汁🥥燉雪燕椰汁超濃郁，再將大量雪燕拌勻，甜度剛剛好，亦為這頓飯畫上完美句號！…查看更多

今次同朋友去鯉魚門玩，日落超級靚，呢間餐廳仲可以出去同日落打卡🌄試咗個「尊貴海鮮套餐」（$449/位），逐樣同大家解剖下！ 大黃奄蟹：成隻手掌咁大，蟹蓋爆膏！金黃色嘅蟹膏濃到似流沙包咁，蟹肉鮮甜得嚟帶淡淡海水味，啜晒d汁先捨得食肉🦀野生琵琶龍蝦：唔同普通龍蝦，肉質超彈牙，蝦尾肉一梳梳咁起出嚟，超級鮮味，可以連豉油都唔洗蘸🦞秘製南非乾鮑：淋得嚟有咬口，中間微微溏心，醬汁入味！加拿大海虎蝦：蝦肉爽脆，蝦頭爆膏，記得啜埋個蝦頭🤭韓國釜山鰻魚：皮蒸到微微起膠，魚肉一瓣瓣咁，油香超濃但完全唔腥，蘸少少wasabi鼓油，味道更上一層樓💚韓國大元貝：貝柱厚過五蚊銀，蒸完唔縮水，咬落去爆鮮甜汁液，大元貝仲要配埋用蟹膏自家製醬汁，食到舔舔脷👅黃金翡翠螺：螺肉大粒到凸出殼，用牙籤一挑就成舊出嚟，爽口得嚟帶少少韌勁，海水味超濃🌊韓國珍珠蠔：蠔肚飽滿到瀉，勁鮮甜，完全冇金屬味🦪因為當天冇青口，所以轉左蟶子俾我哋：蟶子超級鮮味，蘸少少蒜蓉豉油完美😍海鮮粥底：吸晒成鍋海鮮精華，粥底綿滑，裡面仲有蟹肉絲同蝦油香，我忍唔住食左三碗🙂‍↕️有機蔬菜籃：蔬菜新鮮，吸少少海鮮汁已經好夠味🥬椰汁燉雪燕：最後仲有甜品作結，椰香清甜唔膩，雪燕有咬口😍總結：每樣海鮮都睇得到店舖海鮮係超級新鮮，店員蒸嘅時間拿捏準確，$449呢個質素真心抵！…查看更多

今次嚟鯉魚門試咗間主打蒸海鮮嘅餐廳叫咗佢哋嘅尊貴海鮮套餐（$449/位），成枱都係靚料，成個蒸籠一打開香氣撲鼻，好誇張！💥🦀 罕有大黃奄蟹～蟹膏超香超多，蟹肉仲好嫩滑，啖啖都係精華！🦞 野生琵琶龍蝦～肉質彈牙又爽口，夠曬鮮甜～絕對係打卡之選📸🐚 秘製南非乾鮑～煙韌中帶濃郁鮑味，越咬越香，超有層次！🦐 加拿大海虎蝦～蝦身厚肉彈手，入口爆汁，好鮮！🐍 韓國釜山鰻魚～脂香四溢，入口即溶，好少喺蒸海鮮見到鰻魚，好驚喜！🦪 韓國珍珠蠔 + 大西洋活青口～蠔大粒肥美，青口冇腥味，蒸完仲保留咗海水鮮味🌊🐚 黃金翡翠螺～爽口彈牙，味道唔錯，幾特別～🦪 韓國大元貝～肉厚又鮮，蒸完唔會縮水！🍲 海鮮粥底～精華所在！食完咁多海鮮，滴滴鮮味落晒粥底，飲一啖真係暖心又暖胃～🥬 有機蔬菜籃～平衡返，有菜有鮮，夠晒健康～🥥 椰汁燉雪燕～超滑口，椰香濃郁，完美收尾！💬 總結：食材夠罕有又夠新鮮，全部即蒸即食，味道原汁原味～成餐食到好幸福，鐘意食海鮮嘅你一定唔可以錯過！推介指數：⭐️⭐️⭐️⭐️⭐️…查看更多

今日食嘅呢個係 $449 一位嘅海鮮餐。首先介紹嘅係——完全冇半點用嘅調味料。因為食嘅過程之中，聽得最多就係店員會叫你唔好點任何調味料。幾乎每樣海鮮都係清蒸、零調味咁食，因為味道本身已經好濃郁。值得提嘅係，店員會幫你計埋時間蒸埋，再逐樣介紹食物嘅來歷。成個體驗就係：好好服務、又好豐富、又好好食，有種開眼界嘅感覺。🐚 秘製南非乾鮑南非鮑魚係目前市面上乾鮑最高端產地之一，口感濃郁、膠質重。炆過嘅乾鮑口感煙靭，花膠同冬菇香味濃郁，果然係頂級乾鮑。🦐 加拿大海虎蝦海虎蝦體型大，蝦殼有虎紋，蝦肉爽彈鮮甜。來自加拿大嘅海虎蝦一般捕撈得好新鮮，加上來自冷水海域，肉質更緊實。雖然比起藍鑽蝦或日本車蝦未至於極致奢華，但比起泰國白蝦／越南草蝦就高一級，屬於中高檔蝦類。🐍 韓國釜山鰻魚釜山係韓國出名嘅鰻魚產地之一，有海鰻亦有淡水鰻，脂肪分布靚。相比起一般中國或越南養殖鰻，韓國鰻魚會更厚肉、更滑口、更少泥味。用新鮮即蒸手法真係最好，係鰻魚中屬高級。🐚 黃金翡翠螺有啲人唔鍾意食螺肉，係因為覺得有少少苦味同腥味；亦因此，點解通常花螺、東風螺會拎去辣酒煮。好少螺可以好似呢隻咁，清蒸後依然大隻又鮮甜。翡翠螺平時唔常見，黃金翡翠螺更加少，肉質爽脆，相比一般花螺、東風螺貴價得多。🦪 韓國珍珠蠔珍珠蠔多數係專門養殖嚟生食／即蒸，比起普通太平洋蠔更飽滿。韓國蠔天然環境好，冇咁多雜味，味道清爽帶甜，少少 creamy。同行嘅朋友啱啱去完盛產生蠔嘅廣島，甚至話比起佢喺廣島當地食到嘅蒸蠔好食。睇嚟每日空運到港嘅海鮮，真係唔係浪得虛名。🦪 韓國大元貝韓國出品嘅元貝高於中國、東南亞出品，多數肉厚飽滿，新鮮、厚肉、冇雪藏味。更上一層樓嘅係，餐廳仲將佢鋪滿蟹膏，奢華感 max。🦪 大西洋活青口青口本身唔算高級食材，但地區來源同新鮮度會令青口質素有差異。大西洋產地嘅青口通常比紐西蘭／亞洲青口味道更濃，肉質更大粒。呢粒青口非常飽滿、有光澤，食得出新鮮，冇雪藏味。用蒸氣即蒸處理，即使青口本身喺呢個豪華嘅海鮮餐之中只算中檔食材，都非常出色。🦞 野生琵琶龍蝦琵琶龍蝦身體闊扁，外貌特別啲，肉質完全稱得上晶瑩通透。野生版比養殖更稀有，味道更濃鮮，蝦肉緊緻、天然鮮甜，有爆汁感。雖然唔及波士頓龍蝦名氣咁大，但以口感計，就更勝一籌。喺整個食材之中，高級之餘又有特色。🦀 罕有大黃奄仔蟹奄仔蟹本身已經係膏多肉滑嘅代表，而「大黃」代表蟹黃極豐富。若果係即捉即蒸，唔單止稀有，味道濃郁到好似食緊蟹膏醬。店員介紹，奄仔蟹係指尚未交配的蟹，又名「處女蟹」。食落蟹膏係軟滑嘅，呈流沙奶黃狀，味道甘香；而肉質亦唔同，一梳梳，食得出係嫩啲、鮮甜啲。係呢個 set 入面嘅 highlight，一定唔可以錯過。聽店員提起，由於餐廳老細本身從事環球海鮮生意，所以餐廳先可以搜羅各地靚海鮮。食完海鮮之後嘅菜同粥底火鍋，都好體現到餐廳細心嘅地方。作為一個海鮮 set，用各式蔬菜埋尾，balance 得好好。而粥亦係一擔心機，本身已經落咗雞肉、芋頭、菜甫等調味，加埋頭先蒸過嘅海鮮嘅肉汁，味道極之鮮甜。最後因為我哋用轉數快埋單，餐廳送多個椰汁雪燕。食完海鮮食呢個凍冰冰嘅糖水，好清爽。難怪餐廳咁多熟客，$449 呢個價唔貴，又有服務式體驗，而且原來食材夠新鮮同靚，真係清蒸無調味都可以咁好食。…查看更多

收工帶丫媽去鯉魚門食咗餐海鮮餐慶祝我加人工, 而為咗幫我慳荷包, 佢特意BOOK咗呢間「蟹仙華舫」。餐廳環境闊落, 仲可以欣賞日落海景, 夠哂chill。供應多個海鮮套餐, 明碼實價, 唔洗挨海鮮價, 人頭收費, 人少少都可以食到多款海鮮, 而且以「蒸煮」為主, 吃出原汁原味。我地揀咗最平果款「尊貴海鮮套餐」, 其中有自選款式, 不過餐廳都會因應當日海鮮供貨量而定, 可說是可遇不可求。全程由侍應協助蒸煮, 爐更設有計時器, 唔擔心蒸過龍。虎蝦: 幾大隻爽口。韓國釜山鰻魚: 跟薑絲一齊蒸, 鰻魚冇腥味, 肉質林滑, 不過骨比較多, 食嘅時候要小心。秘製原隻南非乾鮑: 套餐中唯一唔係蒸嘅海鮮, 鮑魚經炆煮, 好實肉。翡翠螺: 唔會太硬, 微爽帶點鮮味。釜山蠔: 蠔肉飽滿, 清甜多汁, 食到蠔本身獨有鮮味。蟹皇大元貝: on top加咗自家炒蟹膏做調味, 元貝蒸得剛剛好, keep到鮮甜肉汁, 再加上調味蟹膏, 鮮甜味double up。大西洋野生青口: 鮮甜多汁, 有好重海水味。野生琵琶龍蝦: 琵琶龍蝦帶有些少甘甜蝦膏, 肉質嫩口爽滑, 滲出淡淡鮮甜。大黃奄蟹: 是日供應青蟹, 泥黃色蟹膏甘香鮮甜, 蟹肉鮮嫩, 能拆出梳梳蟹肉, 鮮味無窮, 令人回味!!!蔬菜籃: 粟米、娃娃菜、生菜 蒸煮時雖沒有額外調味, 但已經好清甜。最後再食埋粥底, 將之前蒸海鮮迫出嘅鮮味精華漏落粥底, 加入了鹹豬肉、粟米、菜脯, 粥底錦密又不失層次, 啖啖鮮味, 每人大概有兩個飯碗份量, 夠哂飽肚。最後送上椰汁雪燕, 很有椰香味, 唔會太甜。…查看更多

食海鮮第一時間諗起鯉魚門，而蒸海鮮睇得出餐廳對自己本身食材有一定信心😍海景加埋新鮮海鮮南非紅寶石孔雀鮑魚二人套餐龍蝦鮑魚蟹蝦生蠔元貝樣樣有齊，一共十三款食物，岩晒貪心為食既我地。食海鮮由淡至濃食起，店員細心咁幫我地處理，令我地可以好好享受食物。加拿大野生虎蝦大隻彈牙，蝦頭有好香蝦膏味👍🏻第一次食釜山鰻魚，肉質厚實彈牙，點wasabi 豉油，又幾夾喎🍻之後一次過食幾款唔同既甲殼類，青口，刀貝蚌，蟹黃大元貝，每樣都食得出新鮮甜味🥰重頭戲就係個孔雀鮑魚同蟹，鮑魚係超級大隻！店員好細心切片，爽口彈牙，完全唔需要點調味料😋膏仔蟹樣非常多膏，蟹肉係一梳梳。最後食埋雞件同牛肉，再煮埋個粥底，用一碗海鮮粥完美咁收尾💯…查看更多