蝦魂

營業中

休息中

朋友介紹話呢間係寶琳嘅🦐拉麵店好好食，就算遠d都好值得入去食下！果然無錯！🔹️蝦紅湯拉麵 $108呢度嘅蝦紅湯底真心好食，食得出用左好多蝦去淆🦐🦐🦐，係餐廳匠心之作，完全冇味精，食完唔會口渴，麵條彈牙都幾掛汁，拉麵嘅幾隻蝦都好新鮮，仲有大量櫻花蝦，同埋流心蛋，喺香港好少食到咁好蝦湯拉麵，大讚❗️我加咗$3 要個辣蝦醬，用來點麵都幾惹味。🔹️虎蝦乾海味炊飯 $108用咗北海道米，落咗好多乾貝和花菇，令啲飯充滿海鮮味😍，配咗大條虎蝦乾，仲有幾塊好滑的慢煮雞胸！整體黎講好滿意。🔹️自家製阿根廷紅蝦雞肉餃子 $48喺碟與眾不同嘅餃子😍，每粒都用咗原隻大紅蝦，加埋免治雞肉包出嚟，超級足料，極滋味，差唔多枱枱都叫來食😍🔹️花雕酒漬新鮮鮑魚 $32鮑魚個size都ok，爽口彈牙，幾有花雕酒，唔錯！

將軍澳寶琳新開的拉麵店, 要來試一試 食物 : 蝦紅湯拉麵 $108 - 店名是蝦魂, 應該是以蝦為主題, 不過試落個湯需然好濃, 但唔夠蘇甜味, 有D偏咸, 4隻蝦都唔係好大隻, 麵底唔錯 廣島蠔X煙薰豬腩肉鯛魚蠔湯拉麵 $98 - 個人覺得蠔湯比蝦湯鮮甜, 成碗湯可以飲晒, 蠔肉都鮮甜好食, 但塊豬腩肉其實是煙肉, 食落同碗麵唔係好夾 自家製阿根廷紅蝦雞肉餃子3隻 $48 - 餃子食落口感麻麻, 餃子皮有D韌環境 : 餐廳是日式木系裝修, 明亮舒服乾淨, 有熱水供應 服務 : 職員有禮貌主動 價錢 : HK$254 (無加一服務費)

宜家除咗雞白湯流行，蝦紅湯都多咗好多拉麵店做。今日嚟呢間蝦魂，新開一個月到，有齊雞白湯同蝦紅湯兩款之外，仲有醬油牛骨清湯同鯛魚牡蠣湯，唯獨係無坊間最多嘅豚骨拉麵。叫得蝦魂，主打一定係蝦拉麵，蝦紅湯拉麵湯底有濃濃嘅蝦味，仲有櫻花蝦，蝦頭膏增鮮，配料有紫菜、半隻味玉、木耳，同埋四隻去殼基圍蝦。成碗麵都係蝦味。想食辣可加$3蚊要個自家製辣蝦醬，連埋麵一齊食就夠曬惹味。另外叫咗客阿根廷紅蝦雞肉餃子，入面有一隻蝦同埋免治雞肉。襯返個蝦湯一齊食，愛蝦人仕必試。

新都城最近開咗間拉麵店🍜主打冇味精嘅拉麵🍜食得健康又放心😌ღ 澳洲頂級肉眼醬油牛骨清湯拉麵 $98湯底清澈香濃，用牛肋骨慢火熬製24小時，入口鮮甜帶油脂香，肉眼肉質細嫩柔軟，拉麵幼身彈牙，食到舔舔脷😋ღ 鯛魚X牡蠣湯拉麵 $98面頭有啲蛋白打成嘅泡沬，鯛魚湯濃醇鮮香🤤蠔肉飽滿😍啖啖肉好juicy，仲有煙燻豬腩肉，再加上鹹鮮三文魚籽同柚子醬，食落更有層次ღ自家製阿根廷紅蝦雞肉餃子 $48餃子皮包住阿根廷紅蝦同雞肉，入口juicy有口感，必點呀😋ღ雞湯浸豆苗 $20豆苗鮮嫩翠綠，索晒雞湯精華，清甜美味

👧🏻😋👅🍽✨寶琳人必試靚湯拉麵😎-蝦魂🇭🇰 將軍澳寶琳運亨路1號新都城中心一期2樓241, 250&251號舖 🇭🇰-🍜 湯頭真心高質! 呢個價錢係寶琳唔算好抵, 但用料上乘都值得街坊試試佢! 係新都城一期當眼位置, 除左吧枱, 其他位置開放式, 配合鋪頭間隔都好開揚🍜 餐牌主要有幾款招牌拉麵, 小食同海鮮每日款式不同, 可係QR code睇返當日款式-🦐 蝦紅湯拉麵 $108💯用左龍蝦, 虎蝦, 阿根廷紅蝦, 日本櫻花蝦, 先焗後炒, 煮, 熬, 將食材鮮味發揮得淋漓盡致, 每日新鮮熬製, 最最最欣賞湯底上仲加左自製蝦油醬好香! 餐廳叫蝦魂真係冇改錯名! 💡 -🥩澳洲頂級肉眼醬油牛骨清湯拉麵 $98✨用牛肋骨24小時慢煮, 湯底加入昆布醬油, 除左大大塊頂級肉眼, 仲有野菌絲, 湯底同配料都香甜甘醇-🥟自家製阿根廷紅蝦雞肉餃子 $48💯新鮮紅蝦包係鮮甜雞肉同軟滑餃子皮入面, 香煎底部有少少冰花餃子既效果, 面頭再灑上櫻花蝦乾, 鮮甜中帶點鹹香-🥬雞湯浸豆苗 $20✨雞白湯係另一款招牌拉麵湯底, 叫個菜平平地可以試埋幾正! 用來煮菜當然冇另外兩個拉麵湯底咁濃郁, 但都好鮮甜, 豆苗都

🍜喜歡吃拉麵嗎❓今次食左呢間拉麵真係唔錯播👍d蝦味濃到不得了✅湯底用原材料熬製🔥濃郁又唔口渴💕麵條仲係用日本麵粉新鮮做架💯性價比高呀🥳🍜蝦紅湯拉麵 $108🌈呢度嘅湯底真係無得彈呀❤️佢哋用咗好多唔同種類嘅蝦去熬架😍龍蝦🦞虎蝦🦐阿根廷紅蝦🦐日本櫻花蝦等🦐又焗又炒多重工序🔥日日都新鮮做☀️加埋自家製嘅蝦油醬😋令個湯底更加鮮蝦甜呢🥰值得一讚係呢碗蝦紅湯拉麵入面有幾隻蝦🦐佢上枱嗰陣d蝦中間有蝦肉嘅部份已經剝咗殼❤️啖啖肉又唔會整污糟對手👍好細心呢🥳🦐虎蝦乾海味炊飯配蝦紅湯 $108🌈佢地呢個炊飯係用我哋最喜歡嘅北海道🇯🇵所以米嘅口感係特別鬆軟同埋味道香甜❤️入面仲有乾貝、日本花菇同埋虎蝦乾🦐粒粒飯都索晒鮮味嘅蝦紅湯✅加埋慢煮雞胸肉、櫻花蝦同埋糖心蛋😍正到暈呀🥳🥟自家製阿根廷紅蝦雞肉餃子 $48🌈第一以食蝦雞肉餃子❤️賣相一流📸仲好爽口✅呢個小食好推介呀🥳🍲雞湯浸豆苗 $20🌈估唔到呢度會有咁新鮮嘅雞湯浸豆苗☘️豆苗好嫰口👍索埋啲鷄湯勁正呀🥳

寶琳開咗間拉麵店🍜，主打蝦湯底。餐廳以QR code落單，夠方便。拉麵湯底係自家製，毫無味精，所以飲晒湯底都唔覺得口渴。而佢哋嘅拉麵係用日本麵粉喺香港新鮮製的，賣相同岀面嘅拉麵有啲唔同，會見到一點點嘅小麥粉，而口感偏腍。蝦紅湯拉麵（$108）鐘意濃蝦湯嘅朋友一定會超愛呢碗拉麵😍蝦味非常濃郁，仲有四住隻紅蝦🦐配埋夾口嘅木耳絲同溏心蛋好美味。澳洲頂級肉眼醬油牛骨清湯拉麵（$98）推介呢碗拉麵俾鐘意無咁濃味嘅朋友。牛骨湯底好清甜，係會入得晒🤣 肉眼份量一啲都唔吝嗇，有四大片咁多，而且牛味十足，及一啲韌感都無。仲有佢個白蘿蔔索晒牛骨清湯，所以非常入味。阿根廷紅蝦雞肉餃子（$48）呢個必叫！🔥 除咗賣相吸引，仲好好味喎。即叫即煎，個底好脆口。入面有好大隻又彈牙嘅蝦肉，同埋雞肉碎，口感一流！慢煮雞胸（$28）原來係薄切雞胸肉，肉質嫩滑。估唔到個雞白湯咁濃郁，等我下次試下佢哋嘅雞白湯拉麵先～

見到喺將軍澳開咗間新嘅拉麵舖頭，蝦湯同埋雞湯為主打產品，離遠已經聞到蝦嘅味道呢到平日就有lunch set，今日假期就要散叫，價錢都合理，大眾化👍🧡蝦紅湯 拉麵 $108橙色嘅湯底，原來係以多種不同種類既🦐蝦熬製嘅，包括：龍蝦、虎蝦、阿根廷紅蝦、日本櫻花蝦等，經過焗、炒、煮、熬多重工序，配上自家秘制蝦油醬，味道好細緻、層次豐富，濃而不濁，亦唔覺得鹹🫶🏼拉麵有偏幼身，一隻匙羹剛剛好可以有適當嘅湯加適當嘅拉麵份量～好滿足～ 配料係有紫菜、木耳、新鮮嘅蝦、同埋糖心蛋🐣🥚啲蝦已經剝咗半邊，食用方便另一個我地就叫咗虎蝦乾海味炊飯 配雞湯💛呢個係以日本北海道既米，加入乾貝、日本花菇、虎蝦乾，每一粒飯都吸收左海鮮既鮮味，口感鬆軟、味道香甜，啖啖都好有咬口～ 再配合埋慢煮雞胸肉、櫻花蝦、糖心蛋、紫菜，都可以同啲雞湯一齊食變便湯飯🍜🥣雞湯好香，亦好順滑，飲得好舒服跟住我哋嗌咗兩個小食🖤花雕酒漬 新鮮鮑魚，冰凍鮑魚好彈牙，有花雕酒嘅味道👅 幾特別🖤自家制阿根延紅蝦雞肉餃子🥟好大隻，隻隻都有Juicy嘅雞肉 🍗仲有蝦～配埋啲XO醬辣醬，鮮味更加提升

假期 支持留港消費都特登等lunch hour後先去食平時路過都唔覺特別多人手2pm落單 想食招牌蝦拉麵 重叫咗小食可惜等咗40分鐘 都未出到食物催又催過最後無心機等落去見佢客人唔算多 廚師有三個連小食都出唔到無論食物質素有幾好 街坊小店我又唔係食法國餐🫠15-20分鐘等待時間我接受的40分鐘小過份

我本身真係想食蝦湯底，但見到$98 有兩塊和牛再加白蘿蔔和紫菜的配搭，就轉軚。我食完感覺牛湯底都唔輸蝕，牛骨味濃郁、但因為有蘿蔔配搭，就可以清一清～原條本身就冇得揀軟硬度，但都算係比較煙靭的口感。玉子是正常發揮嘅。而兩塊牛肉都真係幾大，因為平時煎完牛肉通常都會縮水，但餐廳用火槍燒，可能因為咁就避免左。而且肉汁無流牛好多，牛味鮮味都有。我另外加咗$28 叫左個雞湯浸菜苗，但份量就真是小食 size lol ～ 但好味嘅我發覺其實最近嘅出口應該係B2 入去新都城廣場一期。網站上面寫A1 有待update

廣島蠔x鮮蜆鮮魚蠔湯拉麵 ：𧐢肉肥美嫩滑 鮮蜆新鮮清甜 加上湯底濃郁 和 拉麵彈牙 鍾意食海鮮的人呢款拉麵首選醬油牛骨清湯拉麵（澳洲prime牛肉） 湯底清甜 拉麵同樣都十分分彈牙 牛肉新鮮嫩滑 仲有口感軟身嘅冬菇 非常搭配 如果鍾意冇咁濃味嘅朋友可以選擇呢款拉麵 另外加配咗 慢煮雞胸肉 同一般雞胸肉唔同唔會又乾又柴 相反係非常之嫩滑 入口即溶 加上個濃郁嘅湯汁唔會淡而無味自家製阿根廷紅蝦雞肉餃子首先隻蝦非常新鮮 鮮甜毫無腥味 雞肉又彈牙又惹味 餃子皮薄身 個底亦都十分香脆 整體無論味道定口感都十分有層次感 小食必選

紅蝦湯拉麵（$108）首先要讚一讚嘅係個湯底超級濃郁，勁有蝦嘅鮮香味，飲得出唔係味精調出嚟的。仲有四隻大大嘅紅蝦，佢係幫你剝埋殼㗎😋拉麵非常掛湯，而且面質都比較彈牙!! ⋆ᶿ̵᷄ ˒̼ ᶿ̵᷅⋆美國和牛肩胛肉眼醬油牛骨清湯拉麵（$98）個牛肉油脂感非常足夠👍🏻湯底屬於比較清嘅，但係都有好重嘅牛肉香味ॱଳ͘ 讚讚。黑松露乳龍蝦（$48）刺身蝦肉配埋黑松露醬，入口即溶🥺🤍呢個好好食，推薦!!花雕酒漬新鮮鮑魚（$32）呢款花雕酒味唔係好出，好適合我呢啲初嘗花雕酒又接受唔到太濃味嘅朋友們😹同埋個口感都好彈牙，又唔會咬唔爛，呢款都推薦!!整體而言，呢間拉麵舖頭坐位好闊落，而且職員好好服務態度，成日都會行過嚟收嘢同埋幫手斟水👍🏻食物方面，如果二人同行，可以嗌唔同嘅湯底，交換嚟食🤤我諗應該係新舖嘅關係，我哋平日夜晚去食都唔太多人，唔使排隊，如果行過可以入去試吓😛

寶琳拉麵小店🍜日式木系裝修，成個環境舒服，企係門口已經聽到極香拉麵香😋🦐🥟蝦紅湯拉麵一上枱已經忍唔住飲左幾啖，湯底用上多種蝦，龍蝦，虎蝦，阿根廷紅蝦，日本櫻花蝦等，真係超濃郁😲每一條麵都掛滿曬蝦汁🥹不得了餐廳好細心，鮮海蝦幫你去殼，食起上嚟好方便，蝦頭仲有大量膏😋好爽口，除咗豐富嘅湯底，配料一啲唔馬虎，配上木耳絲，櫻花蝦，鐘意食蝦嘅一定要試🦪🍜鯛魚 x 牡蠣湯拉麵睇menu 個陣，俾張相吸引住🤤好特別嘅配搭🥰好大隻廣島蠔，煙燻豬腩肉，三文魚籽，柚子醬，超多野🤭筷子都唔知夾邊度好，個湯底好正🥹濃濃鯛魚香，勁快清曬😋🍶花雕酒漬 新鮮鮑魚好大隻鮑魚，淡淡酒香，切片，爽口彈牙，超新鮮🥟自家製阿根廷紅蝦雞肉餃子 （3隻）即叫即整，估唔到雞肉同蝦好夾，啖啖鮮甜，3隻唔夠食🤭

📍寶琳 蝦魂最近食拉麵嘅選擇都多咗好多，今日就去左寶琳新開叫做「蝦魂」嘅拉麵店，見到佢哋嘅招牌拉麵係利用濃厚蝦湯製成嘅拉麵。佢嘅餐廳位置非常方便，係位於寶琳站新都城一期，落咗車步行唔使1分鐘就到。蝦紅湯拉麵 $108佢呢個湯底係用蝦殼打碎而成，係運用咗紅蝦、虎蝦、阿根廷紅蝦等嘅種類而成，味道非常之濃厚，好似飲龍蝦湯咁樣。而佢嘅面質都非常有質感，加上櫻花蝦一齊食用，非常有層次。美國和牛肩胛肉眼醬油牛骨清湯拉麵 $98佢呢一個湯底比較清淡，係採用清湯加上醬油而成，而去嘅牛肉份量非常之多，鋪滿咗成個拉麵，而佢嘅肉質非常嫩滑，仲要好有牛味，加上菇嘅質感同埋佢特別嘅麵條，成個組合都非常之啱🥹。阿根廷紅蝦雞肉餃子 $48呢一個餃子配搭非常特別，每一舊都會有一隻蝦加上雞肉肉，而食上嚟都好match。另外配上店員提供嘅醬汁，酸酸咁非常之開胃。

以木系簡約風作裝演，半開放式的門面，感覺舒適～ 除咗主打嘅蝦湯拉麵，亦有其他湯底拉麵～✮蝦紅湯拉麵 $108湯底用咗龍蝦、虎蝦、阿根廷紅蝦、日本櫻花蝦，經過多重工序，每日新鮮熬煮4小時，加上秘制蝦油醬，湯頭非常香濃、鮮甜😍配上自家製新鮮麵條及蝦，蝦已脫殼，方便食用，彈牙鮮甜！拉麵軟硬適中，好掛湯😋✮美國和牛肩胛肉眼醬油牛骨清湯拉麵 $98牛肉拉麵好少食，咁就試下啦～ 表面鋪滿和牛肩胛肉，配上醬油牛骨清湯、秀珍菇、白蘿蔔及半熟溏心蛋，牛肉軟嫩有牛味，喜歡清清地嘅可以試下～✮自家制阿根廷紅蝦雞肉餃子 $48好大隻餃子，入面有原隻阿根廷紅蝦及雞肉，面頭仲櫻花蝦，食落口感好豐富！✮雞湯浸蘿蔔 $28拉麵店有蘿蔔，真係幾特別😝蘿蔔軟淋，吸收曬雞湯的精華，表面仲有瑤柱絲，好甜😋