蜜雪冰城

營業中

休息中

同朋友行街，街尾見到雪王，當然要買黎試下啦! 小編叫左杯野飲😌透明杯身 + 鮮紅草莓果肉+ 啵啵珠✅ 真· 士多啤梨果肉🍓（仲要食到水果籽，誠意加分！）✅ 多啵啵珠💦（咬極都有，爽！）💥 口感大爆發身為咬嘢星人開心！啵啵珠脆口會咬破瞬間爆汁💦

旺角分店位於銀行中心地下，延續蜜雪冰城一貫親民路線，人均$20以下歎足一杯！招牌芝士奶蓋四季春茶香清爽，奶蓋濃稠帶微鹹，性價比高過不少連鎖店；芋圓奶茶料多飽足，但甜度稍高，建議半糖更順口。$5杯香芋味雪糕價錢十分吸引，眼見好多內地客經過都會幫襯，可能比較有親切感😅店面裝潢以亮白×桃粉為主調，霓虹燈管字句好搶眼，尖峰時段人龍長，出餐速度尚算快，適合想解渴又不想破費的學生黨。整體而言，味道未達驚艷級別，但以銅板價來說絕對合格，路過必買！

夜晚喺旺角鋸完扒，本來想食糖水，但係因為糖水店排滿人，所以放棄。粗粗地在蜜雪冰城買了杯楊枝甘露頂癮。之前在蜜雪冰城食過一次雪糕覺得質素10分不錯，所以並沒有人哋講咁差。今次就來試一下這杯楊枝甘露。價錢不貴，但比起食一碗糖水的楊枝甘露一定平好多。大大一杯飲落都幾OK ，入邊有啲煙煙韌韌西米、椰果、仲有芒果。口感其實幾豐富。雖然芒果味道淡咗啲，但係以呢個價錢、呢個份量嚟講，我收貨了。拎住杯茶飲行旺角，先係香港特色！

滿杯百香果，少冰，正常糖已經係第二次飲，珍珠好煙韌份量都好多，百香果茶依然好香有好多果粒，重點係價錢真係好合理，欣賞佢俾埋耶果$19 雪王雪顶咖啡，少冰，正常糖第一次飲又OK喎，啲Espresso唔苦，但係唔會飲到好似落咗好多糖嘅咖啡，個雪糕球就唔係好好飲到，但係眼見份量都好多。外賣佢會俾咗兩個冰袋你。楊枝甘露，少冰，正常糖第二次飲依然咁好飲，嗰啲丸子好大粒

知道開咗好耐喇一直未嘗試過今日喺附近行街啱好試下!!舖頭裝修同內地都一樣，整好即拎取貨真係超快!!🍋🍋點咗杯招牌檸檬水少糖去冰飲落清甜又解渴，就算係少冰都係滿杯嘅，而且價錢超抵，真係好推介啊!!🥳🥳

喺國內食過覺得都唔錯.但可惜真係好多人排隊.所以都唔會成日食原來喺旺角開咗分店🙌🏻見到唔算好多人就排隊買咗杯雪糕食.估唔到只係港幣$13同國內嘅價錢差唔多.但係喺香港真係好難得.我見到飲品都係唔使$20真係好平所以都見到好多年輕人學生幫襯.等咗5分鐘左右就攞得雪糕都好食好大杯.真係平靚正👍🏻下次要去試買飲品.門口仲有得QR code.可以預早落單唔使喺門口等好方便🤪

啱啱開舖仲好Hit嗰段時間飲都仲係正正常常唔算難飲，今日我去買嘅時候就發現奶茶淡咗不特止，咁其實你本來都係科技奶茶就冇必要偷工減料啦。棒打鮮橙變咗棒打橙水，杯嘢水嘅比例仲多過茶，你啲茶其實又唔係濃，你地係咪咁唔捨得放糖同埋茶呢？想打電話去門店反映都冇人聽電話。店員態度一般，兩杯嘢飲等成半個鐘，嗌單number係用普通話，menu半繁半簡冇啲誠意。好難做到回頭客，雪糕明顯係奶精勾兌 不過佢平就放過佢。

蜜雪冰城新登陸香港！店名：蜜雪冰城地點：旺角彌敦道菜式：多款茶飲，雪糕新鮮冰淇淋 $5新鮮冰淇淋係雲呢拿味，好滑，味道都幾好。個窩夫脆筒有黑芝麻粒，夠脆而味道都唔錯，好香。呢個價錢頂爛市！不過都溶得好快，要快快食，分量都唔少！希望遲d可以有其他口味。新開張見到呢度產品價錢係大陸賣既數字，不過變左做港紙，真係頂爛市。絕對可以一試！#旺角雪糕#抵食#蜜雪冰城#新鮮冰淇淋#軟雪糕#又滑又香#大陸品牌#可以一試#頂爛市

係旺角銀行中心，旺角站E2出口。有間新上巿蜜雪冰城。買咗杯士多啤梨味既軟雪糕。都只不過係$13。只需等約3分鐘就造好。杯軟雪糕，好軟好好味。好重士多啤梨味。最特別係旁邊有 Busking。邊食雪糕，邊聽音樂。好正。

✨新鮮冰淇淋🍦（$5）我本身以為呢個雪糕係順滑質地，原來唔係，係冰粒感🧊。當日天氣15度 所以雪糕冇明顯嘅溶化❄️🌧️味道上，雪糕嘅奶味好似奶精味，食耐咗又覺得越食越淡🤔❓而白芝麻雪糕筒都幾長😂，脆身+薄身。

見開咗一排都咁多人買，大陸又開咗咁多分店，就諗住試下。我見附近都有人食佢個雪糕，就買咗草莓味雪王大聖代，咁我不嬲都唔會打卡，唔影相就咁食，本身都冇諗住寫食評，但食完之後覺得唔寫對唔住自己。佢個草莓味雪王大聖代就好似m記嘅士多啤梨新地，都係士多啤梨醬+雪糕，但就大杯過m記，蜜雪冰城嘅士多啤梨醬比m記嘅冇咁甜，味道好過m記少少，但蜜雪冰城個雪糕係冇咩味，我好努力好認真咁品嘗，先食到少少牛奶味，連甜味都唔多，我大為震驚，但因為我知蜜雪冰城除咗雪糕之外，仲主打飲品，心諗可能只係雪糕垃圾，所以決定俾多次機會佢，試埋個飲品，就買咗都幾多人買嘅蜜桃四季春(正常糖同冰)，我未飲之前諗住會有蜜桃味嘅糖漿，同埋見個底有啲桃肉粒同椰果，所以頭個幾啖枝飲管唔插到落底，只飲佢個茶底，飲落去冇茶香，茶味極淡，只係飲得出自己係飲緊茶，仲諗住會有蜜桃味糖漿係底，就將枝飲管插到落底諗住試下個糖漿，飲到啲椰果+桃肉粒+茶，椰果正常，桃肉粒雖然有啲桃味但係明顯浸過糖水，死甜，啲茶係0桃味0甜味，成杯野竟然連蜜桃味糖漿都冇，椰果同桃肉粒又少，雖然唔係話難飲到唔入得口，但同樣價錢係7仔求其買枝樽裝野飲都好飲過佢，完全係垃圾。

很少光顧這類茶飲店，因動輒要二、三十蚊蠻貴的。見這間茶店新開張很多人光顧便了解一下，他們的款式不算多，但價錢大部份都在$20以下，就試一下。叫了百香果加西柚肉粒，一大杯$15加$2西柚肉價錢合理，味道正常，性價比OK。店舖細細，人手不算多，出餐也不是很慢，可能當天人流不算太多，等了分零鐘便有了。小店經營薄利多銷，若多加人手，飲品就不是這個價錢了。當然相比起在國內的茶飲店，同樣的價錢已經有一杯很好喝的果茶了，始終人工鋪租都有很大的差別，就不能相比了。

蜜雪冰城終於喺香港開咗首店，呢間小店以手搖飲品主打，其次有出名嘅雪糕，國內嘅蜜雪冰城有好多分店，價錢都超平，好耐之前飲過珍珠奶茶$3人仔😱，事後冇肚痾嘅😂，呢間新店開張排晒長龍，係打晒蛇餅，我諗條隊要排一至兩個鐘，今次見到就冇咁多人，喺我前面大約有七至八個排緊，見唔使等好耐就試吓買嚟飲，見到呢度普通嘅🍹珍珠奶茶要$16，比國內貴好多，不過以香港嚟計算超抵，依家閑閑地手搖店一杯普通嘅珍珠奶茶都要20幾蚊，但係$16嘅珍珠奶茶性價比又高唔高呢😌我嗰日大概五點去買，其實成個流程都唔使等太耐，由買到等攞都唔使三個字，去到嗌嘢飲嘅時候，職員嘅廣東話唔係十分流利，所以有啲聽唔明，本身想飲係🍹滿杯百香果，裏面有百香果粒，茶底同埋珍珠，但係佢話冇珍珠，椰果都冇，5點就好多嘢都沽清😩，可能佢哋啲珍珠煮唔切？最後我叫咗杯🍹芋圓葡萄 $17 :點講好…..佢唔係難飲嘅，本身都好驚佢個提子味會似藥水，但飲耐係似巨峰提子嘅味，不過超淡😩，其實睇落去有粒粒果肉嘅係小丸子，唔係芋圓，食落都係小丸子嘅味道，可能佢哋叫法唔同？裏面除咗小丸子之外，仲有脆波波，本身係椰果，因為沽清所以就轉左脆波波，口感似寒天，比較爽，總括

旺角超級平價連鎖茶飲 全球有近32000間分店 最平飲品只係$9 之前開店嘅時候要排成個鐘隊 見到又唔少數十萬follow 好多小朋友睇嘅YouTuber話佢伏 今次又去試試.（‼️如果想緊貼最新資訊 唔好諗 即刻follow先啦）.今次夜晚去到 都仲係好多人排隊 大概等咗15分鐘先試試最平嗰杯⭐️冰鮮檸檬水$9👌🏻份量大杯 飲落酸味明顯 普通檸檬糖水一杯 抵飲.⭐️草莓啵啵$19好明顯係草莓果肉糖漿 加水製作所以佢哋出餐快 每間分店飲到嘅味道都係一樣‼️記住俾啲心機攪勻佢 如果唔係個底好甜👌🏻果肉粒粒明顯 每啖都會飲到水晶波波粒但如果你問我質素點 我會認為對得住價錢佢哋定位夾左係 平價超市飲品 同手搖飲品中間所以定位對得住佢哋價錢 路過口痕可以試試.後續講多少少如果唔睇價錢 淨睇質素 鮮果 當然會比糖漿好仲有見到好多所謂KOL 講到好誇大 見到奶精 添加劑就係伏個人幾唔鍾意為咗吸睛 而誇大嘅行為我會認為 最重要係時間 劑量 次數如果唔係 成個超市所有加工食品你都洗食.#hkfunfoodrecord窮遊香港#hkfunfoodrecord_旺角.#蜜雪冰城 (旺角)地址：旺角彌敦道636號

咁就話我去旺角行街嗰陣，去咗旺中，腦海突然想起有一間叫「蜜雪冰城」的店，新聞都話間鋪啲嘢好平，就過咗去食。❤   間鋪啲人龍都有10幾個人，間鋪係有餐牌但好細，睇完張餐牌，嗌咗佢最受歡迎的食品---新鮮雪糕，嗌完要等大約8-10分鐘，因為間鋪得兩三個人手，出餐速度麻麻，平均每分鐘出杯飲品，講返正題，當杯雪糕俾到我手的時候，咦?個雪糕好大^_^，一試有一大陣牛奶味😎，一試已經勁過M記，佢用的筒係芝麻脆筒嚟嘅，之後我想再嗌多一杯但懶得等了。  總結：好味+扺食!